馬六

營業中

休息中

聽D朋友提起『馬六』無數次，但始終沒有機會試吖，事關佢雖然有6間分店，但4間喺港島，2間喺九龍，唯獨新界冇。呢天來到土瓜灣，行行吓見到個比較有特色的多『木』的門口，好似好『熱情』咁向我揮手，由於喺openrice見過多次，已好熟悉呢個風格，就呢間啦～馬六土瓜灣店。入到來啱啱就到下午茶時間，等换餐牌先嗌嘢，始終下午茶平啲。於是我哋嗌咗以下幾樣嘢，喇沙摻掺，燒雞椰醬飯，馬拉盏通菜，雞肉串燒。以我經驗喇沙够地道，係我食開的味道，而摻摻混合了米粉和麵，當然好啦。呢個燒雞飯係為咗呢個蝶豆花椰醬飯而嗌，鍾意呢個顏色，從未試過，之前淨係試過蝶豆花類飲品，但估唔個大雞脾亦有驚喜，脆卜卜的皮加埋嫩滑雞肉，好食。添加青菜，小食亦唔差，當然唔不得我鍾意嘅椰青

呢間餐廳特別在午餐同下午茶時間有重疊，可以視乎自己肚唔肚餓，選擇食大份嘅午餐定輕量嘅下午茶。我叫咗海南雞喇沙，椰汁味幾重，海南雞都唔錯，可以一試。仲有黑醬油叉燒撈麵，雖然覺得有啲偏甜，但叉燒好軟，唔會癡牙。另外仲食咗斑蘭伽佒多士，都唔錯嘅，切左四小份，唔會食得好麻煩。我比較鍾意嘅就係雞肉串燒，雖然$22得兩串，唔叫好平，但雞肉都幾稔，而且醬汁惹味，可以叫嚟試試。飲品方面叫咗柚子沙冰，但其實係葡萄柚沙冰嚟嘅，仲有南洋白咖啡，幾香濃。

每次去吉隆坡我都會特登去食魔鬼魚，今次發現呢間鋪頭都魔鬼魚食。午市套餐都係街坊價格，由$58-72之間包飲品，有辣有唔辣，食物款式都好多。榴槤咖央多士，榴槤味香濃，咖央唔算太甜，多士焗得脆。檳城黑醬油叉燒配蔥油拌麵，叉燒嘅水平拍得住好多出名嘅叉燒鋪頭，瘦得來好淋，好有咬口，黑醬油又唔會太鹹，玩反而都幾香，面係乾麵，食法似港式撈麵，會加碗湯。參峇燒魔鬼魚配碟豆花椰漿飯，椰漿飯係藍色嘅，聞落去好香椰子味，參峇只有少少辣，魔鬼魚笑得好，我最鍾意食魔鬼魚的原因是基本上啖啖肉冇骨，啲肉又夠厚，佢哋嘅水準都幾接近吉隆坡燒魔鬼魚嘅水平。食馬來西亞菜當然要啊一杯馬拉手工拉茶，可能係迎合香港人嘅原因，奶茶唔會好甜，但夠滑。

【黑醬油叉燒拌麵】$58 好喜歡呢個麵條口感，幼細既麵條好有咬口，叉燒入哂味，睇個樣成舊碳甘，以為會好硬，咬落都幾軟稔，不過黑醬油比較甜d。仲有碗湯，睇落清清地但好夠味，又balance到麵既甜味。【巴東牛肉配米飯】$72 睇圖以為係用竹藍甘有風味，原來係仿竹籃既碟。牛肉都幾多，幾香香料味，不過d飯太軟太濕。【南洋咖央多士—榴連口味】$26 第一次食咖央多士，薄薄既多士夾住一層牛油同榴連醬，烘得幾香脆。

今日收早，四圍行下就黎咗馬六食個early dinner~時間太早既關係，餐廳好清靜Menu既Kaya Toast好吸引，點一份蛋黃口味試試～另外再點一份柚子沙津柚子沙津超Colorful~ 好多juicy 酸甜的柚子肉，有少許辣，沙津mix了蘿蔔絲和各種沙津菜，味道清新，食完即刻感覺好fresh大舊柚子肉之後係我超想試既蛋黃味Kaya Toast, 多士送上來是熱烘烘的，半溶化的牛油配合咸香的蛋黃醬，真係太邪惡既組合啦忍唔住一件接一件咁將佢地食哂落肚之後又要做返多d運動減肥

因為朋友住土瓜灣，話說覺得馬六伏伏地，但我吃過馬六，覺得係一間唔錯的新加坡餐廳，所以特意帶朋友來到土瓜灣馬六食下午茶，同時證明食物同樣保持一貫高水準。今日都點左好多野食呀，有新加坡魚片喇沙摻摻，海南雞喇沙摻摻，石叻單骨雞翼，南洋咖央多士（班蘭味），朋友點了老街椰汁冰，我點了鮮椰青，開頭同朋友互相分享喇沙，其實真係味道到家，已經顛覆了朋友對馬六的評價，因為這個喇沙是挺正宗的，而且我選的海南雞超級滑身，好好味啊，而單骨雞翼夠香脆，咖央多士也是夠脆身，他挑的椰汁冰好喝，我挑的鮮椰青更是新鮮，我們都吃得津津有味，朋友也說其實沒有想像中那樣，是挺好吃的。大家吃飽飽都不用$200，而且食到正宗新加坡風味，其實真係好抵食。

今日同男朋友去左土瓜灣食晚餐，我地search過呢到好似都冇乜野食，最多就係茶餐廳同茶餐廳，所以見到呢間馬拉野，就二話不說咁入左去喇。-馬六巴生肉骨茶 配油飯 $72好快就上左菜，味道都唔錯，唔會太過重味精，油飯好好食，唔會好油膩，真係好中意食油飯。巴東雞肉 配薄餅薄餅好快就上左菜，但係巴東就好耐好耐先上菜，搞到薄餅凍曬先有得食。咁樣真係好差，但係味道都係唔錯，加上巴東咖哩上面加左椰奶，奶味令到個咖哩冇咁辣味。馬拉盞通菜通菜真係好好食，馬拉盞味道好野味，而且份量都好大份，但係比較油同埋食到底小小多汁D既就比較鹹。街頭燒無骨露筍雞翼 $48/4件一口雞翼包住左露筍都幾有心思，味道幾好食，但可能露筍味道唔係每一個人都會中意，而且得4件，性價比都算低。馬拉手工拉茶 追加$12係餐牌上面是但叫樣野食就可以用加配價叫野飲，手工拉荼都唔錯，味道似係凍既荼走，幾好飲。整體黎講食物都唔錯，但係基本上冇員工服務，感覺好差，好多位都係出風位，搞到野食黎到一陣就好快凍左，唔太中意，整體而言真係好一般。

住土瓜灣老友，推薦土瓜灣道307號潮樓地下D舖，我們點了下午茶沙巴燒雞蝶豆花椰漿飯$48，超大隻雞髀加藍色蝶豆花飯，椰漿香味，美觀又超抵食，餐飲+8椰汁冰🥥椰子味香濃，啖啖透心涼很解渴。原來藍色蝶豆花有美容瘦身的功效，超正雞肉串燒$22，好惹味，蝦春卷$16🦐就香脆可口，很好👍。馬六無骨海南雞飯 $68配冬瓜湯，海南雞份量頗多， 雞嫩滑又無骨啖啖肉，真美味，配檸檬🍋茶，我們都滿意這餐，會再回頭吃其他食品。

講起食雞自己只會食炸雞同燒雞，海南雞就真係未食過，一嚟怕起骨，二嚟怕雞皮好油又好膩既感覺，不過今日經過呢間鋪頭見幾多人幫襯，所以就大膽試一試，叫咗馬六無骨海南雞飯拼自己好鐘意食既新加坡喇沙。油飯色澤微黃，飯粒分明之剩均勻地吸收了雞油，但一啲都唔油膩，即使不配搭任何配菜都好好吃。海南雞已經起咗骨，而且份量都幾多 ; 雞皮油潤肥美食落很爽口而且雞肉嫩滑不韌 😍 加埋重有三種醬汁比你，夠哂地道又豐富。呢碗新加坡喇沙都唔小野，湯底又香又濃郁而且帶少許辣，加上有芽菜、蝦、豆卜、魚片同半隻流心蛋勁多料，而麵底就用咗幼麵同米粉。馬來香茅蜜 : 薑味濃郁得嚟有少少辣，放咗一段時間都無因啲冰融化令味道有所遞減，幾好飲唔錯可以試一試，跟餐只需加 $6 蚊。

佢多分店但價錢公道而質素都唔會因為分店多而下降好食嘅有喇沙湯底香料多粉唔係一pat pat嗰種另外都推介海南雞飯啲醬汁又好食又特式環境幾舒服比起北帝街嗰間冇咁逼冇咁趕客店員服務都唔差

今天經過土瓜灣道的「馬六」，突然想食個海南雞飯，上open rice search 一看，原來「馬六」已經有6間分店，真是意想不到，分店越開越多，希望質素都能保持水準。《新加坡喇沙摻摻》$68喇沙是一道起源於南洋的麵食料理，為馬來西亞和新加坡的代表性料理，一般馬來西亞和新加坡華人所指的喇沙多為咖哩喇沙，馬六喇沙則選用十多種天然原材料，再加入香濃椰子汁，製成獨特的喇沙味。最特別的是一碗喇沙內有兩款麵條，而我這碗是油麵加米粉。整碗麵雖然是黃黃的，但食落不太辣，有半隻溫泉蛋、幾隻蝦、幾粒蜆肉、豆卜、魚片和魚蛋。《馬六無骨海南雞飯》$68海南雞是馬來西亞菜必食之一，份量剛好夠兩個人食，雞肉嫩滑夠juicy ，雞肉中也沒有肥膏，加埋薑蓉一起吃，夠晒惹味。油飯雖然很邪惡，但真的比白飯好味很多。《石叻單骨雞翼》4件 $32單骨雞翼其實是把雞翼切開一半，實際這碟只有兩隻雞翼，雖然賣相不太好，但食落味道又挺不錯，夠入味。

一年容易又中秋，雖然說巿道不好經濟差，但是做節晚上的酒樓仍然坐無虚席。沒有預先訂位，因此找不到位吃小菜，於是就突破傳統界限，來到吃馬拉菜。相比起大酒樓，這裡明顯冷清得多，坐位任坐。點了比較「大路」的馬拉盞炒通菜，海南雞飯拼肉骨茶。馬拉盞通菜一般水準，還可以，不算十分惹味。海南雞飯拼巴生肉骨茶這個组合真是不倫不類，從來沒有見過這種配搭。味道方面，海南雞飯不錯，油飯夠香，雞肉夠多又嫩滑，醬汁也很正宗馬拉風味，有蒜蓉、辣醬及濃黑豉油。但肉骨茶就一般般，没料只得兩粒蒜頭、少許杞子及一條瘦瘦的骨，肉質乾乾實實的。湯汁就夠濃郁，有少量藥材味，不錯。

士瓜灣人有福了，有間專食海南雞、喇沙既舖頭，經過附近一於去試下👍#海南雞喇沙摻摻 💰63湯底好濃，但唔係食完唔會有好口渴既感覺。海南雞雞件份量岩岩好。麵底係米粉同幼麵混合，份量好多。另外仲有加配半隻蛋同埋啲豆卜，豆卜吸曬啲湯都幾正。#巴東牛肉配米飯 💰66牛肉份量幾多，炆得好淋好入味，食落有少許辣但都接受到，如果有更多汁去撈飯更好。#南洋咖央多士 💰18烘到好脆口，班蘭味好香，再加埋塊牛油，特別正。建議先食甜點再食咸點，好似好啲😂跟餐仲有飲品送，試咗馬來手工拉茶，飲落都幾香，唔會太甜。

因為姨甥仔病咗要買外賣比佢做晚餐，上 Open Rice 見呢間幾多開心正評，就 send 個餐牌睇佢有無嘢啱，佢又揀到嘢食喎，隔個禮拜又再 order 🤔🤔 乜真係咁正咩？連細妹都話食物得，咁就揾日約埋同事嚟午餐 🤭🤭2 位同事叫咗海南雞喇沙摻摻，我試咗個湯都好香，我就叫咗黑醬油义燒葱油撈麵，好有驚喜喎，個义燒好香口，小小甜，個麵都好入味，同事試咗啲义燒都話好味，仲即刻打比大佬問佢食咗晏未，未就買個外賣比佢 🤣🤣🤣前前後後外賣堂食都幫襯咗好多次，質素算是穩定，個別食物未必咁啱口味，例如我試過食沙巴燒雞配蝶豆花椰醬飯，個雞好香好大件好好味，但個飯除咗顏色靚就食唔出有椰汁味。下午茶平啲到 6 點，好多時我 5:45 會打電話去落單，6 點放工去攞咁就慳返啲 😅😅

土瓜灣算係美食沙漠，除咗傳統茶餐廳 和一些老牌的 小炒， 沒有其他什麼好吃的。看到新開了一間東南亞的餐廳。 等著試一試的心態， 晚餐時段 ，大夥人去亂七八糟的點了一堆。大部分都十分好吃 。海南雞 低飯有油香， 雞肉很滑， 十分欣賞他的辣醬 新加坡風味。 咖哩雞送飯一流 ，有點想多叫一個飯 而且雞肉捉料 這個價錢 用的不是雞翼斬件 算是很對得起 食客了 。家人很欣賞巴東牛肉， 味道是不錯，但如果牛肉切少塊一點就更好了。 還點了榴槤多士， 這個很難不好吃吧 。胡椒肉骨茶呢， 味道就比較談 也還可以。 比較不好的是 炒菜 。有點不夠味 而且由了一點。 唯一敗筆就是 蔥油餅 本想用這個送咖哩 但是餅本身已經很有 而且有點乾 不好吃