饗和民 (康怡廣場) (已結業)

正常日本野，壽司好新鮮🍣炸雞軟骨除左有少少油之外都唔差。滑蛋豬扒飯最好味，蛋夠嫩滑配飯一流👍🏻而且訂位後不用等位，坐位鬆動，跟朋友可以慢慢食慢慢傾。叫左杯水果紅茶，建議不要叫少冰，叫完少冰紅茶熱沖落去冰好快溶，就變成暖水果飲，變得不太好飲，最後都要叫人加返冰。但整上都ok的。

同契仔契女一家去太古和民食飯，好彩去得早拎位，店面大細中規中矩，我地一行9人大櫃都坐得舒服，必點炸雞軟骨、魷魚筒、軟殻蟹壽司、豬扒飯，不過食物款式確係比以前少左，幸好雖然忙但上菜速度都快

之前夜晚行太古，見到間日式店，又見多人，就排隊試下依間D Janpanese Food!!!排左唔係好耐，10分鐘就入坐!叫個饗·豪華餐(2人用)出餐very,very,very快。第1個係鍋，好味!之後出天婦羅，就麻麻地。。。，但能食得過!!!再出了。。。看photo ,I don't what this is called, sorry!然後出魚生，fell very fresh!!!仲有兩杯drinks最後甜品。。。雨滴餅，一塊啫喱，2邊有黃豆粉和黑糖。甜到瘋，難食到飛起，此甜品只for打卡。。。總體係taste good，食左＄499仲有$200coupon送添!

去咗康怡廣場食早餐，見到呢間嚮和民，外觀都幾正喎，早餐供應到十點半，於是入內，先揀餐購票，坐定一陣就有員工送餐來到！地方整潔，裝修同座位好舒服，沒有一般港式茶餐廳的擠迫！叫咗一個吞拿魚旦沙律牛角酥，（$28）一杯熱奶茶（另加三蚊）共$31，唔使加一服務費添！個飽入面除了蔬菜沙律，又有鶏旦，又有吞拿魚（應該是罐頭，打碎魚肉）又好好味喎，食慣咗港式炒旦通粉之類嘅港式早餐，轉下口味就又有新鮮感了！而且座位真係好舒服，另外果杯奶茶亦好香滑，都好有水準！

四個人去食，叫咗個和牛火鍋(細)，$118，但係牛同配菜都唔算好多，不過湯底都幾濃味既。仲叫咗一碟枝豆，兩碟明太子玉子，玉子個份量比起張相少，但係味道都幾唔錯，唔算好甜。仲有一煲蜆，幾新鮮同埋夠大隻！可以一試🙊最好食係椰菜大板燒不過都係個portion有啲少。不過下次食都會再叫！另外加咗兩碗烏冬，雖然係寫熟咗仲出緊煙，但都似乎唔夠「林」，所以要再擺落去個鍋煮下先食。佢有個芝士炸物好重芝士味！好正🥰反而依個細細粒，唔會太「漏」。

放假唔想又係食腸腸疍疍蛋腿腸做，食個日式早餐都係一個好選擇，順便當自己去咗日本旅行🤣👏🏻👏🏻👏🏻。佢地除左套餐之外，仲可以俾你追加其他食物（呵～～～好有日本風格❤️），最平早餐由28蚊起，我今次加咗鯖魚，食得好滿足，又有feel。

饗和民分店唔算就腳，所以都一直未食過。今次係第一次食。講起食日本野，如果同屋企人食，佢地唔食生野，又少食肉嘅料理，最後多數係一人一個麵或定食，再加小食。今次有幸同同事去食，食左一餐豐盛嘅日本菜。去個陣未到最多人嘅時候，人唔多。所以坐左卡位，好舒服。Menu好多野我都未試過，最吸引係有爐端燒，咁大個女都未食過。不過，身為一個著重均衡飲食嘅人，點都要叫一個沙律食下。餐牌上有4款沙律，有啲仲有半份揀，好啱心大心細嘅人。有啲人可能覺得沙律頹，但我反而覺得從一個沙律已經睇到間餐廳用唔用心，食材靚唔靚，最後我地點左全份嘅海鮮沙律、鹽燒鰤魚骹、北海道產珍寶帆立貝殼燒&日本產牡蠣殼燒、極上九州產和牛燒、豪華刺身&壽司盛合。大鄉里仲特登走左去個爐面前睇師傅燒，睇到都流哂口水。第一樣尼嘅係沙律。【海鮮沙律】(全份) //$98原來係有切粒嘅刺身係入面，有三文魚、吞拿魚、同。仲有蟹子。最估唔到係有海藻。咁嘅組合我第一次食，出其地好味。個汁都好好味，酸酸甜甜。邊個話沙律一定頹? 如果再食，一定會enocre個沙律。之後到爐端燒，我有落足眼力睇師父炮製!【極上九州產和牛燒】(日本產A4和牛)//$198大鄉里比

Order左6樣野：1.香炸北海道產水牛芝士（$48）2.燒雞翼串（$23）3.日本產帆立貝刺身（$68）4.鮭魚刺身（$48）5.鮭魚腩壽司（$13x4）6.燒鰻魚盒子飯（$178）好真心...除左鰻魚飯得，雞翼串可接受外，其他4樣係垃圾：水牛芝士無味帆立貝的size係比1元細比5毫子大，兼且唔新鮮刺身的wasabi係比一般的深色，感覺上似放左好耐，三文魚本身不過不失，我不嬲好鍾意食生薑，但出水生薑真係放唔落口輪到重頭戲鮭魚腩壽司，黎到變左鮭魚腩糯米飯，舊飯黏到直情係食泰國甜品芒果糯米飯咁🤢🤢本身冇諗過寫食評，但食到最後的‘糯米飯’，真心好激氣，先忍唔住影相同大家share下...

星期五放工去左太古睇完戲dinner!😎大概8點, 周圍餐廳都要等位, 見e間饗和民未食過, 條龍又唔係長, 就等左～10mins入去。👭😊 入面都幾大, 燈光柔和, 待應安排左吧枱比我地。睇岩左一set二人餐, 好似好豐富感！😋 先來個大海佬天婦羅!👍🏻海佬都幾大隻下, 肉彈牙！外皮炸得好脆, 皮再薄d就perfect!😎 沙律又是一大盤！😊👍🏻蔬菜都fresh! 刺身一般, 乾了點, 不是太新鮮。太卷賣相靚, 外層唔知包左塊咩葉, 食落又唔會話乾, 大大件！😂👍🏻 再來e個好吸引, 大阪椰菜燒, 鐵板上熱辣辣!👍🏻入面好多椰菜絲, 之後食淡淡ge芝士, 加埋醬汁, 囗感豐富!👍🏻👍🏻😍😋 其實食到e碟, 已經好飽！😂 最後來埋𧐢鍋, 有蜆、魷魚、蔬菜同有嚿年糕😂。煮熟後, 湯底有埋海鮮鮮甜味。全鍋食唒, 唯淨下年糕。 熱柚子薑茶, 薑味特出, 飲下消下滯!👍🏻而巨峰梳打都ok, 有陣陣提子香。😎👭

約朋友係太古城飯聚, 其中一個朋友係和民粉絲, 所以可以唔洗煩食邊間直接去咗和民。去到先知原來太古和民改咗名叫饗和民,未睇menu之前心諗又係啲換湯唔換藥內容差唔多嘅嘢食。睇完menu之後先發覺真係有多好新嘢食。朋友話想試新嘢,所以搵咗侍應介紹幾款俾我哋。豪華刺身&壽司盛合$328見到Menu張相好吸引同埋價錢都算合理,所以揀咗佢。心諗張相咁靚, 嘢食出到嚟一定有差距。侍應放碟刺身上枱嗰下我哋真係哇咗一聲估唔到壽司上面嗰片魚生真係長到咁,件宂子又肥又軟熟超正。刺身就中規中矩,冇咩特別。海鮮沙律全份$98沙律菜清脆爽口,刺身份量滿足,都算係有誠意嘅沙律不過我自己就麻麻黃紅椒冇咗啲椒會開心啲北海道產珍寶帆立貝殼燒&日本產牡蠣殼燒 $148聽侍應講爐煓燒原來淨係饗和民先有和民食唔到。燒蠔海水味超濃,只食咗3份1隻成口都係鮮蠔味如果唔鍾意濃味蠔,呢款未必啱食,不過鍾意濃味蠔的話呢個係不二之選食物、環境、服務、價錢都算滿意，明白朋友點解會做咗和民粉咁多年

原本不是要來嚮和民用餐的，是因為原先想要用餐的餐廳安排座位出現問題，才臨時轉了過來。平日晚上6時半，這個商場不是很多人，所有餐廳都仍有很多座位，原先想要光顧的一人一鍋火鍋店雖然也仍有座位，卻無故安排不到一張2人檯。不知等到何年何月何日，我和老公便轉場來了同樣有火鍋吃的 - 嚮和民，服務質素分別真的很大，年輕能說純正廣東話的女店員很快便禮貌地安排了我們入座。雖然有價性比很高的豐富2人餐可以選擇，但是我和老公都比較崇尚靈活自主所以還是選擇了散點。我們選了(大) 的鹿兒島和牛壽喜燒，再另加幾款美味小食和卷物。首先介紹 (必食) 的鹿兒島和牛壽喜燒 (大) $159一份，是3-4人的份量，所以2人用餐選了(大)就其實不用選太多其他的食物了，火鍋物料我們就只另加點了烏冬。牛肉是非常的好吃!! 肉質好，超滑超嫰。雖然這款鍋品相比店內其他鍋品約$50，但絕對值得。其他配菜也就是一般的壽喜燒，隨鍋會附送3 隻雞蛋。除了鍋物外，還有以下兩款食物推介給各位。金菇牛肉卷串燒 $15 (這個價錢非常抵吃，很JUICY ，個人認為比雞串燒盛盒更為好吃)蒲燒鰻魚壽司卷 (半份) (忘記了拍照)很滿足的一餐，2 人

其實康怡都有幾多食店，星期日真係間間都人頭湧湧，唯獨是呢一間門口好似冷清清咁。細過果時和民就食過，唔知響和民又有乜分別～見唔使等位就呢間。✨環境好闊落，又可以坐到自閉式卡位，自成一角，正～✨假日都有set lunch, 仲有野飲送，柚子蜜，蜂蜜生薑梳打果d 都唔使加錢😍不過我地唔係好啱食，所以另外再散叫。✨牛油果軟殼蟹卷： 黎到果時已經塌塌地，一夾起個飯底仲要散左。 不過軟殼蟹幾脆，牛油果夠熟入口即溶😍加埋蟹子，車厘茄，沙律醬，味道豐富又好難唔好食。但加埋一成廿蚊一舊，其實有d 肉赤。✨明太子芝士玉子燒： 其實我本身唔知咩味，剩係覺得個蛋幾滑，明太子同埋芝士真係原全食唔出。✨十勝豚丼：小弟真係超鍾意食丼丼屋果個十勝豚丼，見呢度有就要較量下💪🏻。 呢個豚肉比丼丼屋果個薄身同瘦，質地較韌，無咁有油香。不過味道其實係幾好食，佢個燒汁甜甜地撈飯唔錯。比較唔同係佢多左d 黃芥末，真係少少都好辣，但又好過癮，平凡得黎帶番點刺激。✨原隻蒜味雞腿燒御膳（$98): 呢個set lunch 都幾豐富，有湯，沙律，凍豆腐，同埋紅豆白玉。✨個雞蒜味唔係好突出，外皮燒到有d 乾，但個雞肉都幾嫩，中規中矩。✨水

今晚唔係太肚餓，決定同朋友去饗和民食啲簡單啲，light 啲嘅菜式。呢間餐廳勝在座位夠多容納到好多食客，所以晚市都容易等到位。而且我覺得饗和民食物款式較多，容易找到想食的食物。【和風菠菜卷$18】個醬汁味道個人嚟講就麻麻哋鍾意，prefer 用麻醬伴。【金菇牛肉卷$18】牛肉同金菇嘅比例剛好，加上燒汁永遠都係絕配。【蘆筍豚肉卷$38】加埋檸檬汁能夠大大提升蘆筍豚肉卷嘅清新感覺。【壽喜燒鍋(小)$68】雖然話係小鍋，但係兩個人其實都夠晒食，味道都ok。【柚子蜜梳打$19】真材實料，果肉夠多，味道不錯。餐廳環境寬敞好坐; 食物賣相精緻，味道亦唔錯，睇得出廚房有心思; 價錢亦都好大眾化。

對於香港的日式早餐，除酒店外，飢詩所認識的就只有 X野家牛肉飯，同華X結的飯團 😆 來到太古食早餐 被它的和風朝食廣告牌吸引了～ 😚 先比錢，然後自坐～多彩朝食御膳 $48～ 早餐客實在不少， 等候期間～ 細閱 在門口派的免費日本旅遊雜誌～ 縱使冇得去旅行，都感受一下日本氣息 😆  早餐來了～ 好豐富的感覺 ， 雖然貴重食材不多 只有鯖魚一小片及 牛肉 但是 $48 算係交足貨 😉～ 適合想食飯做早餐 ， 貪心 但又食唔多嘅我 😁 味道正正常常～ 唯獨 蟹子菠菜的醬汁有很重的廚酒 Sake 味 ～ 食完 大滿足～份量剛剛好 👍🏻 迎接一日的挑戰 💪🏻💪🏻飢 point : 7 / 10#hungermarch #飢詩 #非飢詩

星期六嘅夜晚食飯當然係要去食好啲，八點幾喺太古康怡搵食 最後因為想飲梅酒 所以揀左呢間類似高級版嘅和民等左一陣就有位。匯豐信用卡二人餐有$50 discount , ＄38樓下嘅嘢飲又買一送一, 本着最抵嘅心態就叫咗二人餐凱撒沙律半份刺身 - 好hea天婦羅盛合唔錯，有兩隻蝦南瓜蓮藕茄子鍋物揀咗壽喜燒鍋 (小) 份量真係好少兩個人好快食晒，沒有配烏冬或飯。一品料理就揀咗黑糖醬雞翼 - 超好食黑糖配雞翼，而且個皮好脆主食就揀咗響和民太卷個餡同平時啲太卷差不多但係個外皮係青色其實食完都唔知係乜水信玄餅- 第一次食覺得幾得意淨食真係無味要加醬食總括味道都唔錯唔差，嘢飲最後冇影到相，二人餐包既蜂蜜生薑梳打飲好奇怪，額外再加左匯豐信用卡嘅優惠買一送一叫咗杯梅酒同whisky. 梅酒易入口女仔都啱飲 最buy whisky好勁啱晒飲得嘅人成個二人餐加埋額外嘢飲到最後埋單都係4百中倒Ps. 呢間和民啲service有別於其他和民，出嘢出得快waiter又有禮貌