馬六

營業中

休息中

今日放工同朋友係炮台山附近搵食，見到呢間啲menu 裝修都好似唔錯，就決定左食佢！入到去裝修都幾靚，企理又光猛。Waiter 都好快畀水同menu 我地睇。我地叫左最出名嘅馬六無骨海南雞飯、馬拉盞通菜同千絲蝦卷兩份share，野飲方面叫左青檸梳打。上菜好快手，嗌左唔夠十分鐘，啲野食就上齊曬。最驚喜嘅係個無骨海南雞飯，用一個托盤裝起曬啲野，有油飯有冬瓜湯同一般海南雞飯嘅醬料，海南雞好嫩好滑，份量都唔少。冬瓜湯都唔係好似出面咁好大陣味精味，對於鐘意飲湯嘅我黎講好正！馬拉盞通菜夠味又唔會煮到老曬，份量夠曬我地兩個人食。千絲蝦卷大大條，炸得好脆，又唔會好油！好味！整體黎講，份量都幾大份，又幾好食，性價比都幾高！夠曬我地兩個人食！有機會會再去食！

新加坡喇沙滲滲仲記得第一次食滲滲覺得好得意，點解會有兩隻麵底，以為整錯左🤣🤣原來本身滲滲係咁喇沙湯底濃郁，入面有四粒大豆卜，有半隻糖心蛋，仲有d魚片，海南雞肉起哂骨，雞肉嫩滑檳城黑醬油叉燒配葱油拌麵一睇餐牌就好想簡呢個，上到台當然無失望喇叉燒肉質較淋身，加上用左黑醬油烹調過，呢個叉燒相當岀色，拌麵有小小葱油撈埋，唔會太乾身班蘭咖央多士麵包烘到好脆口，入面有濃濃既班蘭醬，見到有咁大舊牛油有d膩，但食落原來好襯，如果唔鐘意太多牛油可以減小一半，但連埋牛油係好好食唷手工拉茶黎到星馬餐廳，一定要嗌番杯拉茶星馬拉茶同港式有d唔同，茶味好濃郁食左咁多濃味茶式，飲番一杯就岩岩好馬六既tea set好抵食份量都好大碟差啲唔記得講個馬拉盞通好夠鑊氣啊！

咖央多係我最愛嘅馬來美食之一，今日就嚟到呢間位於北角嘅馬六，試下佢地嘅出品。南洋咖央多士有三款口味，我就揀左最經典嘅班蘭口味($23)。多士烤得夠脆，塗上甜美班蘭醬，夾起一層厚厚牛油，一口咬下牛油馬上溢出與多士、班蘭醬一同溶和於口腔之中，簡直係味蕾嘅一大享受!娘惹洋蔥蘿蔔餅(兩件)$36洋蔥蘿蔔餅整體炸得十分鬆化，白蘿蔔絲間混入洋蔥、香蔥同紅蘿蔔絲，細細咀嚼能嚐到洋蔥自然甜味。賣相更靚之餘，口感亦很豐富。

最鐘意試新餐廳，岩岩過左 lunch時間唔駛排隊，2點鐘竟然就有下午茶！睇相都見到份量好大，同平時係出面食 lunch既份量差唔多，到上餐黎到既份量果然同 menu一樣啊！.海南雞喇沙摻摻 ($46)個湯底好好味我鐘意「結」身既喇沙湯，好足料，有少少椰香味，同星架坡喇沙湯差唔多，只係相比冇咁辣；配料都足，湯底慘晒入豆卜超好味，個蛋唔係個 D overcook蛋黃變晒黑色個 D。米粉同油麵都煮得岩岩好，唔軟又唔硬；海南雞超嫩滑！.馬六無骨海南雞飯 ($42)叫左兩個「馬六無骨海南雞飯」，下午茶黎講，份量真係大，好抵食！個飯有茅香同椰香味，唯一係個飯乾身左少少有 D硬，但整體仍然可接受；海南雞都係超嫩滑！.馬拉盞通菜 (下午茶 + $26)又係份量都唔錯！通菜嫩口冇 overcook，如果味道再濃返D就更好！.呢次 lunch 3個人食左HK$159，每個主菜仲跟左個飲品，有水準之如，好抵食又好飽肚！！因為普通食 lunch事前又冇唸住寫 post，所以冇特別影相 ….. 但係大家都話一定會再黎食！

今日收左工約左友人見面，係北角搵食，有間馬來西亞餐廳，都好正宗，係香港就可以食到馬拉野啦！友人選左個魚片喇沙摻摻，個湯底好香既椰香味，唔會好辣，味道岩岩好。啲麵底有兩種唔同既麵，口感一流。我就選左我既至愛，馬六無骨海南雞飯。已經去曬骨，啖啖肉食得好放心，有三種唔同既醬油，食落非常之野味，食咪個油飯真係好滿足。重要配埋個冬瓜雞湯，非常清熱。再配多個榴蓮多士，個麵包烤過好脆口，入面有一層厚厚既牛油加上榴蓮kaya,口感非常豐富，值得一試。呢道既服務都好好，服員見到唔使叫就好主動送上水同碗，真係非常之細心。

港島區食馬來西亞菜嘅餐廳唔多，今次去到北角試下有好多分店既馬六。差唔多兩點幾去到，已經有下午茶餐選擇。下午茶餐同午餐的餐牌差不多，只是份量較少。午餐我們選擇了海南雞喇沙摻摻，雖然海南雞份量不多，但雞肉非常嫩滑，而喇沙湯底清甜惹味。小食方面我哋叫咗一份咖央班蘭多士，多事焗到好脆，非常新鮮好味。下午茶我哋選擇了雞髀椰漿飯，估唔到下午茶份量都咁多。雞髀仲大過我隻手掌，皮脆肉滑，超水準。下午茶餐我哋叫左兩隻咖喱角，皮有點厚，味道普通。所有套餐都配有一杯熱飲，凍飲加$3 ，食馬來西亞菜當然要配返一杯凍拉茶，不過煉奶味唔夠重，有點遜色。

來到炮台山約朋友食下午茶，來到馬六呢間新加坡餐廳，真係好味夾超抵食啊。我們兩個人點了好多野食啊，有新加坡喇沙摻摻，蘇東柚子沙拉，娘惹椰絲班蘭糕，凍鮮柚子沙冰，榴蓮味道南洋咖央多士，馬拉盞通菜，凍古仔露椰青沙冰，埋單都唔洗$200，而且食物質素好好。我就好鍾意個喇沙摻摻，啦沙味道好正宗，而個多士也是至愛，剛剛出爐的多士好香脆，班蘭糕也是一個好好的甜品，口感夠煙韌，馬拉盞通菜也炒得好夠味。野飲方面也是抵飲，大大杯的柚子沙冰，還有原隻椰青沙冰，好解暑解渴，抵飲抵食，下次下午茶唔洗四圍中，來返馬六就啱曬。

馬六多分店，今日試試炮台山呢間，平日lunch時間排哂隊，大大碗，份量多，試完發現真係抵食又好食。唔怪得成日經過都排哂人龍啦，奶茶嘅味好正，鍾意飲奶茶嘅都會喜愛

呢晚早咗收工，諗起之前喺新加坡食過嘅「白胡椒肉骨茶」，於是就嚟到附近嘅「馬六」，乘機回味一番。🍲肉骨茶湯肉味濃郁，排骨又入味又冧，肥瘦均勻，完全唔覺得油膩；白胡椒味辣辣哋，味道特別，我鍾意呢種味道。🥓跟餐仲有一細份爽脆油炸鬼，配肉骨茶湯又幾夾喎。🥤另外，嗌咗一杯「馬來手工拉茶」，好正宗，又香又滑，唔太甜，冰量適中唔會令拉茶太淡。💁🏻‍♂️座位闊落，企理整潔；樓面醒目，態度親切。😋總括嚟講，食物同飲品正宗好味，令人回味。環境同服務良好，值得嚟試食多幾餐。

沙巴燒雞碟豆花配椰漿飯 $62一上枱嚇親小編，個燒雞好大份😱😂 碟豆花mix落椰漿飯去煮，個飯變左藍色，好靚😍 碟豆花有美容瘦身功效，食多d都ok^3^ 燒雞髀皮脆肉嫩，一d都唔會乾身！但個飯略為不足椰漿味🤧.無骨海南雞飯配白胡椒肉骨茶 $88海南雞好大份，夠嫩滑，雞皮唔肥，可以食落肚🤣 白胡椒肉骨茶對小編黎講有d辣🧐不過幾好味，又要怕辣又要飲😋.馬六📍北角電氣道264號地舖📍西灣河太安樓地下G24號舖📍西環石塘咀尼斯花園地下B舖📍灣仔巴路士街12號地舖

炮台山．天后一向多食肆，終於開咗一間有質數嘅東南亞餐廳，以後lunch又有好野食😋一個人清清地嘆個下午茶，先來一個木瓜沙律，嘩...同價錢唔成正比，$28蚊竟然可以咁大碟😍柚子好甜，配酸酸嘅沙律汁，酸酸甜甜好醒胃👍🏻海南雞喇沙摻摻，原來係米粉+油麵，喇沙湯底好味，海南雞無骨啖啖肉，仲好滑添，成個湯底比我飲哂，辣辣地好正👍🏻加埋馬來手工拉茶，無論茶色同味道，都比平時飲開的奶茶好味，日後嘅午餐，又可以同班同事有多個好選擇了🥰

最近炮台山開咗一間新嘅新加坡店，所以趁假日過黎試下。晏晝時段嚟到呢度都要等一陣間位。鋪頭嘅環境都唔算太差，不過就迫左少少。專誠黎食新加坡菜，當然要點海南雞飯，肉骨茶同埋喇沙。新加坡喇沙摻摻 $68喇沙湯底味道唔算太濃，冇乜辣味，少左d喇沙應有嘅惹味。配菜都算多。馬六無骨海南雞飯拼白胡椒肉骨茶 $88好大份嘅set lunch，價錢亦都反映左。你到新加坡餐廳，最期待嘅就係海南雞飯，好可惜呢個海南雞飯同埋肉骨茶都令人十分失望。首先海南雞飯嘅海南雞無雞味，一咬落去就知道係雪左好耐嘅雞，油飯味道都唔夠味。個白胡椒肉骨茶更不濟，只係得胡椒味，完全無新加坡肉骨茶嘅味道。黎到嘅時候仲要打瀉咗啲搞到成個盤都係湯，感覺有啲求其。馬拉盞通菜 $26一啲馬拉盞味都無，其實都唔只無馬拉盞味，係其他味都冇。雖然係好大碟價錢都幾抵，但味道真係爭d。熱紅棗枸杞桂圓茶 (跟餐)又係無乜味熱馬來手工奶茶 (跟餐)咁多樣嘢食，唯獨係個奶茶叫做入得下口整體而言，所有野食味道偏淡，價錢中等。

星馬菜出名惹味香口，尤其是喇沙，也是我其中一款挺喜歡的國家菜式之一。不過香港好像不多地道的。之前在其他區見過這間店，才知道是主打星馬菜的餐廳。這次在附近買完餸，畢竟在北角區新開不久，順道過來吃個午餐。餐牌選擇很多，有點選擇困難了，最後點了一個很少機會吃到而賣相也很吸睛的餐。凍桔仔檸檬茶：檸檬茶就經常飲，而這個加了桔仔味道卻更不同，本以為會更加酸，但加些糖漿就剛好了。雖然桔仔細小，但檸味突出，有別於普通檸檬茶味，呷一呷有種清新的檸香。參峇燒魔鬼魚配蝶豆花椰醬飯：整條魔鬼魚扁平形，魚鰭位較厚肉。上網看過原來參峇醬是很廣泛使用的星馬辣椒醬，爆香的蝦米、辣椒碎、乾辣椒、蒜粒、紅蔥頭等等的香料混成的醬料。魔鬼魚肉跟平日常吃的魚不同，結實易撕開，沿著大大條魚骨就可以夾出整條魚肉，牙力好的人連脆口的魚骨也可以吃掉。藍紫色很美，混上椰醬的飯，帶椰汁香。一開始還以為很膩，但拌著香口的參峇醬及魚肉吃，倒是挺開胃上癮的。

今日俾我搵到一間食下午茶既份量都可以好似正餐咁豐富既餐廳! 叫左無骨海南雞飯 ($42)，雖然佢寫左輕量，但其實當正餐食都得，幾大碗下，好抵食。海南雞一定嫩滑就唔洗講啦，我都幾鍾意佢個醬汁: 黑豉油、蒜蓉及辣椒醬，我覺得黑豉油夠味杰身D，比起另外兩隻會濃味D較好味。連埋個油飯就非常夾!!叫左個馬拉盞通菜 ($26)，原來都幾辣，但好惹味，辣味、蝦味都好突出!!成碟菜都好爽口好翠綠，用料幾新鮮，份量都係好足，算幾大碟!加左($8) 叫左個鮮柚子沙冰，超好味! 真係有柚子肉，而且佢係酸酸甜甜咁，好醒胃，佢個沙冰都幾厚，但飲落又滑又細，天氣咁熱最岩飲返杯沙冰!!坐既環境都幾舒適，我見佢調味粉度有喇沙葉好想試下咩黎，但因為我叫既野冇湯，難D試到，下次再試下。

中日韓泰菜式常常吃，反而馬拉菜則較少吃。見過這間餐廳有其他分店，看看餐牌，原來是主打新加坡菜式，例如海南雞、喇沙、肉骨茶等食物。入面燈光光猛，裝潢新淨，應該是新開不久。翻開餐牌，色彩繽紛的菜式照片，對我這些不太認識馬拉菜的來說蠻有用，有照片參照一下。款款也很吸引，有飯麵小食，最後點了湯粉，有清湯也有招牌喇沙，最後揀了配上惹味咖喱的湯底。馬六咖喱麵：湯底較像喇沙味，椰汁味濃郁，而且挺辣，很開胃。特別之處為，夾雜兩款麵條，米粉及油麵。餸料豐富，魚肉、雞絲及扎肉，還有豆卜及乾蔥粒。每款特飲都加不同價錢的，亦有凍椰青的選擇。椰子水清甜，解辣且解渴，連椰肉也吃清光。