雲川百味

營業中

休息中

成日覺得元朗美食比屯門的多！今晚和朋友到元朗廣場逛街，發現對面街開了一間新米線店——「雲川百味」，決定試試。這個麻酸樂金湯幾香幾惹味，入口先是感受酸和辣，到喉後就有麻感散發出來，非常過癮。米線大碗，腍度適中，還附有辣肉碎、芽菜、葱等其他配菜。分別選擇了蒜香雞扒和墨魚餅2款餸，前者厚切肉嫩，蒜香味香口；而後者則夾雜了墨魚粒粒，幾有咬口。番茄湯幾足料，湯底有番茄粒，味道酸酸甜甜夠開胃。紅薯粉份量同樣好多，非常有口感嚼勁。不過要盡快享用，若時間久了，紅薯粉會因索了湯汁而發漲成一陀。配了豬頸肉和蝦卷，蝦卷有微微彈牙感。豬頸肉外層烤至微焦，帶少許蜜糖甜香，入口juicy。花枝丸應該即叫即炸，所以等侯時間會長一點。外層炸至脆身，帶有椒鹽的香味。花枝丸口感彈牙，蘸上酸辣醬又或辣椒粉佐送，會更加惹味。配上2杯飲品作解渴之用。

💖 雲川百味 (元朗)✨元朗青山公路 - 元朗段242號福德樓地舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️屯門名物開到去元朗，愈來愈多分店😏。我同老公喺元朗廣場附近行街先發現原來嗰度都有一間分店🤪，你嗰浸豬頸肉嘅香味引左入去🤩-豬頸肉+豬軟骨鮮魚湯紅薯粉+凍檸檬利賓納🍲 $64鮮魚湯底清新濃郁，帶住淡淡嘅海鮮味🐟，配上豬頸肉同豬軟骨，肉質交融，形成咗完美嘅搭配👅。紅薯粉滑潤，吸收咗湯汁嘅精華🥰，而且仲好彈牙！建議大家一定要嚟呢度食佢哋嘅豬頸肉！因為係signature👍🏻。豬軟骨就好腍😝-韭菜水餃+墨魚咀豬骨湯米線+凍檸樂🍜 $64韭菜水餃皮薄餡，份量又多😝，咬落去嗰一刻嘅鮮香真係令人難忘。搭配墨魚咀🦑，好彈牙🤩。豬骨湯微辣又濃郁👍🏻。除咗紅薯粉大家都可以揀米線❤️-麻辣手撕雞🌶️ $42好搞笑嘅Menu， Menu上面顯示咗呢一款手撕雞係唔辣，而且好推薦。咁我哋就叫左😝。點樣唔辣但係又叫麻辣呢？食落口佢係有麻辣嘅香氣，但係真係完全唔辣😎好惹味👅。旁邊仲配埋麻醬，份量都幾多😆想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔

【元朗新開米線鋪🍜雲川百味🔥】-喺元朗廣場經過見到對面新開咗一間米線舖，叫做雲川百味🤩於是就同媽咪去試吓佢先！-餐廳環境闊落，坐得都幾舒服👍🏻單純套餐$48一碗😋有七款湯底可以揀仲可以熱拌，可以揀米線、麵或者紅薯粉，有超過35款配料😛另外仲有炸醬飯😌-😋豬骨湯米線配香茅豬扒加螺旋藻 $58豬骨湯有啲辣肉碎🤪但唔算太辣，唔食辣嘅我都食到🤣亦都可以按喜好嗌小辣中辣同大辣🌶個湯底好香😋有啲芽菜😗個米線就偏腍身🙂‍↔️豬扒幾入味充滿香茅味🫢不過肉質食落有啲鬆散，螺旋藻吸晒啲湯嘅精華👍🏻值得加配～小編跟餐加咗支豆漿$5～好味指數：🌕🌕🌕🌗🌑-😋酸辣湯米線配豬頸肉加牛柏葉 $58媽咪就嗌咗酸辣湯😗酸味比較突出～豬頸肉切成絲，食落爽口彈牙😙不過牛柏葉就比較難咬😔下次唔會嗌😂跟餐叫咗杯凍檸茶$3，中規中矩～好味指數：🌕🌕🌕🌗🌑-😋涼拌皮蛋 $29佢嘅麻辣汁幾惹味😗同埋啲蒜蓉夠香🤩味道唔錯👍🏻好味指數：🌕🌕🌕🌕🌑-整體嚟講米線款式同雲川差不多，但係味道就爭少少🤏🏻不過勝在環境闊落👍🏻坐得幾舒適-📍 雲川百味 (元朗)元朗青山公路 - 元朗段242號福德樓地舖💸人均消費： $75

聽人講呢間雲川百味都幾正，所以又試下。福德樓呢間新開，都幾大間，坐得算舒服。叫左個小食，家鄉手撕雞，微辣 HK$42肉都幾多，話係微辣但係都幾辣，點返麻醬就冇咁辣。鮮魚湯豬軟骨，猪潤米線 HK$58D送都幾大件，豬軟骨煮得入味又林，猪潤都係大件新鮮的。魚湯就唔算好魚湯味，反而都幾濃。酸辣湯雞中翼，豬紅紅薯粉 HK$60湯底比較重味，豬紅大大粒的，爽口不錯。雞翼都不錯，唔會有雪味。滿足的一餐，呢度米線係算偏重少少口味的，另外都好多小食叫，下次再試~

最近發現元朗商會中學附近開咗一間新嘅酸辣米線鋪。見到人介紹話佢哋個豬頸肉係招牌，咁就試試佢喇。位置都幾就腳方便，附近有中學，輕鐵站，元朗廣場，喜利商場。要行過去食都算方便既。店面都寬敞，好多張枱，容納到好多枱食客，又有卡位坐，邊食米線邊望窗外風景。我同友人分別揀咗2碗米線：豬頸肉配墨魚餅，麻酸辣小辣湯底，凍檸茶豬頸肉配蝦卷，麻酸辣小辣湯底，凍檸茶米線份量都大碗，軟硬適中。我唔喜歡太淋太硬。湯底覺得係小麻偏酸，辣度係入到口嘅小辣，唔會太辣，都幾惹味。但係食多幾啖，覺得個湯底鹹咗少少，都係屬於偏濃味的酸辣湯底。豬頸肉燒得好正好好食，甜甜哋又脆口，juicy及彈牙。蝦卷味道都唔錯。2者都同呢個湯底及米線好夾。小食叫咗脆皮炸豬大腸。賣相好吸引好邪惡😍，炸得好香脆，脂肪好香。

見新開冇耐，近大馬路嘅酸辣粉🫢幾多人食，差啲排隊豬扒生腸豬骨湯底紅薯粉有生腸不常見，但整得唔錯，爽口彈牙。豬扒應該是招牌，非常之厚身。因為唔食得辣，所以叫咗BB辣，果然真係BB辣，食唔到好辣嘅都入到口🤣餃子豬軟骨酸辣湯底米線豬軟骨炆到非常之腍身，而且好入味。屋企人食得辣，酸辣湯底都岩口味，屋企人讚不絕口。炸大腸皮炸得超級香脆，外脆內軟，裏面亦都唔會好肥。而且份量好足，擺盤都好靚，真係全條咁上，少有嘅驚喜。呢度服務態度都幾好，侍應多，基本上隨傳隨到。另外老闆娘都會關心出品，會問返客人食評，覺得呢一間食店好用心做👍

食過總店，係呢到居然開左分店，對於住附近居民真係一大喜訊😍今日每人叫兩碗米線，叫凍飲+$3，再點一個小食 。➡️豬大腸，香辣腩肉熱拌米線 $58豬大腸入味軟綿，腩肉唔會太咸，半肥瘦適中，口感柔軟 。🩷熱拌米線乾身，拌以辣肉碎，濕潤感剛剛好👍🏻 ➡️豬頸肉，蘿蔔胡麻湯米線 $60招牌豬頸肉必點，依然係最好食嘅米線配菜之一😆蘿蔔有四大舊，又甜又多汁，完全無渣🥰➡️炸墨魚餅 $32即叫即炸，厚度適中，香口唔油膩 。食完唔算口渴，但令我非常回味🙂‍↕️

早前元朗廣場附近開了間新店，原來是雲川百味另一間新分店，今晚約朋友放工去食飯，大家都喜歡食米線就揀去雲川百味試下。新店全新裝修，餐廳裏面裝修簡潔、地方很寬敞、乾淨、座位充足。鮮魚湯裡面有配菜辣肉碎、芽菜、韭菜、蔥，加了兩餸豬頸肉、豬大腸。鮮魚湯的湯底奶白色，充滿鮮魚味道很清甜，豬頸肉和豬大腸煮得很入味。豬骨湯（微辣）配菜有辣肉碎、酸菜、韭菜、芽菜、蔥。加了兩餸豬軟骨、墨魚餅。朋友喜歡吃辣但又怕太辣，最適合揀這款豬骨湯底，因為微辣之中又可以品嚐到濃郁豬骨湯味，豬軟骨很入味而且很腍連軟骨部分都能吃，有驚喜！值得一讚。鹽酥雞炸到外脆內嫩，店家分開泰式辣醬、辣椒粉讓人自由選擇，讓人感覺很貼心。鹹檸樂、鹹檸七，食辣湯米線最適合飲杯凍杯飲，鹹檸檬加汽水，鹹鹹甜甜很清爽解喝。其實還有其他不同味道湯底、特色小吃供選擇。

最近愛上咗食米線，貪佢快捷方便無得坐定定慢慢嘆返個tea!!!而且重要又到糧尾時間！見依間雲川行過幾次都幾多人，一於今次過嚟試吓湯底分咗幾款；我試咗麻酸樂金湯，一上嚟試咗個湯底先味道非常之濃郁，帶酸酸辣辣咁樣好開胃，點咗雞扒同腩肉，腩肉肥瘦適中，雞扒如果可以另上就更香脆另外朋友叫咗個麻辣湯底，吾算好辣但帶陣陣麻既看氣，有少少似偏向麻辣火鍋湯底嗰隻味，我見好多人都點豬頸肉，比較細條，偏向食唔到爽脆嗰個口感我覺得配上鹹檸七係最佳嘅選擇😁另外叫咗個小食紅油抄手作為小食件數份量都多，適合同朋友Share但係可能煮嘅時間太耐，一夾起嚟個皮就會散散地咁

元朗近排開咗好多新米線，見到元朗廣場附近角落頭又開咗一間好大嘅米線舖，原來依間係喺洪水橋有一間分店，如果開得兩間嘅話應該都幾好食，都唔會差，就試下座位都尚算闊落，仲有卡位坐，冷氣都足夠，唔會好熱今次我哋叫麻辣湯同埋酸辣湯米線，呢間本身就包一個餸，幾得意嘅位係無論你嗌啲特別嘅餸，例如雞腎，豬頸肉嗰啲唔係唔需要另加錢嘅，平時啲米線舖如果叫依類型嘅配料都係要加啲比較昂貴嘅價錢，喺依方面都係依間店嘅優勝之處🤣今次我哋叫咗雞腎同雲吞，另一本叫咗豬頸肉同墨魚咀，另外叫咗炸餃子叫完好快就上菜，效率都幾高豬頸肉方便佢係切一條條方便進食，墨魚咀用蒜蓉整都幾野味個人認為雞腎都幾好食，份量都幾多，值得叫炸餃子$36嚟講都幾大份量，小食你講呢個值得回購總括嚟講，想搵間坐得幾舒服冷氣又夠份量又夠食物味道幾好食嘅米線店嚟講，依間係一個唔錯嘅選擇

見到呢間粉麵舖新開咗一排都仲咁受歡迎，於是去試下晚餐。平日晚市都座無虛席，人氣高企🙌🏻🔸蒜香雞扒+豬軟骨熱拌紅薯粉（微辣） 紅薯粉Q彈滑溜，份量十足；雞扒嫩滑好咬；豬軟骨燜得夠入味，肉質軟腍；加埋辣肉碎大大碗好惹味😋🔸豬大腸+雞腎麻酸樂金湯紅薯粉（微辣）豬大腸處理得乾淨，咬落有韌勁，內裡軟糯；雞腎就爽口；湯底酸辣開胃🤤🔸麻辣牛展口感韌中帶嚼勁，香麻而辛辣🌶️ 🔸凍豆漿係大和支裝原味豆漿，味道香濃，解辣一流。🔸凍檸檬利賓納酸酸甜甜好開胃，檸檬有成四大片。味道的確唔錯，而且出餐速度好快👍🏻

朋友話想食米線，但係又唔想食大型連鎖米線店，想食米線小店，於是就去咗大馬路嗰邊睇吓有咩好食，就發現咗依間新開嘅米線小店。胡麻湯蒜香雞扒台灣麵蒜香雞扒超大塊，啖啖肉，食落有濃郁蒜香味😋雞扒嫩滑，一啲都唔嚡。台灣麵略帶煙靭，質感唔錯，唔會腍啤啤冇晒口感👍🏻胡麻湯胡椒同麻味都幾重食落好過癮，味道唔算太辣。豬大腸熱拌紅薯粉熱拌紅薯粉有超多肉碎做配料，撈埋一齊食令紅薯粉口感更好！配料仲有芽菜，份量都非常之多！豬大腸軟腍腍，好入味👍🏻紅薯粉口感Q彈煙靭，絕對滿足到鍾意食煙靭嘢嘅朋友！家鄉手撕雞份量都幾多，味道麻辣似口水雞。手撕雞落咗好多辣油，所以我都覺得幾辣，唔食得辣嘅朋友可能會覺得非常辣！手撕雞仲有雞翼添！就咁啦檸檬利賓納利賓納味勁濃郁，配埋鮮檸檬，酸酸甜甜好開胃！鹹檸樂鹹檸樂比較少地方有得飲，一見到就即刻叫咗！鹹鹹甜甜味道好特別👍🏻

第一次來食個韭菜餃子不過不失 湯偏鹹湯有少少配菜（豆芽）其次係熱拌台灣面距間野有3款面（米線，台灣面同紅薯粉）當時聽到覺得神奇個辣肉碎同D汁好味配菜選左豬大腸都入味但個魷魚鬚就。。。。。我用36蚊買你一份魷魚須結果甘細份茶樓40蚊一大碟喔大佬而且味道一般般，又唔出色，炸漿調得一般又唔係好脆，係個旁邊的辣椒粉好味D最後個脆皮大腸啦講明脆皮，你比個脆我先啊，我放入口，韌的，你一開始就炸定放旁邊，你出廚房之前都過多次油啊，上來熱都唔熱，又韌喔，唔知ge以為你係凍左的乳豬豬皮tim，韌到抽筋

中意食雲南風味米線又唔想食黎食去都係譚仔？呢間雲川百味係唔錯既選擇, 呢度可以揀到好多同譚仔唔同既餸同小食, 岩晒食野追求新鮮感既大家豬頸肉鴨胸蕃茄湯米線豬頸肉有炭燒嘅香味, 鴨胸帶有微咸有咬口, 兩樣加埋差唔多20片, 份量相當誇張, 蕃茄湯底見到有原隻蕃茄, 茄味都算濃, 米線亦都掛湯彈牙👍豬頸肉豬大腸紅薯粉麻辣湯底豬大腸需要給豬頸肉咁多片, 但每舊都厚切好大舊, 軟硬程度適中, 連埋麻辣湯底食啖啖肉好過癮, 麻辣湯底叫咗小辣, 但唔算辣, 食到辣嘅朋友不妨試下中辣或以上, 相信會更惹味😋家鄉手撕雞見係店舖推薦就叫黎試下, 個汁帶有微辣, 偏鹹冇甜味, 係我地中意既口味, 而雞肉都有少少脂肪, 所以比較淋唔會韌🐔

元朗既米線鋪好似愈開愈多，最近一條街都新開左2-3間，今次去左另一間新開米線鋪，呢間幾大間，好多位坐，又有卡位，仲有大大個玻璃窗，光線充足，比起一般既米線鋪坐得舒適啲。湯底選擇都幾多，有豬骨湯、麻辣、酸辣、魚湯都有。所有麵餐都包一個餸$48，特色湯底會加$2，包熱飲，聽落去$50有找，價錢都算吸引。蝦卷豬骨湯米線 $48豬扒 +$10豬骨湯有辣肉碎、芽菜、酸菜、韮菜、葱，雖然佢話微辣，但其實食落完全無辣味，豬骨湯吾會好酸。蝦卷有4件，有粟米系入面。豬扒醃得幾好食，而且幾腍，吾乾。豬頸肉胡麻湯米線 $50墨魚咀 +$10胡麻湯比較少見，叫左小辣，但個人覺得都吾算好辣，胡椒同麻味較重。豬頸肉既醃料味道同豬扒一樣，同樣好食，墨魚咀大大粒，不過略嫌吸收吾到湯底既味道。麻辣牛展 $46呢度既麵份量吾算好大碗，所以加多個小食，牛展切成薄片，加左啲麻辣油，吾系好重麻味，有少少辣。餐牌：