鮨竜 (已結業)

晚市堂食重開後，不斷相約朋友聚會，這晚和朋友選吃黃埔區這間omakase，因見到它的選材滿合口味的，是我們喜歡的海鮮類種。選了omakase-火$980，有三款刺身、七款壽司、蝦夷鮑魚、兩款熱食，還有湯、茶碗蒸、甜品等，由廚師發辦時令食材，不時不食，是最高的享受。北海道厚岸真蠔生蠔體型較大，肉厚而creamy，味道較輕盈易入口，加上酸汁啫喱，完全是日本風味的蠔，感覺怡人。北海道本象拔蚌新鮮的象拔蚌，已切好一片片，每片爽口鮮甜，有獨特的貝香，醬油漬做法令其更惹味。炙燒帆立貝厚厚一件帆立貝令人垂涎，醬油炙燒過，紫菜脆身即包即食，帆立貝口感一流，鮮味突出。茶碗蒸熱辣辣的茶碗蒸，蛋蒸得滑溜，味道帶有清香的鮮味，邊吃邊有不同的材料吃到，不會沉悶。酒蒸蝦夷鮑魚是餐廳的Signature dish，以酒蒸的蝦夷鮑魚，沒有明顯的酒味，但蒸得剛好，口感彈牙不會過熟，精髓在於鮑魚肝醬，味濃十分香濃精華，簡直是人間美味。免治雞肉棒由雞肉和雞軟骨組成的免治雞肉棒，沾上刺身級太陽之卵，口感輕脆帶鹹香。七款時令壽司由一件酸微微的橘啫喱為口腔帶來refreshing的感覺後，便到了壽司環節，七款時令壽司一同送到，包

好姐妹生日梗係要要食豪D！睇IG見倒黃埔新開嘅鮨竜日本料理，食物賣相超靚超高質!仲有多款Omaskase～即係廚師發辦可揀，廚師會選用當日最新鮮最靚嘅食材準備豐富嘅一餐！menu一共 10種唔同配搭，有sukiyaki set、Beef Terriyaki Set、 當然唔少得刺生魚生set ! 價錢豐儉由人！相當唔錯！我地揀左一個 “Omakase 竜” 同 “Gin Tara Teishoku銀鱈魚set” ，跟埋湯同甜品好豐富！🍣 Omakase 竜 $680/位 🍴 包括：🥣茶碗蒸、刺身四点、時令料理、6貫握之壽司、本日之小丼、吸物（湯）及甜品 🥣 茶碗蒸，味道清甜嫩滑，加左日本蕨菜令口感更特別！ 🐟刺身四点： 太刀魚、右口魚配魚肝醬、帶子同中吞拿魚腩， 由味道比較清嘅帶子食起、太刀魚帶點煙韌，右口魚配魚肝醬輕輕帶出魚嘅鮮味，中吞拿魚腩油脂甘香！ 🐚時令料理～汁煮花螺：煮到剛熟軟熟又彈牙，醬汁微辣帶出海鮮甜味！🍣6貫握之壽司：深海池魚、活赤貝、海膽、中吞拿魚腩、 金線鯛、明海老及玉子#不時不食 所以一定有當季最靚嘅刺身，難怪金線鯛特別肥美甘香～我自己最鐘意日本海膽同明海老！朋友

就朋友所以放工後在黃埔行街等，行過這裡黃埔天地第三期百寶坊見到這間日本料理，望望餐牌見到有個最愛嘅蒲燒鰻魚飯，座位有三款，對住師傅嘅吧枱，向住街邊嘅窗檯，同埋一般餐枱，座位都係十分舒適闊落。餐牌上有不同套餐組合，因為一早見到蒲燒鰻魚飯，所以就點了這個，套餐內包了茶碗蒸蛋，落單後就先上，蒸蛋十分香滑蛋味香濃！等了一會，鳗の蒲燒上枱，一盒打開就好似在日本食燒鰻魚飯最高級個種感覺，大大塊鰻魚鋪滿了彈牙堅韌嘅日本香飯上，燒鰻燒得十分惹味，入口香軟肥美，近鰻魚皮身位置十分香口，真係令人十分回味！當食完個蒲燒鰻魚飯後，店員再呈上碗赤麵豉湯，用上一個看似富士山嘅碗上，感覺好治癒！最後甜品由日本直送嘅紫薯雪糕，紫薯味道濃郁香甜。整體份量滿足，食物質素高，感覺滿意，下次可以再來試吓壽司套餐，見到鄰枱嘅賣相都十分吸引！

前幾日同朋友一齊去黃埔呢間高質嘅日本菜食Omakase。呢到嘅Omakase價錢都幾抵食，$480-$1880嘅都有，我今次就揀左個$980嘅。一開始就上左個茶碗蒸先。之後有以下四款刺身。北海道野生天然帆立貝依家嘅帆立貝當造，貝柱位特別甜。因為係野生嘅帆立貝，所以貝柱比較大，口感比較有彈性。師傅加左啲柚子喺上面，食落酸酸甜甜。笛鯛上面配上笛鯛乾醬，加少少生薑花。間八口感韌中帶有少少嘅脆感。長崎拖羅肉質鮮美，口感柔軟。之後就到兩款熟食。黑梅貝旨煮上面有辣椒絲，食落滑滑地，辣辣地鹹鹹地，幾惹味。免治雞肉棒用左雞軟骨，點埋長崎縣雞蛋嘅蛋汁，口感滑嫩帶脆。食壽司前有一份青檸啫喱，入口酸酸地，好清新。章泥烏賊膠質比較高，食落黏口，上面有柚子。深海池魚上面配上柚子胡椒。北寄貝上面加左青檸汁，食落口感比較清新。櫻鱒春天先有，依家食係捉緊最後嘅尾巴。雖然望落似三文魚，但食落比三文魚嘅肉身軟滑，比較甜啲。赤貝口感爽口。赤身魚味好重。北海道馬糞海膽海膽好清甜好creamy。紫菜都夠香脆。食完壽司飲返碗湯，之後就開始食甜品啦。甜品有兩款，分別係日本紫薯雪糕同埋法式焦糖蛋糕。兩款甜品都唔會太甜，好食。

今日推薦呢間位於黃埔區嘅omakase餐廳，佢嘅位置鄰近地鐵站出口，非常方便只需要行2分鐘就到，一入到去餐廳既佈置已經非常日式既風味，我最鍾意係吧枱後面，用海洋做主題既壁畫，好有一種清新嘅感覺，嘢食方面，首先出咗一個前菜俾我地，係一個茶碗蒸，入面用既蛋係用日本嘅雞蛋蒸出嚟，蛋非常香滑，而且入面加左日本蕨菜，清清地幫你開一開胃口，到第一道菜，係北海道岩手縣嘅生蠔，上面加左蘿蔔蓉帶出個鮮味，而且海水味重啲肉質爽啲，第二道菜，係一個順序食既3款刺身，首先係一款燒過魚皮叫笛鯛魚，呢隻魚入口鮮味十足之餘上面亦配返一個肝醬去帶出味道，第二款刺身就係北海道產既刺身蝦，用日本蛋汁撈勻一齊食，刺身蝦肉鮮甜同雞蛋汁一齊食非常夾，最後一款，係岩手縣嘅鮑魚，呢個鮑魚廚師用左4個鐘去蒸，蒸得非常冧，不得不提廚師嘅創意，用返鮑魚肝醬去做一個汁點鮑魚同埋壽司飯食，食完呢啲之後，再介紹下兩個我幾鍾意嘅料理，一道係太陽蛋配雞軟骨棒，我覺得簡直就係非常非常之夾呢個組合，雞軟骨既爽脆配合太陽蛋同秘制醬汁點黎食，而第二道料理係日式汁煮東風螺，東風螺非常乾淨廚師話可以連腸食，佢個秘制汁亦吊出東風螺嘅鮮味，食完呢啲之後，就到我非

鮨竜在menu選了火omakase, 茶碗蒸夠哂熱，蛋蒸得剛好唔會過老，keep到嫩滑感覺！有蟹肉作陪襯，增強鮮香感覺。日本厚岸真蠔，on topping有酸汁啫喱，海苔， 辣蘿蔔蓉！味道好清新又幾香。而且size幾大隻！陣陣既咸香鮮味滲出，一啖一隻好滿足，夠飽滿感！醬油漬日本象拔蚌，味道鮮甜帶爽脆口感！非常新鮮，食完想有再食既感覺！醬汁醃製過唔使再調味，已經好食，幾開胃又鮮味既 starter.燒帶子，脆脆既紫菜包住 火焰帶子，帶子嫩綿細緻有質感，半熟狀態，鮮味突出。清酒蒸岩手縣鮑魚，鮑魚肝做了醬汁非常濃郁，鮑魚質地超爽彈，這個菜式為餐廳signature, 真係食完齒頰留香！太陽之卵火焰雞肉棒，雞肉棒夾雜住雞軟骨，增強了香脆口感，蛋汁夠多夠豐盈，非常加分，靚既日本蛋！柚子味既 jelly, 清新夠嫩，清新味蕾，再食sushi, 還有6件時令壽司，最令我難忘當然係馬糞海膽壽司，味道甘香鮮甜！回甘度夠強。

黃埔真是地靈人傑既好地方， 各類型高低階既餐廳都有，o係慶祝紀念日，出去又諗唔到食咩既日子，就係屋企附近黃埔花園揀左間omakase日本野，價錢黎講又唔係算好貴，啱晒唔想太花費但又要有儀式感既慶祝日。餐廳裝修以黑色為主，餐廳正後有一面好靚藍色雲線型加sushi tatsu招牌既牆，坐bar枱望住師傅整野加呢幅牆影相一流。一入坐職員帶左我地坐bar枱，職員會先用熱水整濕放在枱的zip紙巾（壓縮左嘅紙巾😂），好特別同好有心思。朋友揀左個$980既omakase，而我因為醫生話要戒口唔食得生冷野，揀左個$380既牛肉烏冬，諗起都覺得on居，黎呢度點可以唔食omakase。變左陪人食omakase,但佢快樂所以我快樂，係愛呀Harry 🌚🌝不過，好在佢個牛肉烏冬set都唔錯，前菜有茶碗蒸，上面有啲日本嘅菜，蒸得好滑。之後就上主菜牛肉烏冬，唔好以為走高檔路線嘅日本餐廳就俾細細碗hea你，佢有成個湯碗嘅烏冬，牛肉另上，牛肉同洋蔥炒，十分和風味，烏冬就係日本嗰種扁身烏冬。之後就上個赤麵豉湯，最後就係甜品紫薯雪糕，雪糕唔過甜有紫薯香，口感綿密，為晚餐畫上圓滿嘅句號。

聽同事講黃埔開咗間日本餐廳，個樣好有格調，仲有omakase食，佢叫我呢個食神去試下喎，咁我當然唔會錯過。食omakase記得book定位呀，唔係摸門釘就唔好啦一入去就安排坐吧臺，個裝修都真係幾有格調，型得嚟又不失日本傳統味道。我就點咗個$980嘅omakase, 價錢唔係最貴嗰個，但望落都有好多好嘢食。一開始就有大大隻生蠔配池魚，海水味濃又creamy, 池魚加咗少少醋調味，好開胃再嚟係北海道帶子磯邊燒，廚師好貼心咁叫我抹一抹手先，因為要用手拎住食。順帶一提一開始店員已放咗即棄毛巾俾客人抹手，果然夠貼心。而家帶子當造，個帶子柱位特別鮮甜。之後就係清酒浸鮑魚，清酒浸咗鮑魚4個鐘，食落唔韌仲滲出清酒味，廚師話嗰一小啖飯用嚟沾鮑魚肝嘅汁，我一試就嘩一聲，鮮味到呢然後就有熟食部份，個免治雞肉配刺身級雞蛋，好食到唔記得影相，個雞蛋真係好重蛋香味，想全舊雞肉都沾滿蛋汁呀再嚟仲有唔同壽司，最難忘係個馬糞海膽，成板海膽俾你影相打卡，真係名不虛傳，好鮮甜好滑，一啲臭味明礬味都冇。仲有金目鯛，拖羅，瀨尿蝦，都數唔晒，但廚師都好有耐性每一道菜仔細介紹，仲會一路留意食客嘅反應同進食速度，預備下一道食物最後就

搬咗去黃埔一段日子，睇住呢邊開咗地鐵站之後越嚟越旺，越來越多高級餐廳進駐。呢間鮨店新開嘅時候，已經馬上去試午市，一直心思思諗住試吓晚市omakase，但因為疫情嘅緣故，計劃一再延後。。。今日終於得償所願了！揀咗一個中價的套餐，有齊刺身、壽司同熱食，可以滿足哂多個願望。真蠔帶子位甜 肉又夠creamy 蝦上需係蝦膏蝦籽 配蛋黃醬蝦好有蝦味 味道濃到好似食蝦醬甘竹甲魚拌薑蓉 有少少腥 蒸蝦夷鮑魚係我最愛蒸左4個鐘 超級好食呢個日本我係我哋嘅東風螺 配唐辛子絲口感十分軟滑 非常出色免治雞肉 配月見汁 咬落去一粒粒係雞軟骨 有雞軟骨口感的確幾正又juicy 而月見汁係不嬲好好食既用餐中間有一個酸汁做既啫喱呢個餐具好靚 好refreshing 跟住落嚟就係最期待的壽司環節真鯛 配昆布魚味係好白身魚味 但昆布無乜點發揮作用 而飯口感都幾ok深海池魚 配柚子胡椒魚油味濃 有少少爽口 配上醬汁就會清新d 可惜係魚似有粒筋 胡椒味突出小肌 醋漬再由烏魚籽粉帶出鮮味醋漬稍為酸咗少少 食唔到烏魚籽味車海老 即係我地平時都會食既花竹蝦 但師傅確實處理得好好 蝦好大隻令人好滿足 又好有彈性銀鱈魚 輕輕炙燒過 加

十分喜歡餐廳佈置，大海既背景加埋舒適音樂，比人一種好舒服自在既感覺，我同朋友叫左個火omakase set同牛肉烏冬，全部set都包括前中後三個步驟，確保每位客人都可以有個完美既用餐體驗🔥🔥餐廳全部都選用日本食材，質素上乘，茶碗蒸用日本雞蛋同雜菌製成，非常滑溜搭配清清的雞蛋味，其次係大大隻北海道生蠔，加上蔥花同辣蘿蔔，口感較爽身同海水味濃，一啖幸福既享受，三道刺身分別係笛鯛、蒸鮑魚同蝦，笛鯛燒過既魚皮加上肝醬、薑花同紫蘇花，北海道蝦加太陽蛋，加上蝦本身既蝦膏，鹹甜味度平衡剛好，岩手縣蒸鮑魚蒸左四小時，唔需要任何調味可以專心食到鮑魚既鮮甜，中意可以沾鮑魚肝醬一齊食，又係另一番味道，主菜牛肉烏冬都好出色，份量好多既肥牛片，肉質絕不嚡口，牛肉汁十分濃郁，加埋烏冬一齊食正，烏冬煙韌彈牙，我個人幾中意食呢款，加埋蔥花則較香口，雞軟骨棒則搭配生雞蛋甜汁，雞軟骨令到口感更加特別，中間不得不提必定係酸橘啫喱，係食完前菜同熟食後會中間食件酸橘啫喱清清味蕾，原來佢係西柚同青檸既合體，第一次食口感好fresh，接着上壽司系列，當中最令我印象深刻係北海道馬糞海膽壽司，加左海鹽同青柚子汁，食法較清新，廚師分享話

尋晚約咗好耐無見既朋友Dinner，佢揀咗位於黃埔既鮨竜，餐廳時尚型格，都坐得幾舒服。竜 $680 茶碗蒸刺身熱食壽司迷你丼湯甜品茶碗蒸好有蛋香，食落好香滑，仲特別加入日本蕨菜，增加口感。刺身有四款：北海道帆立貝—肉身肥厚，鮮爽帶甜鱸魚—肉質柔軟，口味清淡太刀魚—油脂豐滿，鮮美宜人中拖羅—脂肪比例較高，入口即溶熱食：汁煮黑梅貝味道清甜帶嚼勁壽司有六款：金目鯛—肥而不膩，油分甘香赤貝—口感彈牙，好鮮甜深海池魚—脂肪比例適中，質感爽口北海道馬糞海膽—口感豐腴，鮮中帶清虎蝦—清甜、肉厚好爽嫩拖羅—魚味濃，脂肪分布如雪花般，口感十足迷你丼有齊多款角切刺身、青瓜粒等，口感相當清新，夠哂飽肚～赤麵豉湯，味道香濃，咸度剛好。甜品鹽味雪糕，口感細膩，奶味重。

前幾日去咗黃埔shopping，Dinner一早book咗鮨竜，有多款omakase選擇，餐廳設計時尚型格，設吧檯位置，可以同師傅交流。今次坐窗邊位置，可以自成一位，兩個人慢慢傾計歎返個Dinner~竜 茶碗蒸4款刺身熱食料理6件壽司迷你丼飯麵豉湯精選甜品茶碗蒸面頭有唔少日本蕨菜，帶點粘稠感，無苦澀味，茶碗蒸香嫩光滑入口鮮甜，啖啖都好滑嫩。4款刺身北海道帆立貝—口感厚實好滑身，味道鮮甜濃郁。鱸魚—堅實有彈性，入口細嫩鮮美太刀魚—脂肪較豐富，鮮度十足，清爽綿密中拖羅—口感軟嫩，富天然魚油脂肪甘香味熱食汁煮黑梅貝煮得清甜入味，甘香又黏口6件壽司金目鯛：肉質柔嫩，油脂含量適中赤貝：彈牙鮮甜，肉質爽脆深海池魚：爽口鮮甜，充滿魚油香北海道馬糞海膽：味道濃厚甘甜，入口即溶虎蝦：肉質肥厚，鮮味十足拖羅：筋少而脂肪多，魚味濃厚迷你丼飯角切刺身加埋青瓜粒、鮮美魚籽等，份量十足，大滿足。麵豉湯口感細緻，不會過鹹。精選甜品鹽味雪糕，淡淡鹽味，質地好細滑，食落夠清新。

成日約個friend食dinner佢都唔得閒，今次我哋終於夾到時間一齊食dinner！我哋嚟到黃埔呢間主打omakase嘅日式餐廳食嘢～鰻魚烏冬$480呢個定食包左麵豉湯同埋甜品超級大條鰻魚，分成兩件鰻魚，表面嘅鰻魚汁幾香甜，鰻魚肉幾嫩滑，食落覺得好香口，一大條鰻魚好快就俾我哋食晒，超級正！佢嘅烏冬好爽口，仲有湯底幾清甜幾好飲～甜品佢嘅甜品係紫薯味雪糕🍦好啱我呢啲鍾意食紫薯嘅人～好軟滑嘅雪糕，配上淡淡嘅紫薯味，甜甜地，作為飯後甜品幾正！我個朋友試咗omakase,師傅會介紹每碟壽司菜式,好專業,值得嚟試吓～

聽朋友介紹呢間omakase質素唔錯，所以去試下，叫咗$680蚊set。1️⃣ 茶碗蒸：蛋味濃郁夠嫩滑 菇增加口感 2️⃣四款刺身帆立貝：上面柚子皮竹炭粉，柚子味香間白魚：上面有啫喱同昆布，口感豐富吞拿魚赤身：肉質鮮嫩結實 銀鱈魚：上面有特製醬汁，新鮮開胃3️⃣花螺：彈牙唔會韌4️⃣壽司6貫目魚：上面有烏魚子粉，新鮮比較黏口深海池魚：上面有梅碎同蔥馬糞海膽：新鮮鮮甜，上面有岩鹽 拖羅：油脂豐富，入口即溶 鰻魚：肉質細嫩 5️⃣麵豉湯：鹹度適中 6️⃣迷你丼飯 舖滿吞拿魚蓉同埋三文魚籽，三文魚魚籽咬開爆汁，超甜。 7️⃣甜品： 開心果雪糕，開心果味濃，味道天然整體體驗真係唔錯！係好好嘅入門級omakase之選！ ☺😍🥰