魚樂一番 (已結業)

餐廳寬敞明亮，位置都好舒服！我叫左花膠牛魔王鍋面。上菜個陣熱辣辣，仲冒煙架！首先梗係試左個花膠先啦。碗面好充料！花膠大大舊，好有誠意，而且爽口彈牙唔會爛溶溶。唔錯！牛腩煮得夠稔身，唔會老！ 而湯底就甜甜地，仲有淡淡嘅花膠味。感覺到冇加味精，配上粗幼軟硬適中嘅麵，唔錯！如果中意重口味嘅朋友就可以加辣椒，又別有一番風味。飲品我就點了冬瓜薏米水，味道唔會好重，有淡淡的薏仁味，底下有很多薏米粒粒，好滋潤~另外，身為愛美的女士當然要叫翻個燉湯來養身一下，我們有4個人，就兩個湯都叫來試試，分別是木瓜無花果燉花膠湯和冬菇蟲草花響螺燉花膠湯。上到枱仲係超級熱，湯就是要喝熱熱的！拿湯匙挖下有什麼料，超級驚喜的是兩個湯都非常足料，木瓜那個還有雞腳，而且兩個湯都有大大的花膠。我比較喜歡蟲草花那個湯，飲下去就有一種很入味很滋補的感覺，難得是啲湯料仲有味道，唔係湯渣的感覺，抵讚！湯水係必試嘅！

那日經過紅磡，有點餓，碰上這間店，原來有花膠麵提供，感覺高級又養身，好岩女士的要求，就跟媽媽一起試試嚐嚐吧。裝修簡約，牆上有條大魚璧畫，很吸睛。花膠陽春麵+蘿漢果茶才50元，不貴，抵食過日本拉麵。花膠雖然不是最頂級貨色，但選材不錯，吃多膠質豐富，又腍又少少彈牙，沒有劣質花膠的腥味，而且份量OK，特別係花膠吸到魚湯，會帶鮮味，食落更有層次。我很欣賞個湯底，好魚味，好鮮，呈奶白色，湯底沒有死咸的味精，唔口渇，配料有冬菇和菜，清新住家，好吃的，而且麵口感好爽渭，吸到湯，同花膠的膠質好夾。豆瓣醬很香，很特別，可能是自家秘笈。那支羅漢果茶很大支耶，清甜滋潤，很清新潤喉，很愛的天然風，與住家麵很配，很好，有一種吃媽媽煮的麵的感覺，下次我也想嚐下它的花膠燉湯啊!另外，店內都有一些特別嘅地方，放置很多他們嘅手工作，花膠 或者食材等等， 可以食之餘仲可以買走。

今晚要先去黃埔再去紅館睇演唱會，上網睇下附近有什麼餐廳，看到這間位於天地百寶坊的”魚樂一番”，有燉湯有麵食，一於試試。來到餐廳，地方都不小，裝潢簡潔明亮，坐得舒適。看看餐牌：非常足料，滿滿一盅，當中有花膠、雪耳、木瓜、雞腳、南北杏和無花果，喝一口潤喉暖胃，十分滋潤。見有花膠湯麵都要點來試試，湯頭味道濃郁而不膩口，花膠大片，質感腍軟，配菜磨菇也同樣大棵，食落夠實在。麵質感也腍軟很吸湯，整體很不錯。這個花膠嫩雞鍋是用鍋上的，熱度能保持，這個花膠較為爽身的，雞肉嫩滑，麵質感同樣腍軟。跟餐奉送自家製特調熱飲一杯自家製羅漢果茶味道濃，甜度適中，喝下滋潤。

紅磡嘗鮮今次上完堂就試一試間新開既比較養生既麵店。一入到黎都可以坐得幾舒服😌，連BB chair都有，所以friendly下！一開始店員都好friendly介紹呢度有咩招牌啲既麵同湯。呢度既麵大都有花膠，我都係時候需要補下啦！所以我就揀左個花膠雞肉麵。麵我就揀左粗麵，都幾彈牙好食，而且都好足料！啲花膠都有幾多，但啲雞就略略唔夠嫩。但最推薦既的確係個兩個湯，分別係木瓜燉花膠湯同冬蟲草花響螺燉花膠湯！最好飲嘅就係冬蟲草花響螺燉花膠湯，冬蟲草花燉出嚟嘅湯非常之清甜啊配埋啲花膠呢就對女人就好補！！而且響螺嘅海鮮味呢都可以令到這個人都精神！木瓜無花果燉花膠湯都唔錯，但係呢就冇冬蟲草花燉花膠湯咁出。係啲花膠都好多！非常足料！現嘅一個方面呢我就帶叫咗杯薏米水。我本來以為係一杯杯好細嘅薏米水啦，點知呢原來係一支支裝非常之方便嘅薏米水。最後都飲唔晒但係都可以帶走慢慢飲！總括來講呢如果係要養生清清淡淡呢你呢度食個lunch都唔錯，特別係考試期間補一補～

上星期去紅磡做GYM，一個住黃埔既朋友帶咗我去佢屋企附近魚樂一番食午餐。性質比非常高，很扺食。我地每人點咗個全日滋味套餐，我點咗魚樂一番海味泡飯，配料超級豐富、有花菇、花膠、海參。 泡飯吸收曬海味嘅精華，鮮味十足，真材實料。海參很大條厚肉同爽口 花膠非常大塊我同朋友都覺得海味泡飯性質比超高，食完覺得非常滋補，冬天食一流。 花膠嫩雞鍋麵 鍋麵嘅麵條很彈牙，同理吸收曬花膠嘅精華，很好食。花膠粉量很大塊，雞肉很嫩滑。套餐包飲品，揀了熱洛神花茶同藍蝴蝶花茶，很有特式。值得推介

和朋友相約在黄埔，朋友甫見面便頻呼肚餓，看錶原來已經點幾，於是乎在黄埔區一齊覓食。行到新聚寶坊，見到百佳超市隔離有間不起眼的小店，個名幾特別，便入去試下，以為有魚食，原來是花膠專門店。看餐牌價錢唔算貴，便叫了一個金牌花膠湯麵。湯麵送上，一看之下感到意外驚喜，有舊厚大花膠在碗裏，其他幾塊較薄，但數量都唔少，花膠膠質極重，食完個嘴感到黏黏的，好多骨膠原隻大花菇都好厚身，朋友唔食讓給我食。咁我唔客氣啦，咬落去質感一流，腍滑爽口，吸收曬個湯汁，鲜味濃郁。個湯一飲便知是真材實料熬煮，連出名嘴刁的朋友都大讚。惟一美中不足是個寬麵稍硬一點，唔夠林。相比之下，朋友叫的花膠雞湯鍋麵，就遜色多，普通湯底，最好食反而是個麵，夠林滑。兩個套餐都有飲品贈送，朋友和我都好滿意所叫的熱飲，菊花茶和羅漢果茶，夠濃郁、甜度適中，個杯好保温，飲到尾重熱👍整體來說，這間由年輕人打理，主打花膠的小店，用料不錯，頗有誠意，令我們食完想番尋味。女友重問我，她吃了不少骨膠原，皮膚有無變滑咗？我答話，直情靚爆鏡！

有一排冇食中菜，喺黃埔途經呢間以花膠麵為賣點嘅魚樂一番，決定一試。先上枱嘅係清潤解渴嘅自家製菊花茶，只係落咗好少糖，夠晒健康。店員唔洗我哋出聲已經體貼咁比碗仔我哋share鍋麵食。我比較鍾意濃味嘅嘅花膠牛魔王鍋麵。雖然話花膠比較貴，但燜得極入味極腍嘅牛腩同埋牛筋先係成碗麵嘅精粹。大大塊牛腩，加上入口即化嘅牛筋，水準拍得住牛腩麵店。湯底因為用花膠熬製而變得有少少漿口，而且飲得出用咗好多牛肉，牛味極濃。花膠嫩雞鍋麵湯底味道較清淡。首先聞到嘅係淡淡嘅花雕香，亦落咗紅棗一齊煲成。飲落主要係花膠同魚湯味。雞肉嫩滑量多，麵條為扁身嘅上海白麵條，幾嗦汁。餐廳嘅麵雖然價位較高，但湯底足料，堅持唔落味精，唔能夠同一般麵店比較。

我本身好鐘意蒸飯，煲仔飯，嗰日食過呢間D蒸飯，加咗兩舊花膠架，都係50蚊左右，超扺食!呢個飯夠晒滋補養顏，藥膳嚟，原個煲仔出，D蒸飯粒粒分明，乾身夠爽，雞蒸得好滑，唔肥膩，啖啖雞味(D雞有醃幾入味)又滲著蟲草花香，好好食，加埋D好正嘅豉油，再加上清新小棠菜，還有好林又好有膠原蛋白，咬落好重膠質，大大舊膠，好重手，其實膠本身唔係大重味，伴埋D豉油飯有埋蔥花同滑雞，好好食，一D都唔肥膩，好滋補養顏。套餐價有埋酸梅湯，真材實料，非常解膩又開胃，重大大支，夠抵! 咁岩個日唔係好夠電，呢到竟然有租借奶媽服務，真心勁好彩，十分方便！

我覺得以前在黃埔花園食野都抵食而家就貴了朋友介紹我去寶來街新開的有花膠面食的魚樂一番我出名嘴刁牙尖嘴利一入場女友發版叫了羅漢果水和一熱菊花熱啦啦食餐加6 $飲料很難道地合味道✅完全出乎我意料金牌花膠湯面只須50$我碗麵的花膠舊花膠大型到連奄尖大姐的小妹都大呼超級隻花菇又係大到差不多2 寸半我叫埋鍋花膠嫩雞鍋面嫩雞湯面是上海著名湯麵這裡的鍋面很林 似以往的「林雞燴麵」最重要的就是都有多多花膠真是引人入勝我幾乎失儀餓鬼咁搶本質要求高的我們食到抱著肚子我朋友直情話-金牌鍋面隻大花膠現在叫價驚人仲話個湯膠到可補骨膠其實我都好開心食幾十元竟然食到我們自己買來過年的花膠都算大件夾好味！豬年報喜！

好多同事喺度講話咩花膠麵，今日就帶左我嚟食。睇個店名，仲以為主打食魚生～ 我嗌左花膠嫩雞麵。一上桌，哦，原來仲要一鍋鍋，仲搭多幾條白菜同冬菇。花膠得幾舊細細件，都幾薄幾削，所以唔算有咩睇頭。雞肉亦細細粒，唔知有乜咁嫩，反而係好肥膩。再者成碗湯有厚厚一層油 😖唯一值得欣賞嘅只有麵。麵質軟腍，都幾好食囉... 午餐有嘢飲送嘅，有好多唔同款嘅花茶可以揀，例如洛神花茶、藍蝴蝶花茶呀，算係咁。Better than nothing to choose~不過食過呢次就夠嚕。

放假同朋友過去黃埔，發現呢間喺黃埔地鐵站附近既高質麵店，佢同出面既麵店好唔同，用料好高級，有花膠、海參呢啲貴價食材，但係價錢就好親民。佢呢度既環境亦都好好，坐得好舒服。花膠嫩雞鍋麵 $58太誇張啦，五十幾蚊一碗麵竟然有大大塊花膠，好足料啊！岩哂女仔食，補充骨膠原，皮膚都好啲。佢配麵好清，完全唔會有出面普通店舖既味精味，感覺好健康！魚樂一番海味泡飯 $68呢個泡飯就更加正，入面有花膠、海參、香菇、竹笙等等。佢亦都落左芫茜，令到成碗泡飯超級香！出街食得唔健康既野多既話，絕對要定期過黎食下呢啲養生料清清腸胃。冬菇蟲草花響蜾燉花膠湯 $50呢個湯就更加正，好濃郁！啲料多到滿出黎。除左野食，呢度既野飲亦都貫徹左健康既主題。

黃埔區出名美食多， 係区內朋友講， 新聚寶坊嗰邊開咗一間花膠魚湯專門店， 今日正好經過所以專程去試下。 可惜朋友臨時有事， 冇緊要啦反正都要午飯。店內牆壁上絵上兩條大魚， 令人期待喝一碗魚湯。午餐有不少選擇，窩麵，泡飯， 都以花膠, 海參滋補材料為主， 定價合理。 另外還有農家蒸飯簡單家常款式。魚樂一番海味泡飯$68先試佢嘅湯底， 有濃濃嘅魚香。 材料豐富， 有海參（ 唔切開成條上）， 花膠， 魷魚螺片絲， 元貝， 花菇。。 重點係花膠質感唔錯， 細細隻原隻冇腥味， 索滿魚湯嘅鮮香， 膠質極為豐富， 嘴唇都黏黏地。因膠質頗重， 泡过飯嘅湯稠得都有点似米浆。 因泡飯份量太大 好快吸乾了湯底， 店員額外提供了一小碗湯再添加。冬瓜薏米水 跟餐加$6原樽上， 唔算太甜，薏米水清潤， 配合滋補養顏 嘅花膠湯 非常養生，健康。食完一啲都唔口渴， 應該冇落味精。 如晚市能提供其它小炒菜式會更多選擇更多客路。

前一排同朋友食過幾次養生鍋之後就好似迷上左飲湯 不斷去搵有咩養生食物住黃埔既朋友介紹佢樓下一間小店主打花膠飯或魚湯麵 聽落都好吸引唔熟唔既我都覺得唔難搵火車站條橋一落到地下就係就腳又方便 如果附近做野或番學就好啦見到呢到既街坊都係食飯多反而我地就想試下個麵叫左一款花膠嫩雞麵同一款花膠牛腩麵呢到仲可以點啲較特別既野飲 不錯花膠雞麵上台熱辣辣 聞落仲好香除左有花膠同雞之外 仲有菇菜等等配料呢到既麵底係陽春麵黎 幾有彈性配合埋濃濃既魚湯真係好好味！雞肉細細粒 不過好嫰滑 有雞味食食下仲見到有唔少桂圓同紅棗呢煲湯麵連湯飲埋都唔過份呀！朋友個款就係牛魔王麵整體個湯麵既牛味會較濃牛肉炆得好淋身 好入味 唯一個湯會比雞麵個湯多少少油怕肥既美少女就可以揀另一款

唔識煲湯煮飯嘅我，見到有燉湯就雙眼發光走入去食，因為湯水對女人嚟講都係重要，坐底就先揀個蟲草花燉湯，再睇埋主食就揀咗個花膠撈麵，同一個花膠牛腩湯麵再配一杯熱嘅洛神花同凍嘅酸梅湯，依間餐廳所以價錢都係跟茶記差不多但就有花膠我食... 如果唔係俾好碎嘅花膠我絕對抵食。首先嚟嘅係我嘅燉湯打開個蓋就聞到好香一個匙羹一筆落去勁足料雞腳，冬菇，蟲草花，花膠，無花果而個雞腳索灑湯味勁好食個湯就好香濃，跟住就食個花膠撈麵個花膠有成3至4舊，每舊都係一舊舊唔係碎碎嘅，仲有個大冬茹個冬菇超級厚身又炆得淋又好味，到個花膠牛腩湯麵，花膠跟個撈麵份量係一樣而個牛腩一口一舊食落放便又香牛味... 食得出依間餐廳賣點係比較屋企味道連飲品都唔會太甜... 價錢相當合理埋單都唔駛2佰。

上星期去紅磡探朋友，朋友帶咗我去佢屋企附近魚樂一番食午餐。性質比非常高，很扺食。我地每人點咗個全日滋味套餐，我點咗魚樂一番海味泡飯，配料超級豐富、有花菇、花膠、海參。泡飯吸收曬海味嘅精華，鮮味十足，真材實料。海參很大條厚肉同爽口花膠非常大塊我同朋友都覺得海味泡飯性質比超高，食完覺得非常滋補，冬天食一流。花膠嫩雞鍋麵鍋麵嘅麵條很彈牙，同理吸收曬花膠嘅精華，很好食。花膠粉量很大塊，雞肉很嫩滑。套餐包飲品，揀了熱洛神花茶同藍蝴蝶花茶，很有特式。