靠得住粥麵小館 (克街)

營業中

休息中

今日LUNCH去幫襯好耐冇去既靠得住，叫住個滑牛粥，已經食過好多次，次次都咁好味，水準好稳定。D牛肉大大片，又滑又冧，好想知道佢D牛肉係點整。另外點牛肉D鼓都好正，唔係普通既鼓油，唔太咸有少少辣味。個粥都好綿好好味，但我都懷疑佢係有落味精，因為食完有D口渴，又可能係鼓油作怪之前試過呢度既咸肉粽、蠔仔粥、艇仔粥、粉腸粥、炒麵、油炸鬼、手撕雞粥頭4樣都好掂，但後面3樣就麻麻，D油炸鬼唔脆，炒麵唔抵，個雞粥唔算好好味佢仲有個帶子粥，我記得要成45蚊，真係好貴，但都好想試下，唔知有冇人試過呢?

年前在利東街舊店吃過,今次重臨不吃粥品,只吃小吃.因為之後還要同新皇朝"決鬥".選擇比以前多很多,連魚湯也有.選擇之多依然保持定力,點都係淨叫小食.魚皮很爽,只是份量少,$35一客也不便宜.心思思想吃魚卜,來個白灼魚卜,白灼最能吃得出其鮮味.質感亦爽脆,只是小弟愛吃薑荵爆魚卜多一點.價錢偏高,無法子,灣仔不同佐敦,情有可願.如果有得揀,當然去新興棧.今夜又去來個魚鮫粥搭爆魚卜.

每個星期都ｏ黎灣仔補習，發現附近真係有頗多粥店，不過之前成日覺得ｏ甘難得有機會出ｏ黎，無理由走去食粥ｇｗａ．．．ｏ合，但近來日日ｏ係ｏ甘狂食都ｏ吾係幾掂，哩兩日就試ｏ下ｄ粥品ｏ拉！首先試ｏ左靠得住靚粥望ｏ下店內ｏ既海報，發現出售ｏ既粥品都全用魚湯餚製，重無加味精，十分健康．．．好多張都勁ｈａｒｄ　ｓｅｌｌ個拆肉泥鯭粥．．．ｏ甘，就不妨要一碗ｏ拉不到五分鐘，大大碗ｏ既泥鯭粥就擺ｏ左ｏ係我面前，認真快（好好，事關我都幾趕時間）舀第一口時已知佢同平日ｏ係海皇食ｏ既好ｏ吾同；稠身ｄ，飯粒都大粒ｄ．．．熱辣辣．．．食落，香甜魚湯味，充斥著整個口腔，食得出係真才實料，重完全無腥味！單食粥已經好滿足！（但我個人認爲如果有ｄ花生會更好）

同傻鬼晚上9時才收工, 在灣仔見面後就來此店食粥就回家...2個人叫左個白鱔豬潤粥($45), 折骨泥猛粥($22), 生菜($10)及一碟炒麵($12)....菜及炒麵都好一般啦唔使點提, 不過佢d粥真係唔錯特別係個白鱔豬潤好出色d鱔好鮮甜令到個粥底都好甜好香魚味; 反而佢地個泥猛粥就一般啦而且d骨都未去得清如果小朋友食就麻煩啦.

首先靠得住的食物, 我個人來說是很喜歡的。但是!!!!!!!!!!!!!!他們幾位中年女侍應的態度, 現在令我情願去其他沒那麼好吃的地方, 都不太想去光顧它。事源一次，我叫了一碗粥，並要走青。但是，一來到卻沒有走青，我立即向那位偏胖的女侍應講。怎料!!! 她二話不說，立即拿起我的瓷匙，插入碗中，還說：「咁咪無青囉!!!!」並立即掉頭走去，拿了新的瓷匙給我。我一時間也來不及反應，不知怎麼得罪了她。正要食粥時，拿起新的瓷匙，才發現整支瓷匙都滿佈黑色的灰塵，頗為誇張。我立即想到，剛才那位胖侍應用的舊瓷匙插我的粥裡時，那支瓷匙我連擦也沒擦過，很有可能一樣的髒。我即時無名火起，找她來理論，怎知佢愛理不理的，想搶走我那支髒的瓷匙去換。我當不再讓她搶我的東西，要留低證據給老板看。怎料那位「靚仔老板」入來時，那胖侍應立即很大聲地向他叫道：「有人話要搵老板投訴喎~~~」老板也很左右為難的樣子，只是以比較好一點的態度，換了另一支匙給我(但沒有說半句安撫我的說話，好像好難做人似的)。那碗粥當然不可能食，食了隻我就走了，感覺上好像得罪人家一家人。。結論是，那位胖女侍應有九成機會是「靚仔老板」的老媽或長輩，每天

完全同意版友所言，唔多靠得住。上星期六第一次去，叫左泥粥、白鱔粥、、黑葉魚湯加麵。除左有洗潔精味之外，其他都唔錯。不過真係食完勁口渴，我食白鱔粥，好似味精少d，泥粥好勁，魚湯都好似有。唉，要改善下。

食肆一出名，很多都保不住招牌。以往常去利東街舊鋪，搬了新鋪後光顧了數次，水準比舊店時差了。粥稀、強調沒味精，但吃過後感覺很口渴。每次去都寄望會改善，似乎是一廂情願了。點了糭子，總覺好像有洗潔精味的

食物嘛,一般啦.則魚涌市政大廈/街市的華記白粥,加了腐竹先$4碗,勁好味.呢間說是魚湯底,相當碎料啦. 當晚十時許去到,店內人不多,我跟朋友兩個相坐靠近收銀的卡位,女侍應說卡位不能坐,因為留了位,因間有四個人來,心有不忿,因為成間鋪好多位,不過算啦,見唔會坐好耐,後來一直無人來...直至一位平頭裝肥佬走進來, 侍應馬上安排佢坐卡位,那人不是董伯,而是陳果.我馬上"車車"聲啦.大細超,你話留位俾董伯就話唶,陳果喎,使唔使咁大細超,仲要開壺茶俾佢(全餐廳其他人無架喎)點解佢有特權呢?點解話有四個人呢?侍應們可唔可以文明D以客為先呢?唔順氣,以後不再光顧!

一個人見客前專登來吃,只試了:白鱔球粥($35) - 鱔粥不是道道有,但味道一般,粥可以再綿d,鱔球可以再爽脆d, 呢道勝在無味精.咸水棕($15) - 本人覺得好味過粥! 綠豆蓉夠多,燸米少,所以唔"漏",咸蛋黃正,肥豬肉少,啱我等怕肥又愛吃之肥妹!下次試多幾樣再評分!

上次係海皇發生咁嘅事有Ｄ怕左粥舖。不過好掛住鱔球粥，無法啦，又要去靠得住^^ 同事叫了豬潤湯+啫啫麵，老實講我都自己prefer豬潤水多過豬潤魚湯，我當然叫鱔球粥，大家share一份魚皮。靠得住的好處是水準永遠一模一樣。黃沙潤新鮮，鱔球好味。唯一問題係始終係粥鋪唔可以賴死坐咁耐。

真的不能不感慨老了, 記憶力也不比從前, 竟然連靠得住靚粥也忘了寫個食評給它.... 和男友二人點了: 鱔球粥($35): 鱔球很脆口, 粥底也很綿, 好吃!! 豬潤粥($35): 豬潤很滑, 但感覺上鱔球好像較為出色咸肉棕($15): 不錯的, 跟粥配在一起吃, 感覺良好$35一碗粥其實也蠻貴的, 不過其鱔球真的很好吃, 而且其他粥店較少有鱔球粥,還是值得來一試的!

小妹嗜粥如命，又愛吃魚類海鮮，得知「靠得住」標榜以鮮魚湯敖製粥底，不含味精，自是躍躍欲試。星期六一時許\到達，小店內巳差不多坐滿客人，幸好還有一張二人檯，不用等位。雖云小妹是次是慕名專程而來，但本身很怕排隊呆等，所以要待太久的話我寧可去吃別的，下次再來好了。之前到Openrice做了資料搜集，甫坐下便儼如熟客般點東西。早餐\特意沒吃，是希望多試幾款食物。小妹要了豬潤湯$25，白鱔球粥$35；還點了店方號稱「天下第一」的咸肉棕$15，「必試」的白灼魚皮$35，和聲稱「每天限售十只」的水棕$15和朋友分享，再加忌廉2枝$16 。朋友左挑右選，最後是出乎意料地要了我一定不會點的手撕雞粥$25。先來朋友的手撕雞粥，他連吃倆口，從表情巳知不對辦。說粥底確頗鮮甜，但雞絲卻是乾鞋無味。小妹試了一口，完全同意；卻未動搖我對還未上場食物的信心- 深信只是朋友沒點對東西。緊隨而上的是豬潤湯。湯確是鮮甜濃郁，豬潤剛熟，頗爽口，就是嫌切得薄了一點。個人覺得，這個豬潤湯不是不好，湯和料各有所長，但走在一起卻未能擦出火花。說是豬潤湯，主角應該是豬潤，濃郁的魚湯卻把主角的鮮味篕過，喝不出任何豬潤的味道，似有喧賓奪主

因為朋友唔舒服，所以專登搵間粥店，清清地食番餐...見到咁多網友都話呢間好味，於是放工就去試下啦!!唔係太肚餓既關係，所以只係食左：豬鱔球粥($48) ::: 個粥底都ok既，雖然話係魚湯底，但其實唔係太大魚味；但都唔係感覺到有味精...至於豬煮既時間都控制得幾好，唔會過熟"鞋"口；而鱔球都幾新鮮咸肉稯($12) ::: 隨碟既係點豉油，不過我都係鐘意點糖多d。唔算太大隻，裡面只係得咸蛋黃、肥豬肉，但綠豆同糯米既比例好好。好好味!!本來想叫呢度話出晒名既水稯，但見佢話限量每日15隻，諗住咁夜一定賣晒所以冇叫到，點知後來先知道原來仲有，下次一定要黎試下!!另外佢仲有灼魚皮，己經好少其他地方有得食，我見差唔多都有叫，但我本身唔鐘意食魚皮，所以就冇叫到!!普遍黎講價錢都算幾貴，我記得最便宜既都差唔多要$20...

今晚係度買外賣, 唔覺唔覺5樣野居然$158 !!!我只不過買左魚腩雞粥,魚球魚膘粥,九菜花,簡水腫及爽魚皮.初初不已為意,計計下除非d粥每碗$45, 否則係計唔到$158.如果佢真係好好味, 貴d都無所謂, 之不過番到屋企開餐之際, 就絕對覺得被搵笨.粥材料方面有:魚腩雞粥: 魚腩兩件,雞絲一小撮,粥大量魚球魚膘粥: 魚球3粒,魚膘零零碎碎數件個男人食完自己去左廚房加料煮公仔面.以尼個價錢去上環生記可以叫加大五拚luuuu....尼次唔係第一次幫親, 之前去過堂食, 擺明握外賣,何必呢......

這裡標榜以魚湯做粥底之餘亦強打不加味精，當然要進來一試。點選配粥的食材為白鱔球，明白到鱔球的鮮味因只是滾制故不會沁到粥底內，但因印象中好像未曾試過白鱔球粥，故即管一試；另外點了客咸肉糉，挑戰是否這裡所說的天下無敵。咸肉糉是預制食品故馬上送到，而鱔球粥則要等了數分鐘已出現；鱔球粥粥底很棉，淡淡的魚湯味道，可能是淡水魚湯，故粥內沒有咸水魚的鮮魚味；另如筆者所言因是滾制故粥內沒有白鱔的鮮味，但粥內有五塊頗大的新鮮白鱔球，占上這裡的淡醬油果然能帶出白鱔的鮮味，不過其實跟打邊爐的焯白鱔片效果差不多，只是湯底問題而矣！這裡的咸肉糉是屬于實心型的，而筆者反而鍾情於較鬆散的那種包裹方法，固這只咸肉糉只能算普通食味感覺，另外咸肉糉味道偏淡，要用點白鱔的同類醬油補充咸味，反而令到這點醬油變成主角。白鱔球粥35個大洋，值不值是見仁見智，當然，白鱔本身價錢亦不低；但筆者認為標榜魚湯底但鮮味亦不是相當的情況下，這個賣點好像不成，況且要一嚐鮮味魚粥，九記或很多粥店的泥孟粥亦不俗。這裡環境地方干淨，店員有禮，是座位較為擠擁一點。題外話：其實筆者嚐過很多美味的海鮮粥，分別是羔蟹配鮮蝦、水津蛇配青蛙(不是田雞) 、泥蟲