雞翼山 (裕民坊YM²)

營業中

休息中

星期六男朋友返半日，下午因為趕住返學，就去附近凱匯的雞翼山快食，由於即叫即炸~所以要預20分鐘左右我地選左個$128/12件雞翼/雞槌🍗+飲品1杯(可自選3款口味) ，原來有好多款唔同味的選擇男友選左原味雞翼，我就選左避風塘炒雞翼🌶️同埋玫瑰蜜糖雞翼🌹🍯避風塘炒雞翼🌶️見到店員炸完後再落鑊炒，辣辣地幾惹味玫瑰蜜糖雞翼🌹🍯超有驚喜，甜甜點又香口，下次會再選呢款另外再點多左個一人餐~同樣有2隻雞翼 , 明太子無骨雞翼croffle包，炸魚片頭(饅魚天婦羅已改為炸魚片頭) 同飲品1杯

[ 雞翼山 ]上網好多人介紹過呢間嘅專食雞翼嘅小食店，原來進駐咗觀塘裕民坊。✿ 不要儀態一人餐· B餐 $68呢個餐包4樣嘢，有溫泉蛋洋蔥雞翼丼、唐揚蝦、甜芥辣雞軟骨、飲品，好抵食阿！份量非常足夠，但飯偏淋身。唐揚蝦&雞軟骨都炸得好酥脆。✿ 12件任選三種口味雞翼 配飲品 $128·文青風玫瑰雞翼🌹呢款最出色，啖啖玫瑰味包裹住雞翼，但雞翼依然保持到脆口，食唔停口阿！·韓風吉士鹹蛋醬雞翼🍳呢款個雞翼係原味，但配咗個吉士鹹蛋黃醬，鹹鹹甜甜咁，都唔錯😋·港式避風塘蒜香雞翼🌶呢款勁多避風塘&蒜🧄食落辣辣地，好惹味🤤🤤總結🫦雞翼控必食，有多款口味選擇，啱哂款款都想食嘅你😻✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿雞翼山地址：觀塘協和街33號裕民坊YM²地下G3號舖電話：2812 0981✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

平時都好鍾意食雞翼，聽聞觀塘呢間整雞翼好出名，啲雞翼好多元化，跟住就去試下。跟住去睇真係有好多雞翼， 港式避風塘蒜香雞翼， 港式咸檸七雞翼， 櫻花蝦醬雞翼， 冬陰酸辣雞翼等等。食咗避風塘蒜香雞翼，好香脆，幾辣，好惹味，而且大大隻好好食。另外， 冬陰酸辣雞翼都幾出色，好特別，推介。叫左個1人餐，溫泉蛋洋蔥雞翼丼， 個飯嘅溫泉蛋整得好靚同日本沒有分別，另外啲雞翼炸得好好，外皮脆，裏面就軟，啖啖肉，而且有啲洋蔥好夾，好恰當，值得推介！諗起如果朋友開party，買呢間雞翼都幾正！

咁岩去開觀塘睇醫生, 見到裕民方個商場愈黎愈靚, 仲好多野食添! 順便買外賣番屋企食先!呢間雞翼山想試好耐, 可以自助落單, 我叫左1個飯餐再加1份12隻雞翼, 個飯已經好大, 夠晒2個人食!個飯有3隻雞翼, 再送埋雞軟骨同埋炸蝦, D蝦仔唔算細隻, 好香口, 又香蝦味, 真係食唔停! 果3隻雞翼就係老水汁既, 唔係炸, 都好味!另外既雞翼可以揀3款味, 我最鐘意就係避風塘味! 因為超級香!! D炸蒜用黎撈飯都好正!呢到既雞翼overall都好大隻, 同埋炸得相當唔錯, 入面仲係好juicy, 同埋炸得黎唔覺得熱氣, 真係好好食!

觀塘裕民坊都重開左好內，但總感覺人流並唔係好多。琴日行完山真係好攰，搭車搭到觀塘小巴總站，有對門直通裕民坊G樓，推開門轉角向右就見到一間店食雞翼，轉左圈好似冇見到有堂食，問左店員原來只有一個企位，見都有不少人等拎外賣，亦都唔想再行，於是就快速下單，冇期待會好好味，只想醫肚先…食物都好快出，雖然價錢唔貴又冇地方坐低好好休息，不過食物味道真係有驚喜！兩個人點左一個餐set，12只雞翼（因為雞翼山嘛，點都要試下各款口味雞翼）小小的店都有9款口味可以簡，我哋簡左三款南崎南蠻他他雞翼：雞翼新鮮炸起，外皮酥脆，有少少地方炸過左火，不過唔影響整體口味，肉質鮮嫩，一d都唔乾，仲有不少汁。朋友話個醬係他他醬，食落有d似青瓜薯蓉沙律，清新口味搭配現炸的雞翼，感覺都唔會好熱氣港式鹹檸七雞翼：食物太多，雞翼都要創新啦！又真係食得出係鹹檸七味道酸酸甜甜，睇個樣已經好吸引味道濃郁，同樣雞翼肉都處理得好好👍🏻原味翠香雞翼：應該同南崎南蠻他他雞翼是一樣的，只係少左個醬個一人餐都係炸物，小蝦🦐，雞軟骨，洋蔥🧅，溫泉蛋，仲有三隻白十雞翼（可能前面三種太好味，呢個食唔出咩味）米飯係粒粒分明飽滿的日本米，邊食雞翼邊飲一啖維他

今日星期五收工之後約咗幾個朋友上嚟屋企玩，喺公司附近搵咗呢間餐廳，主打食雞翼方便大家。而且佢哋都鍾意食雞翼呢度仲要好多口味啱曬佢哋！首先揀咗個一人餐，配有三件玫瑰雞翼，南蠻蝦多士，溫泉蛋蘑菇飯另外再要咗三款雞翼，口味方面分別揀咗黑松露武士，泰式冬陰功同埋同韓風吉士鹹蛋黃首先講返啲雞翼先：玫瑰味：食落真係幾清香，又有一片片嘅玫瑰喺上面夠美觀黑松露武士：食落當然非常香因為有黑松露味，加埋蒜頭味，更加香口，正泰式冬陰功：唔會太鹹太辣，味道啱啱好，味道相對濃郁，啱曬我地配啤酒韓風吉士鹹蛋黃：呢個味道俾到驚喜我哋，有鹹味又有甜味，食落去又鹹又甜整體雞翼時間都煮得好好，入面嫩滑有汁，推介。溫泉蛋蘑菇飯：蘑菇分類非常多配埋溫泉蛋有少少似中式窩蛋咁樣嘅口感另外個蝦多士都好有驚喜，估唔到咁好味，香酥一口小食，嫌佢跟餐兩件有啲少，下次一定要散叫，滿足下。題外話，佢嘅裝修同外賣袋都好有心思，加埋佢句slogan,讚！

聞名已久嘅雞翼山，經開附近，終於有機會試到！自助落單，即點即煮，等一陣就拎得，最重要係店員們態度好好 👍🏻12件自選三款任何口味雞翼 $128連飲品港式避風塘蒜香雞翼蒜香雞翼夠哂入味，加埋避風塘炒料，少少辣，好惹味！韓風吉士鹹蛋醬雞翼帶甜嘅吉士醬加埋大大粒嘅蛋醬黃蓉，第一次試呢個配搭，幾得意！港式鹹檸七雞翼鹹檸七味唔算突出，但本身炸雞翼算唔錯，少少檸味，甜甜地。Set C $58二件原味/玫瑰雞翼鰻魚片天婦羅明太子無骨雞翼Croffle包飲品我就揀咗比較受歡迎嘅玫瑰味，個人最鍾意呢款，大推！鰻魚片天婦羅明太子無骨雞翼Croffle包近期好興嘅牛角包窩夫，估唔到連雞翼專門店都有，明太子夠香！

喜歡食雞翼嘅朋友，聽到呢間店舖叫做雞翼山，應該都即刻流曬口水！今日經過觀塘裕民坊ym個新商場，一入到門口就見到呢間雞翼山，主要係外賣店 ，雖然地方細細，都仲可以堂食嘅，見到有食客企喺側邊度即刻食呀！叫左個一人餐C餐$58，揀左 玫瑰雞翼，鰻魚片天婦羅， 明太子無骨雞翼croffle包，包飲品。先講croffle包，好好食，明太子醬係分開嘅，可以自己調味加落去食，中間包住滑雞，原本以為就咁雞扒肉，原來係無骨雞翼嚟，啖啖肉好好食呀！仲有片菠蘿，感覺清新，又juicy，好味道。玫瑰雞翼，真係好香，仲係雞翼面上有玫瑰花，好靚好香，鰻魚天婦羅都好香脆，加咗少少紫菜絲喺上面，更加好食。另外我仲揀左幾款雞翼，有韓式吉士鹹蛋醬雞翼， 原味脆香雞翼， 冬陰功酸辣雞翼！先讚佢d雞翼真係超級大隻，比起街市突登買大隻雞翼嘅仲要大隻好多，所以真係食落啖啖肉， 元氣脆香雞翼同埋吉士鹹蛋醬雞翼，原本都差不多，因為吉士鹹蛋醬係分開上嘅，所以都好香脆，吉士鹹蛋醬吾算咸，吉士味濃，我幾喜歡！不過呢三款雞翼我最鍾意就係冬陰功酸辣雞翼，好正丫！！真係冬陰功味，辣辣地！第一次食到！好味，欣賞！會再買嚟try try其他味先！

熱愛雞翼 呢雞翼山就岩哂 今日同另一個一樣咁熱愛雞翼的朋友黎叫外賣食一人餐: 3件玫瑰雞翼+南蠻蝦多士+溫泉蛋磨菇飯$63玫瑰雞翼真係有玫瑰味 而且甜甜地南蠻蝦多士 脆卜卜 又有蝦肉 好味溫泉蛋整得好靚 流心的磨菇汁好好送飯另外又叫左3款雞翼試下 太多選擇啦 今次試完下次又可以試食其他款黑松露雞翼 (4隻) $43黑松露味好重 個人好鐘意陣味 雞翼全部好滑同埋好大隻 好少見出面有咁大隻的雞翼而且呢種黑松露係自己整唔到的味道 以後一定要黎雞翼山食啦吉士鹹蛋醬雞翼 (4隻) $43呢款係有吉士鹹蛋醬點的雞翼 吉士味較濃 反而鹹蛋味就唔突出不過甜甜地配雞翼都幾特別南蠻他他雞翼  (4隻) $43呢款都係配醬的 好似沙拉醬咁 味道配搭有好好 值得一試

以前已經有留意呢間雞翼山，今次經過裕民商場就買嚟試吓啦！今次分別叫咗兩個餐，第一個係12件雞翼嘅餐，另外一個就係不要儀態一人餐嘅A餐。12件雞翼+1支飲品（$128）呢個餐可以揀三款唔同口味嘅雞翼，我揀咗韓風吉士鹹蛋醬、宮崎南蠻他他同港式避風塘蒜香，重點係佢哋嘅雞翼都係即叫即炸！韓風吉士鹹蛋醬雞翼呢個味都幾特別幾驚喜，因為完全估唔到佢個醬係偏甜嘅，就好似奶皇包入邊嘅餡一樣，鍾意食奶皇包嘅朋友一定唔可以錯過啦!宮崎南蠻他他雞翼呢個醬有啲似酸忌廉嘅味道，香脆嘅雞翼配上呢個醬好夾，會令到你係咁想食！港式避風塘蒜香雞翼呢個味必須推爆！！三款雞翼當中我最鍾意食呢款，佢嘅味道辣辣哋帶蒜香，隔住外賣盒都聞到，極之惹味！而且呢款雞翼面頭仲裹住一啲面包糠同炸蒜粒，口感好脆！不要儀態一人餐-A餐+1支野飲（$63）呢個餐有溫泉蛋蘑菇飯，仲配埋三隻玫瑰味嘅雞翼、南蠻蝦多士同埋雞軟骨！佢個飯係用珍珠米，每一粒米都可以比蛋汁包裹！

Happy Friday 冇帶飯，同同事一齊出去買野食，由於今朝食左早餐，所以諗住食下小食就算，同事話office 附近有間專食雞翼既鋪頭，身為雞翼愛好者既我，當然say yes la!鋪頭幾乾淨企理可以自己落單都幾方便！我地兩個人叫左一個一人餐同12隻雞翼食物到手啦！個包裝會唔會靚左少少另外鋪頭係有幾個位可以立食外賣包裝好有誠意，唔會浪浪下，好穩陣！黎返個大合照先一人餐 B餐：溫泉蛋洋蔥雞翼丼配雞軟骨，唐揚蝦，呢一個飯有好幾個主角，雞軟骨炸得香脆惹味唐揚蝦都幾大隻下，炸得酥脆，如果拎黎送酒就真係不得了搞爛個溫泉蛋，配埋洋蔥汁同珍珠米，好似食緊牛肉丼飯咁！12隻雞翼餐🇰🇷韓風吉士咸蛋黃醬：雞翼炸得香脆，本身雞翼都有少少味道，個醬係甜甜地再加埋咸蛋黃碎，有少少似奶黃既味道，配埋雞翼又幾夾🇭🇰港式避風塘蒜香：呢個真係好蒜味，好似食緊大排檔咁！如果呢刻有啤酒就真係不得了！可惜係office 黑松露武士：雞翼帶有少少黑松露味，加埋紫菜，有少少日本風味

作為一個雞翼控嘅我，今次聽到呢間餐廳叫雞翼山已經即刻book mark左😍因為真係有超超超多種唔同類型嘅雞翼！首先佢地嘅門面好靚，一見到個menu已經開始選擇困難，估唔到雞翼可以整到咁多唔同嘅口味😍今次我地叫左個一人餐，有一款雞翼一個小食一個飯同一杯野飲，都係$63！真係超抵！另外再買多左三隻味嘅雞翼，絕對夠曬兩個人食！Total我試左4種口味嘅雞翼，包括玫瑰雞翼、黑松露武士雞翼、避風塘蒜味雞翼同宮崎南蠻他他醬雞翼。玫瑰雞翼外脆內軟，外層包左一層蜜糖，所以食落去有少少脆脆地，係比較偏甜嘅口味。黑松露武士雞翼嘅蒜味比黑松露味突出，整體都好食嘅，不過黑松露味再濃啲就好啦。至於避風塘蒜味雞翼又係另一種風味，外層脆脆地又辣辣地，非常惹味！而最有驚喜嘅竟然係他他醬味！呢隻雞翼配左一個酸酸地嘅醋同一個類似蛋沙律嘅醬，加埋係出奇地夾！四種雞翼四種唔同特色，四隻都好推介！餐廳雖然無坐位，但都會有個站立嘅位比人即時去食，但我就無即場試喇，不過我相信即場食一定仲好食😋

今日lunch試下叫呢個外賣，我去到先落單, 但都好快，10分鐘之內已經有得攞，幫我落餐個姐姐好nice好有禮貌~叫左個一人餐A同12隻雞翼，番到公司已經隔左成20分鐘但啲野都仲熱，雞翼個皮仲係脆架~A餐有個溫泉蛋磨菇飯、南蠻蝦多士同3隻雞翼。雞翼我揀左玫瑰味。個玫瑰味雞翼好好食呀，我食到輕微既玫瑰味，但係因為個蜜糖味令到佢甜甜地，就好似食蜜糖雞翼咁~ 另外個蝦多士都好味，好脆! 而個飯本身都好大碗，淨係食個餐都好夠飽!個宮崎南蠻他他雞翼本身係原味雞翼，唔點任何野都OK，但係佢跟左個他他醬同個柚子汁，他他牆入而有青瓜碎，個青瓜香令到本身感覺有啲溜既他他醬好清新，加埋個柚子汁，即時減低左炸雞翼本身既熱氣感。至於個港式避風塘蒜香雞翼，之前食過因為太好食所以再食，佢個面鋪滿左炸蒜，又辣辣地，正!

食雞翼一定諗起雞翼山💕 最近同朋友去咗裕民坊嘅雞翼山買外賣返屋企食 搭小巴好方便🤓 我哋叫咗一份十二隻雞翼同一個一人餐 一人餐都幾抵食😚12隻雞翼配飲品 $128佢有好多款味道 全部都好吸引 我當日揀咗其中嘅三種口味😋 每款雞翼size 都大隻 亦都係即叫即整 雖然要等返陣 但每隻都夠晒脆又熱辣辣🤩 濃口櫻花蝦蝦醬雞翼呢款雞冀啱晒鍾意重口味嘅人🥰 未食已經聞到濃濃蝦醬香 上面灑上櫻花蝦🦐 儘管我外賣唔係即時食 啲雞翼被蝦醬包住 但佢哋仲keep到脆😋 蝦醬味香口又唔會太鹹 同雞翼都幾夾港式避風塘蒜香雞翼雞翼配上避風塘蒜香碎🧄 每啖都可以食到濃郁蒜味 帶鹹帶辣 令人有想一食再食🤤 雞翼肉嫩滑 keep到juicy👏🏻黑松露武士雞翼表面有好多紫菜條 日本武士風😛 外皮被黑松露醬油包住 所以有松露味得嚟又帶點甜😜 一人餐C $58一人餐幾抵食 有雞翼、鰻魚片天婦羅、明太子無骨雞翼croffle包同飲品 一個人食晒都幾飽😆 可以揀原味/玫瑰雞翼 我揀咗原味 格外食到雞翼嘅脆🤓 鰻魚片天婦羅幾得意 脆身外皮包住軟身嘅鰻魚肉 形成對比口感🥰 到主角明太子無骨雞翼croffle包 明太子醬好多至滿溢

上車前，想買d 野加餸。建議你試下雞翼山。之前食過佢d雞翼唔錯，今次都叫12 隻試下其他味。今次仲叫埋飯，點知有驚喜。小巴站，一出就係超方便menu 簡單，唔洗左稔右稔外賣幾靚仔，開哂佢仲靚仔一人餐 B$68溫泉蛋洋蔥雞翼丼甜芥辣雞軟骨唐揚蝦仲有野飲個飯好豐富，好飽d 蝦好香口，送飯送酒一流仲有d 雞軟骨，份量超多黑松露武士雞翼濃ロ櫻花蝦蝦醬雞翼，  港式避風塘蒜香雞翼12 隻雞翼 + 野飲$128d 雞翼即叫即煮，所以可能要等耐小小不過係值得等d 味好特別不過係重口味嘅