雲南啊老表黑山羊湯鍋米綫 (已搬遷) 新店位置

難得可以同大口仔食晏，就佢食羊啦，好在呢度有牛肉食，否則.....淨瘦羊肉細碗($37) 米線有大碗或細碗，佢話想食多啲野，所以要細碗夠了。羊肉亦可選帶皮或淨瘦，佢話今晚食大茶飯，要淨瘦就好了。羊肉嘅份量多到十分慷慨，肉質腍而不韌，羶味適中唔會過火，反而肉嘅鮮味濃，湯底清而不羶，米線盡吸羊湯嘅精華，食到lam lam脷美味口水雞 ($25)可以揀辣或唔辣，正啊我哋揀咗唔辣。雞肉細嫩入味，個汁好似拍青瓜嗰啲，完全唔辣但又會有麻嘅感覺，越食越開胃！牛腩湯鍋米線 ($37)牛腩來自近脂肪及筋膜，肉香濃郁，雖然未係入口即化，但爽嫩有咬口感又唔算特別癡牙；湯底有鮮甜醇厚嘅牛味，好好味呀！！！！！白菜豬肉餃 ($29 10隻)好抵食又夠大隻！餃皮厚薄適中又有韌勁，豬肉餡多汁，菜碎鮮甜，大口仔掛住講野，最後我一個人食咗6隻！平靚正，下午茶時間仲要送飲品。店員服務又出奇地咁好，同大口仔過咗一個快樂嘅lunch time

今日想同大家介紹一下位於佐敦的米線店。呢間米線之所以特別，唔係佢主打麻辣，酸辣，魚湯呢啲一街都賣緊嘅嘢。佢特別在主打食牛同羊肉米線。全個主食餐牌你要選擇嘅係...........1. 牛/羊/牛羊2. 羊肉帶皮/ 淨瘦3. 大碗$49/ 細碗$39對於選擇困難症人仕如我黎講，簡直係福音。首先，我唔食牛，所以只係食羊，我個人唔太喜歡食皮，所以要淨瘦。在此，我想同大家講，雖然大碗同細碗只差$10蚊，但喺你叫大碗之前，先睇吓人地啲食評同照片，衡量一下自己有無能力食一個洗面缸咁大嘅麵，千祈唔好貪小便宜，眼闊肚窄做左大嘥鬼。大碗真係好大，當日隔離枱有男仕叫左碗大嘅，碗面一上枱佢都嚇親，嘩咗一聲！呢間舖頭真係好足料，加$1加左少少酸菜。羊肉切成薄片，唔會好膻。清湯夠味，再加上佢地嘅辣椒油，成碗米線，食晒，正！酸菜佢地多用葉嘅部份，好嫩，唔會好酸。當日我係好餓咁去食左個細碗，食完5點，但飽到晚飯都唔洗食。如果你喜歡食牛肉和羊肉的話，我覺得不妨可以去試一試，但如果你超怕膻味的話，我建議你可能行過門口都要兜路行，因為嗰陣膻味基本上你喺前2個舖位就聞到。**下午茶時段(2:30pm-6pm) 送飲品🤣

我真係鍾意食麵多過食飯，湯麵選擇款式都幾多，用到羊肉主打做餸嘅地方就唔多了，而呢到就係用專食山羊米線，當日發現有埋牛腩可雙拼<羊肉牛腩雙拼> $39/細碗羊肉可選帶皮或剩瘦，羊肉軟諗中帶點爽勁，尤其是有皮位置，會有一點羊羶味牛腩都唔錯而米線質感適中，可以吸到少少湯而湯底比較清澈味淡加$8有貢丸<美味口水雞> $25可選辣或不辣，肉嫩入味，汁醬似手拍青瓜果種微酸帶辣，不過碎骨影響口感<羊尾巴> $15爽脆羊皮包圍尾巴，所以食落好重膠質咁，口感非常正宜家每日下午茶時段3:30-6:00仲送野飲添啊

係九龍公園游完水，行下睇下附近有咩食～經過門口見到熱湯米線好吸引!menu都幾多野揀,一坐低就有伙計招待,仲介紹有咩好食~服務不錯雖然唔食羊,但係見到有雞肉~都岩我心水!天寒地冷食碗米線岩晒叫左細碗雞肉米線$37冇諗過都咁大碗，仲為食加左墨丸同羅白，呢碗勁大碗之如，雞肉仲要係原隻雞塊，連埋皮又勁多肉，仲有雞腿肉。湯底濃濃的，墨丸口感幾實，羅白吸晒湯，正。加埋熱飲都係$6。真心好抵食，服務又不錯，下次一於要試下餃子先。

同老友記行完山，今日又涼左咁多，去食個羊肉米線飲下羊肉湯暖暖身先叫左個巨碗同老友記分黎食，依家有雙拼牛羊米線，咁就試下先，加多個口水雞同老友share巨碗雙拼牛羊米線，每人分到3細碗，真係好巨呀！佢湯底清，味道較淡口，唔似出面啲米線咁油膩咁濃，牛羊雙拼但食落都分唔出邊個係牛邊個係羊味道比之前食果幾次淡，之前食肉味香濃啲口水雞，依個唔抵，雞肉好多骨冇咩肉食，同埋唔得香辣，反而佢係酸酸地似拍青瓜果啲汁既味，但個汁用黎送米線就好食，酸酸地開胃下次有機會試下水餃，28蚊10隻都抵

天氣又冷了，得返十二度，想食啲熱野暖下肚，同朋友黎左食羊肉湯麵，好暖和嘅配撘落完單等食了，枱上有兩種辣椒醬，紅醋，鹽等調味料。兩碗麵好快就上枱了，要了一碗大羊肉配酸辣湯（$50），一碗小羊肉配清湯（$39）。小碗其實都唔細，羊肉薄切，有很多片，米線很多，清湯味道有點淡，自己加調味料調味吧。大碗酸辣湯，酸酸地微辣，呢個湯底幾好味喎。羊肉有皮但基本上全瘦肉，但不會鞋口，個人覺得口感不錯，朋友則賺太薄。米線吸了不少湯汁，有點過淋了，但真係好大碗，勁飽肚。韮菜水餃（$28）一碟有十隻，好有家庭feel的餃子，皮煙韌厚身，餡料也不少，點一點醋加辣椒醬勁正。簡簡單單又一餐，食飽飽暖笠笠lu

近排天氣又凍吓 又暖吓咁 真係唔知想點 所以去咗食羊肉米線 好似幾保暖咁😂羊肉米線 ( 小 )半肉有得揀連皮定淨瘦 連皮有少少肥膏 邪惡啲 梗係正啲 我揀咗連皮✌🏼️ 湯底望落好清 好似無乜味 不過飲落已經有羊嗰種鮮味 唔係好重膻味 羊肉切到薄薄既 好易入口 好腍 好好食 啲皮又有啲韌度 配合起上黎天衣無縫👏🏼我仲加咗墨魚丸 墨魚丸屬厚實型 唔係q彈口感 不過就醒在墨魚味夠重 值得try try 米線係腍身既 不過同時都吸哂啲湯味 不俗跟餐叫野飲都係加6蚊 好抵呀😂

呢度已經成為星期日學日文前常去既餐廳今日例牌叫左個有皮羊肉細碗，雖然比之前差左啲，但每次諗唔到識咩都會自然黎左食羊肉可以揀有皮定凈瘦，我覺得其實有皮都唔係好肥，所以每次都係揀有皮。羊肉半肥瘦，薄身一片片上，羊肉味重但冇騷味。另外值得一讚既係個湯底，好正跟餐加$6有野飲（冷暖飲同價），我加左熱蜂蜜，味道正常但有點過甜除左個米綫，我地仲加左個水餃，今日冇晒平時叫開既韮菜，於是叫左白菜豬肉，不過不失喜歡加醬料既，呢度都幾多選擇

天氣冬最岩食羊暖暖胃☺️本來諗住叫細碗，但最後跟風叫左個大既，盛惠$48送到埋黎，大家都俾佢個大大靚瓷碗嚇親😳好多米線，夠2個人食。羊肉就俾我想像中少左d，有得揀帶皮或淨瘦，我揀左淨瘦。味道唔錯，又唔騷，湯底夠清唔會蓋過羊肉味，蘿蔔好嫩滑，岩哂我口味😆

去佐敦返學要食晚餐，搜尋後發現尼間店。雖然間店出名食羊，但我見食評有人讚食豬都好味，睇相又幾好味就去試下 。去到叫左細碗豬骨湯底豬展米線，加5蚊蘿蔔。仲叫左迷你青瓜。黎到大大碗，心裡覺得叫左細碗都咁大碗，咁大碗可能仲好大碗，總知此時仲覺得好抵食，滿心歡喜期待食。點知咬落豬展，比較硬，同我平時食既有出入，總知唔好食。蘿蔔好似未熟，咬落去仲生，但有幾舊浸係d湯耐左，反而淋左少少。米線ok，都好食。其實成碗野得米線好食，唔似其他食評講到咁好味。同埋碗湯，其他人話好清，但我又唔見得。不過只係個人感受，個個唔同。另外，叫左迷你青瓜。（份量都多）會唔會多油得制。不過很特別，食落去有酒香味。腸胃敏感既人唔建議食尼個。整體覺得麻麻地就算大大碗，但食物麻麻地，都未必抵食。最後建議，可以整多張餐牌係for餃。因為叫完野食望向牆，先留意到有餃食。但已叫左幾樣野就費時再叫，錯過左。

唔想食得太heavy，個人就會揀食米線，係佐敦搵左間羊肉米線試試，味道不錯，味道很地道。另外再叫了口水雞及水餃，都不妨試試。而個人最深刻的，反是女侍應的服務態度，在初初落單已很親切，當中我不知道可以加辣，女侍應超有禮貌地說可以加$1，不妨試試啊，那我便柯打了。這是一件雞毛小事，但她在我離開埋單時，竟然問我酸辣好味嗎、夠辣嗎⋯⋯ 在一間米線簡單小店來說，跟進事宜已經很有心了。

每 次放工行過這條街見到個餐廳名都好好奇,個名又長又唔順口,今日 終於和同事入內幫襯入到鋪內,裝修較簡單,但地方都好濶落。原來餐廳主要是吃牛和羊,如果揀豬骨湯底米線就可以揀雞肉,豬展或豬手,還有數款雲南小食。我地各自叫了個牛湯米線和羊米線。有分大,小碗的。我們還叫了餃子.牛湯米線每件都很大件，較厚身,但唔肥,質感有啲食緊清湯牛腩咁,好有牛肉味,還加了蘿蔔做配料,蘿蔔牛腩當然是一絕啦。大的羊米線有點驚人,羊肉有分帶皮和淨瘦,好特別。有皮比較爽,並不肥,有些少羶味,啱晒鐘意食羊的朋友。米線煮得適中,很足料,食完一碗，都很飽。友人鐘意食餃子,叫了兩款餡~白菜和韮菜餡。餡料不是太飽滿,肉的比例較多,菜新鮮,韮菜的味道較搶,但好香,好味。沾埋醋一起吃,提昇了肉的鮮味

：羊肉 有帶皮/ 有淨瘦 米線 大碗$45 細碗$35：涼拌青瓜 $16 7.5/10：涼拌豬耳 $20 7/10講明大碗🍜！真係好大。隻手根本托唔起咁濟🙈 呢到既羊係食天然草大，煮法叫山水煮山羊 即係好雲南少數民族苗族既風味咁～ 羊肉湯又唔會好油！好親切好nice既老闆見到我地兩個strrrrugle左好耐唔知要帶皮定淨瘦羊好，老闆提議一半一半咩都試下😎 當然好啦～ 帶皮呢肉相對比較肥美啲，瘦就當然瘦啲啦🙄 但我個人反而喜歡後者，唔係因為我怕肥膏 而係我覺得帶皮羊味唔夠濃～ 我大愛羊肉既騷味 唔騷你食羊做咩喎🤔 大碗除左羊肉多 米線都好多 份量我地兩個人分都食唔晒🙊 嫌寡就再叫小食 好似我地咁既配搭就perrrrrfect池。位於佐敦上海街，好似好多熟客幫襯架😎

今天接了男朋友放工後，我們到佐敦一帶找東西吃午餐。。由於我們都想吃一些濕潤的麵線。。所以便到了這間專門吃羊肉麵的餐廳進食。。。我們都是第一次到這間米線店進食，覺得這間餐廳的名稱十分有趣。。 而且還是以少數民族方式來烹調羊肉湯和羊肉米線。。看起來十分特別。。。已經是下午一時多，餐廳內依然人頭湧湧。。。店員也十分忙碌地打點一切。。。餐牌食物簡而精主要都是吃米線，更有少量小吃可供選擇。。。除了羊肉米線和其他米線外這裏更有水餃吃我們最後決定每人點了一碗羊肉細碗米線，再配以兩客小食和兩罐汽水。。。這迷你青瓜十分爽口，而且吃起來的時候很清新。。。這個汁醬亦十分濃郁。。帶有酸酸的感覺十分開胃是一道不錯的開胃前菜。。。不用很久，迷你青瓜已被我們二人掃清了口水雞雞肉口感十分林，肉又厚。。。而且這個口水雞醬料帶有微辣。。點點麻的感覺。。。吃起來十分惹味會令人不自禁忌一舊又一舊地放入口。。。雖然我們點的是羊肉細碗。。。但是份量也算多。。。相信一個普通女生都一定夠食。。因為米線的份量也十分多內裏有很多片羊肉。。然後有白蘿蔔和米線。。先說一說湯底湯底。。是十分清香，帶有點點鹹味。。配以米線一同進食，味道很好而且

又到了每星期Honey在佐敦工作的日子。今天，想吃湯粉麵，也想吃餃子。所以，就想到｢雲南黑山羊米線｣。小店是我倆沒有光顧過的，但是在openrice的食評裏，得知它的評語不錯，所以今晚來試試。小店地方不大，有五六張桌子，每枱都有客人，生意不錯哦。桌子、地面和餐具都乾淨，沒有一般茶餐廳或粉麵鋪的油膩膩、地面油滑滑的。這小店，乾淨程度不錯。此店主打的是雲南羊肉湯米線，當然要點一個啦。我就點了一個羊肉湯米線，大的。Honey說，小的可以了吧。但，我還是點了大的。羊肉湯米線上桌，果然非常大！是一個大大的湯碗！Honey説，足夠兩個人當晚餐了！羊肉湯雪白白的，只有一點點油浮在上面，，並不油膩，很清甜。先嚐嚐一口湯，好好肉味！濃郁的肉香！羊肉的甜香和濃香，但一點羊羶味都沒有，真好！然後再嘗嘗羊肉，是羊腱肉，結實而不肥膩，有肉的嚼勁，而且也煮得非常稔滑，很好吃！羊肉和羊肉湯，都是非常濃郁的羊肉香味，而且一點羊羶味都沒有，非常難得！Honey很喜歡吃餃子，所以，我們點了韭菜豬肉餃子。韭菜豬肉餃子，小巧。皮薄，所以可以看到裏面韭菜的顏色。餃子皮雖薄，但是有麵粉皮的韌度，很好。韭菜和肉的比例，肉稍多，反而