餃餃餃子 (已結業)

黃埔比我既感覺就係好遠咁自成一角既地方, 但上個月去發現通車左原來黃埔站就係之前去掃街既紅墈, 隔離仲係黃埔商場同埋新開既Aeon, 想食到飽完全無難度, 今次就去左間日式餃子専門店, 食完仲可以去掃街happy!!平時比較少食餃子, 日式餃子比我既感覺係單調同埋煎得油油的, 估唔到完來選擇可以咁多, 但又驚叫太多會食唔哂~先來幾個日式前式小吃, 可能因為餃子全部都係煎, 所以小吃有兩大類, 一類是炸物為主, 另一類就係蔬菜, 叫左自家製香辣青瓜漬、涼拌芽菜、鹽菊新鮮椰菜, 其實仲有枝豆同埋蟹籽沙律叫, 但感覺較普通, 所以揀其他。 青瓜漬雖然叫香辣, 睇落都好多辣椒碎, 但食落出奇地唔辣, 係咪知我唔食得辣XD 夠新鮮爽脆但比較普通。 涼拌芽菜同樣新鮮, 雖然份量唔多, 但咸咸的同芽菜既鮮爽又幾相夾, 令人胃口同味蕾都清新唔少呢。 鹽菊新鮮椰菜份量就最多, 平時好少食鹽菊, 本身以為鹽菊只係鹽既調味. 但原來係健康調味, 因為由米發酵成米麴再加鹽發酵, 所以有益腸胃等功效, 食落味道比就咁豉油多左份鮮香, 椰菜本身亦夠爽口。 因為個人中意食蝦餃, 所以就試下海老餃子, 睇下呢款日式會

本身都幾中意食餃子，方便快捷，簡簡單單又夠飽。時隔接近一年，再黎到餃餃餃子，食物水準保持得住，亦多左啲款式選擇。點左餃子の四種盛盒($55/8隻)，有四種餃子，每樣各兩隻。附上海鹽，用黎點海老，亦即係鮮蝦餃子。蝦肉新鮮彈牙，味道與蝦餃相類似，唔需要蘸鹽或其他醬汁已經夠味，係四款中嘅最愛。其他款式有蘑菇餃子、京都九条蔥餃子同淡路島洋蔥餃子，全部都係蔬菜類，食落新鮮味美。其中蘑菇餃子特別用上米餃子皮，口感更軟綿煙韌。點上自家製辣醬配醬油，充滿層次感。上次已經介紹過呢度嘅獨門辣醬，辣得黎十分有層次，更加係鹹香味俱全，配上不同餃子都十分惹味。山芋係非常有益嘅食物，洋蔥餃子配上芥末山芋蓉($52/5隻)，口感豐富。芥末唔會好辣，山芋蓉黏黏滑滑，更見特別。香口嘅煎餃子要配上生啤，又忍唔住叫左一杯Asahi($58)，假裝一下地道日本人。香港食得到鰻魚飯嘅餐廳越來越少，估唔到反而黎到餃子店會有供應。日式鰻魚飯($68)，都幾抵食。鰻魚肥美甘香，雖然未至於入口即溶，但軟滑肉嫩。最開心係完全食唔到有幼骨，大啖大啖放心咀嚼。

今日一家人吃餃子：日本京都九条蔥餃子 ($32): 九条蔥餃子煎得皮薄多汁，九条蔥的香蔥味同餃子非常配。Mochi Mochi 蘑菇餃子 ($32): 蘑菇餃子感覺健康又美味，餃子細細粒，煎得剛剛好，而且不會油膩！洋蔥餃子配山芋芥末蓉 ($52): 餃子上配上山芋芥末蓉，有創意得黎又幾有特別，一試無妨。大阪章魚燒 ($38): 章魚燒係我都幾鍾意食ge小食之一。我地點左一份章魚燒開心share! 章魚燒即燒即食十分香口，熱騰騰軟綿綿之外仲有粒粒章魚，再配上木魚碎同惹味的醬汁，味道不錯！日式鰻魚飯 ($68): 簡簡單單的鰻魚飯已經可以係一道美食。鰻魚燒得剛好，食埋鰻魚飯就飽滿滿足了！餃子盛宴的一天。

星期六 緊係要整返個下午茶嘆下啦突然間好想食日式餃子 即刻諗起餃餃餃子主供餃子嘅食店 好專一做好各款餃子全店只有一款拉麵 同一款烏冬當然要食佢地人氣No.1嘅 Chao Chao一口餃一排8隻 煎得脆脆的 包住適量嘅豬肉 正雞翼餃子 口感好豐富 除左嫩滑嘅雞肉外重去骨放入餃子涵料 味道一流雞肉芝士餃子 岩晒鐘意食芝士嘅朋友雞肉夾雜香濃芝士 有得拉絲 不過略嫌煎得唔夠香脆 但都好好味重有黑豚餃子 用黑豚肉取代餃子皮好有特色 入口依然juicy 值得推介

係紅磡番學既我放左學就決定黎餃餃餃子食個午餐因為夠近原來餃餃餃子係過江龍係日本都有好多分店架值得一讚既係每張枱都好貼心咁提供埋水同紙巾蟹肉忌廉餅新鮮炸起熱辣辣咬左一啖 入面既忌廉就爆出黎餡料十足Mochi mochi蘑菇餃子個皮好特別係用左秋田縣米整既餃子皮好煙韌第一次咁既餃子皮但蘑菇味稍嫌略少雞肉芝士餃子呢個十分推介有好香既芝士味而且餃子雖然煎完但唔會太乾岩哂芝士控既我🧀蟹肉海老特長豪華餃子棒真係有成隻手掌咁長✋入面除左有蟹棒之外 仲有蝦架配埋蛋黃醬食味道出奇地搭牛筋豆腐煮飯呢個有少少辣鋪係底既係滑豆腐牛筋燜得好入味個汁配飯食係一流厚切日式煙肉好少食咁厚既煙肉但呢度竟然有得食！煙肉煎得十分香價錢適中但味道唔錯可以一試

同朋友去開紅墈，話想食餃子，見到呢間好似唔錯，好似係日本開係香港的分店，於是來試下!去到未係好多人，見過咁多款餃子醬料已經好肚餓啦 我地點左生薑餃子、淡路島洋蔥餃子同埋明太子薯仔餃子棒，生薑餃子薑味重，岩晒中意食薑的我。淡路島洋蔥餃子就甜甜地，加小小味噌醬汁簡直一流! 薯仔同明太子既配搭好夾，好似食緊薯仔沙律個種好飽肚既口感，而且明太子亦唔會好似一般出面食既太鹹，係三款餃子最好味既一款。淨係食餃子緊係唔夠飽啦，主食我地食左牛筋豆腐主飯同埋日式牛筋沾烏冬，牛筋汁係餸飯一流既選擇，豆腐同牛筋都非常之入味不過牛筋唔係話好多筋，主要係肉多，炆得唔算好淋，同埋份量就偏少左D 不過烏冬就好驚喜，熱辣辣又彈牙，口感無得彈!朋友話好耐無食過炸雞，見Menu有於是試埋，炸雞既外皮粉漿比較厚，雖然雞肉都算嫩滑，但係粉漿比例令到整體味道減分。食炸雞食到熱辣辣，我就飲番杯柚子梳打，杯梳打唔會太甜，滋潤又好飲。其實仲有好多款餃子未試，下次再來Encore!

自從黃埔地鐵通車後，來往這區可說是相當方便，這個星期天，我與好友來到這裏逛街，吃吃喝喝尋找美食。 本來打算到百寶坊的一間cafe吃飯，可惜來到這裏卻發現餐廳已被新店取代，最後，決定到隔鄰的日式餃子店試試。 「餃餃餃子店」店名名字相當特別，全店用以木調為主，紅色為主調，加上小旗幟，充滿日本風情。 餐廳以餃子命名，當然要試試它們的餃子。 明太子薯仔餃子棒餃子皮薄薄的，經煎香後，底部變得非常香脆，而餃子內包著滿滿的明太子，明太子味道不會過鹹，入口脆卜卜的，蘸點餃子醬汁，就已經非常好吃。 洋蔥餃子配山芋芥末蓉得喜歡這個洋蔥餃子配山芋芥末蓉，山芋蓉滑溜溜的，帶點黏稠的濕潤感，而芥末的辛及嗆，正好將洋蔥餃子的微甜味道提升，絕對是必食推介。 日式牛筋豆腐煮飯 日式牛筋豆腐煮與白飯是分開送上的，而所謂的日式牛筋，據我理解應該是指牛肉吧，因為內裏一件牛筋也沒有，全都是牛肉來的，不過，沒關係了，反正牛肉煮得挺好吃，味道微辣，肉質軟淋，配上煙靭蒟蒻及滑嫩豆腐，非常惹味。 chao chao 餃子8隻 這個chao chao餃子, 是人氣no.1，亦是最基本的原味餃子。餃子長條形的，一排的緊貼

星期日行到去黃埔附近成3點鐘先去搵野食見到有間日式餃子店好似幾得意就諗住入去試下叫左蟹肉忌廉薯餅新鮮炸起忌廉唔膩 好食！仲叫左mochi mochi 磨菇餃子同雞肉芝士餃子同埋日式煙肉全部都即叫即整熱辣辣日式煙肉煎得好香同埋食落一啲都唔膩Mochi mochi 餃子就冇咩特別同普通餃子差唔多雞肉芝士餃子就好食芝士再配埋蛋黃醬夠哂味最後加碼叫多個蟹肉海老豪華餃子食落味道竟然係似蝦餃第一次食餃子係配蛋黃醬好得意埋單都係每人$100少少貴但好味就算啦下次可以再黎食

今日難得啊媽放假，天氣又轉涼，就同佢行黃埔添新衣。晚上佢提議食餃子，我係附近搵到間看起來唔錯ge日式餃子，於是同啊媽一齊試，享受日式餃子宴！雞翼餃子 ($50兩隻): 啊媽一睇餐牌，就被呢款雞翼餃子吸引住，梗係要點黎試下啦😁雞翼包住餃子，確實係幾有創意，雞翼皮香饀料足，口感實在，係唔錯ge創意小食！PuriPuri海老餃子 ($45五隻): 呢款PuriPuri海老餃子非常好吃，蝦肉彈牙，餃子皮煎得香，再點上少少鹽，非常野味！蟹肉海老餃子棒 ($42): 呢個餃子棒成180mm長，真係餃中豪傑😂😂難得同啊媽食飯，梗係想同佢食好野！雖然$42一客都唔算便宜，但見到啊媽食得開心已值回票價👍🏻👍🏻日本蟹肉忌廉薯餅 ($24): 熱騰騰ge薯餅好香口，而且唔太油膩，外脆內軟，滋味十足！博多豚骨拉麵: 食完餃子，飲番啖熱湯食番d拉麵就舒服哂！好飽好滿足的一餐😁😁😁

我同友人都係餃子愛好者, 日式餃子係香港都幾難食到, 仲要係專門店黎, 梗係岩哂我地胃口啦 雞翼餃子呢個係我食過最特別既雞翼, 飽滿既雞翼入面係放左餃子餡, 雞翼就好似餃子皮咁, 但呢個最正既地方係雞翼本身既肉汁又會流左係個餡度, 一啖咬落去除左肉味之外仲要有餃子餡既口感!! 正 水餃子一碟有五隻既水餃子, 皮薄餡靚, 最鐘意係佢只係落左少少既醬汁, 成個餃子都有夠味, 一咬落去入面既醬汁已經出哂黎 日本蟹肉忌廉薯餅好香既炸薯餅香味, 入面係滿滿既蟹肉, 勁滿足, 因為佢加左忌廉, 食落唔會太dry, 而且蟹肉本身都係有濕濕的口感, 同呢個薯餅味道好夾!! ChaoChao雞軟骨呢度既雞軟骨同燒烤既口感同味道都好唔同呢度肉就會多d, 肉包住個軟骨, 食落既口感與眾不同我就鐘意佢咸咸的味道, 好開胃又好味

我係一個好鐘情日式餃子既人香港既日式餃子店都唔多好食既更加少之又少 Chao Chao 餃子黎到呢度必食既一定係餃子, 呢個餃子係煎餃黎, 係即叫即整架勁新鮮D餃子係痴埋一齊既勁得意, 不得不提既係佢個皮真係食落去好似咬紫菜咁脆口, 雖然係煎餃, 但係入面都係爆汁咁 日式牛筋沾烏冬第一次食沾烏冬, 感覺都幾新奇, 食法都幾特別, 但係又真係幾唔錯, 我係每次食之前都將烏冬沾一沾個湯, 再放入口, 烏冬食到尾都會KEEP住彈牙, 而且唔會越食越濃味~正 蟹肉海老特長豪華餃子棒足足有我手臂咁長既老餃子棒, 口感爽滑, 蟹味都幾濃下, 值得一試

餃子宴很多時讓人第一時間聯想起的總是北方的餃子，如青島、東北三省等都喜歡吃餃子，取代飯或麵作為主食。其實餃子文化也傳到日本、韓國等，而這家店就是以日式餃子專門店打響旗號，香港來說真的比較少有。一向覺得是中式餃子才有韮菜、白菜、菠菜、椰菜等口味之分，而日式餃子則偏向肉多，不看餐牌還真的不知道日式餃子原來也可以有這麽多款式。怕不夠飽的話，還有少量飯和麵供選擇，也有不同小吃作點綴。我和友人都不是飯桶，來到餃子專門店，還真的乖乖地全部點餃子呵呵。對了，忘了說友人是酒鬼，不吃飯吃餃子也不忘點個啤酒喝喝。 友人點的活乳酸燒酌梳打雖然碳酸味重，同時也帶淡淡的乳酸味，較為清新的少女系啤酒。我在平日晚上沒甚麼喝酒的意欲，還是乖乖的點了白桃活乳酸梳打，這個味道相對上較濃烈，甜度高但不會太人工，不錯的喝。每張台上都有醬料架，除了一般的餃子汁外，還有味噌醬，較為稠身和濃味。而喜歡辣的友人也可自行再添辣醬，調製自己的口味。本來還在猶疑到底要點炸的還是煎的，友人強烈要求炸的，也就試試看。端上來時還真的覺得選對了，炸得非常金黃香脆，像個金元寶般，多餘的油已經吸乾了，不會過份油膩。免治雞肉餡頗為嫩滑，芝士有少許拉芝，

Previously tried the Wanchai branch and I love their gyozas that I went to the HH branch.The standard is not consistent at the branch because the gyozas taste better in the day when the oil is still fresh.The thick cut bacon was a bit disappointing because it was too fat, I was hoping for something like Gammon ham.Anyway, the rest was good especially the beef which taste like Shanghai potstickers but much nicer because the dumpling skin is thinner so you taste the beef more.The chocolate ones we

本身對餃子冇乜興趣，但朋友仔帶我去試吓日式餃子，原來別有一番風味。店內紅色為主，好繽紛。餐牌的設計亦比較多元化，令人睇見就開始流口水。淨係醬汁都有好多款，飲品亦唔馬虎。點左一客明太子餃子，同埋蟹肉海老特長餃子。餃子唔能夠當飯食的我，當然亦點左個沾烏冬。特長餃子真係超級長！每一啖咬落去都有啖啖蟹肉鮮蝦味，好精彩。明太子餃子的口感就比較Creamy，同平時食到的餃子好唔同。沾烏冬都幾夠份量。牛筋炆得好腍好入味，有少少微辣，非常惹味的。朋友點左一口餃子都幾得意，真係啱啱好一啖一個。其他食物睇落都唔錯，朋友仔都幾滿意。整體而言，呢間小店都幾有新意，製作亦幾認真。如果食厭了傳統日本食物，又唔鍾意中式餃子，或者日式餃子會係一個唔錯的選擇。

黃埔自從有左地鐵之後就方便左好多，食肆商舖人流都多左。今日我去左探住係個邊既朋友，佢就帶我去左黃埔既另一邊度搵食。我指既另一邊係黃埔新天地百寶坊個頭，而唔係平時會去既黃埔船。今晚我地就揀左呢間係日本有好多間分店既人氣日式餃子店。雖然佢唔係係黃埔既人流集中點，但係地段都叫靜中帶旺，而且宜家距離黃埔地鐵站都係幾分鐘路程，方便又易搵。呢度地方都算大，裝修都係走日本風，仲預留左d空間比客人放佢地既隨身物。Menu話明係餃子店就當然主打餃子啦，餃子選擇多而且仲好有特式tim但係除左餃子，其實呢度都仲有小食、飯同烏冬提供。Chao Chao餃子$42呢個餃子係呢度既招牌餃，42蚊有16隻，分左兩排，每排8隻。size就arm arm好一隻一啖，皮薄而且香脆，入面餡料就好juicy，會食上癮，如果想再惹味d，仲可以點佢既自家制醬汁去調味明太子薯仔餃子棒$48鍾意食明太子既朋友一定唔可以錯過呢個餃子棒，一啖咬落去，入面既明太子薯蓉會爆出黎，好有口感，味道亦都唔錯雞肉芝士餃子$42呢個餃子好「芝」味，雖然冇話拉絲咁誇張，但係食落「芝」味無窮雞翼餃子$50反而我就覺得雞翼餃子普通d，因為平日都會食到，但係