靠得住粥麵小館 (克街)

營業中

休息中

尋日放左工O係灣仔,行左去英皇集團大廈附近,發現左間靚粥舖,見個名幾得意,一於入去試下,打開餐牌,估唔到有咁多選擇,剩係魚粥魚湯都幾10種,仲有好多小食,價錢又實惠,粥底又靚!本人覺得佢地既咸肉糉一流,有好多綠豆,鹹蛋黃又大隻,少少五花腩,唔肥膩,至O岩keep fit人士食!仲有佢既白灼生腸,牛柏葉,魚皮,樣樣都好有特色,食物又爽口!最特別就係佢有花膠响螺粥,仲滋陰,真係好滋味!呢間粥店既賣點就係冇味精,樣樣野都好新鲜,食完一d都唔口渴,果然靠得住, 大家不妨一試, 店主Peter哥話有好多明人都o黎食, 有譚校長, 蘭子等等, 佢地都係常客, 快d去試下啦~

今日請半晝假去書展，先要祭五臟廟，見呢度未試過，就睇睇佢個魚湯底嘅粥有幾得先...一坐底就循例望吓貼响四圍牆上嘅餐牌，決定先叫一碗白鱔粥，之後見到佢哋嘅鹹肉糭號稱天下第一，心諗"咁誇張?"，於是又叫一隻試試佢。糭先到，細細隻，用筷子撥開，感覺頗軟糯，綠豆份量相當多；鹹蛋黄紅噹噹，油水幾夠，唔錯；五花腩就比較細嚿，亦唔多夠肥，差少少；豉油調得有少少甜味，頗對我嘅口味。總體上說係一隻好糉，但稱之為"天下第一"就未免太誇la...粥煲得算係幾綿，吃一口，感覺係幾鮮甜，亦食到有少少魚味，但隨之而嚟係有少少頸渴，相信落咗味精，好好一個靚魚湯粥底就咁就浪費咗，但平均嚟講已經係合格有餘；白鱔大大件，好新鮮(因為D肉係彈牙嘅)，幫碗粥加咗唔少分...價錢唔算平，但確值得一試。下次帶愛吃粥嘅女友嚟試試先..^_^

(18/5/06)搬左過黎都未食過。我地入去時,見到蘭子剛剛食完出黎。小食、魚湯、粥款多左好多,不過都是偏貴。男友要牛肉粥,我要珍珠蠔粥。牛肉沒醃得過份,所以ok。而珍珠蠔好得意,脹卜卜,真係好似珍珠。至於粥底,比以前味精左。另外吃了一隻咸肉,門面說怎樣好味,食下去,就像我grandma包的味道,清清地,無味精。

上星期放o左工之後好想食粥，就由金鐘office散步o黎呢到。當我碗艇仔粥食到一半，油炸鬼又食到一半時，眼尾瞄到油炸鬼上面好似有o的o野..... 原來係蟲蟲!! 而且係一條極度活潑o既蟲蟲!! 即刻有o的反胃，同阿姐講佢就好淡淡然拎走碟o野，問我要唔要碟新，我話唔要，佢就話唔收我碟油炸鬼錢。之後我粥都唔想食，即走。

一直都很怕吃到有「師傅」的粥，吃完整天都會感到口渴。之前只找到西環利隆生滾粥不含味精，可惜地點較遠不方便。 發現這間粥店不含味精，兼以魚湯煲製，故特前往一試。二人點了一碗白鱔球粥，一碗黃沙豬膶粥，一碟炒麵，一隻咸肉粽。 粥底很綿，有鮮甜魚湯底。白鱔球十分鮮甜爽口彈牙；而豬膶粥十分香滑。炒麵不過不失，有少量冬菇絲，尚算暖暖的，但份量實在是太少，十元一碟不太值。咸肉粽尚可，粽身鬆化，但餡料較少。 食物雖然味美，但份量略嫌不足，是次飯後很快肚餓再往別處食糖水。雖則如此，但其粥品實在令人回味，我亦會再惠顧嘗試其他不同口味的粥品。

五月三日星期三下雨上次去靠得住食過豬潤白鱔粥, 今次揀o左泥鯭粥. 粥底夠綿, 好多碎泥鯭肉, 無乜腥味. 魚湯粥底令泥鯭粥更加出味. 但比較起來, 仲係白鱔粥好似出色o的靠得住有鹼水粽出品, 佢地話每日只係賣十隻(唔知真定假..) 小張覺得鹼水粽好過鹹肉粽. 夠鬆軟, 蓮蓉亦好香口. 可以一試順帶一提, o個日仲見到永遠二十五- 阿倫伯響靠得住食粥!

本人最怕食魚,怕牠的魚腥味,但本店的粥底全是用魚湯調理. Oh! Too bad. Select which one all are used fish to cook. OK. I chose corn+mushroom congee. And my friend chose "yellow sand 豬潤congee. Wa. Suprise! No 魚腥味.還很甜,滑..."正" "好味" 係咪好誇張呢? 豬潤如黃沙般流走,但薄左d.爸媽曾說過粥怎才算正是吃到最尾都不會變水. I found it. 還有胡椒粉都好香. 老板Peter 好鬼好人.(親切,可愛) Why i said he is a good man? Because he treated us to have a fish soup. He knows me don't like fish with bad smell. But he said no bad smell. Gave us to try! What a big bowl of fish soup? 好飲,冇我最憎

今天想吃粥，走到附近想起靠得住，便進去試試。這兒標榜以魚湯作粥底，所以餐牌上的粥品用料多以海鮮為主，亦有一些不太常見的魚類材料。以魚湯作粥底，自然有魚湯供應了。魚湯的種類跟粥的種類幾乎一樣多，不過我怕清魚湯味腥，所以興趣不大。另外還有一些小食供應，但除了油條和稯外，便找不到一般粥店供應的佐粥小食了。第一眼看到白鱔球粥便立即想試，雖然三十五個大洋一碗有點貴，但個人十分喜愛白灼的白鱔，所以便點了。粥比一般粥品店的大，入口像是在吃魚腩粥的鮮甜，但粥底卻很清、很綿密，用魚湯果然有其道理。不過呢，雖然鮮甜，但剛入口確實是有點點的腥的。再試白鱔，一口咬下，那腥味有點重呢──鱔是一種不很好處理的魚，精華在皮，但連皮烹調又不下調味的話，那腥味便會同時留了下來。我懷疑他們把鱔稍灼便入粥，所以第一口咬下的鱔球是剛好熟，中間褐色的魚肉隱隱還看到一丁點緋紅，所以那腥味便蓋不住了。那粥很燙口，所以等一下再吃魚，接下來的便沒什麼腥味了。皮很脆，果然新鮮。有趣的是，鱔的油很多，但吃到最後，也沒有看到很多油漏到粥內，整碗粥都很鮮甜清新。喜歡魚粥的人便多了個選擇了。

面對心粥館既競爭，靠得住就係門口標榜佢招牌咸肉，講到天上有，地下無咁。店主Peter哥推介拆肉泥粥同沙豬潤粥，都要成$25/碗，都算幾貴架。泥粥唔使點"lun"骨，但係d泥個肚仲有d苦味，唔得。相反黃沙豬潤粥既豬潤真係好滑，d豬潤既黃油滲透係碗粥度，唔錯。隻咸肉個人認為冇咩特別，仲賣成$15/隻，都幾貴喎。見到老闆Peter哥係個喜愛釣魚既人，佢出品d粥既魚應該質素唔差，我相信佢既魚湯會幾好飲，但係要加$5先可以配麵食，唔怪得全部人都係食粥啦。

01/04/2006 (星期六)下午shopping 完後, 同0左木頭人去灣仔森記書局行下. 行到咁上下, 諗住邊行邊去搵d野食. 行出街外, 見人頭湧湧(d人睇完rugby行晒出灣仔銅鑼灣醫肚), 立即打消去cwb食飯0既念頭. 諗起附近有kc介紹過0既靠得住靚粥, 問過木頭人0既意見, 就決定食粥.我同木頭都唔太識食泥猛(下次帶埋阿媽0黎試下先得), 就各自要0左豬潤粥, 外加炒麵同鯇魚皮. 炒麵純為頂肚, 食味就一般; 豬潤粥就真係好味, 粥底綿, 豬潤係真正0既黃沙潤, 滑之餘, 做到響爽同淋之間0既平衡, 我同木頭都食得好過癮. 鯇魚皮好爽口, 我一個人包辦0左大半碟. 值得講0既係, 佢個粥的確如店方所言係冇落味精, 但係豉油就一定有落, 而且相當重手. 食鯇魚皮點0左豉油0既我, 食完要拿拿臨去飲罐可樂先免卻損口損一劫. 食飽信步而行, 都係去0左cwb. 行到累, 木頭人話去飲杯starbucks, 就去坐低, 飲咖啡, 睇新買0既書, 就係咁悠悠閒閒地過0左一日, 感覺好好.

上次吃豬潤得，是次再吃魚湯，都掂。當然如果叫碗皮蛋廋肉粥，我估唔得。所以話，靠唔靠得住，在乎自己。同太座出外吃飯吃得多，有時都想喝點湯水滋潤一下腸胃，今日行經附近，醒起來喝碗魚湯都好，就來了這裡。這裡以賣不含味精的魚湯及粥作主打，星期二的晚上都幾多人，明顯以健康食品作招徠，是有市場的。都想吃魚湯，就各自叫了鯪魚球湯及豬潤粉腸湯，另外一隻粽及炒麵一碟，最後當然要不忘來碟灼魚皮。這裡的魚湯夠味又不過鹹，有淡淡的鮮甜，十分不錯。除了粥，這裡的魚湯果然也不錯。豬潤厚薄適中，微爽脆又有溶在口的感覺，濃郁又甜美，一向都覺得是這裡必吃的一味配料；粉腸爽口又鮮味，新鮮貸色，亦完全沒有給化學品「招呼」過的跡象，也出色；鯪魚球亦鮮味，但比起潤及粉腸，是小巫見大巫了；這裡的鹹肉粽也不錯，足料糯米味道夠又口感鬆化，不會「實的的」，美中不足是欠了一舊~肥豬肉；炒麵不是新鮮炒起，夠味但凍凍的，影響了口感；魚皮爽脆，夾著薑絲及蔥絲來吃，也是另一味必叫的菜色。招呼不錯，店員有求必應，要加蔥要下糖要轉位，出聲就得，一讚。埋單一百三十多，不便宜但有水準，而這裡的豬潤，仍然是值得一試的。

21-12-2005 1258今日心血來潮想出去食碗粥，而新鋪亦好近我，唔駛10分鐘就到達。新鋪地方比舊既大得多，但位與位依然咁窄。我只係叫了艇仔粥，裡面材料都幾豐富，有魚片及燒鴨片等等，都係用魚湯煲成，但感覺上有點怪，怪在係唔配搭，直接的講係任何粥底都有魚湯既formula唔係一定work，食呢的粥品，去番傳統粥舖可能會更加好。

有幾次放工，都和同事去了幫襯。坦白講，並不是真的那麼好。佢哋話用魚湯做粥底，但我覺得魚湯味不足，用的料新鮮情度也是普普通通；他們特別推介的粽，也不是真的那麼出色。

阿M同男友都無咩謂口，咁就食下粥解解喇．男友要一碗魚片滑牛粥，佢話好味，三兩下已經食晒成碗；我就要左一碗魚片豬潤粥，粥底都好香，魚片幾滑，豬潤切厚少少，口感會更好；雜菜炒麵，凍晒，trouble；最後黎隻水晶蓮蓉鹼水糉，我唔係咁欣賞有野既鹼水糉，要點蜜糖先至覺得okey，蓮蓉唔似蓮蓉，好似豆沙．ｄ食客講到ｄ粥係用魚湯餚出來，不過不失既一餐，下次去食其他粥．

睇到介紹去食粥底唔錯，魚都OK但係唔知點解覺得生記和李景好D喎......