鮮‧港式串燒吧 (已搬遷) 新店位置

又到覓食時間，今餐殺入觀塘工廈區，呢度勝在選擇夠多，呢次就揀咗喺駱駝漆大廈3座嘅 鮮·港式串燒吧。設計簡約，主要採用黑白两色，帶工業風，座位都算闊落，坐得舒適。天氣熱，胃口不大，就簡簡單單挑幾款食物。先來個牛仔骨($38)，燒得外脆內軟，火候啱啱好，沾一點點海鹽，非常惹味。跟住清清哋嚟個燒豆角($15)，保持到豆角原味之餘，又去其青澀，不俗。再嚟一份阿拉斯加蟹腳($198)，燒海鮮時間掌握十分重要，同時要保留鮮味又要顧及口感。一啖咬落，食到阿拉斯加蟹嘅清甜滋味，唔使配任何醬料，味道啱啱好。最後上嘅芝士煙肉蘑菇($38)，咬落好juicy，又有芝士同煙肉嘅鹹香，值得一試。其實呢度選擇好多，除咗海鮮、肉類、蔬菜可以串燒之外，仲有炸物、特色小食同甜品，下次叫多幾個 friend 嚟，就可以燒餐勁。

係觀塘呢個人多擠逼嘅地方，想同朋友坐低好舒服咁傾下計，於是就揀咗呢間串燒。呢間餐廰嘅坐位唔會好逼，坐落好舒服，可以同朋友慢慢食，慢慢傾。一入到黎侍應就俾咗呢碟醬汁，左到右分別係泰式嘅酸辣醬、粗鹽同日式豉油（係介乎於鰻魚燒汁同日式豉油之間，食落帶甜味，好香口）。直至上咗第一碟菜，我終於明白點解呢間鋪頭強調自己係港式串燒屋。同一般嘅重慶、泰式或者印尼燒烤唔同，呢一類嘅燒烤通常會加上大量調味同醬汁去燒，味道雖然係好好，但食落就好易變咗食乜都係果個醬汁味。呢到所謂嘅港式串燒，大部分菜式都係原汁原味咁燒，黎到可以食到食材嘅原味，重口味嘅人就可以自己加醬汁，呢個亦都係我係香港食燒烤唔常見嘅。首先一黎係送酒必用嘅雞泡魚乾，呢到嘅雞泡魚乾唔會燒太耐搞到太乾太硬，硬度適中，而且好香口，送酒佳品。最推介應該係佢地嘅鯖魚定白鱔，白鱔爽口，咬落去有一疊肉汗咇出黎。鯖魚肉質鮮嫩，唔會覺得「鞋」。呢兩樣雖然係燒魚但食落完唔覺油膩。焗金菇同芝士焗菇突顯到兩種菇嘅香氣，一上枱就聞到好香好香，隔離枱都即刻望過黎。其他食物由於佢無落太多調味嘅關係，食得出食材原本嘅味道，亦食得出佢地嘅食材對比其他串燒店係比較靚，而唔係淨係

每個月總有幾天好想吃燒烤，香港高質素環境舒適的食店不多，在朋友介紹下，決定試一下這間位於觀塘工廠大廈的食店。雖然位於工廠大廈，但環境卻是不錯，十分適合一大班朋友聚會，聊聊天喝喝酒串燒的種類很多，價錢合理每人也有三款醬汁，其後發現不太用得著，因食物新鮮，不用沽任何東西就已經好好吃燒鯖魚不會很乾，配以獨有的醬汁鮮味十足煙肉芝士大蘑菇的蘑菇味濃厚，吃得出非常新鮮，煙肉與芝士與蘑菇的味道很配合一打開蒜辣焗金菇就有一陣濃濃的牛油香氣飄出來，但略嫌味道不夠，若味道濃一點會更好吃茄子十分新鮮，完全不會因為是燒的而變得很乾，茄子汁被鎖住，很甜雞泡魚乾是我今晚最喜歡的，它完全不會像其他食店一般，把魚乾弄得很硬，而是軟硬適中，不會太硬又不失口感順帶一提，喜歡廣東歌的朋友一定要去這間食店，你除了能吃一頓新鮮味美的飯之外，還能在這裡找到回憶。

觀塘出名好多好野食，好似啲工廈都係揾食好地方😛😛我第一次係觀塘既大廈上面食野呀！原來上到去個層都幾熱鬧架 好似小型商場咁好多店鋪🤪可能我見識太少啦店內環境都唔錯架，對住個廚房可以睇到佢地煮🤣但就熱少少唔好睇成條腸都黑色就嚇親 係墨魚腸尼架🤣墨魚腸係幾香墨魚味喎 好多墨魚粒係入面好有咬口 感覺有啲似台灣腸😚👍🏻本身墨魚丸已經冇得輸 加上少少鹽墨魚味更突出 唔錯唔錯雞翼叫左兩份 佢燒得啱啱好呀 金黃色少少脆 係幾考功夫既😆😆配上檸檬 喜歡的朋友可以淋少少上去 變檸檬雞🐥燒茄子本身冇乜味道既 係淋淋地 但當燒茄子加上好夠炸蒜蓉成件事會變得好好味 茄子香左好多!!🤩 蒜蓉可以少返啲添 會有啲太咸呢間餐廳送餐係一碟食完再上另一碟，所以唔怕啲野食凍哂🤤煙肉芝士大蘑菇焗出尼啱啱好！芝士融哂 切左一半啲蘑菇汁出哂尼 好juicy😍💕芝士麵係咪好邪惡呢 我自己都覺得係呀🤤芝士多到完全遮住啲麵😆 提提大家唔食得辣既可以叫小辣 因為我叫左少辣都幾辣架麵尼講比較乾 好快已經同啲芝士一齊硬哂 所以建議快啲食～超多蒜金菇😁焗豬啲扒多到食唔哂 又係炒飯底 份量又多喎😂我地兩個人食左咁多野所以最後食飯就有啲飽🤡

因喜愛吃串燒，便到這裡一試吧😉這裡的環境簡單，感覺十分「住家式」。像一家人經營的餐廳般，他們每一位也十分有善！「港式」給我的感覺是大份🤔而這裡的串燒真的是大大件！我們特別喜愛燒白鱔串$58/串這個價錢有這個份量，而且燒得很可口！十分滿意😋墨汁墨魚腸$15/串，很美味真的十分厚切的牛脷😋$58/串我很愛吃牛脷喔～😍雞泡魚干$48😋燒即開生蠔$45/隻不錯！但也是較喜愛生食😜不油膩有蒜蓉的燒茄子$15

經常都講，觀塘工廈的餐廳越開越多，而且已經不再局限於Cafe、私房菜、西餐等等，而是酒吧式餐廳、高級日本料理及串燒店各類新穎的，近年亦多了一批尋找工廈美食的港人把每間食店起底，可見工廈特色餐廳自然有一定既市場。今天下班後跟朋友逛完APM...再逛駱駝漆大廈...時間晚了就非常肚餓...揀左間「鮮·港式串燒吧」坐低醫醫肚...門口白雪雪入去行前多幾步先到餐廳內部...入口既左面有部標機...食完或者等緊串燒個陣可以玩下餐廳不太大，串燒店來說燈光偏白同光猛，座位尚算空間足夠!!環境亦頗舒適!!座位一半是沙發卡位食串燒來說～坐得很不錯了餐牌係用一張紙有兩面可以看....選擇都幾豐富串燒、炸物、小食、熟食、各式各樣的海鮮、蠔都有不同menu揀完之後店員送上三款醬油日式甜豉油、粗海鹽同埋好似泰式醬！其實我覺得唔點都已經名味道食得出食物既原汁原味墨汁墨魚腸 $15 係我地既第一樣食物...台灣超受歡迎既小食，但係香港已經越來越普遍，質素都好重要墨魚腸全條黑蚊蚊，外表雖然唔吸引，但味道絕對好食，肉厚而不乾燥，腸肉間夾雜住唔少既墨魚粒好有口感，甜甜地既味道，感覺幾新穎。牛件骨 $38一份有三件，骨既比

係APM睇完戲，想係觀塘搵食，今晚好有「肉」望，所以就想揀間串燒食，見到呢間「鮮」既價錢非常相宜，所以就去左呢間試下~餐廳位處於駱駝漆大廈，等lift比較耐，上到去見到隔離係ocean three，可順便行下~餐廳裝修舒適，唔會充滿油煙，好適合同朋友慢慢食同傾計。太肚餓同太想食肉，叫左13、14樣野。燒韭菜，韭菜吸左串燒孜然既味，配埋韭菜唔會太油，非常惹味！明太子燒飯團，明太子本身同飯團已經好match，再配沙律醬👍🏻，飯團外圍燒到非常香脆，必試～厚燒牛舌，雖然呢間既牛舌比其他串燒店貴，但原來係非常厚身，咬落好多肉汁，同好有牛味，好正👍🏻燒一口牛，滿滿牛脂，好香牛油味，但比較咸。鹽燒雞翼，味道剛剛好，不會太咸，外皮香脆，滿足「肉」望。燒雞軟骨，幾乎係我每次吃串燒都必點，軟骨附近痴著少少油脂，吃落非常香口！燒茄子，同平時原條少茄子不同，但食落分別不大，都係好juicy，最特別係個蒜蓉，好多好香！燒三文魚頭，啖啖肉，而且好鮮味，配埋孜然粉，會比平日係食「元x」既更惹味！燒豆卜，外脆內軟，最正係好似有少少蜜汁燒，甜甜地。最後叫左d飽肚串燒，每串大約$15，好抵，燒雞腎，爽口有口感，燒墨丸同芝

家人吃過這裡的串燒,好贊, 於是我今天同朋友來試一試!餐單紙有好多選擇呀!看得我們樣樣都想吃, 朋友是牛舌控, 大愛牛舌至於我,就覺得帶子漢堡好趣致,中間切開,夾著濃郁的蟹膏,彷如一個迷你漢堡, 帶住鮮味的漢堡~ 正!很少有見燒饅頭, 吃起來外脆內裹則是煙煙韌韌，使人一而再，再而三地吃不停口,而且這迷你饅頭更配上煉奶，甜甜的很適合當作小吃芝士丸外皮脆香，要小心咬開，因為裡面的芝士勁爆流心，好邪惡呀！魚腐有點咸,重口味人士必選!冷烏冬最適合夏天食了,口感彈牙，配上醬汁和芥末，更是食指大動，有一種在吃蕎麥面的感覺燒菠蘿系解膩之選，估唔到咁大舊，菠蘿本來多汁酸甜，燒過之後更帶有香味這裡除了串燒，還有刺身提供，我們點了一份甜蝦，十分鮮甜。飲品點了一杯店員推薦的水果茶! 水果花茶清清淡淡，適合一些健康人士之選而且當中的水果亦非常清甜，好足料!有大大塊西瓜 哈密瓜 火龍果等,適合串燒之後消滯最後我們都吃得很飽很飽,原本還打算吃甜品呢!唯有留回下次再戰!

夜晚兩個人談心事,吃串燒是最佳的選擇了.朋友帶我來到這家位於觀塘的串燒店, 店面裝修不錯,位置闊落,坐得十分舒服!二人套餐很吸引, 但我們都想吃更多其他串燒,一邊吃一邊聊天,所以我們就選擇了單點!十分欣賞這裡的串燒,師傅不是一次過做完所有單而是幾串分開燒, 等客人吃完了才上另外幾串剛燒好的,確保最”鮮”!!很窩心!作為食肉獸,我們基本上點的都是肉食, 最令我念念不忘的是燒牛舌,厚度十足內裡卻保持嫩滑和肉汁,一咬下去牛味四溢, 久久的滿足…….豬頸肉爽口不油膩,沾上獨特的香草醬,帶有些辛辣,幾刺激同開胃麻吉燒外表燒得焦香,裡面的夾心麻糬受熱後有點流心,正!另外叫了比較飽肚的蒜蓉包,系我食過最最最酥脆的蒜蓉包,不是只搽上蒜蓉味牛油咁簡單,而是有粒粒蒜蓉碎.蒜到爆登!!!!哈哈!仲食做好多其他野, 下次傾計一定再來! 食最鮮嘅串燒!

星期日晚，諗住食串燒，於是去Open Rice睇有附近有冇餐廳做串燒。去到大約8點鐘。我諗落埋單，都係大約用左10分鐘到。嗌啤酒飲，啤酒要先俾錢嘅，當然冇問題啦，不過啤酒唔係隻隻有貨，係可以理解嘅。等到8點35分，等左25分鐘，竟然一碟串燒都冇！係一碟都冇！人客唔多，人手同樣都唔多，我明白，但會唔會一碟都冇呢？我問個職員，佢話做緊。唔餓等到餓，餓等到唔餓。突然餐廳停電，廚房個女職員話跳左掣，廚房煮唔到野，其他野食整唔到。本身樓面個職員問我，一係等，一係幫我取消左張單。我等咁耐已經好嬲架喇，雖然話係串燒係耐尐，但冇理由一碟都冇！宜家仲要食唔到？不單止，個職員一個「對唔住」或「唔好意思」都冇。尤其是係個女職員，講個消息出黎，但毫無歉意，個態度好似話俾你聽「係咁架喇」態度唔得，仲白等左25分鐘，哩下真係嬲！以後唔幫襯

叫左八樣菜，後加了一條燒魚。我們等左四十五分鐘一樣菜都未到，查問下佢地先發現落漏單，但我們因怕再等太耐而想取消所有內容，想再出去搵野食。點知佢地話條魚已燒所以不可取消，而且態度頗為惡劣。而食完後外面所有餐廳已關門。是一次十分不愉快的用餐經驗。

去開駱駝漆大廈買野，發現同層一間食港式串燒，在閒日晚上七點半左右，都幾多人光顧，所以就入咗去食晚餐。見到這個二人串燒套餐，當中的串燒有幾款都是推介，所以就叫了這個套餐。先來的是前菜，有芥末花螺同三色刺身拼盤，這個冷盤的花螺很甜，三色刺身拼盤包括三文魚、八爪魚及北寄貝，三文魚幾肥美、鮮甜，而八爪魚和北寄貝要幾有咬口。串燒餐就有燒白鱔、芝士丸、墨魚腸、雞腎、脆卜卜雞皮、厚切牛脷串、燒茄子及燒蘑菇，共8串，比起散叫串燒的價錢會平d，我自己較為喜歡食燒白鱔，燒得不會乾身，而且白膳無骨，啖啖肉。而墨魚腸是第一次食，點上茄汁甜甜地幾Juicy，的確唔錯。厚切牛脷串幾切肉，口感幾鬆化。燒茄子以蒜香作調味，味道都很香濃。以每樣一串形式配搭，少食多滋味，每樣都可以試吓，唔覺唔覺好似食咗好多野。而主食方面，我地揀左豬頸肉煎蛋飯，豬頸肉都是燒的形式烹調，邊邊位都脆脆地，中間位置較為柔軟，兩個人share份量都真係岩岩好。甜品是鯛魚燒，有兩款口味，包括紅豆味及曲奇味，我們就選擇了曲奇味，鯛魚燒的外表也是燒過黎，底層的曲奇很多，加甜甜的雪糕倍感滋味呢。

自從駱駝漆大廈大變身之後，在觀塘就多了一個 shopping、食嘢好去處。今日就同朋友略過apm之後，就過咗嚟繼續逛。倦了，就順便喺呢度食埋晚餐。朋友話想食燒烤，但係我見到門口個大牌有海鮮拼盤又好想食，不過朋友堅持要食燒烤 。其實套餐都有刺身拼盤和燒烤的，價錢 $388都唔係貴，但係佢堅持散叫，又話唔想食生嘢，咁我都無符啦。既然係佢話要食燒烤，一切由佢發板:-鵝肝多士 $58熊本一口牛 $38燒白鱔串 $58燒多春魚 (4條) $30燒貴妃蚌 (2隻) $68焗豬扒飯 $88檸檬柚子梳打 $38【鵝肝多士】、【熊本一口牛】首先出場係鵝肝多士和熊本一口牛。一捧出來就聞到燒鵝肝的香味。正當我掛住影相 post 相之際，件鵝肝多士就被朋友食晒，一啲都唔留被我試下！欲哭無淚! 佢話鵝肝實在太香，忍唔到口。我唯有鎮作起來對付串熊本一口牛。食落腍嫩，肉味濃郁。【燒貴妃蚌】有兩隻肥嘟嘟，上面仲有蟹籽作為點叙，每人一隻唔使爭。一啖食唔晒，爽口彈牙，鮮味夠。【燒多春魚】有4條，都燒得香，咬落去啲春必晒入口，好過癮。【燒白鱔串】超大件，闊度應有3cm，長度有10cm，厚度有2cm。燒得香噴噴，層皮卜卜脆，

今日又係觀塘搵下野食！知道駱駝漆大廈而家都有好多餐廳...就上去睇下有咩食😋見到佢menu 啲lunch set好抵食好似唔錯！套餐仲有餐湯同飲品最終我叫左我最鐘意既焗豬扒飯雖然簡單既一個飯 但我勁鐘意...哩個焗豬面層滿佈蕃茄!!仲有芝士呀！而朋友就叫左鮮茄大蝦拼豬扒意粉!大大既蝦配上豬扒! 普普通通既午餐都可以整得好好味!而我地就加錢叫左特飲!天氣咁熱飲反杯特飲真係透心涼!!!哩度都算幾抵食! 不錯既選擇!!!

晚上開源道一帶嘅工廠大廈，真係越夜越精彩，釣蝦🦐場、室內賽車🏎️場、band🎸房⋯等等，數之不盡，當然樓上食肆🍽就更加多，因為樓上舖租金比較平，相對控制成本比較容易，加上網絡世界發達，好嘢自然會有人傳開去，今晚就去左朋友推薦嘅呢間串燒吧來到都差不多九點鐘，客人都唔少，環境氣氛唔錯，大部分似熟客多，我地坐左一個靠牆卡位先點幾款串燒，菠蘿🍍、墨魚🦑香腸和店員推介的白鱔，大概落單5分鐘左右已經燒好，舒舒服服嘆住冷氣，有人燒好比你，確係幾爽串燒之中，菠蘿係我至愛，燒完嘅菠蘿，特別甜，又多汁，兼佢呢度嘅菠蘿切得特別厚，咬落去，啲汁流哂出來，自自然然就要昂高個頭，場面都幾搞笑墨汁墨魚腸⭐️⭐️⭐️⭐️⭐️記得上次係一間台灣燒肉店食過，已經非常鍾意，估唔到呢間樓上舖都有得食，信我，絕對好味燒白鱔串⭐️⭐️⭐️⭐️大大塊白鱔肉，切開用竹子穿起，厚薄均勻，受火時更易掌握，入口香而嫰滑，沾上一點海鹽更能提升層次感厚切牛舌⭐️⭐️⭐️⭐️⭐️啖啖肉，食到啫啫聲，夠厚，食落好滿足燒大蜆⭐️⭐️⭐️⭐️⭐️絶對新鮮，燒完仲有海水味，完全唔需要任何調味，我只需要做一樣野，就係同朋友鬥快搶食鹽燒雞中翼⭐️⭐️⭐️⭐️又係燒雞翼，我當然鍾意食，如果同我去埋骨就更好