鮮蒲 (已結業)

前後黎食咗三次，d 相係綜合咗幾次嘅小食類個土豆絲好爽口，小麻辣，好味柏葉拼豬肚，香辣爽脆醉雞翼開哂半，易咬又入味，兼且都係有辣味咖再黎個貝殼粉絲，錫紙包已經好搶眼，一打開，香噴噴，個湯微辣得黎又鮮甜，真係超級大碗，d 沙白又多又無沙，好鮮甜加嘅材料都好好味另外嘅淨沙白個湯超級鮮甜，隻隻都有肉，唔會似坊間d 炒蜆唔見哂d 肉仲要隻隻都無沙，食得好開心仲有招牌牛肉粉，個湯底濃厚牛肉仲好淋好入味次次都食到成堆殼食飽就夾返哂落錫紙包度係屋企附近，2個人黎次次都大滿足咁用心好味嘅小店，要好好支持

第一次被錫紙貝殼粉絲的名字吸引了過來，餐廳雖細小，但佈置花心思，有家的感覺。蝴蝶結姐姐點的是招牌錫紙貝殼粉絲，公雞碗盛載，以錫紙緊緊包著貝殼和粉絲。材料相當豐富，有沙白、菜樹菇、木耳、生菜、綠豆粉絲，不加味精，味道更原汁原味。朋友點的就是招牌津市牛肉粉，有秘製牛腩、生菜、湖南米粉、，另外亦加了蒜香墨魚丸和腩肉。牛腩炆得剛剛好，幾入味，配米粉吃完全把肉汁都滲到米粉中啦。另外亦叫了個小食雙拼，爽口土豆絲和惹味豬肚絲，混合麻辣醬汁，每一口惹味得來又醒胃，個人特別喜歡爽脆的土豆絲。餐廳小店經營，製作用心，少不了製作的時間會多一點，在等候時就多加一點耐心吧！

女朋友吃過兩次這家店，難得這次有機會來紅磡打保齡球，於是乎就晚上來這裏試試。不過要搵到這間店卻不容易。因為他基本上是在馬頭圍的，幸好女朋友知道怎樣去所以先至搵得到。餐廳外觀感覺似台北東區，入到去播住西式的音樂裝修都好似西式咖啡店的感覺，不過裏面食的東西卻是四川湖南的菜式。店主見到我馬上很熱情的幫我們下單，然後準備菜式，悄悄發現原來是他們三個自己一齊煮的。我們點了招牌錫紙河粉 ，醉雞翼，老麻抄手和蓮藕。本來想點椰皇啫喱，但店主說係季節限定所以還沒有。先講講螺絲粉，第一次見用錫紙來放湯粉，非常特別，湯底味道有蜆肉鮮甜味，我們也追加了墨魚丸和大肉棒，好吃。醉雞翼酒味濃郁，蓮藕又辣又爽脆，老麻抄手呢覺得很麻但不辣。原來這間鋪頭是三個人一齊拍檔經營的。不期然讓我想起以前同朋友們一齊做生意的日子，真是有點兒感慨。心裏很明白三個人拍檔做生意真係一啲都唔容易。希望佢哋加油！

同朋友仔行完黃埔，佢就帶左我去崇志街呢邊，話要同我試下啲特色粉麵喎 原來朋友仔係要帶我黎呢度，之前我都有睇過報道，呢度有錫紙貝殼粉食架個時睇到都好想試，不過見到地點好似唔太就腳，所以就一直都無去到，估唔到呢日朋友仔會帶左我黎除左有招牌既錫紙貝殼粉之外，呢度仲有提供牛肉粉同一啲涼拌小食我同朋友睇完meun之後就決定“招牌錫貝殼粉絲”同“招牌津市牛肉粉”各要一份粉絲盡吸貝殼既甜鮮，而牛肉粉入面既牛肉又腍又入味~食完之後我地仲見到呢度有“椰皇啫哩”啵，最後我地仲一人一個做甜品添！！！可惜個日唔記得影相，依家諗返都想食！

又黎到每一晚最大既難題，就係食咩好。同朋友收工諗住一齊食飯。咁岩同朋友又係紅磡。係等朋友期間發左有間花甲粉。鮮蒲Simple Flavourful。因為店内環境唔算太大。所以我同朋友就選擇坐室外。店內環境全部用左黃色燈光，令人感到好舒服。再利用紫色牆身配上深木色餐桌椅。首先就黎左個冷盤小食，招牌醉涷雞翼。首先個味道就好似我地平時食口水雞既味道，但相比依個就會入味好多而且會將雞翼兩條骨分開啖啖肉得黎十分入味。而且又唔會太辣，朋友唔食辣都話好香。黎到主菜。招牌錫紙貝殼粉絲，揀左清香辣配上墨汁花枝丸同蝦米魚皮餃。利用特色既雞冠碗上面利用錫紙包住，十分有創意。我食湯粉第一樣當然係試湯底。清新既尖椒香味令普通既粉絲變得不平凡。配上食材既新鮮簡直係一百分。招牌津市牛肉粉，而依個就揀左微辣。值得一提就係用左湖南米粉。不錯不錯。配上秘制既牛腩。令湯汁即刻提升左級數。個湯香到係可以食曬同飲曬都無問題。不妨試一下。

係一條巷落裏面既鮮蒲，如果唔係睇過傳媒介紹，都實在幾難發現到！今日專程約埋朋友一齊黎試錫紙貝殼粉當晚試左唔少野，不過主角自然係貝殼粉我叫左清香辣湯底，不過實在唔夠辣，所以我就落左枱面上既辣椒油，但都係唔辣，之後老闆見到就幫我加左廚房既辣椒油，佢一開始話兩款辣油唔同個時我半信半疑，但果然辣勁十足，好過癮唔食得太辣既朋友試左一啖就已經招架不住😂雖然湯底辣度唔明顯，但有蜆既鮮甜！麵底選擇左沙河粉，比較爽既口感，同平時煮得好腍同滑溜既河粉大為不同～不過無咁入味，相比之下朋友揀既綠豆粉絲就索湯好多！配料就揀左金菇、蝦米魚皮餃、豬肉條。無論咩湯底我都推薦金菇，因為索哂湯底既鮮甜味好正呀淨錫紙沙白，因為貝殼粉裏面既蜆十分鮮甜所以追加左呢份淨蜆，不過份量唔算特別多。當晚亦有試左淨津市牛腩，牛味濃郁不過唔夠腍，未及其他食物咁令人印象深刻。但係，呢度既涼拌小菜同醉雞翼相當有驚喜醉雞翼分開成單骨，方便食用，而且酒味四溢而雙份涼拌小菜份量超級多，追加既迷你份量蓮藕亦ok! 每款小菜都唔錯，如果要講最推薦既話，我同朋友一致認為係木耳、青瓜同蓮藕！雖然價錢小貴(除左涼拌小菜)，但都值得一試！

餐廳雖然位置偏僻咗少少 但係絕對值得來一試~ 裝修以暗色調為主， 氣氛浪漫，適合情侶黎撐枱腳😁~呢度出名嘅野係貝殼粉，咁就當然有貝類啦~餐廳會用新鮮嘅蜆鋪底，加入特制湯底再焗煮，絕對鮮味十足~一打開d香味就噴湧而出，超級震撼，而且份量都好多下~今次就叫咗墨魚丸，蟹棒，同埋雞肉，再加埋湯底下面十幾隻蜆，絕對夠食到飽~ 必須一讚嘅就係個湯底真係超級惹味，小小辣中帶有蜆既鮮甜味，加上勁索汁既自制綠豆粉，真係好滿足呀~

見到雜誌報道呢一間紅磡人細小店，黎到梗係去試一試佢。午餐時間都幾多人嚟呢度食佢嘅特色錫紙包粉絲。menu有好多選擇有得揀蔬菜，招牌錫紙貝殼粉絲，入邊有沙白、茶樹菇、木耳同埋生菜。我另外都加左配料，叫咗金菇同埋小食。即叫即整嘅錫紙包粉絲，味道好特別辣辣地入邊嘅香味好濃，仲有好大粒嘅沙白。湯底好惹味，最緊要份量夠多啱晒我哋呢啲大食仔另外仲叫咗個相平小食一個係豬肚絲同埋土豆絲。呢度嘅土豆絲非常之爽而且酸酸地好開胃。價錢先＄28但係真係超大，建議可以兩個人一齊食。餐廳仲有得叫相平咁我每一樣都試啲，梗係叫咗雙拼試吓啦。

朋友新搬到土瓜灣，特意去探一探佢，上佢屋企之前就一齊去食個飯先，佢推介我地到呢間餐廳食，佢話佢好鐘意個錫紙粉絲，聽落咁得意，佢又咁推介，搞到我都好期待餐廳係一條小巷，如果唔係朋友帶路，我諗我都唔會識黎呢個地方食野，門口大大隻字寫住全港首間鍚紙粉，的確又真係無係香港食過呢種食品，幾有創意落單就同食車仔麵一樣，每人一張紙，圈上自己要的食物彈牙牛柏葉 + 脆口蓮藕 ($36)雙拼只係加多$4都幾抵，份量唔少，辣度迎合香港人口味，小辣得黎好香，牛柏葉同蓮藕的確同佢形容一樣彈牙同脆口，作為小食係滿分涼拌青瓜 ($10)每個麵食都可以加$10增添一個涼拌小食，我地就揀左青瓜，辣度同之前的牛柏葉一樣，唔會無辣但容易接受招牌鍚紙貝殼粉絲 ($52 + $22)本身個鍚紙貝殼粉絲就$52，另加配料就每款$8或者$6，我地加左3款，分別係心心腐皮角、鱈場蟹爪棒、蝦米魚皮餃，粉絲即叫即整，所以等待時間會耐少少，一打開鍚紙香氣逼人，見到有唔少蜆同茶樹菇雖然有其他麵揀，但我覺得粉絲係不二之選，可以吸晒鮮甜的湯底，粉絲唔係平價貨一煮即溶那種，煮完之後仍然保持彈牙口感，呢個鍚紙貝殼粉絲實在好高質，果然係招牌食品招牌

終於有機會試早前人氣爆登的錫紙貝殻粉，今晚特意駕車前來試試，原來餐廳環境都幾有情調⋯雖然位於重建中的地段，崇地街一帶有點絮亂，但來到鮮蒲又是另一番風景⋯餐廳佈置簡約而清新，燈光昏暗，每枱放置小蠟蠋，整個氛圍都很有情調，眼見前來的多是情侶，確實是談心的好地方⋯鮮蒲賣的只有2款粉，卻能街知巷聞⋯客人只需要在點餐紙上圈出想要的食物，可以加餸，另背面還有小食及飲品供選擇⋯我們每款粉都選了一個，另加一個小食：招牌醉凍雞翼(6隻）凍雞翼肉質結實，算是小辣，滲出淡淡酒香，店員還送來2個公雞小碗給我們吐骨用，餐具都是懷舊風情⋯招牌錫紙貝殻沙河粉，沙河粉需要另加$1，有別於平常吃到的魚蛋河或乾炒牛河的河粉，沙河粉較厚身，十分有咬口，也不容易吸收湯汁而發漲變淋，另我選了原味奇香湯底，微辣，湯底還有新鮮的蜆及茶樹菇熬製，有其獨特的香味⋯招牌津市牛肉湖南米粉，米粉較粗身，極像米線，口感較滑及煙軔，雖然湯底同為原味奇香湯底，但多了牛腩的香味溶和又令味道提升，多了一種層次與香味⋯拍拖不是吃西餐就是日本菜，有時倆口子試試新口味也不錯，而且還十分經濟呢﹗

去紅磡開會，中午去搵食，呢間在眾多餐廳嘅崇志街，位置幾難搵，因為門面係路面凹下去，要落幾級樓梯，門面光鮮，有室外座位，方便吸煙人客，店內嘅裝飾幾少女，地方唔大。座位幾迫，當時無客，每人寫好落餐紙交店員！食物耐心等待！招牌錫紙貝殻沙河粉（$52）（沙白、茶樹菇、木耳、生菜）清香辣，沙河粉（+$1）為了試呢個賣相，中式圖案碗有錫紙包好，尖尖的幾靚，打開熱辣辣，材料多，沙白嫩無沙，茶樹菇有咬口好濃味，生菜爽脆，沙河粉彈牙有咬口，QQ幾得意，不過有啲淥唔開，幾片黏住就幾硬，湯底清澈微辣！好味！跟餐小食青瓜（跟餐$10）盛戴小碗可愛，青瓜爽甜多汁，辣辣的好味！跟餐小食蓮藕（$10）蓮藕大片爽甜，香辣惹味跟餐小食木耳（$10）雲耳彈牙爽脆，香辣好味跟餐汽水玉泉+C($4）正常罐裝飲品招牌醉凍雞翼（$36/6隻）雞翼已必半變單骨，鹵得入味，雞肉較硬，酒味濃，食落微苦！一般同事食：招牌津市牛腩粉（$52）一個綠豆粉，一個湖南米粉無糖綠茶🍵（跟餐$6）可樂（跟餐$4）中式餐具嘅圖案好可愛，不過每款辣嘅小食都灑上乾嘅辣椒碎🌶️乾硬唔鍾意店員有禮有笑容廁所幾大，乾淨但幾多雜物食物配料無特色，味道唔錯！

自從友人帶我去過紅磡食飯後, 發覺也有不少唔同類型的食店. 今次去了鮮蒲食嘢. 這店位置也有點隱蔽, 幾經辛苦終於到達. 這裡出名係招牌錫紙貝殼粉絲和津市牛肉粉, 最後選了前者. 招牌錫紙貝殼粉絲，麵底改為沙河粉，材料有沙白，茶樹菇，木耳和生菜，客人可以自行加配料, 我就加了墨汁花枝丸和蝦米魚皮餃。 加錢可以配飲品. 由於是即叫即整, 所以等的時間會耐一點. 終於上枱, 以鍚紙承載着. 一打開見到粉和配料. 沙白的份量也不少, 味道不錯. 而墨汁花枝丸幾有咬口. 沙河粉幾滑身. 記得要飲下個湯, 吸收晒所以食料的精華. 甜品我點了椰皇啫喱. 這裡原個上枱. 啫喱好好味, 入口有淡淡的椰青的味道, 令人感覺清新. 仲有椰肉, 食完一個較濃味的粉, 食這個可以起中和作用.

成日話隱世，今次呢間小店對我黎講都幾隱世，因為我好少黎呢頭，唔係有人帶路都唔知有間咁正小店～門口望落似cafe, 但原來食辣野～聞得到川味甚濃，辣椒味香！涼拌彈牙牛柏葉 $32份量大～ 真係好彈牙，而且入味～ 辣味剛剛好+$10 要涼拌蓮藕香辣爽脆，好開胃個碗好得意～涼拌土豆絲 $26超爽脆！ 好開胃～ 津市牛肉粉 $52 加餸每款 +$6至$8 有牛腩、菜、湖南米粉，可以揀辣度，要咗小辣。望落好多紅油，以為好辣，但食落係香，唔算好辣。牛腩炆得入味，同紅油味好夾。香港好少地方有湖南米粉食～ 值得一試～奇香清湯錫紙貝殼粉絲 $52必食推薦！裡面有茶樹菇、木耳、粉絲同埋好多好多蜆（沙白）雖然可以轉其他湯底，但見佢推薦特製奇香湯底，就要佢！ 超鮮甜！！！ 好似落咗好多海鮮熬製咁o既o個種甜～ 加上有少少辣，好惹味！湯好好飲，飲曬～ 蜆好大隻，仲有好多隻，食落冇沙～抵椰皇啫喱 $35必食！ 啫喱清甜，真椰皇味～ 唔會太甜，食完辣野食呢個甜品解辣一流～

放工有時諗唔到食咩，就會揸住架車四圍去，間中也會有驚喜。去到崇潔街，見到呢間小店，估唔到係食乜嘢，以為係Cafe。原來係食川菜，仲係好地道果隻，有唔少未見過的是菜式。小店的佈置睇得出老闆娘有心思。先來木耳做涼菜，冰涼爽口好開胃，但就後勁凌厲，辣度十足。至於口水雞翼睇落去好辣，但其實有少少甜甜地都幾易入口。老公點左個津市牛肉粉，賣相都唔錯，偷食咗一舊牛腩，牛肉味幾濃。我就試咗招牌的貝殼粉絲，用錫紙焗住，賣相好得意。攤開就會見到不同的食材，熱辣辣。最好食係個粉絲底，吸收晒所有海鮮同蔬菜的精華。有時候，漫無目的，亦有驚喜。

已經黎左好幾次，每次都保持水準！呢度主打錫紙貝殻粉絲同津市牛肉粉。因為太鐘意貝殻粉絲既湯底，所以到依家仲未有機會試牛肉粉😋湯底分別有原味，麻辣同清香辣。個人最欣賞清香辣，非常惹味！但由於太辣既關係，今次都係食返原味，原味係帶一點點微辣💁🏻‍♀️我轉左要沙河粉，麵質較硬，食落唔夠軟稔，個人認為粉絲同湯底較為搭配。湯底好鮮甜~停唔到口。沙白份量都幾多，粒粒都好飽滿好鮮甜💁🏻‍♀️另外我好推薦凍雞翼，好辣而且酒味濃郁。