養心殿台式養生鍋 (已搬遷) 新店位置

呢篇係我第一篇食評，因為間野實在太差所以要打出黎，我最近見呢間野好hit所以同朋友黎試下，順便慶祝佢生日，點知係完全中伏，服務、食物及環境都很差，價錢也不便宜，完全不明白佢點解咁受歡迎。首先食飯果日有人打黎confirm booking, 然後話淨係收現金，我話上網睇有得收卡，佢先話收卡會慢啲，但都可以收既，咁ok la, 去到個帶位小姐又講多次淨係收cash, 我話打電話個同事已經話可以收卡，咁佢去問下問完番黎又話可以收卡，埋單果時我比卡，個waiter又話要收cash, 話部卡機壞左，我話帶位果位小姐已經話可以收卡，咁佢先比我比卡，最後成功比左卡，但已經證明左佢地專登呃人話部卡機壞左要人比cash。食物不算便宜，但完全係放題質素，叫左條$1488既象拔蚌，十分一般，口感好硬不鮮甜，唔似係加拿大貨。佢啲雪花一口牛、羊肉都無咩味，價錢跟食物質素不成正比。成餐飯唯一滿意既係黑松露蝦丸。有次加湯唔知會聲就加，當時我地三個都攞住個匙係度烚緊，搞到個肥牛粒要等啲湯滾先有得食。整體服務質素差，食物質素很一般，呢個價錢可以去食其他貴價更有質素既餐廳，不會再黎。

8:30 前離座7 折 正！3 個女仔 7:00 入座 ，8:30 埋單 超飽好滿足。我地每人300 ， 如果冇折就較肉痛 所以記我8:30 前ko 哂呀. 埋完坐多陣都ok, 暫時冇俾人趕 我地叫左芝士牛丸 梅菜肉丸 幾好 . 牛肉是肉眼 大塊幾好 ， 但比較小份 有d 唔夠叫左午餐肉 平時唔多食 叫人介紹 試吓 不錯 佢又唔係幾油 幾香口. 超厚切 一定要多人食。我地食唔哂浪費左sori. 我覺得可以試下， 個湯確真不錯 . 不過食完有小小口喝。位置都大 傾計不錯.

今日有少少轉涼，就想打邊爐，黎左呢間養心殿台式養心火鍋，一入到去，有種懷舊既氣氛，裝修精緻，也很乾淨。叫左個鴛鴦鍋，寧神養心鍋及麻辣。養心鍋，d湯非常香甜，入面有魚及雞，好好飲。而麻辣辣味好香，中意食辣既朋友真係岩晒。👍👍👍飲完湯就打邊爐，叫左蟹籽墨魚滑，雜錦蔬菜鍋，響鈴，凍豆腐及寬粉條。墨魚滑十分彈牙及鮮甜，響鈴也非常香脆，蔬菜夠新鮮，店員話是岩岩新鮮到。寬粉條好特別，出面食唔到，食落口感不錯。

小編知道這間的打邊爐好好味🤤，但由於太多人啦😐，一直都冇機會試。 有日經過，就下定決心去食🍽，諗唔到真係一試翻尋味呀！小編選左佢$128既酸菜白肉湯底🍲。首先依個湯底唔係就係普通食打邊爐果d得個酸字既cheap雞湯底，佢酸得黎，其實又好清。飲落去好新鮮。咁湯底入面仲會送埋水晶粉係入面，配埋個湯底食落去，真係一流呀👍🏻！ 其次d雪花肥牛🐂都唔錯，新鮮可口。色澤都好誘人。值得一讚既係佢d響鈴，完全冇d油益味，好新鮮！之後d貢丸都係，又大粒，入面可以食埋蘑菇碎🍄，肉同蘑菇個味道完全融合。佢d午餐肉係煎過，其實就咁食都好好食，落左去打邊爐d湯度又另一番風味。佢環境唔錯，只不過裝醬油既地方稍微有點污糟🗣，覺得可以再改善。但坐得幾舒服，而且每台之間個距離雖然唔係好遠，但起碼都算可以單獨享受同朋友聊天食飯既時光🤡。

成班友行完山喺旺角搵食，咁多人，最好就係打邊爐。揀來揀去，女仔多，於是揀左美人鍋😆😂傳菜叔叔好開心咁放底個鍋然後祝大家都咁靚，同身體健康平安快樂 😂👏🏻👏🏻👏🏻咁當然大家咁話啦。美人鍋好多料，有一大隻烏雞，淮山杞子紅棗等，最重要係唔少得有豐富蛋白美顏必食嘅桃膠 😊另外再加料要響鈴、千層豆腐、手打各式丸、肥牛、手切牛肉。全部肉都好新鮮，而丸就更具特色。例如牛丸彈牙不特止，裏面芝心仲爆出嚟，真係好味到震～～想嗌好多菜，點知好多都未翻貨，只有蔬菜盆。不過後來食到一半果陣，店妹話冰菜剛翻貨，問我地要唔要，咁梗係要啦，咁好記性知我地想要乜，抵讚～ 冰菜新鮮又爽脆，正～另外仲嗌滷水鴨舌，係料未滾熟前都有野食下呀嘛。滷水鴨舌居然加花雕，味更香更好食😋食到大半，開始食湯料，烏雞好有雞味，更有酒味，啖啖肉｝👍🏻埋尾食埋手打麵，夠彈牙，麵質靚，吸晒湯精華😋呢個台式邊爐，無得頂👍🏻👍🏻👍🏻 靚湯底加料新鮮，絕讚～ 而且環境好，服務亦周到，美滿❤️

之前聽同事介紹呢間台式火鍋，所以趁住聖誕節，同老公黎打下邊爐。老公鐘意食辣，就揀咗麻辣（小），另外我揀咗美人鍋，同事話有成半隻烏雞岩晒我養生，所以我地黎咗個鴛鴦鍋。另外我地點咗個手切牛肉、豚肉、雜錦丸、水餃、台式翠絲、寬條面同響鈴。餐廳另外仲送咗份鴨血，好味～～兩款湯底都無令我地失望，麻辣好夠辣，美人鍋個底真係好飲，我見意個湯係開頭無咁油果時飲，之後打邊鍋，個湯就變得好油，同埋烏雞中段就好食，肉質好嫩滑，岩岩好老公話碟手切牛肉真係好得，配埋麻辣湯底，簡直係prefect match最估唔到碟雜錦丸有驚喜，老公就鐘意個黑松露丸，但我就鐘意墨丸芝心鵝肝丸，鵝肝油好香，食一粒真係唔夠喉，同埋個蝦丸都好好食。反而個菜同響鈴無咩特別，下次可以唔使試，水餃老公就好buy，佢話饀好多蝦膠，但我覺得一般。寬面就食唔晒，係幾好食，好QQ，事關我地趕係8:30前買單有7折，真係抵食好多。同埋呢度既份量唔細，我地其實都點多咗，我諗下次知點order。呢間雖然唔係任食，但鐘意黎係因為湯底唔會係味精。打完邊爐都唔會話口渴，另外個鵝肝丸真係好好食，肉類都唔錯，仲有7折優惠，整體黎講都好滿意今次既台式Sabu sa

今次已經係第5次來食養心殿啦, 去過好多間唔同分店, 今次來旺角呢間食亦都完全無失望呀質素都保持到。座低就叫左麻辣(小)同埋酸菜白肉鍋, 咁個鍋本身就跟左d配料嫁啦, 酸菜白肉同埋我最愛既薯粉, 麻辣鍋就有鴨血同埋蜂巢豆腐, 值得一讚係兩個鍋都好好味, 麻辣唔係一味淨係辣, 係食到香味。野食方面叫左蔬菜籃, 黑松露墨魚丸, 韭菜餃,肥牛同牛肚, 食物質素都好好, 加埋好多款唔同啤酒 岩晒同幾個朋友慢慢食, 唔係任食邊爐食到飽咁, 最後埋單六百蚊左右, 價錢都好合理, 希望以後都keep得住質素, 以後可以再來食。

近排餐餐都茶記，冇乜住家飯食，又冇湯水飲，心靈極之空虛之際，就醒起呢間 養心殿 既湯底，即刻約朋友一齊食先。餐廳位於旺角小米之家既隔離街，係新興大廈既一樓，我地book左6.30pm，已經有一堆人等入座啦，人氣好旺盛咁。我想試養心鍋，朋友就想試薑母鴨鍋，咁岩呢度可以鴛鴦鍋，價錢就收貴d果個，咁我地想試既2個湯都係同價，咁就計$168。秘制薑母鴨鍋($168)用左台灣特產既紅面番鴨，再加入左老薑、馬蹄、當歸等藥材熬製湯底。仲有唔少鴨肉同冰豆腐，邊食湯料，邊飲一碗呢個咁濃郁既湯底，暖胃又滋補。寧神養心鍋($168)奶白色既湯底，入面有半隻烏雞，姐姐話係用左20斤鮮魚4小時精餚而成，好濃郁好鮮。仲有魚頭、川芎、白芷、天麻、豬肉、淮山、杞子、圓肉，我地仲夾起隻烏雞拆肉食，肉質幼嫩有雞味。醬料方面係自助形式既，有芫荽、紅辣椒、香蔥、香醋、豉油、蒜泥汁，由於湯底好夠味，我拎左小小豉油就夠做了。手切牛肉 ($238 細)每塊牛肉既脂肪紋分佈平均，厚薄適中，唔會一淥就散哂。食落口，又唔會食到筋，好香牛肉味，肉質非常嫩滑，唔一定要點豉油添啊！淥到微微粉紅就食架啦，再煮可能會over。黑柏葉($78)新鮮

聽朋友講起這間的打邊爐好好味，但由於太多人啦，一直都冇機會試。 有日經過，友人就拉了我去這間店食晚餐。我係夜晚10點半去食，9點40分拎左飛。食物：我選左佢$128既酸菜白肉湯底。首先依個湯底唔係就係普通食打邊爐果d得個酸字既cheap雞湯底，佢酸得黎，其實又好清。飲落去好新鮮。咁湯底入面仲會送埋水晶粉係入面，配埋個湯底食落去，真係一流呀！其次d雪花肥牛都唔錯，新鮮可口。色澤都好誘人。值得一讚既係佢d響鈴，完全冇d油益味，好新鮮！之後d貢丸都係，又大粒，入面可以食埋蘑菇碎，肉同蘑菇個味道完全融合。佢d午餐肉係煎過，其實就咁食都好好食，落左去打邊爐d湯度又另一番風味。環境：環境唔錯，只不過裝醬油既地方稍微有點污糟，覺得可以再改善。但做得幾舒服，而且每台之間個距離雖然唔係好遠，但起碼都算可以單獨享受同朋友聊天食飯既時光。服務質素：人手足夠，態度尚可。

今晚天氣突然凍左好多，本來想食日本野都秒放棄左，改為search「火鍋🔥」，要暖反個胃同身至得。朋友提議話想食養生鍋好耐，係台式火鍋，台灣就去過幾次，但都冇試過養生鍋，就試一試佢有幾養生先。環境方面，呢度好有古代feel啊，用左好多電視劇先見到既木屏風同木櫈，有別於一貫酒樓既風格。而燈光方面就暗暗地，幾岩對左成日電腦，兩隻眼都好怕光既我地。湯底方面，我地揀左2款，分別係 寧神養心鍋 同 秘制薑母鴨鍋，可以一半一半，鴛鴦鍋，咁價錢就計貴d果個，姐係$168。寧神養心鍋 入面有半隻烏雞同魚頭，我地夾起左隻烏雞上黎拆肉，再舀d湯一齊飲，好好味！飲到好多藥材既香味，又唔會係苦果d，湯底入面仲有川芎、白芷、天麻、豬肉、淮山、杞子、圓肉，帶有一絲絲既甜味。秘制薑母鴨鍋呢一個湯真係好岩冬天飲，入面有大量老薑，煲既時間掌握得好好，好重薑味，飲一碗即刻成個人暖哂，岩哂成日手腳冰冷既我。仲可以食埋d湯料，有一件件既台灣紅面蕃鴨件，仲有冰豆腐、冬荀同當歸咁。飲+食完個湯都飽左一半，我地再加左小小野，活九孔 ($48@)肉質新鮮好有彈性，上枱既時候已經處理好哂，清走哂d內臟，只要放入鍋就好了，岩哂懶到出汁又唔

呢排天氣凍又喺打邊爐的時候，但朋友話邊爐成日打，不如帶我試吓養生鍋補吓啦。湯底有好多選擇，雙拼都只喺收較貴的價錢，多心的我當然揀鴛鴦鍋啦。鴛鴦鍋：美人鍋拼秘制薑母鴨鍋美人鍋湯底主要有桃膠，同烏雞，滋陰又富膠原蛋白，是女仕養顏之選，湯底飲落鮮甜；而薑母鴨鍋就選用台灣紅面番鴨再以當歸，老薑淆製相當滋補，入口甘甜又無臊味 清湯牛腩件腩件薄切，肥瘦均勻，牛味濃郁，湯底清甜有胡椒香味手工丸類拼盤有鵝肝墨魚丸，黑松露蝦丸，芝士牛肉丸，墨魚丸，蝦丸，梅菜豬肉丸，可以一次過試齊所有丸類，手打丸超彈牙夠扎實唔鬆散，富質感又有肉汁極上雪花肥牛油花分佈均勻，牛味濃，切得夠薄，入口即化涮鍋小羔羊肉片羊肉片肉質軟滑唔肥又無羶味豬粉腸粉腸夠粉夠淋又無臊味即炸脆響鈴/台灣翠絲水蓮菜響鈴超大卷，非常脆而且無油益味，入口香脆豆味濃；水蓮菜無見過當然要試啦，一條條非常飽滿，淥一淥就食得，入口脆嫩又無渣鴨血鴨血質感滑溜無腥味，入口即化紫淮山麵白色的淮山麵就見得多，紫色淮山麵都喺第一次食，當然要試吓，麵質軟滑又彈牙

朋友想食養生湯底好耐.今晚放工同佢一齊去食. 我地唔想太熱氣.所以簡左美人鍋同養生鍋. 可以鴛鴦煲都係計貴啲個湯底 好抵美人鍋有成隻烏雞 啲肉係 超嫰！湯底係勁足料 一大堆養顏既杞子 南棗 同埋桃膠 我飲左第一啖湯已經上癮了 非常清甜又濃味 放響鈴落去係完美唔知係咪湯底太好飲 我同朋友都覺得呢到既響鈴特別好食另外呢個都係深得我心既湯底 你見到成堆人參 所以湯底好濃既人參味 但飲落去又唔會苦. 最驚喜係舊豆腐 佢唔係普通既滑豆腐 食落去口感一流叫左雪花肥牛 份量都唔錯可以試堆呢枝有氣蘋果汁 仲有檸檬味食飽之後店員仲送左兩球雪糕比我地就憑個湯底絕對值得encore

夜晚9點到達，問服務員有無得walk in，服務員話9點半有位，留左電話同姓氏，當時見住佢寫低，叫9點半翻黎有得入座。我驚出錯仲再問多佢一次都係話9點半翻黎就有位入得。我準時9點半到，點知9點半翻黎連9點半既預訂位置無埋唔止，問左我兩次電話號碼，係個list到搵搵搵，唔見左，仲問我第三次先抄低叫我出面等，原本個預留電話號碼同姓氏係佢個list唔見左，仲要排好後再等。員工工作流程混亂，對呢間野好失望，態度服務又差，問多次就黑曬面，食氣都食飽

最近天氣凍每日都好想打邊爐，諗起之前試過荃灣養心殿幾正所以又黎旺角分店再食美人鍋/秘制薑母鴨鍋鴛鴦鍋唔使額外加錢淨係需要以較高價錢湯底收費；美人鍋入面有成隻烏雞加埋南棗杞子同桃膠肴製，湯底清甜而且含豐富骨膠原最啱女仕養顏；秘制薑母鴨鍋加左老薑啱哂冬天驅寒，湯底除左紅面番鴨仲有蜂巢豆腐吸哂湯汁好正清湯牛腩件餐廳除左火鍋配料仲有小食供應可以叫啲食住等湯底滾；牛腩薄切加上層肥層瘦肉質軟腍唔韌配搭湯底牛味濃郁鴨血鴨血順滑軟嫩口感略帶煙韌而且完全冇腥味豬粉腸豬粉腸質感夠粉而且處理得幾好食落唔臊手工丸類拼盤餐廳丸類總共六款包括鵝肝墨魚丸、黑松露蝦丸、芝士牛肉丸、梅菜豬肉丸、墨魚丸同蝦丸，每款都係手工搓製好吸引，貪心想試哂咁多款嘅揀拼盤就啱哂霜降肉眼肥牛肉眼油脂分佈均勻而且夠薄稍微淥下就食得羊肉質感軟嫩脂肪唔多唔會好羶即炸脆響鈴響鈴豆香濃郁而且冇油溢味台灣翠絲水蓮水蓮新鮮每條形態都好飽滿；口感青嫩爽脆紫淮山麵麵條加入紫玉淮山健脾養肺

成日都聽人講養心殿好好食，但阿魚一直未有機會去試!!! 🍲終於星期日就同朋友去左食!!! 🍲因為餐廳好多湯底選擇!!!阿魚同朋友真係花多眼亂🍲最後就選擇了：🍺(1)麻辣鍋(小辣) ($128)🍺本身入面已經有鴨血同凍豆腐!!!但餐廳係會比你免費追加鴨血1份!!!!🍻(2)養生鍋 ($188)🍺有藥材、人參、火腿、老雞、重有豬肉而製成~~~~🍲真係超足料！凍豆腐吸哂所有湯汁！阿魚重encore一碟 🍲另外，手切肥牛入口即溶真心正！ 後面果碟先係手切肥牛 😍響鈴超脆！好好食！ 😍鴨血好入味😍令人食唔停口！🙊食麻辣當然要飲凍啤油😁餐廳會有冰桶一直凍住啲酒🎉重有細杯比你斟酒，一飲而盡非常爽！🍺🔖提大家，晚上9點半後入席有7折優惠！🍺阿魚一定會再encore❤️🧡💛💚💙💜🍺🐟：9/10🍽🐟📝📌養心殿📍地址: 旺角彌敦道607號新興大廈1樓106-112號舖📞電話: 23233123⏳營業時間⏱: 1200-0600