順德經典 (已結業)

沙田好多酒樓都有好多人等呢度唔洗等, 即有位,好開心,點知.....係錯誤既開始潮式湯浸咸水角---->d皮超厚,內面只得一隻蝦, 其他乜都無, 同鳳城差好遠藥膳雞腳---->去間間酒樓都會食, 人地d雞腳都會燜到好"淋,"但呢度個d, 係食唔到入口囉 , d雞腳根本好似未熟咁,勁硬,咬都咬唔入, 成碟都浪費曬,但好個方面睇係佢唔係藕左好耐囉煎三色糕----->唯一可以接受既一碟 ,普通, 但係如果間酒樓,整呢d咁基本既野都唔得,真係可以摺雞扎---->因為想食棉花,點知佢完全無棉花...........激死!!乜唔係係雞扎都有棉花架咩?!點解佢剩係得雞,火腿,香芋同我唔想食既冬菇瑤柱蛋白肉鬆炒飯---->賣相好唔得, 唔知點解係灰灰地色,好油,味道一般, 我諗茶餐廳都好食過佢.........總括來講,無一樣野係好食,而且點心都唔算好平,但可以咁差, 平過佢又好食過佢都有2個人$120我係唔會再來既!

禾輋商場裡的飯店大部份都full左, 咁熱ge天氣我個上等媽媽又唔會肯去大排檔wor!! 見"順德經典"坐得ok舒適wor!! 就呢間la, hehe!!1行8人叫左以下餸菜:蔥油雞 - 味道好ok, 不過"鞋"左少少黑椒牛仔骨煲 - 好有牛味而且整到勁淋惹味!!啫啫爽肉芥蘭煲 - 好食!! 不過略為多油!! 不過過份之處係個煲好大但份量好少...好似有呃人的感覺!!紫薑欖角蒸魚云 - 又係勁好食, 蒸得好滑!!香煎藕絲餅 - 我同老公都話好惹味, 但係, dad & mam話咸到冇朋友!!黃金蝦 - 好食!! 都係水準之作!!不過埋單有點貴!! 連埋6碗白飯 + 2罐汽水, ttl $800!! 講真句!! 呢度只係屋村唔係新城市!! 為到$100/碟小菜, 我覺得未免有點貴!! 而且份量唔係大碟!! 所以,如果下次要e肚, 我第1時間唔會揀呢個地方lor!! 我諗...又會好似今次咁, "揀無可揀"先至會選擇呢度!!

禮拜日去沙田搵亞妹食飯, 佢地帶我地黎呢間話之前食過過ok嘅! 四個人叫左:海哲燻蹄 – ok, 幾好味!順德拼盤: 有炸鮮奶, 煎餅同埋一個炸卷共三款! 都好味, 係份量細左少少, 每款得兩至三件蔥油雞: 啲雞肉幾滑, 幾好味同做緊特價$58/隻, 抵食!芥蘭爽肉煲: 呢個用個好大嘅煲上, 好惹味, 好香口, 啲芥蘭好爽!小籠飽: 呢個好難食, 啲肉怪怪的!埋單~$380, 係一個不錯嘅地方食晚飯小菜!

學校同工食飯，筵開數席，食到飽一飽簡單講有咩好食唔好食: 蒸乳鴿 (感覺新鮮，比想像中好食)金針雲耳蒸雞飯(超香，好開胃)春卷腸粉 (其實我唔肯定D 菜式名因為係同事叫，我只負責食食食)冇咁好食既有:小籠包(皮可以再簿D, 自己鍾意食簿皮; 舊肉超細，食落口冇平時食小籠包幸福既感覺HAHA)炸豆腐粒: 怪怪地... (反而雞軟骨OK)紅「早」糕服務唔錯，姐姐們都好快手快腳

母親節前的週五，一家人再去禾輋邨商場的順德經典，吃了一頓晚飯作慶祝。酒家隸屬於福苑集團，早輪午茶試過一至兩次，食物大致是接受水平，只是服務上有待改進，正因如此，才有信心去試其晚飯。是否經典作不得準，以順德菜來說，主要吃的是鄉土風情，勝在用料新鮮，擅吃雞肉和河鮮類的菜式，也有以牛奶作食材來入饌。由於遲了收工的關係，去到已是近八時，家人早到之下，已點了數道菜。先來的有西芹炒雙蚌，炒得十分乾身，碧綠的西芹十分爽脆，至於內裡的珊瑚蚌和貴妃蚌，一道煙韌另一味則帶點爽口，開場作來說恰如其份。簡單的有海味雜菜煲，加了魚湯烹製之下，添上數份鮮味，其時蔬十分清甜，內裡有蝦米、瑤柱和木耳等，味道可不算寡。山渣骨說穿了即是咕嚕肉的變奏，賣相上倒有點心思，用上挖空的菠蘿殼奉上，味道來說，炸得不算鬆脆，但內裡的甜酸汁滷得適宜，細吃之下嚐出果香；從前輩得知，以前弄咕嚕肉的酸汁確是要用上山渣，才是古法精粹，當今鮮山渣也不易找，有時也會用上山渣餅來頂替。始終要點河鮮類的菜式，有一系列的可作選擇，可惜索價稍高，最後選了一個生啫的黃鱔煲，上桌時奉上一個巨形的砂窩，滿以為很大份量，開蓋後卻發覺少了一大截，也因上菜時間遲了的

繼續領匯旗下的商場食肆，上次在禾輋商場的兩層樓酒家品茗過後，印象著實一般，今次轉去福苑集團的「順德經典」，一層樓的菜館格局，知客落力地招呼我們一家入座，總算有點誠意。桌上只有特價的點心紙，點了七至八樣，交給其中一位操不流利的廣東皂的侍者落單(應該是樓下食友所談的一位)，說真的也不想岐視上面的同胞，可惜服務態度大有改善之處，口肳上的粗聲粗氣，好像不想做生意似的。順便拿了一張像樣的點菜紙，內裡除點心之外，也有若干小菜和粥粉麵飯等，以點心數量來說，選擇實在不多。食物其後陸續送上，先來的皮蛋瘦肉粥味道不俗，配料足料之餘，其口感也綿；「盅」頭飯有鹹魚肉餅飯和梅菜排骨飯兩味，其實只是一人份的碗仔份量，份量雖少但飯質爽口，排骨件件分明，肉餅彈牙之餘亦有鹹香，價錢上只是六元一碗罷了，叫上兩碗可抵上正常的份量。這裡以順德菜為主打，鯪魚肉相繼成為主要的食材，就連點心也是。「煎」魚實情是油炸的出品，但口感香脆，鯪魚膠也是鮮味彈牙，可以接受。另用鯪魚肉來釀豆腐泡，淋上蠔油芡汁，食味也是不俗，最後來一個魚崧作餡的蒸粉果，味道也鮮，略嫌外皮有點黏。蒸牛肉腸的布拉腸皮甚滑，加上肉餡之鮮，比起同一商場的競爭對手像樣得

起身著個半行街Look，如常落樓搵翻間食個晏。自己入去搵個二人位自己座，隔離係個杯碟櫃。落單落個銀芽蛋白兩味黃（原來係炒麵，碟麵嚟到先知）半隻貴妃雞跟魚湯米線、一籠燒賣咁啦。嗰位寫單阿姐（紅袍，操不純正口音），同我講個兩味黃$68喎，有無問題呀？咁我好禮貌地同佢講，你下次唔好咁樣問人地啦，人地以為你覺得佢食唔起。再繼續拎住張餐紙，指埋比佢睇落個貴妃雞同埋籠燒賣啦，佢就寫白咭。五六分鐘到碟雞，味道OK，食咗三分一到覺得唔對路，個魚湯米線呢？求其揚手叫人，有個部長級（男性，著黑衫，都係操不純正口音）埋嚟瞭解，問翻我邊個同你落單呀？我聽到O咗咀（阿部長你覺得我會記住邊個同我落單嗎？）！之後搵到個落單阿姐，喺我面前兩個一男一女部長（亦都係操不純正口音嘅）、一個員工擾攘之下，部長同位阿姐講落單要點樣寫呀咁咁。個兩味黃同籠燒賣之後到，可惜兩味黃（其實即係肉絲炒麵個麵底）炒到一舊舊唔多脆，個筷子基本上分唔得開兩份，懷疑炸唔透。燒賣都可以。環境：座得個杯碟櫃隔離，啲阿姐個成日擺杯擺碟、疊高拎走，個櫃門就成日開開合合，砰砰聲。埋單：兩味黃$68，貴妃雞半隻$60（本來跟魚湯米湯嗰份只係$48），燒賣$1

早前看雜誌介紹商場最底層的咖喱飯店,一心想幫襯,但去到的時候是晚上9:30,咖喱店關門了!我與友人便到二樓找其他東西吃,看到順德經典在9時後有8折優惠,咪入去試一試!最初都有d奇怪,這個時間竟然得兩檯客,不過被他的餐牌吸引,點了山楂骨,媽姐蒸豆腐及大良炒奶!第一碟山楂骨來了,原來只是一碟平平無奇的生炒骨,沒有肉味,醬汁太過杰,名不符實其實!第二碟的媽姐蒸豆腐,有點像過期豆腐,一陣酸味!而且,碟上的食物跟餐牌的賣相差天同地,完全不值48元!第三碟的大良炒鮮奶,原以為是鎮店美食,可是,鮮奶太杰,吃後予人槳口的感覺!我坐的是門口第一張檯,最糟糕的是,我們一邊吃,無數蚊滋一邊在三碟餸上團團轉,有倒胃的感覺!於是,叫部長過來了解蚊滋情況,誰知他不客氣的叫其他侍應換過別的位子!原以為因為張檯近門口,有蚊滋有出奇,可是換過位後,發現又有蚊滋,側邊啡色裝修的牆上更佈了六隻小蚊滋,唉,再吃不下,唯有叫埋單!原本想吃一頓好好的,換來一肚子氣,又換來周身被蚊滋咬的感覺,這間店舖再不改善,恐怕只有關門大吉了!不幫襯絕對不是損失!

第一次同阿媽去呢度試 , 一坐低 , 少男侍應就向住我個頭頂加料 , 咳都唔掩口 , 基本常識都無 叫左三樣野 , 海味什菜煲 : 小蝦米 , 菜 , 木耳 , 粉絲 = 搵笨煎魚餅 : 魚肉無味 , 芥蘭片死實實 = 最後上檯 , 要開口催促豆沙餅 : 一般 = 甜品最先上檯 , 佩服到五體投地 白飯 : 叫部長俾腍飯 , 有俾到飯芯 , 好過偉記阿姐左耳入右耳出 都係好日子稍勝

給上次那隻$28特價鷄所吸引，今天看見海報有$28元農家鹽水鴨，而且外賣堂食同價，雖然不知農家鴨有何特別，二話不說，立刻購買．上次$28鷄是不能外賣的．排在面的女士大力推薦，她說己經吃過，還讚不絕口，說有多嫩滑，多好味，只是鴨太細隻．心想，細不是問題，最重要是嫩滑好味，即時滿腦期望．見到師傅手起刀落，不消一會，我便抱著期望，急不及待帶它回家品嚐．鴨的確是很細隻，肉質不是如想像中嫩滑，只有鴨脾最嫩滑，味道也不錯，不會過鹹．可能剛才那位女士給了我太大的期望，以及之前的＄２８雞實在太超值所至，不能給太高的評分．整體來說，鴨不是太肥，可以一試，況且，以此價錢，能吃全隻鴨，尚算物有所值．

12月27日晚飯,入到去,坐大圓檯,咦,見冇桌布?又冇桌紙?唔通呢度係茶餐廳?心已知衰左,但成班人已到左先,須然有人話用消毒水抹,但桌面有好多人留低口水,魚骨,齊晒,始終有嘔心感,曾與飲食業朋友相告,食店檯面和抹檯布是很污糟的,集合左好多口水細箘.菜式:1 沖油雞---凍,冇味,又冇醬料點,都唔明點解叫蔥油雞?-----------$68 ,加一 $752-大良鮮奶春花卷-----是4絛手指狀炸物,冇奶味,細條,而春 花卷竟是4件小型炸九菜餅,,全碟共8件野,碟中心加大堆 炸米粉另插一尕鮮花,似西式擺法,花巧,量少,貴而不值-------------收$78 ,加一$85.83-順德媽姐蒸豆付-----似老少平安,但冇陵魚香味,冇陳皮,冇口感------收$48 ,加一$52.84-竹筒飯---有番暑但冇番薯味,飯硬,量小-------------收$10,加一$115-蒸白鱔---好普通,約10多件,----------------收$68,加一$74.86-話梅上肉排煲-----約7條雪金沙骨貨,幾粒話梅,啡色汁,全無配料, 行貨得很,節儉是美德------收$58,

呢間嘢真係離哂譜，D態度，上錯菜有要唔應，仲話仲好啦西芹炒百合牛柳，比起原來O既安格斯炒牛柳健康D喎，之後有個侍應嚟點下D菜齊唔齊，我問佢佢話呢個係安格斯喎！仲想呃我哋！唔識唔好聯講啦！個大家姐仲話佢唔熟喎！咁都算啦！最尾上湯圓糖水，一條匙更都唔比，問佢整係比一條！我問佢唔通你要我用支食完咸嘢O既更食糖水，仲一去不返！要再叫過第二個先攞兩支嚟！真係服務態度差！都唔明白點解咁多人等！我就唔會再去食！真係離哂譜！

今天專誠一試這間新店.以屋邨舖來說,店內裝修己算清雅, 有一開放式厨房, 待應招呼尚算周到,可惜一如現在大部份酒樓,人手不夠.個個忙得團團轉, 連傳菜員也要等一會才有待應前來上菜.今天不是假日,也有八九成客. 有別於一般酒樓,沒有枱布,但每當有客人離開後,待應除了收拾碗筷外, 必定噴洒(我相信是)消毒藥水清潔,這樣此換枱布更實際,更有清潔作用. 抵讚!座位很寛敞, 八人枱在有些酒樓會做十人枱.四人卡座在有些酒樓會坐六人.它們有兩款特價菜: $188 一窩翅 (4至6人),$28 順德葱油雞. 還有套餐.也有貴價的菜式, menu設精美. 海鮮以兩或隻計.由$6 至$100+不等.一開始,上了一碟仁腍, 埋單時發現是免費的. 看似小小心意,卻叫人感動. 中式酒樓最叫人不悅的是,無端上一碟花生/味菜之類的東西,硬要收費,如客人不要,可大件事了,很不合理. 要錢事少, 免強卻令人反感.所以能體會到這些細節及除掉惡習,很值得加分(thumbs up). 而且那碟仁腍也絶不欺場,不會過酸,但外皮對長者來說較硬.茶也很清香, 不會越沖越苦或淡, 每人盛惠八個大洋.我們叫了順德葱油雞 $28

lee間舖終於開左啦!所有就同個朋友去試下先~今日太crazy...叫左好多野食呢!!1. 竹筒飯 - 乾爭爭冇咩特別2. 凍雞 - 雖然唔係好滑,不過咁食味道都好特別3. 芥蘭爽肉煲 - d芥蘭好好味,d肉亦好入味4. 唔知咩婆豆腐 - 好難食..一pat野咁..鼓油唔夠冇咩味..5. 唔知咩河鮮魚 - 諗住去食順德菜點都要食返條河鮮啦! 點知貴成咁...成百六蚊仲要多骨到人都癲埋..超級勁勁勁多骨..一個唔小心真係哽死幾件6. 紅棗糕 - 熱辣辣用蒸爐上的...幾有心機...幾好味唔太甜7. 薑茶湯丸 - 都唔錯...夠晒薑但總體感覺係..so far so good only...唔算太好..又貴!

我係woche 造野ga.... e間野岩岩開頭幾日真係你想入都入唔到..門口迫滿等位既人.....新屎坑完了就等我約埋媽媽一齊去吧!!!我1點到入去...要撘台...不過12人台 只座6個客都ok!! 咸水角: 本體係好食! BUT! 用個獲油有野炸燶過野.... 有燶味 叉燒包: 唔好食!!! 好大陣泡打粉味!!! 連D 叉燒都有泡打粉味!!! 馬拉高: 不過不失...欣賞佢想黑紅糖整...個色幾令. 蝦攪 : 得3 隻... 唔夠分! 味道OK..唔可以話真係好好好味! 不過食食下到2 點....就真係抵喇TEA TIME!! TEA TIME都會再去GA...不過比正價就都唔係幾需要了... WOCHE 又咁多CHOICE!