馬六

營業中

休息中

炮台山馬六想食好耐， 由於疫情問題，都好耐無出去食過晚餐。 今日專登叫外賣試下， 外賣重有9折，可以叫多幾個餸。今日點左: 馬六無骨海南雞飯， 娘惹茶燻鴨配雞油飯， 檳城蝦麵， 新加坡大蝦喇沙米線。馬六無骨海南雞飯: 海南雞雞肉嫩滑， 雞皮同雞肉中間d雞油簿簿， 好香。娘惹茶燻鴨配雞油飯， 茶燻鴨好似鴨胸肉咁， 不過不失， 肉身較厚，味道尚可。檳城蝦麵， 材料有蝦， 豆卜，蛋， 魚乾仔， 腩肉， 蝦肉，蝦麵麵底份量多，其他配料都好好味。新加坡大蝦喇沙米線，湯底喇沙味濃，2款麵又多又好味， 油麵同米粉2款都唔會搶對方味道。 2樣一齊食就好好味。 大蝦又多又大隻， 正。

新年之後，餐廳轉左Menu，所有喇沙參參變晒做米線，以前喇沙有蝦，現在一隻也沒有，成碗喇沙都有好多油浮面，同以前水準差好遠，係咪轉左老闆？點解喇沙會改用米線，我真係接受唔到，可唔可以俾返啲正宗喇沙我食，價錢貴咗，但材料少晒，質素直線下降。芒果沙冰已經沒有供應，吉仔檸檬水連檸檬都省埋，使唔使慳到咁盡？賺到咁盡？拉茶很甜，飲完仲胃痛如果要食米線我去譚仔食咪得囉，來得你依度梗係想食正宗星、馬嘢。希望你能返回從前水準

Staycation夜晚係附近搵野食買返酒店，揀左馬六‧海南雞‧喇沙‧肉骨茶，係店鋪門口見個大餐牌圖片吸引，所以決定買呢間，仲岩岩好買到6點前兩個下午茶餐。 1️⃣檳城蝦麵 Penang Prawn Mee，失望的蝦麵，味道係好淡好淡，不濃又不辣，見佢有GOOD先叫，但真係好一般的蝦麵。2️⃣巴東牛肉椰漿飯 Rendang Beef w/Coconut Rice，牛肉味道可以，份量充足，配菜的魚仔亦開胃，但醬汁唔夠，食到一半都只剩肉同飯，令成個飯即時減分。另外叫左兩杯餐飲，一杯拉茶，一杯美綠，好彩兩杯飲品係好飲~

今日第三次幫襯，仍舊滿意，海南雞是必食之選。堅無骨，肉嫩，三種醬油任君選揀。油飯味道也好，唔硬，可惜無薑黃飯選擇。今次食埋鴨胸，一樣無失望，份量夠晒飽肚有突。亦推介咖吔多士，非常好味。熱奶茶同樣是必試之選，味道濃郁，偏甜，非常適合我，而且非常大杯，大滿足。上菜速度好快，侍應有禮貌。亦會提供裝口罩的膠袋，更顯體貼。每次路過都會幫襯這間店。

星期日嘅午餐，叫左一碗新加坡喇沙摻摻+南洋白叻啡同埋海南雞飯+凍拉茶坐得幾舒服，靜靜地。餐具放係櫃桶好企理可能人唔多，五分鐘都唔駛就有得食新加坡喇沙比較辣口，$6x 個午餐唔算貴，分量仲要好大碗，仲要勁足料有蝦（新鮮嘅)3隻，半隻蛋，豆卜3粒，蜆肉，魚片條，魚蛋2粒，夠哂入味麵底係米粉加油麵，飽哂至於杯咖啡就冇咩特別🙃海南雞好滑，仲好多雞反而油雞好惹味，個湯都好清甜，份量同樣大碟凍拉茶冇咩特別價錢都係$6x 好味

最近因疫情關系，晚上六時起不能堂食，去吃下午茶的機會因此增加不少。平日活動範圍也在步行距離之內，比較常在炮台山及北角搵食，但茶餐廳較多，今日見到餐廳坐位唔錯，又想試下唔同野倉就入去試下。🤗🤗🤗🤗🤗🤗😃😃😃😃😃🤗🤗🤗🤗🤗我揀左一號餐，原味喇沙。個餐一來到就好香椰汁味，油麺都入味，味道唔太辣，可惜在無咩實體餸但都好彩都夠飽，配上的白咖啡☕️都好香，是馬拉咖啡的香味。😋😋😋😋😋😋😋🤗🤗🤗🤗😊🤗🤗🤗🤗

雖然暫時因疫情影響不能在餐廳進餐，但依然無影響我繼續尋找美食...好少見到有馬來西亞餐廳出現在炮台山，今日一於食「巴生肉骨茶配雞油飯」本身雞油飯已經夠好味。再配馬來西亞必飲嘅肉骨茶，肉味好香濃，一d都唔肥膩，味道同我去旅行時飲到嘅一樣，好好味。下午茶配小食好抵，揀咗柚子沙律$28。沙律菜爽口新鮮😋酸酸辣辣好醒胃。價錢跟埋飲品，都好多選擇，本來係被「椰青沙冰」吸引我，但外賣嘅關係，唯有下次堂食再試，飲杯熱鹹柑桔水，疫症下飲返杯，感覺更滋潤...拎住外賣一路行，一路聞到香味，未食已經流哂口水🤤

天氣太熱想吃些開胃的菜，便去馬六買兩個午市套餐回家和媽媽分享。馬六的午市套餐有星馬風味，美味抵食。我們要了一份巴生肉骨茶配油飯，另一份選了馬六無骨海南雞飯拼新加坡喇沙。兩個餐都選了馬來拉茶。巴生肉骨茶真材實料。用豬肉和豬骨混合香料中藥等煲成的湯香濃順喉不肥腻，白胡椒味令人很開胃。將油條放入湯浸軟再吃很好味。肉骨茶內的一字排骨大大塊，肉質鲜味有肉香。無骨海南雞飯雞肉香滑易入口，油飯很美味。星加坡喇沙微辣惹味，層次豐富，內有蛋，豆卜，芽菜，魚旦，蝦及麵等。吃完美味的午餐，再來一杯有茶香濃甜的馬來拉茶，很滿足。兩份套餐只需150元左右，性价比高。

以為係街坊餐廳，質素未必太高，點知食落有驚喜。肉骨茶味道唔錯，唔算好大藥材味，肉都炆到好淋身。個咖咉多士都好食， 由其個鮮油 食落又唔油膩喎 不過就略嫌有少少燶。另外，要大讚D 飲品，又消暑又好飲，而且都好抵飲，跟餐都係加少少錢就飲到特飲。

馬拉菜嘅馬六門口長期都有人排隊，茶包趁今日無人排，一試正宗馬拉菜💁🏻‍♀️⠀⠀ =ll 🐥馬六無骨海南雞飯 HK$68 ll=馬六嘅雞件好滑，配上混有香茅同雞油一齊煮嘅油飯，每一啖都覺得好幸福。⠀⠀=ll 🥘馬來古方咖哩雞配白飯 HK$62🍛 ll=💁🏻‍♀️大滿足！雖然呢款咖哩辣度較為平和，但勝在多種香料嘅配搭，可以嚐到多層次嘅味道。而且店家將煎香咗嘅無骨雞扒混入咖哩，茶包可以放心大啖大啖撈飯❤️⠀⠀=ll 🧊桔仔茶 跟餐+HK$3 ll=特色飲品，紅茶底配上桔仔及檸檬，清爽解膩一流🌿⠀⠀=|| 馬六 ||=📍 北角電氣道264號地舖⠀⠀⠀⠀#HK茶包日記 #茶包泡港島 #茶包泡九龍 #茶包泡新界 #hkfoodie #852girl #lovehk #foodie #訪店日記 #茶包脂肪紀錄 #hkig #hkg #NorthPoint #hkfoodblog #泰式 #hongkongfood #thefeedfeed #instafood #hkfoodie #hkfoodblogger #foodphotography #foodstyling #tea #teatasting #

附近行完街肚餓見到間有肉骨茶下午茶既餐廳就入左去啦，價錢好抵仲可以追加小食❣️南洋榴槤咖央多士雖然只係一件多士， 但佢嘅擺盤都絕對唔馬虎。個鮮油好好食，如果鍾意食菠蘿油， 一定會鍾意食呢個多士，唔好榴槤都仲有蛋黃同班蘭揀啊❣️巴生肉骨茶配雞油飯🍚個湯好清甜，一粒粒杞子好甜，而且淡淡藥材嘅味道唔會令人卻步。肉排唔洗咬就已經淋到甩左出黎，完全無渣❣️馬拉盞通菜好好食，菜好新鮮唔會老，而且馬拉盞味適中唔會過鹹，有微量辣味好開胃❣️鮮柚子沙冰嘩， 好飲！本身柚子味已經好清新，如果變埋冰，咁個解渴程度升值十倍。夏天一定揀呢款❣️古仔路椰青沙冰🥥天氣真係太熱， 另一杯我都係點冰。原隻椰青上，飲完仲可以食埋🤣 抵下午茶性價比好高，仲可以優惠價試到D 特飲，夏天飲杯沙冰真係好消暑好透心涼呀❄️

炮台山的馬拉菜不算少，但這一家我們吃完又吃，因為性價比高，好味得來不算貴，午餐不設加一海南雞喇沙摻摻($66)先將青檸汁擠進喇沙湯底，嚐一口微辣香濃，帶點清新的青檸酸味中和膩感，海南雞非常嫩滑，份量也不少，還配半隻流心蛋，非常不錯，幾粒豆腐卜吸飽湯汁，正而摻摻即是油麵和米粉兩溝，據說這是正宗做法，我覺得口感幾好，整碗吃光巴生肉骨茶湯米粉($62)可能是加入了米粉溝淡的關係，肉骨茶配飯的味道較濃郁，但仍然很香藥材味，而米粉和豆腐卜都很吸湯汁，整體不錯，兩件大肉骨咬落有肉的甘香味，而且不鞋口，但因為我很喜歡濃郁的肉骨茶味道，所以我認為配飯較好吃南洋咖央多士-班蘭味($18)咖央多士可選蛋黃/班蘭/榴槤味，今次我們選了班蘭，但記得襯熱吃！我們顧住聊天，烘烤的多士已經沒熱辣辣時的脆口，但裡面的牛油和班蘭好夾，而且不會太甜，推介馬拉手工拉茶(配餐飲)熱拉茶反而較之前遜色，之前是很香滑的奶茶口感，加上馬拉風味的茶膽，讓人回味，今次明顯奶較少，而且茶膽也轉了，沒之前的香濃，可惜總括來說仍是炮台山馬拉菜不錯的選擇

公司附近有間食南洋菜式的餐廳《馬六》，位於北角電氣道，都好耐都沒有食肉骨茶，它吸引我走來一試食個下午茶，下午茶時間都有不少選擇，價錢都相當抵食，點了一碗巴生肉骨茶湯米線($46)，另加$6餐飲選擇了熱馬來香茅蜜熱馬來香茅蜜味道香甜又有清香的香茅味，滋潤順喉，甜蜜香甜。巴生肉骨茶湯米線($46)這款吸引我來到食下午茶的菜式，下著雨，都很想喝碗熱湯暖暖身體，先呷一口湯水，都有點藥材味，沒有苦澀，不過有點嫌未夠濃郁，肉骨茶主要是當歸、 玉竹、熟地、川芎、黃耆、杞子等......再配合一些香料如八角，甘草，蒜頭熬煮出來的 ，雖然是下午茶，但份量都不少，都飽肚，有補下氣防感冒的功效，間中都要滋補下。南洋咖央多士($18)也是的飯後甜品，烤至麵包呈金黃色澤，火喉剛好，一咬已經好甩香脆，厚薄適中脆口，加上香滑的鮮牛油及香甜的咖央醬，滲出飄香的斑蘭及椰香，香氣四溢，而且甜而不膩，已切成四小件端上來，方便客人享用。服務員都好有禮貌又有耐性，態度熱誠，食物水準都不錯，款式又多，下次再來食過。

原本打算跟朋友到外用膳，結果太累直接在家叫外賣在外賣平台隨機看看結果點了一間提供馬來西亞菜及新加坡菜的餐廳（後來才發現Openrice評價都好好好快就送到！比預期早檳城老鼠粉像銀針粉的外表，粉條再硬一點配點花生等有口感的配料，好好食！無骨海南雞飯雖然雞皮比較多脂肪，不過肉質嫩滑而且飯唔太油，海南雞底下亦有配菜馬拉盞通菜唔油好夠味亦唔會好鹹，感覺健康外送送到家都保持到食物的溫度價錢合理，份量不少與朋友幾人分享都夠飽，抵食

今日午餐唸住快靚正，係北角自己食少少野，就揀左平時食開的馬來西亞餐廳馬六，因為時間較趕，選了海南雞啦沙摻摻，配熱手工拉茶，再來一份娘惹洋蔥蘿蔔餅。大大碗拉沙舗上了無骨海南雞，雞肉嫩滑好吃，拉沙味道適中，真係食得好滋味。第一次食這個蘿蔔餅，外表真的很吸引，有紅蘿蔔🥕，洋蔥，蔥花等，很特別材料也蠻多的，炸出來卻不覺得油膩，沾一點點拉沙更有味。好喜歡這裡的拉茶，大大杯熱呼呼的，好喝又暖胃。吃飽飽好滿足，就趕快回公司工作了。