靠得住粥麵小館 (奧海城二期)

營業中

休息中

今日去左奧海城二期吃下午茶，食店環境清潔，座位舒適。下午茶餐選擇多，有粥、炒粉麵飯、湯麵，仲可配小食，有炒麵、腸粉、油菜和油炸👻。價錢$28-$38。味精方面在呢個價錢來說非常滿意，腸粉可以自由加上喜愛的醬料，讚！

上星期四午飯時叫了一碗及第粥及鹹肉粽，及第粥足料味道啱啱好， 唔會好鹹， 特別係粥裏面有兩粒肉丸好好味 ; 鹹肉粽大隻多綠豆蓉又鬆軟好味， 埋單$78， 侍應服務態度不錯 ，上菜速度也很快 ，雖然有啲貴但係都值得。

好少寫食評,忍不住要寫一下,下午五時半左右入咗去食,客人不多，同老婆點左個乾炒牛河及香菇滷水雞翼,一食就知中伏,完全是凍的,雞翼肉及皮都是爛茸茸,叫個員工去換,佢就話叮熱,翻來碟餸還是微暖,不知所謂！乾炒牛河又是微溫,牛肉三小塊!希望食完呢餐無痾啦,真是打開門做生意騙人,"米x蓮推介食屎"佢自己提名做假...

行過路過 , 見到這間 靠得住粥麵小館 , 就入去幫襯 , 看看是否仍然靠得住 .... Menu ~ 天氣仍然有點寒 , 一杯熱茶喝 , 是很療癒的 ~ 秘製牛腩撈麵 : 碟頭大 , 麵多 , 牛腩都算多 ; 先呷一口伴隨撈面以上的一碗湯 , 感覺味道頗鹹 , 試過一口之後就不再需要了 ; 麵質算爽口 , 但就有很重的鹼水味 , 可能有些朋友會對這種鹼水味情有獨鍾 , 但就不太合我口味 ; 牛腩煮得入味 , 肉質軟腍 , 牛筋都算是滑嘟嘟 , 但都是偏鹹 ~以這一碗 牛腩撈麵 來說 , 水準算是一般般 , 但還是值得一個笑臉的 ~本篇完 ~

因為一次食物衛生問題，很久沒有去「靠得住」。今天朋友來訪建議到奧海城的分店，我儘管再試。到店後發現店家已經把「取票輪候」取消掉，而回復原始時代的「排隊」等位。詢問店員，其主任聲稱取票輪候會造成噪音。對此真心嚇了一大跳，當全世界都發展手機取票時候，「靠得住」逆行潮流，浪費食客時間要求「真身排隊輪候」，一大奇觀耶！在同一個商場其他食肆如「金滿庭」可以手機app查閱輪候情況，以致「kabu」（會員）更可手機app取票輪候。註：在回覆我詢問時，店員態度不錯。

剛去完迪欣湖野餐，沿著機鐵線，來到了奧海城。其實很久沒有去奧海城，略嫌這裡的商場特色不夠明顯，商場又不夠多，如能引入AEON、MUJI或一田這些較具特色的大型購物店舖類型，我想會更吸引我多一些。突現一間餐廳因應商場的不同定價策略很重要，因為經過靠得住，看見餐牌在奧海城的價格定位適合我當時的心理承受價格狀態，我有時想吃貴些，有時想吃便些，剛好靠得住就符合了我的心理價格預期，當然，另一個因素就是因為想吃粥去入去的，因為臣妾覺得粥就怎樣都靠得住掛。靠得住以粥引君入甕，想不到原來不止有粥吃，初頭我還以為是另一間海皇，想當年在灣仔克街總店吃過一轉，只記得吃得十分擠逼，回頭已是十年身，菜式原來變得這樣多元化，由粥發展到燉湯、蒸點、精美小菜、粉面飯、湯撈面到小甜心，一應俱全，就這一點頗出乎我意料之外，這還不止，這裡的菜式都頗合我個人的口味，想點的菜式竟比預期多，剔除自己從不吃的東西容易，剔除自己想吃的東西困難，因為又要腦筋大作戰，不得不爆句日文："諗大YO"。捧住偌大的餐牌看呀看，點呀點，最後才發有個簡易版的餐牌，真不知好嬲還是好笑。蒸深水泥鯭($78)：遲遲未來，再追原來落漏單，不如不要叫深水泥鯭

聽朋友講過呢間粥麵店食物質素唔錯，今日經過奧海城，見有佢嘅分店，就乘機試吓。食肆主打係粥麵，裝修光猛企理，但座位比較迫夾，出入都要好小心，以免撞到其他人。粥麵午市套餐唔算平，仲要每位$3茶錢，不過如果食物質素好，值得嘅都無問題嘅！牛腩撈麵配油菜 = $58牛腩都ok嘅，但就唔係靚嘅部位，牛筋炆得太稔，無咬口。要讚嘅係芥蘭，灼得好爽脆、青綠，鹹魚雞粒炒飯 = $68飯炒得乾爽，但冇乜材料，鹹魚亦少到搵唔到 ，唯有當普通炒飯食。星洲炒米 = $68色香味俱全， 材料都好多，唯一缺點係韮黄太老，有點食草的感覺。薏米水有點懷舊feel ，如果可以減甜就更好喇！即磨咖啡出奇地味道非常好，咖啡同奶嘅份量好平衡，好啱我口味。

收工好想食返個泡飯, 今日又得一個人就偷偷地黎左奧海城呢度行街shopping and dinner 黎靠得住一丁友食飯唔係第一次每次都會叫呢個招牌既蠔仔泡飯不過今次唔好彩....食到最尾先發現有隻蚊仔...SO SAD  意外黎既 ! 同埋唔知係咪改左餐牌, 比上一次黎食貴左DDD.......晚餐有D貴, 因為要計埋茶錢, 但個APPLE茶都OK架, 點講都好一個人係唔抵食架啦希望下次唔好出現意外了.. (蚊仔事件) 

喺附近返工，間中都會外賣買返公司食，平時都係嗌下午茶餐，佢可以打電話叫定，夠時間就去攞，佢嘅下午茶淨係做星期一至五，星期六，日同紅日都唔做嘅。平時食下午菜都覺得唔錯嘅。所以呢個星期六就諗住試下佢嘅午餐，知道有水晶雞，今次就試呢個。平時大約15分鐘就已經攞得，今次都一樣打左電話落單之後15分鐘就去拎啦。點知去到竟然未有，原來係落左單但係冇整，咁我又要等啦，心入面已經有唔高興。拎到返去一打開，真係想講粗口，份量少到一個點，仲少過下午茶。望落得一隻雞翼嘅份量，仲要勁多係得層皮同肥膏，其中得三舊係有肉，雞翼嘅肉...見到真係著左火，咁嘅樣都可以比客嘅？！啲飯嘅份量係一碗都冇，仲要超多油，食到底簡直係比油浸住咁，真係食唔到。星期六日唔想做下午茶好明白，但收得人午餐嘅價錢但係份量仲少過下午茶真係好過份囉！呢餐真係好失望，唔飽不突止仲要唔好食，仲改個名做靠得住，真係改錯名！

太興下午茶餐，一般要50多元，光顧集團旗下此粥店，30多元便可以。同樣一碟港式星洲炒米，風格一樣，強烈的咖哩氣味，奪目的青黃色，鮮味的蝦仁，無形的鑊氣。只需38元，無加一費用，茶錢3元。比太興廉宜。粥餐更低價，食魚湯粥，份量與正餐相同，只需30元。粥底甜滑有米香，添上魚片和牛肉，味道更特別，原來魚牛都很合襯。炒麵質素亦很高。茶是蘋果茶，淡淡果香。最低價是麵餐，一碗雲吞麵，賣28元。但我覺得質素普通，性價比不高。因劉森記只賣29元，更大碗，不收茶錢呢。

此集團的分店口碑一般，佔6成佔4成。其貴價粥和小菜未必符合市場需要。今日發現它的早餐簡單，美味，廉宜。7時許已開舖，我正好游泳前吃早餐。點選了 28元（無加一，茶錢）早餐。已撰文指其魚湯粥宜配合簡單食材。點了牛肉魚片粥，料佔比例不多，已簡單好味。最驚喜是炒麵。炒麵是重點推介，想不到特價早餐亦有供應。吃靚炒麵的食店難找，很多爆炒店如大中華都不再供應。酒樓炒麵是炸麵餅而已。此店是即點即炒，因食客少，是逐碟炒。不肥膩，夠鑊氣，濕度適中，比一般粥店的大鑊炒差天共地。份量亦不少，有兩碗滿滿的。價錢與快餐店一樣，食品，環境質素更佳。

喺度食完個 蠔仔粥 啲蠔唔新鮮一大陣雪藏味， 甚至可以用 臭臭地嚟形容， 個粥底又屎到冇人有 ，又稀又剩，總之食咗一啖已經食唔落口 成碗冇要到， 但是關太肚餓 即刻吊碗牛肉粥補上， 點知啲牛肉有幾塊又硬又剩， 點解呢間野仲可以攞米芝蓮 悲哀

周五放工和朋友来这家店吃简餐。点了几个招牌菜：心肝宝贝粥：里面是猪肝猪心和带子，粥底绵稠软滑，调味也很鲜。猪心猪肝很嫩，应该是略白灼后即生滚入粥。好评。唯一的缺憾是还是会略有一点腥味。菠萝咕噜肉：每桌都点了这道菜，做的非常好。肉块细嫩，外壳是薄薄的酥壳一点都不会有硬块。酸甜口调味也很好。芽菜水晶鸡：挺有特色，属于白切鸡做法然后裹上鲜鸡汤的芡汁。汁味很鲜，但是鸡本身没有那么鲜。中评。服务和环境上这家餐厅店面不大，服务员基本照应的过来。不过是次就餐中发生了厨房漏单，好在指出后很快就做了。

Going in, I was planning to order just a simple quick noodle bowl from their basic menu, but I became distracted by a gorgeous looking book sitting on the table. It turns out to be their dinner menu. For a casual diner, the physical appearance of their menu book rivals those at many high end restaurants. It is professionally done, designed to imitate a cookbook production with sharp pictures and persuasive descriptions. So  I decided to order a few items there. Sadly, the food was a complete let

今天在奧海城看完早場後，便到這裡吃午餐。上網看過話這裡的質素不好。所以專誠揀這裡去試，因多次去屯門那店，不論早晚都無失手。(包括小菜、早餐等)十一時許剛開舖，已有幾枱客人了。點了套餐：蝦球雞粥+糉。連茶及加一為九十四元六角。粥底真的無得輸，蝦球有五隻之多，有三隻是很大隻的，大過一粒完整的元貝。雞也有五件，而且是雞件上，不是所為手撕的。喜歡件上好過手撕，起碼都叫有咬口吖。糉真的很好：因在出面就算你不計較價錢，去買所謂綠豆糉都是綠豆少少，糯米多多或是無謂餡料一堆。但我祇想吃的祇是綠豆多多。這裡便做到。因它們介紹為七、三比例。唯一要彈的是那糉送來時未夠很熱，因沒有冒湮。我覺得用這價吃到這樣質素，起碼對得起消費者。