雞記潮州麵食

營業中

休息中

同朋友睇戲之前嚟過快晚餐，朋友話好想食呢間，話掛住佢啲紫菜墨魚丸。但係之前試過買外賣唔算特別好食，但係朋友勁推，就姑且再試吓啦。啲朋友好似同墨魚有仇，叫咗炸紫菜墨魚丸，清湯墨魚丸，墨魚餅。我就叫咗個牛腩撈粗。個墨魚丸即食又真係幾好食，同埋個墨魚餅好彈，同埋裏便都幾多墨魚粒粒。相反墨魚丸就唔算多粒粒，照到你應該係同一個漿，有可能撈唔勻。個牛腩好有牛味，係幾驚喜嘅，但就肥左少少。撈粗個甜醬油甜甜地有幾好食。唯獨有少少瑕疵係跟撈粗個清湯，唔知係咪佢啲碗洗得勁乾淨，碗湯有陣清潔用品味。差啲賴咗個辣椒油啲辣椒渣都好正有後勁。

每一次出開尖沙咀～唔想特別食大餐嘅時候，都一定會諗起不如去雞記度食碗粉～但令我經常會諗起佢同幫襯嘅原因，其實係佢地嘅炸物小食類實在是出色🥹所以每一次都係為左食炸紫菜墨魚丸而去😋❤️［🍜牛腩片頭粗麵］$79 配油菜(炸魚片頭超級厚的一片！有咬口很彈牙～推薦必點哦，粗麵底煙煙韌韌的～不會過淋）［⚪️手打炸紫菜墨魚丸］$58（每次都係新鮮炸起～熱辣辣超級好食‼️能吃得出的墨魚鮮味！）［🐮咖喱牛腩飯］$64 （配熱飲）（正常發揮的咖喱飯，不會不好吃～哈）店面不太大屬長而窄小，有bar枱及高枱座位，多數吃完都不會久坐；價位雖略偏高一點點～始終是屬於人流旺的旅遊區中心地帶嘛。炸墨魚丸係令我回頭幫襯無數次嘅原因😋～真的太～好～吃了❤️

從未試過食完要即刻寫負評、十幾年前喺呢頭返工成日食、今日忽然諗起佢，所以諗住會一會佢、叫咗個雲吞蝦籽撈粗、雖然無食佢個招牌豉油撈粗、但點會諗到佢其他嘢會咁差？蝦籽有陣泥咪、雲吞無味、湯係番梘水味、粗麵無蛋香味、成碗野難食到一個點、食完出嚟超後悔、究竟食咗啲乜😖？

要選出尖沙咀好味麵食，又點少得雞記😌呢度嘅炸物都非常讚，已經多次幫襯了！今日叫咗炸紫菜墨魚丸x 五香牛腩幼麵 🍜炸紫菜墨魚丸爽口彈牙，濃濃嘅墨魚味，但紫菜味就欠奉。十分抵讚嘅係炸丸浸在湯裡，外皮仍然脆脆的🤩話雖如此，炸丸係加$19兩粒，真係非常貴。牛腩的肥瘦分布和份量也適中。麵底和油菜份量較少，菜心亦太過腍。整碗麵加埋油菜，以正常食量來說，都未算飽。味道是高分的💯👍🏻但是，份量、價錢仍有調整的空間，稱不上抵食。

🇭🇰雞記潮州麵食·呢間嘅黑豉油撈粗我自己真係覺得好好食 一排冇食就會掛住 所以今次又嚟食啦🤩🤩·手打炸紫菜墨丸黑豉油王撈粗$53 l 炸魚片頭麵$47佢個黑豉油王撈麵真係超級惹味 佢唔係剩係得豉油味 係仲啲蔥油咁樣嘅味 所以食落好有層次🤤🤤而且佢個汁撈到好勻 係每一條都索晒汁 我自己好鍾意😻 之後佢個墨丸入面係有一粒粒嘅墨魚塊 口感好好 而且超彈牙🦑炸魚片頭都勁有咬口 而且魚味好出🐟😍·#rbyeat#rby港式#rby尖沙咀·📍尖沙咀加拿分道15號C地下

放學後到此餐廳一試潮州午餐。在點餐時詢問男店員請問加飲品多少錢？店員沒有回答，只是叫我們看另一張餐牌。瞄了一眼後，店員粗魯地說：後面呀。係咪唔識睇中文？隨口笑笑口的以為自己很幽默。我們見識淺薄，第一次遇見態度如此惡劣、又沒有禮貌的店員。不知道男店員是不是博士生畢業，隨便的以差勁的態度嘲笑他人不識字文盲就不可以被他人禮貌地對待嗎？難道不可以享受正常的用餐服務體驗嗎？可說是貼錢買難受想必我們下次定不會再光顧。

2個人前日去食晚市，叫咗一個墨丸粗撈，一個湯麵，一個炸墨魚餅。食物就係普通平時嘅味道，墨丸唔錯，粗撈就咁食就偏鹹，加咗啲湯就中和返，不過加完個麵會有鹼水味。食完之後我第2日開始肚屙咗2日都未完，另一個肚屙一日。食物衛生應該都麻麻。環境上，走道都幾窄，枱與枱之間逼就一定。feel到啲員工都好趕住做下單生意，見到其中一個員工會走去主動執枱，趁機講啲說話去明示暗示嗰枱客人唔好食完就齋飲野吹水，有人等緊位。語氣上算禮貌嘅，不過未飲完就係未飲完架啦。

首先入座體驗就好差，D店員個個黑口黑面。去到見我一個人指我埋一個bar臺位坐，都無問題。問題係上一手食完d碗碟都未執好就叫我坐埋去。後來我自己穩張吉臺坐仲要唔高興，錠份菜單離我面前。本身都吞左啖氣開始叫野食。叫左一碗黑豉油王撈粗麵加坑腩同埋炸墨魚丸，加杯凍檸茶，然後個服務員講到名係56蚊坑腩面餐+6蚊轉撈面+19蚊轉雙送（得兩粒墨魚丸）然後套餐叫檸茶加兩蚊，所以埋單應該係83蚊，最後竟然收我91蚊。拿住賬單去同收銀講，個阿姐又吾耐煩又講唔清，係我面前按三次計算機，三次都唔一樣價錢，最後開始發脾氣，夾硬話自己已經收少我錢。我嘗試耐心同距解釋都一句唔聼。講真的確係吾差10蚊8蚊，先勿論呢閒餐廳真心係好一般唔好吃吾值呢個錢，你連最基本收錢都收多人就係誠信問題。後來趕時間，都唔想嘈就比左91蚊，但真心好嬲。我希望大家就算想離試錯，都要打醒精神，最好點餐果陣錄音，費事死無對證！

今日去尖沙咀剪頭髮，去之前上OpenRice睇吓附近有咩好食，見到呢間潮州麵店好有興趣，就決定去試。喺門口等位嘅時候見到餐牌，一個單餸麵已經加到$60，絕對唔平，但一場嚟到決定照入去試吓。一坐低望到餐牌$62？！咁都算，我坐低嗰陣大約12:15pm左右，好快就決定叫一碗紫菜墨丸米，個職員問我要炸定唔炸嗰隻，我話唔炸，佢話賣晒。但之後佢又改口話唔夠，同你加幾粒白色嘅落去囉。我話如果賣晒我叫其他嘢，佢問廚房，個師傅好大聲咁話有。我問佢咁炸嘅呢？佢好似唔肯俾我轉其他嘢咁係都話有。就係咁照落單。結果嚟咗碗全白色嘅墨丸米。我擰轉面問個職員一粒都冇呀？佢答我尋日犀利呀嘛！我：？？佢話尋日犀利，賣晒！我嗰一刻又嬲又無奈。你賣晒唔係問題。問題係我問你係唔係賣晒，係我就轉其他嘢，你好肯定咁答我有！係咪覺得自己出名就可以咁樣對消費者？結果$62我食咗一碗平平無奇，得四粒墨丸嘅墨丸米。你可以話佢包一碟油菜或熱飲，但都絕對唔值呢個價。

噹噹噹～今次我就嚟到呢家潮州麵店大快朵頤啦！先講講佢個黑豉油王撈粗，正！麵條Q彈得嚟，吸晒啲醬汁，真係吃落好過癮。啲炸魚片頭外皮炸得脆卜卜💥，淋汁多多都唔會即刻淋，入口即化嘅口感，實在太滋味啦！再來就係手打炸紫菜墨魚丸粗麵，墨魚丸好有嚼勁，加埋紫菜嘅香味，完美匹配👌。通常炸嘢落湯易腍，但呢度炸得恰到好處，泡湯都保持到脆度，真係令人驚喜！食完麵，再點幾樣小食，鹹香炸雲吞同墨魚餅，風味十足又唔膩口。啲墨魚餅本身已經好有墨魚味，炸得又係恰到好處，真係食指大動！每樣嘢都係適量好味，我一個正過黎食，都可以唔停口食得落啊！這次嘗試超過咗我預期，下次還會再嚟，得閑大家都嚟試試嘅！🙌🍜👍

炸物世一邊個天才諗到用腐皮包住魚片炸脆到裂開 雪白的魚肉一瓣瓣炸魚皮 好脆 咬嗰陣脆到只聽到咬嘢聲炸紫菜墨丸紫菜夠 好香一咬開 好似打開咗一包shake shake粉一粒粒墨魚有咬口

🏠雞記潮州麵食嗰日喺尖沙咀行街， 朋友話附近有一間佢以前返工成日食， 講到好似好好食喎，咁一定要試吓啦！蘿蔔牛腩配黑豉油撈麵 $51呢個蘿蔔牛腩啲蘿蔔煮得好入味，同埋好腍， 反而牛腩就一般般，有少少痴牙同埋韌。 朋友話呢個黑豉油撈麵係一定要叫，係真係幾好味，啲豉油睇落好黑好鹹咁，但識落調味啱啱好！手打炸墨魚丸配黑豉油撈麵 $53佢哋嘅招牌係手打炸墨魚丸，呢個真係炸得好出色，好好味， 好似叫呢個墨魚丸好過嗌蘿蔔牛腩~

喺尖沙咀想食宵夜，原來選擇唔多這家麵店，好多年前試過，記得好好味，但今次有少少失望今次係特登過嚟試牛腩同潮州小食炸魚皮：係自家製，炸皮脆又香潮式欖菜肉卷：枱面食到最後仲有剩，大家食咗一件都唔想再食，我覺得啲肉搞到好爛，冇口感，炸到好乾生煎墨魚餅：好有風味，好彈牙，好好味👍🏻紫菜墨魚丸湯：感覺係比啲阿婆食，完全唔彈牙，又或者煮咗大半日幾個朋友都揀咗牛腩撈粗，牛腩味道都OK，但係個撈麵都有少少失望，根本上係一餅嘢，都撈得唔勻，期待撈麵會食到豉油鹹香味，可惜呢個撈麵真係得隻色，完全無咩味而我揀咗牛筋幼面，中規中矩兩種面嘅份量都比想像中少一點菜心方面，應該啱婆婆食，好林，完全唔爽飲品方面，凍飲真係太細杯，仲要差唔多一半都係冰，唔知俾咩反應

自從而家多番遊客之後，喺尖沙咀一帶已經係重災區，平時放假去行吓街已經好迫好辛苦。不過如果平日放lunch去食飯嘅話，附近其實都唔算太迫，就算好多餐廳都似係以做遊客生意為主，都仍然有位可以食到飯。今次心血來潮想食一啲港式嘅嘢食，見到呢間餐廳主打自己嘅紫菜墨魚丸，之前又真係少啲聽到紫菜墨魚丸，就算去凍肉舖揀打邊爐嘅料，凍櫃裏面林林總總，唔同款式嘅丸，都冇乜見到紫菜同埋墨魚一齊嘅配搭。不過真正喺口裏邊，冇乜感受到紫菜嘅味道同埋質地，其實都係似一般嘅炸墨魚丸，不過夠趣卜卜，唔錯。

#搞串個pantry喺市區🌆有好多間出名嘅傳統港式粉麵舖🍜，雖然好多都被稱為遊客舖⛳️，不過有啲望落都幾有特色😆，就算本地人都好奇想試下。今次就嚟到一間位於 #尖沙咀 嘅 #粉面舖 ，試下佢嘅特色撈麵啦🍝。我哋嗌咗🔴炸紫菜墨魚丸黑豉油王撈麵($65)，同埋🔵紫菜墨魚丸、炸墨魚丸黑豉油王撈麵($82)。價錢以呢個地段嚟講差唔多🤨，不過份量比較少，如果男仔肚餓嚟食會唔夠飽。黑豉油王撈麵🌟🌟🌟顏色望落好深，應該會好惹味😍。不過食落味道唔會太鹹🧂，反而淡淡哋，帶一啲甜味🍬，中規中矩啦。紫菜墨魚丸🌟🌟雖然話紫菜🍘墨魚丸係舖頭嘅招牌菜，不過食落冇紫菜味，墨魚味🦑正正常常，不過口感都幾彈牙🫦。同埋如果揀炸紫菜墨魚丸，出面外皮幾酥脆😋。炸墨魚丸🌟🌟🌟🌟食落墨魚味好濃郁🦑，好過紫菜墨魚丸🤤！而且彈牙，同樣係炸得唔錯💕，咁多樣嘢裏面，表現得最好就係佢👍🏻。