雅閑泰

營業中

休息中

潮濕悶熱既夏天最適合去食東南亞菜，今次入元朗就去左試非常有特色既【雅閑泰】。裝修環境都好有泰國特色，非常傳統既感覺。泰式燒雞：用咗唔同香料烹煮,好有泰式風味。酸甜味並重,佢嘅味道好突出,刺激味蕾。加左辣椒、為雞肉帶來微辣口感、增添層次感。肉質鮮嫩多汁。泰式椒鹽排骨伴流心蛋（需提前一天前預訂）：表面撒咗鹽同胡椒等調味料、鹹香微辣、口感豐富。經過油炸、外脆內嫩，肉質鮮嫩多汁。配合新鮮青蔥、香菜同炸紅葱頭，為呢道菜帶來清新怡人嘅感覺。流心蛋煮得岩岩好，蛋黃非常creamy。泰式串燒：用炭火烤制、為肉類帶來獨特嘅煙燻香氣。不僅鮮嫩多汁，而且入口即化。花生沙爹醬汁令呢道菜層次感倍增。

朋友知我中意食泰國野，所以趁放假帶左我去錦田紅磚屋旁邊既雅閑泰試下啦。間餐廳好方便，只需要搭西鐵係錦上路站落車行一陣就到，而且仲可以順便行下附近既跳虱市場。裝修方面餐廳好闊落，係一間充滿泰式風情既獨立屋，而且仲有個小花園添，感覺真係好Chill。野食方面份量都幾大，味道亦都相當唔錯，以下係特別推介:🌟 明爐鮮魷有超級多鮮魷 粉絲等，鮮魷新鮮肥美口感嫩滑而且配酸酸地既青檸加泰式醬, 泰式香料充分滲透落鮮魷同粉絲度真係好好食同非常開胃，必點!🌟 黃咖喱牛筋腩黃咖喱唔係太辣，充滿椰香味，味道濃郁，大人細路都岩食。牛筋腩肉質軟嫩，另外咖喱入面既配料都唔小喎，有好多薯仔同蔬菜，有驚喜!

雅閑泰 Elegant Thai📍元朗錦上路祠堂村10號舖朋友推薦這家雅閑泰位於錦田的泰菜餐廳，在錦上路港鐵站附近，行幾分鐘就到，門口有巴士可以前往大埔等地，非常方便。餐廳的環境非常優雅舒適，座位安排很寬敞，裝潢充滿東南亞風情，留意到餐廳的廁所非常寬敞整潔，可見店家用心經營及對於細節的重視。菜品全部由泰國師傅主理，非常地道。我們點嘗了幾道經典泰菜，包括柚子鮑魚蟶子沙律、泰式併盤、南瓜黃咖哩海鮮配蒜蓉飽，以及珍多冰、泰奶紅荳冰。鮑魚蟶子柚子沙律以新鮮柚子肉和鮑魚、蟶子、蝦肉為主要材料，柚子的清香酸甜與海鮮的鮮甜被完美融合，配搭泰式調味料的微辣提味，令整道菜口感層次豐富。特別欣賞中間朵蕃茄花，切得好靚之餘，伴以自家制陳皮粉，真係好好味，連本身唔食蕃茄既友人，都一口接一口，成朵花食哂。泰式併盤，包括泰式魚餅、蝦餅、春卷及香葉包雞，每款都有不同的口味和質地，酸甜辣咸並存，口感層次豐富。南瓜黃咖哩海鮮，咖哩的濃郁香氣瀰漫在整道菜中，店家採用口感較粉，味道較甜既日本南瓜，盅內裝滿新鮮爽口大蝦，鮮魷，青口等材料，與濃郁醇厚的咖哩醬汁完美結合。搭配的蒜蓉飽外層酥脆，蒜香味濃郁點咖哩汁同食，十分好味。

今次去食一間好隱世嘅泰國菜餐廳，雖然位於比較偏僻嘅錦田，不過喺錦上路站行5分鐘就到，交通都算方便餐廳外圍好有泰式感覺，入面掛左好多書法，感覺幾悠閑。餐廳都好大，亦都有唔少大枱，好啱約一大班人食飯。以為位置偏僻一定選擇少啲，打開餐牌發現有好多選擇，泰式餸菜都好齊全，好易有選擇困難症。🇹🇭生蝦刺身，（4隻）以為只係普通size，冇諗過生蝦肉非常大隻同厚肉，肉質亦都好結實彈牙，食一隻等於食咗兩隻！生蝦嘅醬汁酸酸辣辣都好開胃👍🏻🇹🇭燒豬頸肉燒豬頸肉嘅份量好多，有接近20幾塊，燒得好香好爽口，亦都唔會有肥膩感，蘸埋醬汁好好食！🇹🇭黃金龍蝦重頭戲嚟啦，就係龍蝦！仲要加邪惡鹹蛋黃醬！隻龍蝦比想像中大隻，上枱嘅時候已經嘩一聲，肉質爽彈，配埋鹹蛋黃醬好惹味！另外再叫咗個香蔥薄餅蘸埋啲醬，邪惡到不得了🤤🇹🇭馬拉盞炒通菜鑊氣好夠，個醬惹味得嚟又唔會過鹹過辣，非常出色👍🏻🇹🇭青檸梳打、椰汁紅豆冰天氣熱，飲返兩杯非常消暑！椰汁紅豆冰d紅豆幾好食！最後老闆娘仲送左兩件泰式糕比我地試，一件芒果，一件柯華田，芒果味道好濃好天然，柯華田都好正，如果唔係太飽都想試埋芒果糯米飯🤤今次食得好滿足，服務好好，下次叫多幾個朋友一

入錦田搵嘢食，想食泰國菜，朋友介紹話有間好食嘅泰國餐廳「雅閑泰」，就揸車去試一試！老闆娘服務態度好到不得了！龍蝦份量足，蟶子鮑魚、泰式沙律好味，泊車方便，入錦田必試！

頭盤點了生蝦大大隻十分鮮甜，鮑魚蟶子柚子沙律這道菜的口味對我們來說十分驚喜，鮑魚大隻爽滑入味，蟶子爽口無沙。柚子酸酸甜甜多汁，是絕妙的配搭。然後點了黃金龍蝦配金磚蒜蓉包，龍蝦很新鮮，龍蝦熟得剛剛好也不會被鹹蛋黃搶了風頭，吃完龍蝦後把蒜蓉包外脆內軟沾上鹹蛋黃超好食十分惹味。蠔仔煎蛋，蠔仔大大隻蛋香濃郁，配上甜酸醬，媽媽很喜歡。最後的甜品是芒果糯米飯"生日蛋糕", 雙色糯米飯軟軟熟熟暖笠笠，還為媽媽配上祝福字牌，食物完美，服務招呼周到，是現在比較難能可見的餐廳。

想在錦上路站找吃午餐的地方,先經過盈匯坊一間賣滷肉的小店,女店長或是女板在大聲呼喝顧客,他們都是地盤工人,想吃餐,要等一段時間,冇得急.這環境,不適合和朋友傾計.行多幾分鐘,到達錦田紅磚屋,見到一間幾特別既餐廳,餐單是泰國菜,推門入內,不似食泰國菜既佈置,但有種鄉村餐廳格局,有中文題字,有燈飾,很多年前款式的水吧,寬敞椅桌.泰式奶茶和咖啡,似用合成產品,沖的.泰式船河,湯味道比在泰國地道的,為淡,椰味多了.冬蔭公豬肉湯河,椰汁過多,很輕的辣,味道只是一般般.

嚟到山旮旯地方又唔知食咩，喺同事極力推薦下試吓呢間餐廳🇹🇭🔸泰式蝦餅煎蛋配飯🔸蝦餅係即叫即炸，所以上菜時間有啲耐。老闆娘不時走過來講「唔好意思，要等多陣」，服務唔錯。✅蝦餅四塊，都算多，味道唔錯，又夠熱。✅太陽蛋正常發揮，有蛋汁撈飯，略嫌一隻蛋唔夠🤭✅個飯略嫌比較乾身，只靠蛋汁撈飯唔夠，如果有醬汁配埋會更加好！呢間泰國菜都有特色菜式想試，見到隔籬枱食緊冬陰功泡飯都幾正，如有機會會再試！😌

一坐抵老闆娘就推介招牌燒鱔同燒雞翼，推介喎梗係要試吓啦，但燒嘅食物唔知點解唔香嘅，啲鱔多骨到冇心機食，雞翼內外都冇味🥲我地仲叫咗黃咖哩牛筋腩，蒜蓉包，炒金邊粉同埋馬拉盞通菜。金邊粉正常發揮，通菜好食，咖哩好稀又唔香，蒜蓉包又唔脆唔香口，除咗個通菜好食其他全部唔掂由於食完兩碟店主推介嘅餸真係堅失望，所以之後嘅菜已經完全唔想影相啦

雅閑泰的菜單提供了多種泰式美食選擇，如綠咖喱雞、泰式涼拌生菜和炒金邊粉等。我點了他們的招牌菜，泰式椰漿燴海鮮湯和香脆炸蝦，並加點了一份泰式涼拌豬肉絲作為主食。泰式椰漿燴海鮮湯。這道湯的湯底使用了新鮮的椰漿，賦予了湯品濃郁的椰香。湯中的海鮮選材新鮮，包括蝦、魚和蚌等。湯的口感濃稠，鮮美的海鮮和椰漿的結合使得這道湯鮮香可口。接下來，讓我評價一下香脆炸蝦。這道菜的蝦炸得金黃酥脆，外皮酥脆的同時內部的蝦肉仍然保持了鮮嫩的口感。菜品搭配了特製的泰式甜辣醬，增添了一份獨特的風味。這道香脆炸蝦非常適合作為開胃菜或者配菜。主食的泰式涼拌豬肉絲也非常不錯。豬肉絲切得薄而嫩滑，配料中加入了泰式酸辣醬和香菜等，為這道菜增添了豐富的口感。這道涼拌豬肉絲非常開胃，適合搭配米飯或者作為一道涼拌菜。

喺錦上路嗰度行市集，行到身水身汗，就諗住去間泰國餐廳食過飯，唞吓暑。裝修都幾有泰式風格，木色既裝修，廁所仲好大好靚添☺️☺️。泰式炒金邊粉配凍奶茶 4/5唔會過分酸，辣度少少，佢啱啱炒起好有鑊氣，配料有鮮蝦同埋花生洋蔥，如果唔係我都有機會食得晒。無骨豬手飯 4/5好細心咁起晒啲骨，將手肌肉炒起再兜起加上洋蔥三色椒類似豉椒汁勾芡，豬手肉都香口有咬口👍🏻。地點:錦上路紅磚屋附近，佢附近仲有壁畫村，可以去影吓相打吓卡。環境:好欣賞廁所幾大好闊落，入邊裝修係泰式嘅風格，出邊嘅露天座位可以歡迎寵物🐶🐱。價錢:星期日嘅關係要加一，都係60幾蚊70幾蚊一個人。服務:廚師係泰國籍嘅華裔人士，相信嗰個手法一定好正宗。

提早慶祝母親節, 網上搜尋錦上路的食肆, 找到這間看來不錯, 又很有特色香芒鮮鱸魚 $258鱸魚外皮炸得非常酥脆，內部則非常嫩滑，沒有一點腥味，搭配了新鮮的芒果和其他新鮮食材，芒果的甜味和醬汁的酸味提供了另一種層次的美味，令人回味無窮蠔仔蛋 $132非常好吃，飽滿大大隻的鮮蠔，絕對不能稱為蠔仔，蛋味香濃，簡直是絕配雅閑泰海南雞全隻 $258不容錯過的招牌菜，雞肉鮮嫩美味蒜蓉椰菜苗 $86 及 泰式西蘭花 $75都是清爽的蔬菜佳餚，口感清脆鮮美。原個菠蘿海鮮炒飯 $129必試之選，賣相很好，炒飯中加入了各種海鮮，包括蝦、墨魚等，味道多層次，非常美味。還有腰果等作伴碟熱奶茶 $20爸爸喜歡喝奶茶，於是試試泰式奶茶，還要求要十分熱的，上桌時真的仍在冒煙呢椰米糕及其他糕點 $57不容錯過的甜品。有椰汁西米糕、紅豆糕等，甜而不膩，口感細膩就算不吃辣的, 這裡都能滿足你的需求。餐廳的環境也非常舒適。裝修優雅, 帶有泰國風味, 與店舖名字很切合, 洗手間還大得緊要呢, 像進入了一間古堡大屋的其中一間洗手間, 裏面有櫃有梳化椅！不過最奇怪明明在Open Rice表明有Open Rice Pay, 但就

之前未過，見到好多食評都讚，所以同一班朋友去試吓環境都幾舒服，有特色，特別係個洗手間，算係大，裝修幾特別食物方面，叫咗馬拉盞椰菜苗，呢個菜我哋覺得幾好食，材料同配料都恰到好處，呢個係整餐最好食嘅一道餸叫咗一隻海南雞，係完全無味，好彩有碟醬汁，我食咗一件已經吾人想食泰式拼盤我食咗一件蝦餅，蝦餅吾彈牙，鬆散，拼盤內其他已經無再試串燒我吔叫咗半打豬半打牛，佢淋左啲我估係椰汁之類嘅汁響上面，黃黃白白色，再俾一碟沙律汁你，上次黃色嘅汁一啲都唔夾個串燒，好似椰汁味，另外碟沙嗲汁唔夠沙嗲味，我食咗一串我估係牛，食落去第一啖有啲怪怪味，啲肉好似壞咗，再望到啲肉，好吾新鮮，好似入貨雪咗好耐，我哋全部人都覺得串燒非常難食柚子沙律內嘅柚子係肥肥飽滿，不過整體嘅汁味道吾酸吾辣，一啲都吾似外面泰國舖嘅汁味道，吾會令人有開胃感覺蒜蓉包叫做另外一個好食嘅食物，我哋叫咗一個黃咖喱豬同蒜蓉包一齊食，個咖哩又水，又少咖哩味，配料又少，真係吾湯吾水整體上佢差唔多全部食物都差，唔啱我哋嘅口味，一班朋友都話冇下次冇下次計時原因，除咗食物之外，老闆娘同啲夥計都係另外一個因素，做野黑口黑面，服務態度極差，呢間餐廳以前都成日會經過，

成日經過門口打卡，覺得冇乜人食，但原來裏邊有好多位。打開中間道古董門，入邊超熱鬧好多人。我同朋友叫咗個泰式雞炒金邊粉同海南雞飯，叫咗熱同凍各一杯泰式奶茶。海南雞肉質好滑，有少少生不過可接受；雞嘅醬汁有少少辣好惹味。泰式炒金邊粉好有鑊氣，唔會太肥膩，炒的乾身幾好。份量啱啱好。泰式奶茶唔會太甜，好香，熱嘅竟然唔使加錢。下次會試吓龍眼冰。食完會附送兩個小甜品，椰汁布甸同埋爽口椰汁糕，好好食啊唔會甜。佢個門口好泰式，可以影好多相，店員都好好服務，個廁所都好乾淨，今次體驗絕對有驚喜！

從來對泰菜冇乜特別喜好，不過今次真心驚喜。約咗人去錦田玩煮茶，打算順便食埋晚飯，所以早一天上網揾下有乜好食，見呢間啲嘢好似幾靚，就即管訂位試下。五點十去到，一位疑似老闆娘的女士就熱情地招呼我哋，話六點才正式開門落單，叫我哋睇下食乜先。最搞笑係，因為早咗未夠鐘，未叫得嘢食，老闆娘就向我哋推介她們那裝修精美的洗手間，搞到我哋忍唔住輪住入去參觀下，不過又真係又大又靚（洗手間費事影相），大家有機會去參觀下！到了六點，終於可以叫嘢食，由於訂位時預留了生蝦和鮑魚蟶子沙律，所以隨便揀了一些大路的小菜。首先上的是老闆娘推薦的飲品：椰青：非常清甜解喝，而且內裡的肉很軟，很易就起了出來吃，據老闆娘說是真的泰國椰青珍多冰：聽聞是店內最受歡迎飲品，不過我冇試，朋友說不會很甜，幾好飲青檸梳打不過不失，不愛甜的可選這個泰式生蝦 （要預定）強烈推薦，一定要試，食過咁多間，呢間最好食，肉夠結實彈牙，配上蒜頭辣椒還有苦瓜，那新鮮的味道，不斷在口腔徘徊。堪稱全晚最正鮑魚蟶子沙律 （要預定）雖然真心有啲貴，但都值得一試，新鮮海鮮配上濃味沙律，再配上點點黑松露，相當配合。特別是對平時討厭黑松露的我也覺得好吃。冬蔭功湯（大）老