香港餐室 (已結業)

下午到上環兩間老牌百貨公司買月下貨，閒逛至西港城，覺有點累，見對面有間幾得意的冰室，便入去歇歇。無論牆上的壁畫，裝修都想扮懷舊，而實則是一所簇新的茶餐廳，這倒是近年流行的玩意，如中環都爹利街的 Starbucks，奇華餅家等，刻意營做古舊的感覺，但這種苦心，又有誰共鳴呢？食物方面，我點了一個三文治餐，咸牛肉蛋治配熱奶茶，為極盡懷舊的能事，檯上的糖盅是供應方糖，奶茶夠熱，但奶味較茶味濃，麻麻地，三文治亦夠熱，可能是某牌子罐頭牛肉，味道不太好，蛋倒是炒得不錯。相信不會有人為懷舊而來。

冇乜感覺...只係一間好普通仲幾貴既茶餐廳...牛扒( 病 )唔係咁既...6mm...........無話可說!!!相信花園果d份量大3倍啦!!!望老闆得閒去睇睇人地早餐既扒餐....分別不大...失望...

叫了薑蔥雞扒面, 初時看覺得份量是少了一些, 尤其是同碟飯比雖然不是勁多薑蔥, 但撈埋一齊都夠味, 而且雞皮很脆 $30蛋牛飯, 青豆很青綠, 入面有洋蔥碎, 加埋一齊食FRESH D, 而且汁很多, 不會話唔夠汁撈飯 $32 後來再加多個牛治 $18, 當然不是罐頭咸牛,是新鮮的, 汁是剛剛好, 頗適中, 早知加埋烘底會更好食 另外值得一讚是,地下很乾淨

同事介紹話呢度的海南雞飯好好味, 一行4 人 (包括一個外國同事) 就搭叮叮由中環去到上環總站食呢個海南雞飯!原來佢係泰式的海南雞飯, 個飯唔會好油, 但好夠味, 因為配搭咗d 豉油...可以選擇雞胸或者雞脾 (加$5), 連我們的外國同事也說好味道!我就加咗$2 飲凍檸檳(同其他凍飲一樣價錢), 好味!環境同裝潢都唔錯, 有d 似舊式餐室的佈置, 外望就係西港城 P.S. 下次可以試吓個蕃茄湯意粉餐, 好似都唔錯...

六月十九日 (星期五)Happy Friday, send個email揾Karman同Wilson吃個午餐...很久無約了再一次一方呼喚,百方支援...又是一行六人出發今次去的香港餐室頗遠,需乘電車豈料一落電車,過一條短馬路便是了...雖遠...但又很就腳而且六個人都不用等位,計劃很順利老公仔點了午餐 A咖喱海鮮飯咖喱汁略嫌不夠味但海鮮就材料十足:有一大塊新鮮魚柳,青口,蟹柳,蝦,魷魚等等老公仔很開胃,整碟飯吃掉!!!我則點了常餐酒店炒蛋即炒蛋加上忌廉吃落較滑,可惜份量較少但與澳牛相比,仍相差甚遠豬扒湯意粉豬扒煎得不錯,不太肥膩配上蕃茄湯底的意粉都不錯這裡的飲品不錯,很濃...用料十足以茶餐廳來說,這裡雖不算平,但都算是物有所值的最重要是大家可以開開心心...說說笑笑...過一個Happy Friday

21-3-2009忙了成日,「收工」後拉了朋友出來食 d 0野. 去到海安見佢已落閘, 結果0黎了呢間「疑似」, 叫個蛋牛治烘底 + 熱菊花蜜 (total 好似 $31) 就算.叫菊花蜜純粹因為唔飲得太多奶茶, 呢杯沖得幾甜0下, 不過幾香, 飲完喉嚨就幾舒服, 算啦.蛋牛治的「牛」原來唔係鹹牛, 而係無喱味道的免治鮮牛, 蛋就炒得熱辣, 稍乾身; 多士烘得 ok, 不過可能麵包本身唔新鮮, 食落有點乾實, 感覺一般.朋友就又奶油多 + 熱奶茶... 試了一啖奶茶, 茶味好勁, 但完全唔夠奶; 奶油多 d 煉奶多到瀉晒, 相信 ok 吧.環境係扮冰室的新式茶餐廳, 但其實都幾好坐的, 衛生亦 ok; 伙計招呼就又黑面態度又寸, 果然「貫徹」Mr Steak (http://www.openrice.com/restaurant/commentdetail.htm?commentid=130332) 集團的作風 -_-"放低 $31 離開, 望望手錶, 原來差不多夠鐘食 dinner...

話說上星期瘋狂開會做presentation，午餐真係要出去吹吹風！好想食茶餐廳的常餐，同事M就話來這間試試囉！好爆笑~ 去到個店長不停話"5分鐘...5分鐘..." 都起碼等左15分鐘我地大家都叫左常餐，最正menu上的炒蛋會加上酒店二字在前，搞到一坐底就好期待...裝修好似佈景，但都幾好坐~ 不過無餐、腿那些平價選擇，換上豬扒、牛肉。想去乾淨的茶餐廳，這裡就是你心水選擇！

今個下午, 要到上環做野. 兩個小伙子就丁到上環街市. 先吃飯, 增加體力.一落車, 就近不卻走遠, 於corner位, 茶記方便快捷. 其實此店亦是 on my list 好耐, 不過唔知點解, 點都唔到我put on piroity. 1點正到達, 兩個人不用等太耐, 室內設有假的懷舊假閣樓, 懷舊的天花風扇, 用GOD concept的牆身佈置. 想起, 是一個老港冰室的復刻版, 只可惜沒有木既卡位, 同紙皮石地版.叫了一個快餐, 簡單的肉醬意粉加蛋, 另一位是什麼板燒豬扒飯. 聽同事解說, 那個見不得是什麼板燒豬扒, 只是極其普通的扒, 加上燒汁而已. 味道其實一般.我的肉醬意粉加蛋算是不錯, 單面蛋煎得靚, 食煎蛋肉醬意, 第一步, 是把未熟既蛋黃發開, 好讓蛋汁混進肉醬之中. 淨說肉醬意可以俾個笑的.價錢, 是否要賣concept, 賣復刻, 價錢方面定得高了一點, $50一個茶餐廳午飯, TW既價錢.食飽, 去幫手搬野, 發現兩個搬唔拈, 問街市檔借車仔時, 介紹了一苦力佬, 開價$100, 我們還價$50. 把留在老闆朋友公司的一棵鐵樹搬去垃圾站......當苦力真爽,

行過見到覺得店名－「香港餐室」幾特別～加上裝修同地理位置.. 的確很引人注意..所以結果都係決定去試一試..不過一入到去就覺得佢所謂既懷舊其實有D怪..D裝修其實偏向MODERN但又用左懷舊既畫做牆紙…就是怪怪的啦… 不過算係幾有心思幾有特色既.........野食方面都係一D普通茶餐廳有得食既野啦..真係冇乜特別..我地叫左 芝士焗吞拿魚意粉 同 咖哩雞飯..兩碟都OK唔細碟… 味道都OK啦不過不失.. 個咖哩雞飯有越食越辣既感覺囉..SERVICE就麻麻囉D STAFF都好似唔多想理人咁?@@

Tried twice, not that bad as commented below thoughTried not to compare this with the traditional canton restaurant in which a generous portion of food could offer. Instead, this place offers a comfy environment serving high standard of service , with a humble portion of food prepared with fresh ingredients.Unlike the usual dry fried egg you may get, it offers milky scrambled egg. Its pork chop was fried to the right tenderness which retains all its juice. Even the serloin was grilled to the rig

we had lunch here after a trip to china.we ordered one salad set+minced beef w/ rice and chicken a la king with three drinks.my dad said the minced beef w/ rice tastes exactly as what he had years ago as it was made from dark soy sauce instead of ketchup.the salad set was okay.my chicken a la king took forever to be served to my table and it was quite watery (when compared with the usual ones i had) and had a strong taste of cream..the chicken pieces were obviously frozen ones.

懷舊風氣,集體回憶吹得正盛,在上環有間茶餐廳"香港餐室",就是食住條水,大玩老香港冰室風味.十年樹木,百年樹人,大家去幾十年歷史的冰室,內裏的一點一滴,正是歲月的痕跡.這些是新派餐廳點樣扭六壬,都係學不到.如"三間"波鞋的復刻版是在大陸製,又點及幾十年前原版在西德製的矜貴?你身上穿上十多年的牛仔褲的"貓鬚",也不是一朝一夕經營出來.那些舊冰室叫Vintage,而這間香港餐室,極其量叫Retro.無論裝修,檯凳等,也是刻意營造的懷舊,牆上的五,六十年代黑白廣告剪貼,有點點不倫不類,似是夾硬黎.一間茶記冰室的標準,小弟通常著眼杯奶茶.此店的奶茶太側重奶味.茶味只佔很少.用方赯來代替砂糖.都算幾特別.另一樣來測試就是港式意粉,仲要係茄牛會意.可能這店是Mr Steak旗下之關係,這碟意粉的口感,竟然彈牙.港式同意式的標準,從來是掉轉.牛肉是梳打牛,無甚肉味,而茄醬一味得個酸.沒有靈魂.相比何文田勝利道的奇香茄牛意,差得很遠.價錢不便宜,一個快餐要成四十多五十塊,常餐也要三十多塊錢.都話而家好多人將集體回憶,弄至滿身銅臭.由頭到尾也不是那回事,這間香港餐室,同北京樓一樣,最適合帶老外前往.我這

都係同事帶我o黎食試o下玩懷舊，但我完全無懷舊感覺一睇餐牌，就覺樣樣都好唔抵，動輒就要五十幾蚊一個餐要了個$36 o既星洲炒飯，無o野飲。佢好挑釁咁問我飲咩，我話唔駛(要+$6，凍o既+$8)，佢就話6蚊咋bor，個個都叫bor(其餘幾個同事)，我就堅持唔駛不過佢都主動俾o左杯水我我個飯最遲先來……ok 啦，唔會好甜夠乾身，仲有一隻蝦佢o地話o的咖啡分唔到係咖啡定奶茶，唔好飲喎好多人等，心諗唔駛呀，五十幾我就唔係好想食佢喇佢入面有廣告話$168 二人份安格斯牛，都唔知得唔得出面反而有$28 o既外賣焗飯連汽水？可能仲好不過堂食試完一次，就自己衡量抵唔抵啦

食早餐, 貴標榜旦係"酒店炒旦＂，　但煮出來同我媽媽炒無分別。。。。。。味道環境服務衛生都ＯＫ，　但唔值咁貴law,,,,,,,,,,,

lunch set約40元就有一個扒餐試過牛&羊, 前者不錯我覺得值得給一個笑