靠得住粥麵小館 (奧海城二期)

營業中

休息中

第一次嚟靠得住, 一入到門口就感到衞生、乾淨、光猛, 服務尚可。醉雞滑, 酒味濃,杞子香味配搭得宜, 抵讚!!有鮮甜的上湯, 配料十足, 調味功夫到家, 一個字正!!同一般街外的腸粉無異, 但勝在醬料十足, 但似乎慷慨左少少...

星期日晚上九點九來到，唔使等位。服務還可以。尼個係家鄉蠔餅，賣相唔錯係pizza，味道OK，蠔肉嫩滑，餅鬆。尼個係秘制木桶牛腩。一入口就有陳皮味，牛腩夠嫩，腩汁撈飯唔錯選擇！尼個就係我最鍾意嘅肉鬆欖菜炒四季豆，睇似油膩，其實一點都唔油膩（個人口味），餸飯最啱啦！

同朋友嚟食叫咗幾樣魚雲粥好大碗粥底十分綿，米香味十足魚雲食落都相當鮮味本身有少許薑絲，所以完全無醒味熱辣辣，滋味十足白灼腰膶，爽口亦夠鮮味厚度十足夠口感點少許醬油十分滋味蠔油芥蘭夠新鮮我地好快食哂，味道的確好不過價錢有點兒貴宵夜每人差不多七十元不過久不久食就可以

中午飲茶飲得多諗住試下呢間新開的粥麵店 ,我跟爸媽和老公, 一行4人去試一下, 我叫左個雲吞麵, 叫了3個小菜, 咕嚕肉, 古法炆豬手, 枚菜扣肉 , 另加白飯 !雲吞麵 : 一般 , 麥奀記的仲好食咕嚕肉 : 只有 五,六粒 , 超少少到暈,份量少得過份 , 我接受唔到囉古法炆豬手 : 一般 , 沒乜肉, 只是皮同骨, 但味道OK枚菜扣肉 : 最最最最最差的 , 全都是肥豬肉 , 仲衰過茶餐廳煮果D總結 , 價錢唔平又食唔飽 , 無下次 

奧海城嘅餐廳依排大洗牌，好多食肆抵唔住貴租被迫搬走，然後，又有新店試水。「靠得住」有啲名氣，而且奧運站頭茶餐廳相對少，自然一開張就大排長龍。適逢週六下午茶時間經過，見唔駛排隊，決定試吓。但企咗喺門口兩分鐘，都冇人帶位，叫個侍應仲越叫越走，第一吓印象分即刻大打節扣。之後，因為我哋面前就係一張吉檯，所以決定自己埋位坐，再叫人開茶，今次有人理啦……茶包香香哋，係花茶嚟嘅，都幾特別。我、老公同囝囝三人，點咗以下食物:白灼生腸: 同我童年回憶有啲距離。記憶中生腸應該係白色半透明嘅，唔通以前嘅係漂白？食落有好輕微羶味，但薑葱同辣豉油搭夠，都算幾好食。我下次應該唔會再叫生腸，但可以試其他白灼品種。炸醬麵: 醬汁味道唔錯，麵有勁但唔會過份彈，整體ok。星州炒米: 炒得香口，有辣味但唔過份，乾身唔會太油，我鍾意。椒鹽豆腐: 都幾大碟，塊皮脆得嚟有啲硬，但豆腐好嫩滑。冇附醬汁，要問先比喼汁，不過不失。整體都算滿意，我覺得應該係介乎「笑笑」同「ok」之間，老公話可以用下次會唔會再嚟而衡量，因為都會再嚟，所以比咗「笑笑」，但若排長龍就唔好啦。

我同媽子食個時係下午茶 , 我媽叫咗個蠔仔咩飯(唔記得全名)我自己就要咗個黃金糕 , 佢個係套餐所以有嘢飲 , 叫完等咗好耐都未嚟 , 催咗一次先嚟黃金糕 , 再催先嚟個飯... 一開個飯見唔到蠔仔 , 以為嚟錯咗 , 點知一撈到底就成堆....(因為太遲嚟所以冇影相)應該叫靠唔住定叫有驚喜

香港有兩間名字特別，大有異曲同工之妙的食店，一間叫「信得過」，一間叫「靠得住」，兩者的賣點雖然有所不同，「信得過」以豬雜馳名，「靠得住」就主打粥麵，但兩間店子都算是有點名氣。最近，在奥海城二期開業多時，食物水準絕對欠佳的日式拉麵店終於遷離，原址換上的正是這間名為「靠得住粥麵小館」的店子。這間「靠得住粥麵小館」是否灣仔「靠得住靚粥」的分店，我雖然不是完全肯定，但難得在奧海城一帶水準較高的粥麵店一直欠奉的大環境下，竟然有一間都算是薄有名氣的粥麵店進駐，對自己來說還是有一定的吸引力，所以在某一天到奧海城看電影之前，便來到這間小店，一試它的粥麵水準。原來這一天是它開門營業的第一天，我與太太來到的時候，才不過上午十一時多，還未到中午十二時，店舖還未開門，只見門外多個恭賀它開張的花牌和三數等候它開門入內吃東西的客人，反正只是要等十來分鐘罷了，便與太太兩人在商場內逛上一圈，等到十二時左右，才入內用餐。始終是新店，店中光亮整潔，給人感覺不差，但可能正因為是新店的關係，店中部分侍應明顯不太熟手，不過既然是新店，這可還是情有可原的。店中有鎮店三寶，分別是「靠得住鹹肉粽」（$22）、「全熟爽脆鯇魚皮」（$4

靠得住作為一間粥麵小館，自然令人對它的粥品和麵食有多少期望.是次一行三人去那裡吃晚飯，主要點了粥品跟一些小菜去嘗試一下~豬腰豬潤粥腰潤粥甫來到的時候我們立刻聞到一大陣”豬壓味”　應該是在滾粥之前沒有把豬腰豬潤好好的”飛水”所致．不過店員也好有禮貌地給我們換過一碗．新的一碗就沒有問題了，腰潤煮得剛熟，尤其是豬潤，還帶點軟糯，好吃！泥鯭粥泥鯭粥上枱後第一個感覺就是太．細．碗．了！！！不能夠想像一碗索價三十多圓的粥的份量是多麼的小．粥底比較單調，魚味不重，泥鯭肉也沒有很多，大家可以不用嘗試～爽脆魚皮欖菜炒四季豆上面兩款小菜味道不過不失，但份量有點小，且欖菜炒四季豆有點過鹹了～家鄉煎蠔烙蠔烙看起上來不太吸引，心想食味也不會太好了．吃下去果然如是，下得不夠地瓜粉，蠔也下得很少，質感就跟蠔仔煎蛋沒有分別，我覺得這個也不值得一點～