雲南小鍋米線

營業中

休息中

好多網媒同YouTuber都推薦過呢間石蔭隱世麻辣米線小店🍜佢哋嘅舖頭唔算好就腳 但都吸引左好多人專程黎食🤤唔知係咪真係咁好食呢🤔我哋兩個肥妹仔決定一試究竟- 雞絲炸醬小鍋米線🍲 $49我地叫左小小辣🌶費事又食到喊😂呢度幾乎個個食客都會叫雞絲 點解咁出名?因為係激量雞絲！真係好足料😳雞絲好幼細 口感好綿😋基本上啖啖都食到雞絲 好滿足🥰炸醬多肉碎 都好好食 送米線一流🤤直程完勝連鎖米線店嘅炸醬👍🏻不過偏咸 米線質感彈牙 有少少爽嘅口感😁壓軸嘅當然係湯底😜米線關注組成員最留意嘅重點 呢間小店只有酸辣湯底 不過辣度就有9種🌶我地試嘅小小辣就啱啱好！(利申我地係唔太食得辣架🤪)湯底個辣味好過癮同酸酸地好開胃 整體來講食呢間好過食譚x多多聲🤤可惜太偏遠 如果唔係肯定會成日食😂呢間可以話係石蔭名物😁我地個日都見到好好好多街坊買外賣😋堂食都要排一陣 雖然佢地有兩層🤔米線粉絲嘅你仲唔快啲黎試下😋💡溫馨提示 強烈建議唔好係繁忙時間黎😨個次我地等位唔係最耐 10分鐘就有位 最耐係等野食😢好似等咗半個鐘都有🤔不過都覺得值得等既！

一直都有聽網友推薦這家米線，但是太遠了，都不想專門去，今次正好有採訪在附近。正好午飯點，就去試試，環境就是街邊小店，沒什麼環境可言，點了螺旋藻，豬軟骨，腩肉。雞絲，都好正！酸辣度也把握的很好，在附近不妨試一試

想嗌外賣，入到餐廳又叫我出門口排隊等落單，落住雨排咗3個字先有人出嚟，但又見到原來有人遲過我嚟係就咁行入去落單，結果人地都攞埋嘢食我仲喺門口企緊。雖然間嘢出左名都應該唔憂做，但都唔係要啲客咁等下話？奉勸大家要買外賣嘅話千其唔好信個短髮店員話要出去等，直接行入去搵長頭髮店員落單，或者係門口個廚房度嗌就得，再唔係就打電話黎嗌咗先，電話就係openrice果個，我由落單到拎到嘢食大概等咗。嘢食方面，我嗌咗雞絲炸醬薯粉走酸，碗麵過咗10分鐘左右都仲好熱辣辣。餸嘅份量好多，麵就正常份量，湯底的確好濃，同薯粉好夾，但係配菜方面，雖然雞絲係好幼好索湯，但係雞本身有雪味，唔浸湯食就好明顯，炸醬瘦肉果部分好乾，好似煮到有啲過咗火。overall嚟講如果咁啱經過呢頭一試還好，如果要專程過嚟就唔好啦，相信同區內會有差唔多質素嘅米線舖。

長居香港米線關注組第一位既推薦名物，全宇宙最好食米線-石蔭米線。澄清個名係一眾網友幫佢改，唔係我咁樣稱呼佢😂。鋪頭地點對好多人黎講應該都算偏僻，聽過唔少人特登係好遠揸車、甚至聽過話遠到係將軍澳都要飛的過去朝聖。還好我住係米線之都荃灣，樓下坐20分鐘巴士可以去到門口.米線湯底：酸辣、肉碎辣常點配料推薦：（順序）✅雞絲、✅腩肉、大腸、炸醬、蘿白、冬菇。亦唔少人推薦食螺旋藻，但我個人食唔慣水草🤣麵底💲29 + 配料💲9-💲12⭐️4.8/5係米線之都荃灣長大一向好鍾意食米線。呢間米線湯底偏甜夠酸唔算好油（同 #唯一/ #雲家 比較應該算好清），幾啱我口味。無麻辣揀獨沽一味做酸辣。酸辣湯底偏辣，建議第一次去要叫平日食開低度辣試下先。我自己食開小辣，嗌低一度既肉碎辣就啱啱好。米線爽身類，岩食。如果係減肥或者生酮朋友佢有淨芽菜底可以選擇，連減碳中既朋友仔都可以去。.餸：雪花雞絲係佢名物，掛湯用剛好。但係個人都係最鍾意佢嘅腩肉，因為係偏瘦同埋好入味。冬菇蘿蔔佢都處理過好鮮甜。大腸間唔中都會叫，因為呢間大腸清理得好乾淨砌到好幼一絲絲，都好好食。.🔸冇得輸系列，所以就算要再轉巴士上去我都成日去。

身為關注組成員，見咁多谷友推介緊係黎試下，唔算難搵。以為舖頭無位，原來舖後面仲有間舖，唔洗等入得，12點可能比較早。叫左個皇牌米線加小食木耳唔洗諗 想食果啲餸都有湯底還好，餸方面，雞絲索湯，腩肉無肥果part，螺旋藻正常木耳都算辣員工幾好禮貌個人覺得唔會再專程搭入黎食，咁啱經過食都ok

公司係附近，聽同事話過都ok , 咁返工前諗買上公司食。order左之前點之等得勁耐，去到15-20分鐘忍唔住要去問佢，佢話：得得得。。。等多陣。但遲過我嚟叫外賣果幾個人陸都已經有，有D仲唔使等10分鐘就有。最後去到超過30分鐘先有，個態度仲要勁差，個個個樣都X口X面咁。最後食評：味道真係好普通；員工態度勁差；等候時間超耐（本人就得超左30分鐘）

本人除咗係一名芝士控，仲係一名米線控，最高記錄試過連續一個禮拜都係食米線~荃灣出名米線之鄉，眾多美味米線鋪雲集喺呢區，係得呢頭返工當然要去發掘下d好食嘅米線啦~「雲南小鍋米線」係葵涌人氣米線之一！地點有少少偏，離葵興地鐵站有一段距離，而且多數係上山路，如果大熱天時步行上去都幾辛苦，但為咗食無所謂啦~只係去到米線鋪轉角街口就聞到好大陣香味，跟住香氣行去到嘅就係呢間米線鋪。米線鋪店面裝修較舊，環境較差，同埋冷氣不足，唔建議夏天去堂食！雞絲同炸醬係招牌，雞絲撕得好碎！炸醬炒得好香好惹味！小鍋米線小小辣湯底對我黎講岩岩好辣度，辣度輕微溫和，湯底偏酸偏咸，係幾酸爽，不過食完之後成晚都好口渴，個人認為可以淡返少少！另外一碗係豬肚同豬軟骨，跟小鍋薯粉肉碎辣，肉碎辣湯底會無咁酸帶少少甜，豬肚同豬軟骨份量都係好多，煮得都夠淋！ 🧡小鍋米線【炸醬➕雞絲】（$49）🧡小鍋薯粉【豬肚➕豬軟骨】（$57）🧡凍豆漿（跟餐+$8）🧡凍檸檬茶（跟餐+$8）

平時見啲美食post 成日推介呢間米線就去左試食，去度嗌左個響聆雞絲小窩米線，肉碎辣。聽講佢呢間既雞絲係好出名，所以試下，不過我個人覺得無咩特別，並唔係啲美食post講到咁特別，至於響聆就唔脆，我諗可能係放左一排，所以都幾霖😩可能真係抱住好大期望去食，所以都有啲落差，其實佢個湯底係幾好味既，都濃郁既，但就真係唔係講到日日食都無問題咁誇張。整體黎講野食都算唔差，不過響聆脆啲就更好，坐位就有少少迫，不過都可以接受，出餐同落餐都快既，service 都幾好。如果鍾意食米線既都可以試吓，不過就唔好抱太大期望😂

🌟呢餐係：「幾遠都會再征」嘅一餐講咗超耐想試呢間米線，今個weekend終於遠征去試🤩 去到雖然唔洗等位，但係嗌完都等咗30分鐘🤐 呢度湯底就得一款，都係小鍋米線，辣度就可以揀小小辣到勁辣，可以揀米線或薯粉👍🏻🍜 王牌小鍋米線 $56今次嗌咗小辣，辣度個人覺得啱啱好，酸味仲起到刁味效果，成個湯底都好rich！😋 湯底唔油，米線都唔算掛湯，但係都足夠掛到啲酸辣味🥰 王牌小鍋米線有3款招牌餸—螺旋藻，雞絲同埋腩肉。個人最鍾意螺旋藻，海帶口感但係紫菜嘅味道，鍾意食紫菜同埋海帶嘅人（aka我）必點💯 雞絲冇乜調味，但係勝在絲得夠碎，索曬啲湯🤩 腩肉就有少少麻油味，味道幾得意，今日呢碗肥瘦均勻，唔會鞋👍🏻🍜自選小鍋米線 呢碗嗌咗螺旋藻，雞絲同埋炸醬。炸醬好惹味，但就偏鹹，搞到個湯底都越食越鹹🥶 🪵涼拌木耳 $22一開始漏咗單，等到碗米線上咗都未黎☹️ 木耳爽口，但係就有啲熟啲有啲唔夠熟😰 味道就中規中矩，都係平時涼拌嘅味道，醋味偏重。環境質素：🌕🌕🌕🌗🌑食物質素：🌕🌕🌕🌕🌘CP值：🌕🌕🌕🌕🌑回頭指數：🌕🌕🌕🌕🌗個人真係超鍾意食😍 可以話食過嘅米線入面數一數二添！雖然環境唔算特別好，但係冷氣夠曬凍，

朋友極力推介，話好出名。我向來喜歡食麵食辣，點可以唔特登去。（必須特登，因為無事根本唔會去果個位置)。去到勁多人排隊，顯示了這店真心著名。老闆娘叫我地先下單。我叫了腩肉，因為朋友話正。辣度本身想叫最勁果隻，但老闆娘對自己的麻辣好有自信，話如果第一次幫襯就唔好叫最勁，話佢地d辣辣過人地云云。咁事但，順下人意，叫了最辣嘅次等。米線勁大碗，不錯不錯。👍🏻腩肉方面，係幾嫰，好香，不過好多油，但係咁，雲南米線多油其實係正常嘅。😌麻辣方面，我對麻辣係真係有要求架，佢個麻辣真係唔辣乜滯，得隻色夠紅。同埋佢係偏向麻，椒味可以話係冇乜。可能要落多少少指天椒去d肉碎度炒先至入味？🕵🏻下次去的話要食雞絲同勁辣。

朋友住附近才會外賣這間偏辟的話好出名米線！ 因為和小朋友一起吃，叫了碗走辣米線，加了生菜和肥牛，最後吃了兩口，小朋友和大人吃唔到！太太太酸又鹹！成碗酸湯，食物酸晒....生菜酸到變酸菜，肥牛味度也變成酸肥牛！食了N咁多間米線店走辣的米線，末食過吃了兩口吃不到成碗酸到咁米線！😞😞😞曾經話好出名？曾經吧⋯⋯N年前吧⋯⋯原來幾年前，曾經話好出名的老闆娘冇做了⋯⋯易手了？ 中伏！常常食開的街方就知大不如前.......

店內大概只有八張枱 剛好去的時候不用排隊(•̀ᴗ•́)و臨走時看到一條長龍在排隊😂不過環境就好陳舊 衛生真係一般般🥶𒊹︎豬軟骨雞絲螺旋藻小鍋米線 ($𝟲𝟬)聽聞老闆娘非常下重手 小小辣已經好辣今次就選了小小辣試下水溫先～雞絲係海量咁多😂非常幼身 應該係雞胸肉 好入味吸哂湯汁！豬軟骨都有四舊 炆得好入味 軟骨炆到好軟身不過都未能取代坐忘的位置！(☞ ͡° ͜ʖ ͡°)☞湯底偏清 冇預期中的辣🥺我諗得五小辣而且湯底冇人地講到咁濃郁 酸度欠奉米線爽口彈牙 不是軟淋那種雖然一大碗非常足料 但價錢也偏貴𒊹︎腩肉冬菇雞絲響玲小鍋米線($𝟲𝟴)腩肉帶少少辣 非常入味～冬菇都好大舊 略嫌硬左少少 個人鐘意炆得好淋的冬菇！加埋響玲吸哂啲湯汁都好好食～看到其他食評話質素好飄忽 湯底一時好濃一時好淡可能我個次唔好彩先覺得麻麻地🥺

米線控最愛周圍試唔同嘅米線，隨住米線關注組嘅成立，成日睇post更燒到我成日想食米線。之前食過一次石籬呢間人氣米線鋪，今次再嚟到食水準依然。不過估唔到係本身個鋪面行入啲原來仲有另一堂食位置，唔會焗促冷氣充足，讓行咗一段路過嚟嘅我地可以抖一抖。皇牌米線有齊佢地熱門嘅餸，分別係雞絲、螺旋藻、腩肉。啲餸鋪滿成個碗，完全見唔到米線嘅縱影啊！每個餸嘅份量都好多，小鳥胃就要睇住嚟嗌啦！雞絲簡直用澎湃嚟形容，每一啖米線都會夾到雞絲一齊食。螺旋藻係類似昆布嘅味道同質感，營養價值高！有時好怕腩肉會好韌同柴，但呢度嘅又唔會太柴，帶少少辣。今次嗌咗肉碎辣，算係剛剛好，湯底熱嘅時候食會覺得稍辣，但食食下湯底凍咗就覺得無乜野。整體嚟講皇牌米線係抵食嘅，餸量都多，當日好餓嘅狀態都食唔晒呢！但始終地理位置都比較偏僻，所以唔會可以常來喔！順帶一提，因為佢地嘅餸大多都係凍擺上湯，所以湯底食食下會凍咗，對住趕時間嘅我地都幾方便，但如果有人鐘意熱湯就可能有concern啦！

呢間鋪頭剛開張時讀小學就食 細個個時咩味其實已經唔記得啦 但記得當時無乜人 老闆娘仲會不斷問我同埋細佬辣唔辣 幫我地加湯溝淡佢🤭🤭依家再食翻都是覺得咁好味 佢地d腩肉真係世界級 有時不知叫咩送的話 會腩肉x2🙌🏻🙌🏻因為佢地的腩肉同記面不同 沒有個層肥豬肉 是一塊塊薄片 鐘意呢種口感多d❤️❤️今日去食左久久沒叫的冬菇 好入味都好冧 肉又厚真係好好味😭😭😭湯底加左酸 超正 鐘意酸的話叫佢地多多酸 真係會係咁刺激口水分泌 勁開胃架👍🏻👍🏻👍🏻👍🏻

見到佢廚房 全部都係一碗一碗咁煮出黎 要等一段時間 如果有外賣 仲要等耐啲 係條街已經聞到佢好香嘅湯底嘅味 出面好多人等外賣 如果要堂食就要早啲到 坐位唔算好舒服 又啲逼 但旨在碗米線好味