雙生館 (已結業)

今曰自己一條友去食漢堡，聽聞話糸手工野，包同個流心芝士肉扒都系自己做，所以試下羅，又真糸幾好食，有陣烘野既香味，唔錯，下次會再黎試下其他野既👍🏻，同埋班朋友～

店主笑面迎人，熱心作推介，樂意接受意見，親力親為，做事有效率，店內環境舒適餐點每一道菜，每一個細節，都非常用心，能吃到食物原材料天然的獨特味道，值得一試，保證會再次光顧花茶🌹開胃解膩，花香與果香互相配合，天然的味道帶給你清新的感受，作為餐點的點綴簡直一流

長沙灣區難得一間非常用心做的fusion菜餐館，店主兩姊妹笑容親切，熱情接待。每一道主菜，頭盤，湯，多士，以至花茶特色飲品，都食得出兩姊妹對出品的要求，用心制作每一種食品。泰式燒雞皮脆肉嫰，蟹肉蟹膏意粉非常鲜味，歐式芝士流心漢堡配上牛油果竟然可拼出火花，非常美味，用的汁醬都很講究，不用味精，吃完會很有滿足感。飯後來一杯熱洛神花茉莉茶，花香茶濃，齒頰留香!亦可嘗試其他特色飲品。價錢亦合理，绝對值得推薦，本人非常支持這種有創意及真正花心思的小店

今次第二次黎喇！可以試到餃子！今日我叫左 紅菜頭餃子關爺麵！餃子唔錯！粟米同紅菜頭都好甜！豬肉都好鮮甜！唔會係冰鮮豬肉！廚師好有心機！但今日反而想講下個湯！上次個湯都真係好好！鮮甜！但今次...好淡！我地話唔知關唔關麵事！冇剩乾水...溝埋湯就淡哂！有少少失望！

今日食晏試新野！原來佢地都開左段日子...但可能地點唔係旺位...都真係有隱蔽咁！去到門口都有幾個等緊！入面大概廿位！不過都好快有位！本來係俾佢餃子吸引 🤣🤣 今日突然想食麵！同事叫左 醉雞卷，而我係 手撕雞！大家都想食刀削麵...點知賣哂！大家都叫左烏冬！但原來做唔到朋友！味道好好呀！個湯今日係 牛肝菌蟲草花湯！勁甜！個雞都好有雞味！唔似雪雞！當然我講緊烏冬做唔到朋友既原因唔係烏冬唔好食！係真係唔夾 🤣🤣 應該叫米粉或關廟麵都夾過佢 😌Anyway 冇味精既湯底勁正！我有飲哂架 😋下次要試餃子 🤣

今日朋友仔搵我食lunch，緊係想試下新野啦！據聞呢一間小店餃子裹都是有機菜！而且湯底不含味精！少有的良心食店！店門外看很簡潔！入店後也非常舒適！調味料罐也看得出所有的東西都是精挑細選的！然後有什麼不懂也會有店員介紹！細看之下！原來真的是由兩位「雙生兒」開的小店！還好她們穿了不同的衣服！來到食了！我們叫了一碗麵加一碗餃子先來的是牛筋牛腩關廟麵！第一次食關廟麵！自己不太喜歡，因為個人比較喜歡食較硬的麵或彈牙一點！所以麵我不能作準！至於牛筋牛腩，就覺得很一般！唯一比較吸引的是湯底！好像不是味精湯！當然味道也比較淡！再來就是雙拼餃子，金菇菜甫豬肉餃拼冬菇木耳豬肉餃，餃子比起麵好吃一點，很爽口彈牙！湯底也是淡淡的！最後想讚一下它的洗手間！很乾淨舒適

中午一心想食煎冰花餃的，但原來中午無乜野揀，又無煎餃，晚上先提供。甘叫左麵啦，雙生片片關廟麵，蝦湯。湯聞起都幾有蝦味，唔錯而片片是豬頸肉，太少了。細細片，得幾塊甘麵就太淋了。牛筋刀削麵，刀削麵好食的。醉雞卷 正呀。配埋佢個酒，仲有淡淡菊花香，好味呀而夜晚就無晒麵餐的，就係有 Set Dinner既餐單比起中午，吸引得多。我就叫了冰花煎餃😋轉左做餐。餃子賣相好靚呀，皮又薄又煎得脆，配埋辣椒油，正！D餡塞滿晒！好味讚！配兩塊吐司，脆卜卜。帶子椰菜花忌廉湯 , 要將個壺仔既湯倒落裝有帶子粒的透明玻璃兜幾得意。味道ok啦。

一大班朋友食飯最頭痛就是要搵地方，而且我哋又飲酒，所以叫酒或計埋開瓶費都幾貴。呢間餐廳我食過幾次Lunch，同個老闆都熟，講開我話頭痛揾地方，佢話不如就喺佢餐廳食，十幾人仲可以包場，可以自己帶酒，免收開瓶費。既然咁，唔使惗，就book左噚晚食。外面西餐廳，通常都係芝士拼盤+Parma Ham，沙律， 湯，意粉，牛扒 ，甜品，千萹一律，我同老闆講話我唔想再食呢類嘢，整啲新意思，由佢廚師發板，唔需要話比我，佢話好，結果過了一個非常滿意又開心嘅晚上。頭盤- 菊花醉雞卷，冰梅漬聖番茄仔，冰鎮芥茉秋葵。 全部開胃菜，配Sparkling Wine一流。跟著楓糖法式多士，用嚟頂胃，冇咁易醉。下一道菜，流心蛋蘋果山楂醬伴脆肉瓜青瓜意大利冷麵，味道清新，和Sake絕配。跟住係主菜，黃金笑哈哈(蝦)，外面通常鹹蛋黃蝦非常油，鹹蛋黃包住整隻蝦，又漏又滯，好中式，但係佢嘅做法非常乾身，你見唔到鹹蛋黃，但係會食得出好濃嘅鹹蛋黃味，好好味。另外就係八寶雞，呢個真係要推介，非常，非常之好味，一般西式雞會好乾好鞋，但係佢哋做得好滑，好有雞味，雞肚有糯米飯，糯米飯非常之甜，原來佢用左桂圓紅棗杞子蝦米一齊煮，喺外面真係

好早就賣晒食物，沒有選擇，希望預岩d份量供應~只能試到一樣食物牛油果蛋餅，雖然知道賣點是健康，但也真的較淡味，蛋餅較不脆，不太夾牛油果，份量很少，價錢不值~有機會只會比多次試餃子和麵包~

菊花無骨醉雞卷粹取蝦湯關廟麵- 湯底薄身如水，湊近會聞到蝦油的香氣，味道清香鹹鮮，腦內不期然出現大量蝦頭及蝦殼在煲內熬煮的畫面。湯面的蝦油添香而不膩- 玻璃生菜爽脆鮮甜。蝦油掛在生菜表面，為生菜添柔潤光澤及蝦香，很精緻的「油菜」- 關廟麵滑溜煙韌帶麵粉香，煮得恰到好處- 以室溫奉上的醉雞卷皮爽，雞味濃郁，肉滑鬆化滲出淡淡酒香。呷了一小口隨雞卷附上的酒，嚐到淡淡菊花味，但蘸雞卷同吃時，菊花味卻消失了*辣椒油辣味溫和，附有炸乾蔥的香甜惹味*選用了略重身的厚身陶瓷碗，保溫能力高，又不會太燙手。當手指頭觸碰到幼細的磨砂表面，感覺細膩；捧起碗喝湯時，感覺踏實*店由一對孿生姊妹開設，姐姐負責煮麵食，妹妹負責焗製麵包及烘焙甜點。妹妹同時負責樓面工作，她的聲線甜美開朗，待客熱誠，活力十足

今日剛剛喺長沙灣見完個客，順便去明愛醫院探個朋友，經過一個餐廳門口，幾骨子幾靚，以為佢係cafe，睇清楚門口個牌，原來佢哋有麵，有餃子食。咁就入咗去試下，跟住有個靚女走埋嚟介紹有乜嘢食。佢話今日有個special叫藥膳牛腩，可以跟米粉烏冬、關廟麵和刀削麵。我都唔知咩叫做關廟麵，所以我就叫咗藥膳牛腩關廟麵試。原來關廟麵系台灣麵，我而家至知。唔試由自可，一試不得了。而家外面啲牛腩做得好硬，好難趙，無以前做得咁腍，咁綿。但係佢煮得好好，而且啲藥膳味入晒牛腩裡面，但又唔會太濃。靚女叫我先試個湯，佢話呢個係羊肚菌湯，冇落味精。我試後，真係好好飲，全部飲晒。外面好多餐廳都話冇落味精，但係我飲完之後都會好口渴，但佢哋唔會。為咗證明我冇講大話，我影咗before and after啲相。除咗麵和餃子之外，我仲見到隔離食緊三文治和蛋餅，啲三文治唔係外面的茶餐廳三文治，係用歐式麵包夾成嘅三文治，好鬼酒店feel，但係因為唔系我食，所以冇影相。仲有人買咗佢啲麵包走，佢哋話啲麵包係自己做。個靚女同個客傾咗好耐，但我唔明佢哋講啲乜，但係好似好專業。我下次一定要嚟試下佢哋其他嘢。呢間餐廳真系值得推介。

1. 26度無冷氣，問左但又唔肯去開。一路食一路出汗，焗到死，食到一半要行出外面抖氣......2. 食物份量少又唔好味叫左3個午餐：無骨醉雞湯面d 雞無味得個 4 簿片，唔飽好呃錢。豬頸肉撈麵味咸。手撕雞湯底係 咩無添加蟲草花羊肚菌湯，好一般之餘，清清地似普通雞湯......3. show 晒d 咖啡機同豆，點知餐飲咖啡是即溶，感覺被騙。叫佢比杯水，比杯勁熱嘅點飲！？總結：食物/環境/服務都唔合格，一定唔會再幫襯！

餐廳是在醫院附近，剛巧約了在醫院工作的朋友吃晚飯就隨意挑了這餐廳，想不到蠻有驚喜。老闆娘們是一對澳洲回流的新生兒，菜式主打健康和無添加。晚餐就只有兩個set可以選擇，所以就一人order一個分別試試了。前菜是O’farm的有機菜沙律（沒拍）+手作麵包（沒拍）+手作冰花餃子。老闆娘說餃子是呃like之作哈哈，我覺得餃子味道是不錯，裡面應該有紅菜頭，沒有一般餃子的油膩感，不過冰花部分就不怎麼好吃了哈哈。主菜分別是烤雞和烤豬肋骨，用的是mild olive oil去烤，配白酒雪梨sauce，分淡了吃肉的負擔。甜品我們挑了剛焗好的scone，微溫，配上現打淡忌廉。scone味道偏淡，但配在飯後吃感覺還是ok的。總體而言，整個晚餐吃下來能完全感受到餐廳的用心，每道菜老闆娘都親自走過來解釋一番材料是這樣挑調味料是怎樣配在哪裡買⋯ 令我們有種吃法國菜的錯覺哈哈～ 材料吃得出來很新鮮而味道大多偏淡，可能就不是重口味的朋友的菜了。

喺荔枝角附近返工, 呢間雙生館好似新開咗冇耐, 就同一班同時過去食。 佢menu啲食物都係走養生路線, 成間餐廳嘅感覺, 無論係裝修同食物都幾健康, 係唔錯。 我就食咗呢個菊花醉雞卷米線, 應該係因為冇咩點加味精嘅關係, 所以味道食落其實偏淡。 不過礙於幾精緻, 而且健康冇咩味精所以都食得幾開心。

12:40打去叫外賣～要求1點自取...點知去到煮都未煮，話坐陣。都唔緊要～最爆係連基本裝面的外賣碗都冇，用紙杯裝，變左食杯面，都算～跟住又話冇蓋，餐具又唔齊，叫2個sets, 比筷子，唔比勺，2杯熱0水，得1隻飲品勺...唔係要兩份用啊🤦🏽‍♀️...返到嚟短短5mins路程，d湯已經凍哂，d容器完全唔保溫😑...細細杯盛惠$47。十級失望！完