靠得住粥麵小館 (奧海城二期)

營業中

休息中

粥濃稠 雞皮黃肉肥 天氣陰陰時候吃 感覺很熨貼 銀芽炒麵是隨餐附的 簡單的醬味 麵很彈口 沒有低消 吃完也不趕人 連續幾年的米其林餐廳只是跟餐點配搭起來茶水很奇怪(蘋果紅茶茶包）

我食過3間靠得住，奧運呢間一定係冠軍！首先，相對上水同灣仔，呢間唔洗大排長龍，已經感覺很好！室內裝修又雅緻！靜靜地嘆個早餐，無大陸人嘈住曬食物方面，我必叫係呢隻粽！軟綿綿，又有鹹蛋黃！肥肉比例適中！點砂糖更係加100分！我鍾意食呢個粥-蝦球雞粥，配合外脆內軟的油炸鬼！真係good morning！但佢嘅口水雞就好小氣！$38得5舊！再好食都唔想讚你啦！價錢方面佢有幾個特別推介係貴d，值唔值就見人見致喇味道：7個環境：7個價錢：5個

農曆新年同同事去咗呢間食個午餐，之前未試過，所以諗住試下，又見到佢寫住有米芝蓮評級，所以諗住有質量保證，我哋八個人食咗成八百蚊，食咗幾味餸，包括梅菜扣肉，粽，雞， 幾碗粥，沙爹牛肉 等等，全部都唔掂，梅菜扣肉D梅菜完全唔掂，雞冇雞味，炒飯有啲燶，最好味的竟是腸粉。咁嘅舖頭都有米芝蓮，我覺得米芝蓮這個品牌完全比佢破壞，所以大家去餐廳唔好單憑這些評级，評级唯一可保证的只是價饯一定唔平。 去一啲街邊嘅粥粉麵舖，價錢可能只係一半，但質量可能畀佢仲好

奧海城逛街，隨便挑了一家吃，午餐時間不用排隊就好了。上一次吃已經是好幾年前了，因為每次週末都好多人排隊，沒有耐心等。翻看菜單發現已經不單是賣粥麵了，還多了不少輕食小菜 ，感覺要轉型。單以粥麵記，價格決定不便宜。不過香港還有價格便宜環境又舒服的嗎？總體不錯，下次人少還來。

筆者經常都會來呢到食粥既，呢個既粥煮住唔錯，最鐘意就係呢到既豬潤粥，很香很濃味。呢這既糉很足料，很有味，不過份量就少左d，1個男人叫2個都未食得飽。不過筆者今次黎就唔係食粥，鐘意試新野既我，試下呢到既蒸鉗魚，點知一試就中伏。落左order，等左1個鐘都未有得食，餓死人。問waiter點解要等咁耐，佢次次都話蒸緊。好啦等左咁耐，終於有得食，點知條魚竟然唔熟，蒸左成個鐘都唔熟，有冇搞錯!! 好啦，叫waiter收返去返蒸，點知返蒸完條魚老哂，好似食椽巾咁。就算唔係蒸到老，條魚都唔好食，泥味勁重。所以大家黎呢到食野，千其唔好叫蒸魚，食粥好啦。

不知是因為最近天氣悶熱🔥🔥，還是腸胃不大好，兔小妹近日胃口欠佳，沒多甚食慾。跟友人到奧海城逛街，無意發現一間以 “米以蓮” 作招徠的粥品店 – 靠得住，想起也曾於灣仔分店嚐過，出品還不錯😋，於是便決定取票等叫號。大概不少人也跟兔小妹一樣，天氣悶熱，想吃得清淡一點，店外圍著一群同樣等入座的食客。等了約二十多分鐘，終於叫到手上的號碼!✌ 我倆被安排坐到近出菜口的二人座位。等得久了，也渴了，倒了一杯剛沖好的熱茶。喝下一口，茶味甘醇，還散發著淡淡的蘋果🍎清香，還很不錯。原本打算點兩個粥品，再多加一隻鹹肉糭，但因魚腩粥售罄了😣，最後點了友人喜愛的黃沙豬潤粥 ($35)﹑鹹肉糭 ($26) 和刴椒蒸魽魚($91)。不一會，黃沙豬潤粥和鹹肉糭送上。黃沙豬潤粥的加入魚湯當粥底，口感軟綿，味道鮮味; 豬潤口感不像坊間的粉腍，而是爽滑彈牙，且沒太大腥味，令味道更加鮮甜，挺不錯的。至於鹹肉糭，味道不過不失，卻略嫌份量太少，跟價錢不成正比，感覺有點 “欺場”。😕不過，”迷你” 鹹肉糭只是前奏而已，好戲還在後頭!😈點了的刴椒蒸魽魚，說是說要等十五至二十分鐘，結果等了大半小時⏳，還未見踪影。經過多番催促，才捧到桌

早前有位知名人士反問雲吞麵係最好餐廳服唔服喎? 點解唔得? 莫講話雲吞麵都扲到米芝蓮, 大家由細食到大, 無人未食過, 雲吞麵係最能代表香港既美食. 不過人地食慣山珍海味高高在上, 我真係識條麵咩...去奧海城睇戲, 仲有半鐘幾鐘先開場, 就係附近搵食啦. 點菜後侍應先奉上蘋果茶 $3: 微甜，有清香優雅果味，舒服安神, 餐前餐後亦清清味蕾炸醬雲吞橯麵 $45: 炸醬有肉絲冬菇絲，甜中帶微辣，雲吞皮簿結實, 蝦肉鮮彈，豬肉有少少麻油香，麵質纖細, 鬆軟有彈性, 掛汁度高, 麵條均衡地沾上炸醬其實對其他食物都有興趣, 可惜今天得一個人, 時間又不充裕, 下次同朋友再來食多d埋單$3 茶錢+ $45 橯麵 + $4.8 (加一)= $52.8

平時經過都見大排長龍、嘩，諗住食粥食面都咁多人、應該好得啦！今日一心諗住肚餓有好野食🙄點知，好普通、豬軟骨撈面比佢好食既舖頭大把啦！！煎蠔見圖片賣相唔錯、點知又貴又麻麻...影到呢度都已經唔想影喇、再黎星米炒到唔乾身、無鑊氣👎🏻無下次，試過一次夠晒數

要在食飯時段，在奧海城找地方吃飯，其實一點也不容易，往往都要排長隊，因為趕時間的關係，決定一試這間不用排隊的招牌淨雲吞 $34雲吞皮薄也頗滑的，雖然偏細粒，但一碗都有7粒，粒粒有蝦肉，以這價錢已經不錯！只是湯底太油了和味豬手麵 $35碗麵比想像中細碗，但麵條算是爽口彈牙，豬手只得兩塊，煮得淋但可以更淋更入味，都是以這價錢來說，已經收貨小編對食物滿意，但服務上，可以更細心，及有效率

星期六悠閒到奥海行街，印象中已經超過一年多沒有來到奥海，幾年前差不多每個月都會去一兩次，十居其九都會拜會那裡的simply life，因為此分店有供應泰式食品是它其他分店無的而且非常好味，今次再到奥海，竟然發現新店....靠得住(其實不是新只是本人太耐無黎奥海啫 )))，原來它的灣仔店更連續五年得到米芝蓮車軩美食；由於當時只是下午六時不用等位，所以決定 ::]先來個前菜，有齊我最鍾意嘅海蜇，醉雞， ::，醉雞果然係鎮店之寶，花雕酒香濃雞肉滑  ::，青瓜,海蜇同四季豆就好一般！雲吞麵係廚師推介梗係要試下啦，但係只叫過得去咋喎，我覺得無論麵質同D雲吞都係池記好食啲 蠔仔粥都係廚師推介，送到黎既時候仲係滾嫁 ,不過就咁睇好似好細碗咁仲諗住唔夠飽添，點知原來隻碗好深下，食極都有咕WOR! 材料方面,師傅落咗好多蠔仔同方魚都好足料嫁，感覺上冇咩味精唔太咸,食完都唔覺口渴 ,唔錯  

點了鳯城水餃，等了段時間才來到，等也不要緊，好食就算了，可惜一入口就知道中伏了!先不說味道，因應根本未能感覺到味道就先被那硬冰冰的情況嚇了嚇!那水餃未煮透呀廚師大哥！ok ok我當你是一時失手，跟我再煮一煮就好了，我再等...然後換來了雲吞，天呀！我是要水餃呀！好再等（已經等到麻木)，結果換來的是跟第一次一模一樣的硬水餃(已哭)，這次我認命了，只好馬虎吃兩口就算是不浪費食物了。然而那椒鹽九肚魚，我已經說不出那是椒鹽麵粉糊還是內裏有魚肉的存在。那碟椒鹽麵粉也不便宜呢，沒有記錯是七十多元，真是悲哀的一餐。

大角嘴的分店跟灣仔總店的分別係 前者會有一壺蘋果茶 同一般的茶介唔同 多一份清新的口味知道靠得住係靠鮮魚湯粥底打出名堂 由6種鮮魚以4個鐘頭去熬製出黎 就試試佢的魚腩粥吧!果然好鮮甜 粥底軟綿綿的 魚腩亦都大大件另外嗌左份炸醬雲吞撈麵 中規中矩 雲吞麵湯底太咸 還是推介佢地的粥品吧

因為奧海城嘅金滿庭長期都好多人，所以我哋去咗靠得住食晏。阿爸食咗豬手撈麵因為我冇食所以唔知好唔好食，另外，我同老公叫咗混醬腸粉，砵酒蠔，蠔仔肉碎泡飯share。混醬腸粉勁多醬，腸粉質地有啲厚，不過加埋醬食都ok~ 不過食完會好口渴～蠔仔肉碎泡飯ok 啦，不過湯匙好難食用⋯砵酒蠔堅失望！千其唔好食，隻蠔其實好細隻，啲粉仲大個隻蠔，而且俾佢砵一砵啲蠔一餅嘢林bibi ，個汁又唔得，一啲都唔好食囉⋯⋯ 如果附近一帶好多人無位食飯嘅話，靠得住都係一個可以嘅選擇。

下午茶，嚟到「靠得住」。原來呢間餐廳賣嘅食物種類都好多，粥粉麵飯實有樣啱。下午茶時段仲有更實惠嘅套餐，好似我今次嗌咗（1）混醬腸粉，再加錢嗌咗碟菜。- 好食，皮滑，又夠熱！（2）餐飲嗌咗冰震奶茶。- 茶味太重，不過真係夠冰震！（3）仲嗌咗皮蛋瘦肉粥 - 中規中矩，好熱幾新鮮，灘咗好耐先食得。其實總體都ok，野食選擇多係賣點，下次會再幫襯其他分店。

今次是第三次來了。前兩次覺得ok, 今次卻令我們失望了。淨雲吞: 不過不失。饀多，好少肥肉，多蝦，但比平常的鮮蝦雲吞小得多。份量也少，印象中只得八粒。上湯海味雜菜煲:見到很多食客都點了一個上湯海味雜菜煲，所以我們又點了一個。菜名叫海味，雖然我是沒什麼期望，但也沒想過只有幾個魷魚圈，幾粒蝦乾，幾粒蟹柳……所謂雜菜，也不過是大量平價中式生菜，幾塊木耳和和極少量西蘭花。湯底太清，要加入大量桌上的胡椒粉才吊出魚甜味。鰻魚雞粒炒飯:既然是太興集團的，炒飯應該有水準。這個炒飯的味道很好，雞粒稍為太大粒，似雞柳。米飯是炒到一粒一粒的，沒有爛容容，本來所有都好好。重點的鰻魚是敗筆! 雖然鰻魚多小骨是common sense , 但從來未吃過用來炒飯的鰻魚是那麼多小骨! 不是應該挑較肥、或較多肉、並去骨的肉來炒嗎？ 於是我第一口就刺到喉嚨了。之後每一口都要逐條挑出來。試問這䓀的炒飯如何叫老人家或小孩吃呢？太危險了唯一不變的，是我最愛的蘋果茶。這個茶記，要收茶錢$3, 再加一。值不值就見仁見智了。