靠得住粥麵小館 (克街)

營業中

休息中

與食友談開魚皮，和味與靠得住各有所好，自己仍堅持靠得住的魚皮是最好的，北上前北風凜冽，抽身來吃碗魚粥暖胃，又看看魚皮是否仍舊「靠得住」？放下大褸吃碗暖和的豬腰．魚卜．魚湯粥，珍珠米依舊的綿而帶著魚鮮味，豬腰啤水處理得宜，對邊切了斜紋花，沒下多餘調味，片片大小均一，入口爽而不羶，有水準，魚卜沒有贊酒炒過，配粥是原汁原味，已難尋一味白灼而不腥的魚卜粥了，除了黃沙潤外，此品也是小店的強項。魚皮用的大鯇魚背的位置，呈深黑色的魚皮，吃落夠厚而嚼勁十足，配合切得仔細的薑蔥絲，收三十五元，不平宜，但大部分都是黑色的背位非白色的腩位，已值回票價，此外，也沒吃過較這裡更厚身更爽的魚皮了。走前埋了兩隻綠豆粽作手信，朋友吃得不亦樂乎，很有心的製作，真的「靠得住」。

好耐無去靠得住, 同事今日話想食粥, 於是去啦!!!但點解隻粽縮左水呀!!!!!????? 雖然好似仲比以前好味, 比以前鬆化, 但大縮水呀!!! 連Ｄ肥豬肉都剩番丁丁, 唔係, 係淨番丁咁多... 唔通我真係好耐冇黎過??? 不過粥的份量同味道和以前一樣不變都係咁好味。雖然次次lunch都要排隊, 都係食得過!!

due to its high-sounding name and decor, i've missed this shop for such a long time despite i'm a fishy freak and congee lover...once you've stepped into the entrance, the stinky smell of spring onion flooded into your nose, so u are pretty sure u haven't got it wrong...want to have sth watery, so i had a tail and fin soup with rice vermicelli (to fill me up). proper and prompt service. milky soup with reasonable amount of fish. the soup tasted so-so, not oily. definitely fresh fish, and enjoyed

以魚粥自居的「靠得住」, 門內外都貼滿好評的報導,試過了其艇仔粥($25), 魚皮($35)和至出名的咸肉粽($15), 卻覺得不過矣矣。不算難吃, 價錢也不便宜, 沒什麼理由再來吃, 算吧! 去「海皇粥店」還不是一樣.....

都黎食過幾次，前幾日同一大班朋友想黎，知道佢地經常有留座，為未無位要等，就打電話留座啦。結果是自取其辱... 電話中一位中年女人，猶猶豫豫咁問我貴姓，確定我唔係熟客(或名人)後，就一句無得留嫁喎，收左我線......我下次會話我係幫長實李生留位... 再或者到我變左李生再黎... 係咁先!!!!

打從利東街開業至今,靠得住都以靚粥皇自居,有根有據,可参 考此店英文名字;Congee King是也! 據聞老闆未涉足飲食前,是廣告人一名.對於外行入越界而有此成績,實屬異數.最難得新舊舖附近,都有一間江湖傳頌的高手,早前在利東街,隔街大王東街,有新九記肥佬,現在克街新舖,灣仔道就有以前上環畢街生記的大粒墨李景.但靠得住依然旺場.幾日前,宿醉未醒,跑到克街食碗整腸回魂粥,踏入店內,剛好有一對男女埋單,正想放下屁股在卡位之際,說時遲,那時快;一樓面阿姐猶如武打片俠女從店的一角,一躍而起,左手拿着 祝君早安抹檯布,右手不知從那裡擲出一透明三角体小座,小座長三吋,高一吋六分,重一両 半,材料乳白色阿加力精制;三角兩邊客寫着 兩個大字“留座”啪的一聲拍在檯上,隔晚宿醉馬上清空,脊後有一道冰水似的泠汗由後腦滑過背門,直達股溝.在w咀型稍為平服後,馬上問阿姐“我喺 唔喺 造錯咩事?”阿姐閉咀無話,良久;冷冰冰的在咀丫角吐出“你一個人呀? 嗰 便…”遙指店中另一檯,檯的另一邊有一中年單身漢正在口中含着他的魚咀,他淡淡然地觀看着 整個過程,眼神深處彷彿在嘲弄小弟不識抬舉,自把自為.但眼神更深處卻帶着

去完298, 未夠鐘上堂, 就來食個粥。想過叫泥猛粥或者豬膶粥, 不過始終是滑牛粥C硬派, 所以最後都係叫左滑牛仔肉粥。牛仔肉大大片, 但真係唔覺特別滑, 同埋得3幾片, 我會鍾意size細小小多幾片,可以用匙羹連粥食埋, 唔使用筷子幫。整體一般,可能真係要叫招牌3隻手指的粥會好好多。跟住再食隻咸肉糭, 見佢牆上貼左好多讚隻糭的報導。不過都係覺得隻糭裡面鬆鬆的, 其實都幾細隻, 普通左d。不過阿姐服務都唔錯, 好幫忙。

6月19日19:45在一國兩制是日要開工(去年11月派遣到深圳公司)。難得準時收工，便南下回家，小魔怪來電，是晚家中不開飯。便想趁機試再興，可惜"端午節休息一天"便再試這店，要了拆肉泥蜢粥。新店比老店大，但四處貼滿了，有點點浮誇的產品推介。粥底：夠綿夠厚(我的至愛)，可惜偏鹹。泥蜢：肉實而甜美，夠質感。服務：不會太差，我淨食最便宜的粥，我拒絕推介的，但其後仍算禮待；上時嬸嬸不忘說句"小心碎骨"。樓下數位"面"友：，我當晚是身穿牛仔褲，腳踏破皮鞋，帶著個殘破電腦袋。但仍可安安樂樂地，吃完這碗粥。題外話：同行如敵國，是因人而異；對面茶餐廳的店員，到這店買碗白粥，要淡的，嬸嬸說有難度(因粥底已混入魚湯)，結果老闆照辦，並免費奉送。

又話係魚湯底, 其實加左大量豬骨, 呃人!

下面位人兄唔駛唔火滾，你應該留意下出邊等緊位既係咩人，就唔會(或唔敢)火滾了。一句講哂黎間野係「名人飯堂、閒人未進」。下次係黎間野食粥記得要當去五星級酒店咁，著到身光頸靚，最好當然要開間靚車啦，就算住灣仔都要，如果你唔係係人都認得出既名人既話，唔係恐怕你又要比人趕多幾次!!一般人切記，男食粥起碼要打呔著西裝，女既唔該著番條裙啦!! 但係要名牌呀，唔到比佢地以為你係sale，咁就無運係啦。

聽講話”靠得住”粥幾出名, 食過一次後, 今日一大班人又去靠得住食lunch. 原本一大班人係好開心咁食野, 點知我地都未全部食晒野, 只係有三四個人食完粥, 阿姐就拿拿聲過來收晒我地碗, 過一陣個阿哥就過來同我地講: 唔好意思, 出面有好多人排隊, 你地食完可唔可以讓D位出來. 聽完之後全部人霎時間O晒嘴. 你地話啦, 邊有咁樣趕客架, 原本開開心心食野, 俾佢咁樣講完之後, 咩mood都無晒. 我地又唔係無幫襯, 即使你地粥有幾好味, 都唔係咁樣係嘛.之後我地嬲還嬲, 都好識做, 食完幾個人就先行離去, 讓D位俾出面排隊人. 剩返兩個人係度, 因為我地真係未食完野. 點知轉頭阿姐過來, 問我地可唔可以轉去第二張, 我真係覺得D阿姐離晒大譜, 食緊叫人轉, 做生意都唔係咁做啦, 阿姐應該問下出面排隊人介唔介意分開坐, 等我地兩個食完後, 再搬返過來坐, 咁至係做生意架嘛. 離晒大譜, 食完靠得住成肚氣. 我話靠唔住就真. 返來忍唔住手係度同大家分享下. 今時今日咁服務態度唔係未夠, 簡直係離譜!仲有, 食完後口好乾, 全部人都係咁樣, 原來D粥都落左味精, 最後我地個個去7仔買野飲.

因為係灣仔返工, 如果唔係, 真係無乜機會去克街呢頭~ 上星期lunch時間, 同事提意0黎克街呢間試試~ 舖地方唔算太大, 但午市人流亦唔算少~ 好彩早0黎到同事要左雞皇粥($25), 入面有生菜同雞絲, 同事無講好亦無講唔好, 我諗味道一般而己. 而我就要左豬潤牛肉粥($35) 同事同我都覺得有0的貴, 牛肉ok豬潤都幾爽口幾新鮮, 而我地都share 一糉($15), 反而我覺得0的糉食完之後有0的口喝呢度服務都ok, 午市時間個老細都企係門口安排位, 同埋都好有禮貌, 見到0的人order 完野一陣仲未0黎到0既話佢會好主動去同佢地追, 好少等到0的人出聲嘈先去追單, 幾好

一星期前，洋洋耍耍的寫了千文，再加逢星期二要交的數千字功課在不知就裡的情況下不見了，這篇是事後重灌之文。話明是「重灌」，味道多多少少打了折扣，黃沙潤拼魚卜粥，杰身開花的粥底依舊的甜美，只是欠缺了黃沙潤應有的黃油，入口亦沒有柔潤的感覺，變成一味過火的白灼厚切豬潤。而雙拼的魚卜，皮層膠質與內裡的彈性組織抽離得緊，吃不到膠質黏著富彈性組織產生的雙重口感，不算差，但與和味生滾粥的一比之下，自然不會留下深刻回憶。

號稱香港第一粥店o既，的確好整理。同店名有d唔襯。(通想d名咁亮o既食肆都係走超廉價，而且衛生情況好恐怖o個種)。坐低叫左碗鯪魚球粥，同炒麵。鯪魚球好滑，炒麵都ok啦。但係..........兩樣食物都唔係太熱...驟忌。服務還可以啦。但係『第一粥店』個名號要得人認同，佢應該仲有一路漫長路要走。

睇左下面評論, 我都忍唔住要寫番個劣評比佢。個d白鴿眼阿姐真係超惡頂, d野食完都想嘔番出黎!!我同女友有次去食糭, 我女友一向鐘意落糖, 但係落單時唔記得講。到個瘦瘦地既阿姐比個糭我地時, 我女友同佢講：「唔好意思，可唔可以比d糖我地?」(咁好禮貌係因為我地見過佢地欺客既場面!!)，點知個阿姐唔領情不得止，好寸咁「車」左一聲，頭一擰，話：「又唔早講」，不情不願走左去，之後就掉碟糖落我地台，個樣有幾衰得幾衰, 個款要幾寸得有幾寸。當時又唔係好多客人，得幾台客，請你行多轉要碟糖，講埋唔好意思都要受你氣，黎D鋪真係等摺埋啦。下面位人兄仲咁有品話佢地野好食，我就話食左都背脊骨落，全部一分算啦。想做香港第一粥店? 學下點招呼客先啦，開粥鋪都咁寸，唔好係灣仔開啦，去開係中環文華東方隔黎啦。唔駛做我地街坊生意，大家唔駛督眼督鼻咪幾好，諗下啦。永世唔會再幫襯，有錢$$$$$$$$$都唔會!!!!!