鮪世市場 (已結業)

路在口邊，食在嘴邊，最近呢邊。呢排做野做到口悶悶，好想求其食啲易入口的東西就算，所以係屋企附近搵到間日本餐廳，值得推介！坑口gateway係厚德街市旁邊，係新開業的食市聚腳點。鮪世市場係一間面積細細，係呢條食街度佔一小位置，但網羅左日本新鮮食材，有一食難忘的蟹膏軍艦，本鮪魚腩丼，三色剌生丼，火炙左口魚裙邊壽司，特上海膽剌生，火炙曼魚壽司等等，每款都係我最愛！幾款剌生中，海膽剌生選用著名的馬糞海膽，入口有回甘，火炙左口魚裙邊的油脂入口香濃，真係i love you 3000!

又到左女朋友生日既日子，咁就係屋企附近揾下有無啲咩好食既野啦跟住就揾左呢間坐落係將軍澳既鮪世市場，由於店內座位有限，十分建議各位預約，一到埗，就緊係睇下個餐牌先啦，主打呑拿魚既鮪世市場又點少得叫番件呑拿魚壽司呢，同女朋友討論左一輪之後，就叫左附圖既幾款美食！1. 各類壽司一個字，新鮮，尤其係呑拿魚同帆立貝，基本上唔配任何醬料都ok2. 赤海蝦剌身唔知大家對食蝦剌身既感覺係點，但小弟一般會食埋個蝦頭既，但有陣時如果隻蝦唔夠新鮮，個蝦頭係會腥兼臭既，呢度既蝦剌身放心，無呢個問題3. 葱呑拿魚腩海膽丼之前提到呑拿魚壽司不錯，今次加埋葱花又係另一個層次，食得出師傅係食材上既心機，配合埋海膽直頭very good，值得一提既係呢款丼價錢唔算貴，但份量夠食，推介！最後女友表示螺肉壽司都好好食，特此P.S.一句(姐係佢對今餐滿意啦)好啦，睇下下次會食啲咩好野先

話說坑口food court開左咁耐都未食過前幾日就去左嘗嘗鮮聽人講呢間舖細細地但好好味，適逢小妹正日生日，所以就去食好西，果然無令我失望，味道一級棒尤其係個吞拿魚，老老實實我就唔食吞拿魚既，平時淨係食三文魚，但係呢個真係毫無反抗能力，好味到暈，我竟然因爲呢間舖而鐘意左食吞拿魚，可想而知有幾正仲要食左咁多野都係2個人400幾蚊，CP值超高，值得大家去試下，雖然地方就細左啲，但日本風味十足，唔想坐係到食仲可以外賣翻屋企食添

上星期入咗將軍澳行街，午餐想食魚生，諗住求其喺連鎖壽司店食。點知上Openrice一睇，就發現鮪世市場有好多好評又有午市套餐，就決定試下呢間！睇食評知道係小店，唔係有好多位，都驚要等，好彩去到半滿位，仲有位！好驚喜咁發現午市套餐有我最鍾意嘅左口魚裙邊，所以就叫咗個火炙左口魚裙丼定食。呢個丼份量十足，有六件好肥美嘅左口魚裙邊鋪滿碗飯！平時都係食開生嘅左口魚裙邊，好鍾意佢食落既肥美又爽口嘅口感。估唔到炙燒過嘅左口魚裙邊食落更肥美！啲魚油滲曬出嚟，食落係入口即溶！男朋友就要咗蔥吞拿魚腩丼定食。同樣呢個丼都好足料，啲吞拿魚蓉鋪滿個飯，食到最後都仲夠吞拿魚配飯！啲吞拿魚剁得好幼細，綿綿嘅口感加上魚肉嘅脂香，配埋蔥同飯，真係好滿足！午市套餐仲包埋沙津同味噌湯，真係好抵！我哋仲另外叫咗兩份魚生。一份係三文魚腩刺身，見到啲脂肪紋就知塊魚腩好肥美！另一份係活赤貝刺身，呢個赤貝好新鮮，食落好鮮甜又爽口，絕對唔係雪藏貨！呢間小店啲魚生好新鮮，午市套餐又抵，絕對值得一試！

今日試咗呢間係坑口gateway food lane入面嘅呢間鮪世市場🇯🇵佢有啲似立食壽司嘅鋪頭咁，得七個位到，不過就有櫈坐嘅佢哋呢度每一款壽司都可以叫一舊，變咗可以試多幾款🍣🍣除咗有壽司，仲有刺身同埋手卷，都幾多選擇㗎👍🏻我哋每樣都叫咗啲，我自己唔食吞拿魚🐟，不過同行嘅朋友表示藍鰭吞拿魚係好食嘅😋😋，我自己就鍾意食蟹膏壽司🦀，不過咁多舊最好食嘅係火炙左口魚裙邊，入口即溶，超好食🤤，即刻要再追加多舊啊🤭刺身我就推介磯煮鮑魚，個磯煮汁幾好味，鮑魚都爽口彈牙🤗除咗魚刺身，今日仲特別有宮崎遠東松島生蠔，叫咗兩隻嚟試，海水味比較重，蠔味就淡一啲，不過都可以一試架👍🏻

有次去將軍澳覓食, 經過見到依間好穩世feel 嘅鮪世市場👀鋪面一眼望晒, 座位唔多, 壽司由師傅即點即做直接上枱, 氣氛好好, 無論係一個人慢慢享受, 定係三五知己坐低傾下計都岩晒👍🏻個人偏好吞拿魚系列刺身/壽司/手卷, 依間鮪世市場岩晒我😍 由吞拿魚醬油漬到吞拿魚壽司到拖羅刺身到蔥吞拿魚腩手卷, 全部都very good 👍🏻💁🏻‍♀️生蠔撞岩是日menu 有生蠔, 叫左2隻試下~~新鮮&海水味偏重~~💁🏻‍♀️中吞拿魚腩刺身咁多款刺身最鐘意中吞拿魚腩刺身, 油脂比例均勻岩岩好, 好味!💁🏻‍♀️蔥吞拿魚腩手卷好足料, 蔥吞拿魚腩份量仲多過飯😆💁🏻‍♀️特上海膽軍艦 & 蟹膏軍艦如下圖所見, 海膽同蟹膏都漲卜卜鋪滿左隻軍艦, 2樣都好鮮甜😌💁🏻‍♀️吞拿魚壽司 & 吞拿魚醬油漬壽司本身叫吞拿魚同吞拿魚醬油漬純粹係想用黎同中吞拿魚腩比較下, 點知有驚喜~~普通吞拿魚壽司都已經好好味👍🏻 比中吞拿魚腩少一份油脂, 多一份鮮味😆

'~~食物最緊要係乜?!最緊要梗係食材啦~~'街市新開張，連帶一個全新嘅foodcount。中西日韓，各式其式。當中有一間小小壽司店，一試之下，竟充滿驚喜。先講環境，店鋪小小，只容得下十人以下，但亦令每個位都望住師傅^^; 吧台設計，環境整齊清潔。與友人叫了幾款壽司。一心以為只屬於街市級店鋪，怎料不論食物質素，新鮮程度，食品擺碟，各方面都超乎意外。先上一碟魚背壽司，油香滿瀉，壽司飯分量適中，不會太酸。再來海膽壽司，不單止分量充足，最重要係鮮甜，完全沒有腥臭味(喺香港，即使貴，都會食到腥味。蔥吞拿魚腩壽司，非常嫩滑，:!!再來活赤貝，肉質厚身夠:。最後一碟鵝肝壽司，燒得夠熱，面層能夠做到焦糖香，入口即溶，滿口鵝肝嘅油:。今餐真係令我與友人充滿驚喜，無論邊一碟都係十分鮮甜美味，質素甚高。單憑以上評語，價錢似乎。。。但其實佢只係元x嘅價錢。當然我今日叫嘅嘢食(識食嘅都知全部係貴嘢)，價錢當然就唔同啦，但係呢個質素，絕對物超所:

原來喺街市入面嘅食店都唔一定係街坊級數，竟然有日本omakase！從外面睇格局，一d 都唔起眼，會以為係港式頹廢三蚊件三文魚壽司果d up dup 店，但望吓menu 個價錢就知有料到！竟然有kama toro 同大 toro，幾十蚊件貴貴哋。入面嘅擺設係tailor made，印晒店名；d餐具又靚，睇得出老闆係個有要求嘅人！全店坐爆都係9-10人，好日本feel。不過出餐有d 慢。識食一定食toro 啦！大toro充滿油脂味，正！各款壽司都好精緻，我力推三文魚腩（$18/件），性價比極高！成餐食咗$300 幾，唔算平，但呢個級數嘅壽司絕對超值！我發現有omakase set $180，應該好抵食！如果我係咩魚都食嘅話絕對會點呢set！

小店，吧枱高椅只有8張，我們已經坐了6⃣️位。食物新鮮，刺身壽司種類算多，不過冇炸燒物，冇熱烏冬，只有熱麵豉湯三色刺身丼好味道我們叫了好多食得超飽海膽好甜喔！可以再去食赤貝，妹妹十分欣賞的。有些掛住食冇影相

估唔到喺領展入邊有一間咁正嘅日本野不過得八個位咋！好彩去到有位！感覺好似去咗日本食廚師發板咁，面對住師傅食～是日飛機貨性價比推介： 左口魚 同埋 特大赤海蝦！ 軍艦推介！ 蟹糕超濃郁！三文魚子多到跌😆每件壽司份量都好足料！ 特上海膽$65 海膽超甜美！ 完全無腥味！ 整片形狀挺身，很完整的一大塊，就咁食好滑好甜！ 新鮮！大本鮪魚腩，即係平時食既大拖羅！ 超抵食！ 平時出面食要起碼$80起，呢到$48 就有！ 入口脂肪溶入舌頭❤️❤️❤️ 另一強烈推介！ 是日原條池魚！ 真係估唔到food court 內有咁新鮮既刺身！入口係新鮮，魚身滑口！ 加埋薑花食， 特別勾起魚既鮮味！ 旁邊有調左味既刺身碎，全條魚都食得晒！美美的玉子⭐️

住左將軍澳幾十年，都比較少去坑口嗰邊，反而係因為呢間壽司店吸引左我去！店舖座位唔多，都可能要等一段時間先入到去，但絕對係值得！單點既壽司種類都有幾多，但當然我就會試返啲比較少食既魚類！試左天然真鯛、日本象拔蚌、特大赤海蝦、左口魚邊、油甘魚腩等，質素都幾高質而且價錢非常合理，同出面既中高價壽司店有得比！另外叫多左個海鹽輕燒中本鮪魚腩丼，佢既中腩的確幾好味，油份好夠但又唔會太多，輕輕一燒逼左啲油份出黎，食落更甘香，大推！總括黎講，呢間小小既壽司店都有啲驚喜，將軍澳終於有啲似樣既壽司店☺️

開咗一年有多一隻想嚟食但都冇機會今次特登帶女朋友嚟補祝情人節餐TKO Gateway-FoodLane有好多細細間舖頭呢間都唔例外 只有一行bar枱位 我地去時已經9點 客人走得7788海鹽輕燒中本鮪魚腩丼$198有6片中toro 炙燒左 食到呑拿魚腩油份 好香仲有呑拿魚蓉同三文魚子可以撈飯壽司全部都好食 比大型連鎖店高質好多飯唔散 大大件 魚生都大件 夠厚 新鮮有好多貴價日本餐廳都好細件 呢到唔會食完好滿足海膽軍艦同手卷諗住試下海膽水準嘅海膽係加拿大膽好鮮甜而且大大塊 呢個價錢抵食海膽杯嘅海膽份量都多飯係撈咗子薑碎同調左味幾特別 第到未食過

原來係TKO Gateway 有好多特色小店!今日行開將軍澳發現TKO Gateway 地下有類似food court area 入面咩菜色既小店都有 突然之間好似發現新大陸咁😂😂好似日本屋台村咁 細細間小店 因為好少座位 所以等左一陣先有位 但最正之處係師傅係你面前整壽司 所以食材都好新鮮 即叫即整 所以等好野真係要俾d耐性🤔叫左好多唔同款既壽司 有火炙同刺身 帶子又有又新鮮😋玉子燒得好好味😋😋蝦超大隻 都只係$13 Overall 火炙左口魚最好味 入口即溶☺️☺️

天氣開始回暖就心郁郁想食日本魚生😋碰巧經過TKO Getaway美食街內的鮪世市場，入座後看看餐牌便毫不猶豫點了一客魚生飯！什錦魚生丼定食 $58魚生飯內裡有三款魚生，新鮮美味。套餐配一客迷你沙律及一碗麵豉湯。迷你沙津配料ok新鮮，加上醬汁食完倍覺開胃。麵豉湯不會太鹹，食完唔會感覺口渴。平時食魚生飯好怕食到後面只係剩低飯，沒有魚生刺身，感覺好無癮。但係呢碗魚生飯沒有僧多粥少嘅感覺，食到最尾，仲有魚生送飯，十分足料，讚👍🏻

🍣將軍澳高質壽司 — 鮪世市場🐟上一個post講完將軍澳西班牙菜發現幾多人都中意係將軍澳區覓食😚今次再介紹一間都係同地點(TKO Gateway-FoodLane)嘅壽司店係一間性價比超高嘅舖頭舖頭的的適適 只有一行壽司bar枱位但就可以近距離觀察到師傅整壽司🍣👨🏻‍🍳🍣海鹽輕燒中本鮪魚腩丼$198有6片厚度剛好中toro 微炙後更能迫岀呑拿魚腩油份🤤仲有少量呑拿魚蓉同三文魚子呑拿魚味濃 絕對係上級🍣壽司全部都性價比高👍🏻壽司飯唔會太鬆散 大大件壽司上魚生有一定厚度唔會薄如紙 而且夠大塊 唔似出面有啲壽司店一擺入口好似食咗陣風💨(壽司太細件) 呢到嘅壽司令你滿足感爆標！師傅係魚生上介咗花 可以睇得岀師傅嘅刀工🔪本身我只係叫咗海膽軍艦同手卷諗住試下海膽水準Openrice見到其他人有馬糞膽不過今次我嘅海膽係加拿大膽好大片好濃海膽味🥺好鮮甜Ok過關✅所以叫多咗個海膽杯不過個海膽杯嘅飯係撈咗好多子薑碎 本人係唔食薑的🤦🏻‍♀️但男朋友覺得好味👍🏻. . . . . . . . . . . . . . . . . . . . . . . . . . . -🍣火炙三文魚壽司$9/pc🍣劍魚腩壽司$