順德經典 (已結業)

住附近既我初初開業真係唔錯，d早茶下午茶孖寶又抵食不過都幾年前了，自從同一商場開左間龍x後，呢間順德真係一d都唔爭氣，d客隨住佢地既誠意士氣食物質素下降同比較下都識得去好食d個間啦。。。講返今次會再幫襯因為係呢年間都飲過一兩次茶係為左食佢地個荷葉蒸班頭腩飯，唯一一樣叫仲有佢個人之處各有特式同對頭個間，點知今日d menu轉哂，咁試左14x孖寶 咸魚雞粒飯+涼瓜班頭腩煲，其實叫左先覺得同出面餐廳散叫無分別，但换來極失望，個炒飯賣相巳經睇得無豈獲氣，仲要唔多咸，炒得好求其，d雞肉又無味同有d切到太大舊。。真係求其茶記食個lunch都炒得好過佢。。涼瓜個個就涼瓜叫正常，但d魚就又硬又難食，完全食出係夾哂夜，無魚應有魚味，同埋又凍凍地，有種超市臨尾賣剩d送菜feel. 再黎d茶都可以無茶味，變左食同飲都無樣pass, 菜都可以麻麻怪怪地d湯水味，粉麵檔個d都碌得好過佢，粉果就差過以前，皮厚左同凍過以前。。。

呢間店都唔知係咪刻薄員工，員工服務差到無論。今晚佛誕假前夕，七點多黎到都未坐滿人，一坐下都覺得枱面黏黏，椅上又有飯粒，感覺很dirty。點了一隻BB鴿$30，一隻”龍岡雞”$38。上菜再加兩個白飯時，本想加多一個餸，叫了十分鐘有多，揮到手都累都沒有一個侍應理會，待應行過叫了全不回應，我地決定算了，食完便走好了。隻BB鴿又細又無肉，失望！隻龍岡雞仲衰，一片豉油浸著，咸到無朋友。點知埋單原來個不揪不啋待應聽到加了單，我們根本不知道到有落單，當然是要扣帳，最後原來一個飯錢$13，茶錢也要$13一位。百幾蚊埋單食完仲要去麥記，中伏

由於約左人既時間關係，又想食中菜。酒樓排隊時間會好耐，並不方便。選擇之下，去左呢間中式餐館。本來對佢冇咩特別期待，叫左一個湯伊麵後，發現味道唔太差，開始對佢有d好感。但後來的菜芝，例如燒賣、蝦餃、炸鮮奶，都好普通，食落冇咩驚喜。直到流沙包出現，打破左我對佢既睇法。之前食過好多餐廳既流沙包都係一d都唔流，所謂流沙都好似堅實奶黄咁。不過呢間餐廳既流沙包好流，一咬落去，仲係熱熱既奶黄汁。要食既人一定要小心唔好比d汁飛落個口度，整親就唔好。

呢間餐廳晚飯時間都算多人等位。 甘多人等心諗應該差極有限，2個人等左半個鐘就可以入座了紅燒乳鴿味道唔錯，但我覺得燒得唔夠乾身，而且上枱時已經凍左。Size都幾細，可能係因為bb 乳鴿既關係黑醋排骨呢個係做既特價既小菜。 30幾蚊非常平，但份量都大縮水。數埋得8舊， 洋葱鋪底，份上黎講真係30 蚊既質數。 幸好味道都唔錯，新鮮炸起，而且個汁都夠酸，送飯一流。枝竹茄子煲呢個正價小菜，70 幾蚊明顯份量多好多。 茄子同枝竹都煮得夠淋，但個汁實在有d 咸，而枝竹同茄子都好索汁。最後覺得唔知點解間野甘多人食。3樣野仲有個特價既小菜，埋單都要200蚊，實在唔算平

之前光顧了幾次 ，食物係正常水平。 昨晚再光顧火都黎🔥🔥🔥 昨晚6點幾去到，指定要坐卡位，因為貪佢張枱大少少，可以放多d餸，我同個櫃臺姐姐講我哋會叫燒豬、烤魚仲有其他餸，二人枱一定唔够位放，想要坐卡位，佢話無有位，只得二人枱，我話可以等，等左20多分鐘，終於有枱啦！櫃枱姐姐帶左我去張枱打斜角放的枱，擺左4張櫈，我以為係大少少的枱，就坐低了（誤導左我）！其實都係二人枱的size😡😡😡，（如果係要二人枱，我一早要左啦，仲使等廿多分鐘？！）叫佢哋淨係識一個推一個，仲走左去😱😱😱 算，我唸住叫我男朋友叫少d餸，但他又想試下燒豬、烤魚同羊腩煲，卒之都叫左，張枱極之唔够位放，坐得好辛苦，見到有卡位的食客走左，叫左幾個人話想轉枱，幾個人都充耳不聞。 服務奇差，唔同我哋轉枱，仲對住我哋黑面，明知唔够位擺餸，為左放盤烤魚，夾硬將食緊的燒豬轉落隻茶碟上，搭到好高，其中一塊仲跌左落枱都唔同我哋轉枱😤😤😤 難道想多食樣餸，就算張枱完全唔够位放，都要客人遷就，去迎合你間餐廳嗎？轉張枱又有多難？完全唔識變通。 食餐飯都食到一肚氣，以後都唔會再黎

星期六第一次嚐嚐這間下午茶。這間酒家？外貌……裝修都有別於一般的酒家，很特別！$18.8 真係低食，味道不錯！見到差不多每枱都會叫來吃。右邊係芝麻蝦多士，係好脆……但比較含油。......一般，蟹柳入口似粉牛肉球？一黎到……好似少了幾啖，而且d腐竹變蛋花。這三款ok! 馬蹄蝦餃：馬蹄和蝦爽口，口感不錯！new: 西米紫薯菓：紫薯唔甜，清清地~黑松露冬菇包：味道不濃，似素包。冬菇的外型好特別！內裡：似係素……味道不錯！整體：味道一般，三個人食8碟點心，$158

開業個幾年都還可以，半年有多無黎到，點知走哂樣，d職員放低d野好大聲，濺到d汁出黎都唔會覺唔好意思，叫左乳鴿，唔好貪小便宜，3x$係又細隻又無肉食，骨燦燦咁，跟住10$炸奶又係帶點苦，呢個價真係求求其其算，再黎最嚴重鮮蝦腐皮卷，d油多到水浸咁，六件都炸到支離破碎，睇見就唔想食款，六件加埋都唔知有無一粒原整既蝦肉，d職員好怪中意將第2張台執起d點心籠同碗碟一野放係你面前，黎到執你張台其他野，唔太尊重客同你會感到唔衛生，叫正常食得過只有玩魚飯，魚叫夠鮮，比茶記好d, 可能順德真係得河鮮叫正常。。。但點心真係唔多有特式，仲有個芝麻蝦餅都係。。得陣隆味個皮層，蝦肉係全件野得1/5左右，唔多抵食又係，難怪人流都走哂去新個間。。。

昨晚迎月夜我們提早去咗「順德經典」喺沙田禾輋店食中秋團圓飯！我們叫咗堂剪醬燒乳豬、檯面煮黃骨魚、姬松茸花膠燉烏鷄、鳳城山渣骨、富貴蝦球玉帶、頭抽焗大海中蝦、大良炒鮮奶、蔥爆鮮菌廣島蠔煲、籠仔梅菜蒸菜遠、滬江小籠包、蛋白杏仁茶同擂沙湯丸！堂剪醬燒乳豬嘅乳豬非常皮脆肉嫩，賣相相當吸引，他們用火燒紅咗啲石頭嚟熱住隻乳豬，令乳豬一直保持熱度，值得一讚，係本人嘅必食推介！姬松茸花膠燉烏鷄真係火喉十足，味道非常濃郁！鳳城山渣骨嘅酸汁調教得恰到好處，唔會太酸，有濃濃嘅山渣味同炸粉唔會太厚！大良炒鮮奶炒得好嫩滑，奶味亦好香濃！滬江小籠包嘅皮好薄，豬肉嘅肉質好嫩滑，湯汁非常多！籠仔梅菜蒸菜遠嘅菜芯好翠綠好嫩同好爽，梅菜嘅味道入晒落啲菜芯度，味道非常特別！至於甜品擂沙湯丸真係非常煙韌彈牙！

今晚我們去咗「順德經典」沙田禾輋店食晚飯！我們叫咗西芹魚崧黃鱔柳、檯面煮黃骨魚、啫啫爽肉芥蘭煲、惹味手抓骨、豉油皇大花竹蝦、原燉海中寶同蛋白杏仁茶！西芹魚崧黃鱔柳炒得好有鑊氣，黃鱔非常爽脆！檯面煮黃骨魚今次係我們第一次食黃骨魚，估唔到會係咁香咁嫩滑，啖啖肉，最好係無細骨，令我們食得好放心！啫啫爽肉芥蘭煲炒得好入味，爽肉真係好爽口，芥蘭好爽脆，最好係無渣！惹味手抓骨嘅醬汁酸酸甜甜好開胃，唔會有油膩嘅感覺！豉油皇大花竹蝦超大隻超新鮮同超彈牙，豉油皇嘅醬汁調教得洽到好處，係我們食過咁多間最好嘅一間！原燉海中寶火喉十足，有好多花膠、魚翅同鷄腳，非常足料！檯面煮黃骨魚同豉油皇大花竹蝦係本人嘅必食推介！

大家免傷腦筋,選了$698 四至六位套餐.青瓜伴脆鮮奶,炸鮮奶是順德名菜,可惜用了劣等油來炸,令到整個菜有油膱味,於是放棄脆皮,只吃鮮奶,味道真是大失所望, 沒有奶香.幸好配上拍青瓜,免強可接受.好啦,倫到魚翅上場嘞,魚蓉花膠燴翅, 明知 $698 唔會有乜好貨色,想不到魚翅幾乎無影不特止,連花膠也只免強找到一點點,刀功果然了得.幸好,魚蓉也不少,還配上冬菇絲. 材料不足,味道當然不夠鮮甜,不過份量十足.碧綠蚌片帶子,這個比較好吃,帶子橫切,減低成本,蚌片脆口,伴著甜椒,西芹,脆肉瓜,等蔬菜,是全個套餐比較可取之菜式.蝦籽扣大元蹄,原本已對元蹄反感,加上之前幾味菜也不甚了了,而且賣相欠奉,抱著免強一試吃了一口,噢!估不到,味道不錯,如果炆煮時間耐一些,肉質腍一點會更好吃,至於蝦子嘛,免得傷神尋找. 吃剩了很多,帶回家隔日吃,反而更好味!家鄉蒸河鮮,順德以河鮮最有名,這條魚(忘記是那種魚),肉質不錯,味道一般,有點"巷"味,不算新鮮, 但賣相算是不錯,冬菇絲及薑絲也不少.順德沙薑雞,不太大隻,所以也嫩滑,當然,不是走地雞,油份是比較多.甜品時間,杞子桂花糕,大大件,甜度剛好,有很多桂花杞

幾位朋友聚餐，試了推介的羊腩煲、脆皮雞和天麻雞腳魚雲湯。豐富料足的小菜和湯，可以吃出花了很多功夫處理材料，湯料熬得入味；脆皮雞外脆肉亦軟；羊腩煲肉質不韌易嚼，汁料味道足，配料有馬蹄、冬菇，做得爽口好吃。整頓晚餐令人滿足，但小菜有點油膩。

第一次光顧順德經典，因為喜歡流沙包，所以以每次到茶樓必吃，可以不用我說，大家都睇到的流沙幾咁「流」，包餡的師傅手藝真係未到家，結果食咗三個乾爭爭的流沙包！順德巧手美食當然少不了酥炸大良鮮奶，油膩膩的大良炸鮮奶壞了順德大良的金漆招牌！香茜叉燒腸，布拉腸粉皮不黏口是中規中矩之作。脆香米蝦卷腸是特點，的確很脆口，夾有小小爽口蝦肉粒，布拉腸粉皮不黏口。上湯中蝦煎麵（兩面黃），一個大麵餅是炸，不是煎！吃到一隻很霉的中蝦，有些掃興！

有一日來到沙田禾輋.午餐地點任由我媽媽選擇.佢選了順德經典,我本來對間店無期望.無期望反而換來重大驚喜.店內環境.如果以酒樓而言就不算大.幸好當日被安排在單邊位自成一角.坐得舒服.沒有壓迫感,而服務更加令我驚喜.店員不單止效率高,還面上掛上笑容.對餐牌食物亦了解.這種服務在屋邨酒樓的確少見.當日點了一個套餐157元.椰子海底椰燉雞:首先料都幾多,材料大約有元貝.杞子.瘦肉,雞.螺片,椰子肉等.如果計材料只有部份的雞肉,同瘦肉已燉至無味.但螺片,雞腳,元貝.相當鮮甜.燉出來的湯.顏色清,而入口甘甜.以現代的食店而言,已相當高水準同抵飲.籠仔鮮雞飯:不要看籠好大.其實好淺,一畢就見底,旁邊的人話雞是鮮雞,但我不認同.雞肉的確嫩滑.入口還有點肉汁.但絕不是新鮮雞,只是店方調味到家.而飯粒我略嫌太濕身.因此飯粒有點林.這一點是要批評的.埋單連加一.茶錢.要187元..但計下明明吃午餐,但叫了晚市食物.價錢都合理的.

上次一家食大閘蟹食到一肚氣，隔日我已經去左朋友屋企食返補數爸爸就話會搵日請返我地食餐勁o既，不過呢日媽媽睇雜誌見到廣告順德經典有個 $ 238 兩隻足五兩大閘蟹餐 , 兩位起已包加一茶芥 , 然後 whatsapp 我地話即晚去食 , 連 plan 好要煲髮菜雞腳湯都擱置順德經典沙田分店位於禾輋商場 , 唔熟沙田o既 , 可以o係火車站o個邊轉小巴禾輋邨亦有好多巴士線 , 十分方便 , 邨內商場麻雀雖小但可謂五臟俱全 , 有質素o既食店都唔少 , 順德經典就係我今日所發掘o既其中之一 媽媽預先訂好位 , 我地被安排到靠窗o既卡位 , 窗門打開就係人來人往o既商場,店員見我地打開左窗 , 都不時提醒我地要小心財物 , 電話唔好放窗邊等等 ,卡位不論座椅同餐桌好濶落 , 寬敞舒適 , 又唔會太嘈吵 , 環境整潔美觀大閘蟹套餐有魚有肉 , 有羹有甜品 , 我地叫左三個餐 , 再另外叫左少少野落單後店員話大閘蟹要蒸 30 鐘 , 請我地耐心等侯 , 然後先上左兩壺花雕酒小杯當成壺蓋 , 小壺坐o係熱水裏面 , 保持酒溫 , 打開杯蓋已傳出陣陣酒香 1. 江蘇大閘蟹~ 果然約 30 分鐘後 ,

IMG:5]