靠得住粥麵小館 (奧海城二期)

營業中

休息中

幾個月沒到來，今天店家煮麵的爐有故障，只賣粥、腸粉和炒粉炒麵，不過不要緊，我還是點我最愛的雞粥和混醬腸粉。今天的粥沒以往的那麼好吃，原因是粥內的雞全是雞胸肉，很柴。腸粉依然好吃，仍是那麼滑。腸粉上桌時只放了醬油和芝麻，其他醬料是放在桌上由顧客自己添加的。甜醬、辣醬和麻醬都是我的最愛，添加後腸粉美味無窮。很想讚讚這兒的侍應，送上雞粥給我溫馨提示，說粥內可能有點碎骨，叫我吃時留神。另外，每次光顧，侍應都會送上一壺蘋果茶，收費$3。價錢一點也不貴，但那茶味我不太喜歡。這次問了，原來可以不要那茶，費用也不會收取。

疫症期間個個都唔想外出食飯，諗住嗌外賣。點知呢間野啲客人遲來先上岸，我罰企左45分鐘，就係為咗三個好簡單嘅餸。好明顯佢係招呼左堂食客人先。唔止我一個，全部叫外賣嘅人都係門口嘈。安排完全唔得。食外賣嘅朋友自己諗，分分鐘叫個麵食都要等60分鐘先有得拎

原條魚上的河魚泡飯晚飯時間等了一陣，如果想快啲就要搭位，不過都坐得OK。佢有晚市套餐都好經濟實惠. 今次揀咗碗泡飯做晚餐，係整條魚放喺湯飯上面。可能工序比較多，冇叫套餐嚟得咁快，魚係煎左再放湯，多魚肉 冇乜碎骨，但都要小心食；一個大人份量啱啱好

每次經過靠得住都見到要門口排隊等位，今次都唔例外，好彩等左一陣就已經有點得入。中午lunch set餐牌有得揀食小菜或者粥/麵，選擇都幾多，不過價錢就唔算平。尤其如果食粥都比較貴，可能因為米芝蓮啦。經朋友大力推薦，我今次揀左食香酥排骨菜飯，上次朋友食過都讚不絕口。另外見到附近檯都頗多人食水晶雞，賣相都好吸引。套餐包左野飲，仲有得揀柚子蜜/柑桔蜜。不過落左order之後，佢啲野食黎得比較慢，我地3個人黎食，等左廿幾分鐘都完全無野食上檯，最後都係要催佢。排骨黎到賣相睇落唔錯，本身有啲驚炸排骨配飯會太齋，點知食落又唔會。排骨炸得都幾脆，熱辣辣而且啖啖肉，啲肉又唔會太乾身好dry。而且我估唔到佢啲菜飯都幾好食，幾香口，齋食飯都無問題。餐廳會收$3茶芥，比嘅係蘋果茶都幾特別，另外仲要再收加一，所以埋單都要近$70蚊唔平，不過啲野食質素唔錯，間唔中食下都ok。

今日早咗食lunch,於是決定試下附近平時lunch time都排長龍既靠得住。我嗌咗一個lunch set, 就係雞粥加炒麵，價錢唔算好貴，始終都有米之蓮認證。呢個炒麵好高質，炒得乾唔油，豉油味啱啱好。個雞粥都幾足料，雞肉都有幾大件，雞肉好嫩滑，粥底好綿滑，雞味好濃。整體雖然價錢唔平，但食物質素絕對對得起個價錢。

放假周圍走，行過這裡吃午餐，午市套餐 $58-66，有菜飯和炒飯。菠蘿咕嚕肉菜飯 $60，包飲品，凍飲加$3。菜飯，不油膩，偏硬；咕嚕肉，肉很軟，份量很多，食完飯還有剩；汁，甜酸味道適中；菠蘿，有三件。食到一半才發現這間食肆是米芝蓮推介，可是推介食粥，下次再來食夜粥。埋單$72.6，有$3茶錢和加一。

平時看到好多人排隊，今日終於一試，感覺有驚喜，尤其係碟腸粉，好滑，，，，，，自由落醬系甘落，好好食，基本見到人手一碟。。。我覺得粥比較一般但是屋企人覺得很好吃。。。蝦子麵亦都唔錯，仲有碟芽菜雞都好食啊，隻雞無雪藏味，價格適中，粥就偏貴咯，叫的白鱔粥無幾舊鱔都預阻啦。。。。。。。。總之就系怒推腸粉啦，如果有下次，都係想一人一碟腸粉咯，唔夠食啊！！！！都被人搶掉啦！！！！！！！！！！！！！！！！！！！！！

哩間米之蓮店其實之前已經食過, 印象中無乜特別不過今日係附近又好耐無食, 就係度食個lunch啦。一坐低待應就會放低蘋果紅茶, 會收番3蚊茶錢, 個茶係唔錯既~ 有米之蓮個朵, Set lunch價錢當然比出面貴番少少啦。水晶雞菜飯 $70雞件骨肉均秤又嫰滑, 唔會乾爭爭, 雞油都幾香, 唔錯! 菜飯既菜亦唔姑寒, 啖啖都會有粒粒既菜中意佢有得配薏米水, 清清甜甜埋單個數唔知點解分拆左, 不過總數就岩既(餐牌係70蚊配埋薏米水), 連埋加一都要$83.6, 有少少貴但食物味道係好既, 可以一試呀

見到靠得住有米芝蓮嘅光環就即管試一試叫了爽滑肉丸粥，肉丸有豬肉香味，醃得岩岩好，襯埋軟綿綿的粥底岩岩好。另外我再加咗胡椒粉調味，令到肉丸香味更突出。而每粒豬肉丸的size都比平常食的大小小，粒粒結實爽滑

靠得住粥麵小館午餐很受歡迎，皆因佢嘅食物非常靠得住。呢度除左粥粉麵飯外，仲有好多午巿套餐比你揀，難怪午巿時段門口必定大排長龍。魚香茄子套餐（$61）魚香茄子度度都食得到，但唔咪度度都整得好。靠得住的魚香茄子非常之有水準，絕對靠得住。茄子用油爆過，所以能夠保持鮮豔的紫色，加入豆瓣醬令茄子獨有的甜味更為突出。咸魚肉碎只不過係配角，恰如其份地作點綴，沒有喧賓奪主，搶去茄子的風頭，取得一個很和諧的平衡，抵讚！

食清一點，食個家常便飯，係「靠得住」給我的感覺。今晚，無煮飯，又唔肚餓，出街揾食，就來了靠得住，可能時間尚早不用等位👍🏼環境光猛乾淨，有卡位有圓枱。$3一位茶，非常有誠意，用蘋果紅茶！茶香芬芳👍🏼👍🏼👍🏼點了個2號餐 再加兩個餸，兩個人剛剛好！🥢秘製牛腩撈麵🥬配唐生菜🐟爽脆鯇魚皮 (本人推介👍🏼👍🏼👍🏼👍🏼👍🏼）超級爽口！🐠白灼鱔球樣樣都好味，一定要吃；但賣相冇乜特別，所以冇點拍照。記得鱔球都有D骨，要吃得好小心，不可談話分心😜好特別的花生—差不多每碟餸都有花生伴碟（好脆口😋 ）同微辣豉油另上，感覺好邪惡雖然茶錢平，但有加一，所以只叫餐，唔令加餸，應該會抵啲。

貴為唯一的粥鋪取得「米芝連車胎人推介」，單係呢個光環都經已值得我們平時拉大隊幫襯。我一定唔會食粥（因為怕肚餓）而係食午巿套餐，今日都唔例外叫左個鮮蝦揚州炒飯套餐。揚州炒飯賣相頗為吸引，完全幻想到廚師炒完個飯用大勺上碟，成個勺形出曬黎，而且熱騰騰香噴噴，真係「香」、「味」俱全。蝦冇用嘢乸過仍能保持蝦肉彈牙，飯炒得夠乾身有鑊氣，粒粒都有蛋漿包住呈金黃色，合符預期預期，唯一美中不足係冇落「美極」豉油，令個「色」水差少少。而甜酸咕嚕球菜飯亦係佢地撚手小菜之一，真正做到皮脆肉嫩，咕嚕肉用的是豬肉，顏色同咕嚕魚响我心目中的形象一致，酸酸甜甜非常開胃，絕對靠得住！可惜菜飯有點油膩，不夠健康。仲有魚腩豬潤粥真係世界級，生滾粥夠綿滑，滾兩滾真係神仙都企唔穩，豬潤夠厚身爽夾滑，魚腩鮮甜啖啖肉，魚與熊掌兩者兼得！

今天和老爸行到二期食靠得住⋯爸話食飯餐⋯今天無爸最喜歡的咕嚕肉餐⋯爸要了南瓜蒸排骨⋯我就點了枱枱也點的豬軟骨...全部要菜飯跟餐⋯包餐飲$60＠套餐另加一⋯我的豬軟骨不太咸⋯真的好冧滑⋯充滿骨膠軟⋯有些人可能會略嫌肥膩⋯但我放肆任性的唔理甘多了⋯菜飯很好吃⋯油香菜清爽⋯爸的南瓜排骨也很惹味⋯我略嫌南瓜可再冧身⋯老爸很滿意笑眯姝⋯成碟送食哂⋯飯反而吃剩⋯其實份量頗大⋯最後要讚杯豆漿⋯熱暖又不太甜⋯面頭還凝聚了一片＂腐竹＂⋯驚喜⋯2父女都很滿足⋯

有點兒作病，加上近日不停下雨，天氣較涼，最適合食粥！ 本身不太喜歡吃粥，但我覺得靠得住的粥的確很不錯！我要了一碗豬潤魚腩粥配混醬腸粉（$60)。單從圖片已經能看出，粥底非常綿滑！ 豬潤有4片，魚腩也有兩條，分量很多。味道方面更是"無得輸", 豬潤剛剛熟，很粉嫩，魚腩也很滑，配上清甜綿密的粥底，非常滿意！ 跟餐的混醬腸粉，醬料自己添加，分量隨你喜歡。 腸粉滑溜中帶點兒煙韌，加上麻醬甜醬更加滋味。另外要了一碗牛肉粥，粥底一樣夠綿，牛肉夠滑，不錯吃。最後，還加了$9,要了一碟陳醋雲耳，陳醋汁夠酸，味道很濃郁，我非常喜歡！雖然以粥來說，這間不算便宜，但我覺得質素還是有保證的！

之前偶然經過呢間靠得住已食過一次佢既粥，而且入到去先知係米芝蓮推介，而且個粥底係綿啲同埋濃厚啲，所以今日見餓餓地又咁啱行過就入去食個午飯。今次點左個魚片滑牛肉粥，加左個炸雲吞之外再叫多個陳醋春耳試下。佢會收3蚊茶錢，但個茶係蘋果紅茶，都幾香甜幾特別，好過成日飲淡香片咁悶。先上來個陳醋春耳，個汁果然幾重醋味，不過都幾惹味，但個木耳一啲都唔爽，應該煮過龍了，又厚但又淋，可惜！魚片牛肉粥黎既份量係剛好一人份，配料都好多，食每一啖都畢到牛肉或魚，啲牛肉大大塊同夠滑、魚片都幾香而冇骨。但今次個粥底比上次時食就咸左啲，冇上次第一次食咁驚喜。雖然應該冇咩味精，食完未致於口渴，但食到底唔係咁熱時就覺得口味越來越咸了⋯最後黎既炸雲吞有四粒，份量都合理、炸得唔太油，雲吞肉有蝦有豬肉，都幾爽，都唔錯。整體黎講今次呢餐既感受冇上一次黎食咁好，當然佢既粥底點都比出面既連鎖粥店好食得多，但以佢呢個價錢同埋米芝蓮推介之名就有少少失望。希望佢今日只係一時失手，或者都要諗下點樣去令水准維持同保持穩定了。