鱻88日本料理 (已結業)

在網上看到這間餐廳的會席料理幾吸引，但畢竟價錢不便宜，於是是日決定來呢度試下set lunch先。 環境來講，除左吧台，亦有私隱度較高的卡位選擇。服務員亦熱情有禮貌。午餐定食選擇都幾多，價錢由$88起至$388的lunch omakase都有。安全起見，選擇了中價的魚生飯（加一後約$2xx）一探究竟。Set lunch亦包括茶碗蒸蛋，前菜，漬物以及面豉湯。食材尚算新鮮，但分量略顯少， 綜合地區和價錢來講，只能說沒有驚喜，不過不失。在佐敦，此價錢的日式set lunch 也許有更抵食的選擇。

話說我人到中年,120歲一半再一半再一半為左慶祝我生日,老公BOOK左間靚靚日式餐廳同我慶祝地點不是人流多的地方,入口要由地面行上一層一上到去另一世界,十分高格調餐廳中間有幾位師傅即場烹調光線柔和帶點優雅浪漫餐前沙律,簡單但清新刺身盛,甜蝦又甜肉質又結實,連蝦頭D羔都好甜好鮮帶子又甜又厚肉鯛魚鮮味質感又滑活海鰻蒸年糕活海鰻比一般鰻魚多一份鮮味味比較清香軟熟一點活海鰻天婦羅外脆內軟,口感豐富加點左一份原條活魚刺身肉質清透有光澤,鮮甜美味活海鰻籠仔蒸飯味道偏淡,可要求加多一點鰻魚汁飯好香軟,用高級日本米,十分有嚼勁最後上埋呢碟活海鰻玉子蛋糕蛋糕好鬆軟芳香今餐以活海鰻為主,為浪漫之生日帶多一點"鰻"

愛吃日本菜的我最鐘意四圍搵好野食，今次男友比左個驚喜帶左我黎佐敦食好野。依到好近地鐵站好易搵，黎到落下接待位裝修都夠特別。上到去我地坐左卡位，可以望到有bar位有omakase，整個環境都好舒服。我地叫左個$488/位嘅活海鰻餐，價錢合理意想不到的是沙律係有炸魚皮，食落好新鮮好脆口值得加分刺身都好新鮮，由其是係帆立貝大大粒，好厚肉鮮甜之後就到今晚嘅主角陸續上枱，每一碟份量唔算多，但用料好足又夠哂特別，睇得岀廚師嘅用心👏🏻 依到環境好食物性價比高，而且店員都好有禮貌又成日主動收碟同加水，有機會會帶埋屋企人過黎食

話說早幾個月去完日本黎，勁掛住嗰度啲日本嘢食周圍捐窿捐啦嘅我，搵到間位於佐敦既日本料理餐廳。門口已經充滿日本嘅裝修格調，好適合同伴侶黎一路食一路談心。嗰日人數唔算多，員工俾咗卡位我哋，座位十分舒服，另外見到有10幾個外國人一枱，一路傾生意一路食日本野，外國人都幾識嘆款式都算多，另外我哋揀咗佢哋介紹嘅「鰻魚會席」「季節沙律」前菜食落有點像炸魚皮，但感覺上比炸魚皮更好吃加埋酸酸甜甜，甜甜酸酸既汁，胃口馬上大起來「刺身三點」刺身對於我來講最重要係夠凍夠新鮮呢碟絕對Ok呀 味道鮮甜，尤其是隻蝦活海鰻天婦羅味道剛剛好，脆得黎唔會太硬梆梆，調味料+少許鰻魚汁，令到成件鰻魚天婦羅惹味起來活海鰻蒸年糕年糕超級煙韌，哈哈睇相就知勁。蒲燒活海鰻籠仔蒸飯最後嚟到主角，一口甜甜香脆既鰻魚，再一口軟熟嘅飯，絕配👍🏼活海鰻玉子蛋糕最後甜品個人覺得用鰻魚整既蛋糕幾特別幾創新，味道都是香香的，帶點鰻魚的味道。終於試新野嘅朋友可以一試****************************最後要講下佢哋嘅服務非常好，間唔中就會幫我地斟斟茶，服務來講真係非常唔錯。

我同朋友都是鰻魚料理的擁躉, 凡是有鰻魚料理的食肆, 我們都會相約去食番餐, 今次我們來到位於佐敦的一間叫鱻88的日本食肆, 它出名鰻魚料理, 我們好興奮約了一齊去食個晚飯. 來到餐廳, 舒適整潔的店舖讓人放鬆, 座在梳發卡位上仲有咕臣在背後可以俟住, 真舒服. 睇個Menu, 他們直情有活鰻魚會席, 不用我們去思考食咩好, 這鰻魚會席全部都是用活鰻魚做的料理, 款式相當吸引, 有活海鰻玉子蛋糕, 活海鰻籠仔蒸飯, 活海鰻天婦羅及活海鰻蒸年糕, 仲有刺身盛合及季節活魚刺身, 哇, 睇到個Menu都好開心, 有咁多款嘢食! 首先上來了每人一碟前菜 – 炸蝦仔, 炸到酥香的蝦仔非常香口, 用來送清酒簡直係一流. 之後再來每人一碟季節沙律, 沙律菜新鮮爽口不但止, 最出色的是沙律菜配有幾塊炸鰻魚皮, 這炸鰻魚皮仲係熱的, 鬆化香脆而且皮薄, 真的可以話這是我食到的最好食的炸魚皮! 刺身盛合有厚厚的鰤魚, 帶子及甜蝦, 鰤魚厚肉甘香,帶子非常鮮甜, 甜蝦又林又甜, 食完舐舐脷, 口有余甘,實在太好味! 最期待的鰻魚料理終於出現在我面前, 首先是活海鰻天婦羅, 又大又厚的兩大舊天婦羅送在精緻的碟

鰻魚係其中一樣最愛食既日本野之一,朋友話呢度有個套餐係專食鰻魚我即刻二話不說就應成去季節沙律第一次食沙律會加入魚皮魚皮好脆身,應該係即炸既,入口開胃清新刺身盛合3點當日有金鯛,甜蝦,北海道帶子金鯛魚油味香,肉質相對爽口甜蝦鮮甜,蝦頭帶膏帶子肉質飽滿,仲加左啲柚皮,入口更清新原條活魚刺身因為食過覺得刺身質素不錯,所以加錢要埋呢個活魚刺身刺身分一片片同魚蓉魚蓉有啲醬油同薑作調味,刺身則魚味好重,新鮮活海鰻蒸年糕呢個真係一個幾創新既配塔,係煙韌既年糕中加入鰻魚味道配合相當奇特新穎海鰻天婦羅呢個炸得唔錯,天婦羅粉夠薄,又食到鰻魚味活海鰻籠仔飯鰻魚飯係用蒸既方法,係出面少有既可惜係魚有骨,魚油味亦未太充分發輝活海鰻玉子蛋糕黎到最後個甜品都係鰻做既將鰻魚肉打成蓉再加落蛋糕材料混合,係幾新穎既不過就似食緊黑糖蛋糕

男朋友帶路去佐敦食日本菜，原來是活海鰻宴店舖裝潢非常高級，乾淨又整潔，燈光暗暗地談情談心一流 <3 我地坐Bar枱，闊落又舒服，師傅就係正我地前面切魚呢個活海鰻會席，6道菜，6道都是鰻魚開頭前菜沙律好特別，沙律菜清新，再加咗乾魚皮，鹹鹹酸酸，超開胃刺身是師傅即切即上菜，擺位賣相一流，好講究細節❤︎最喜歡個甜蝦，新鮮又彈牙！ 之後個活海鰻蒸年糕都是第一次食，年糕非常煙韌，裡面包住鰻魚粒同冬菇等材料，出奇地夾 活海鰻籠仔蒸飯，鰻魚下面是蛋絲，好像是連荷葉一齊蒸，好清香得來，飯超級入味最後甜品是個玉子蛋糕，蛋味好濃又鬆軟我地仲另外叫咗個原條活魚刺身，材料好新鮮，師傅刀功無得彈！

佐敦本來就好多嘢食，而我係勁鍾意食魚生刺身的人，呢次係朋友介紹，所以上黎試下。一入去就知係同平時的日本餐廳唔同，有音樂、集中燈光，我估係僅此俾你睇中間的菜式。見到刺身忍唔住啦，佢d刺身新鮮到一個點，帶子係少少甜味出左黎，但唔會有雪味。蝦係最過癮，少少蝦的黏性，但都唔會覺得太張住個口，而且佢都幾長下，可以塞滿個口。池魚刺身都要特別推薦下。因為無試過，呢次食先知道新鮮的重要性⋯⋯因為只要新鮮，就會好好食。右下角的魚碎我都食曬🤤🤤年糕最怕煮太耐太濕。廚師佢烤脆左個年糕皮，咁就外脆內軟，好有趣。天婦羅有塊紫蘇葉，我自己接受到紫蘇葉的味道，所以就好滿意，因為佢真係脆得好過分😍然後魚肉d汁係反光架佐敦A exit同柯士甸站A exit最後個個隧道口右轉都可以去到！haha 難得我咁路癡都搵到lol見到一個大大的牌同埋有waiter係下面reception就可以跟佢上去。

近排最愛吃就係肥美嘅鰻魚，但係又想食到有特色又多不同口味，這裡又係一個唔錯嘅選擇！餐廳裝修精緻，一行過就見到部超大嘅電視屏介紹，望吓個價錢都算合理，這裡本身有廚師發板選擇，但今晚嘅目標明確鰻魚！呢張餐牌完全級引了我嘅視線，活鰻魚會席，除了沙律外其餘都係同活鰻魚有關，完成期待！落單後先上了個季節沙律，味道清新，內裡還有炸魚皮，感覺較特別！接住就係刺身盛合3點，有甜蝦、間八魚厚切後的魚腩雪白中帶點粉嫩，油花散布得很均勻。一口下去，魚腩油香四溢，卻又不失嚼勁。帆立貝豐厚的肉身極富彈性，味道鮮味甘甜。活鰻蒸年糕，外面夠晒煙韌彈牙，咬開裡面有肥美嘅鰻魚肉粒，對比強烈！活海鰻天婦羅，炸得十分香脆可口，薄薄嘅脆皮包住肥美軟熟嘅鰻魚，入口有齊雙重口感！主角活海鰻籠仔蒸飯，一個竹籠上，活鰻就係同埋啲飯一齊用個竹籠蒸，一打開就係充滿竹嘅香味，鰻魚肉質肥美軟熟，加埋啲飯一齊入口味道更加好味！最後甜品就係活鰻魚玉子蛋糕，外觀看似一件蛋糕，但入口有濃郁嘅玉子味道之餘還有細碎嘅鰻魚肉粒。今晚用了一個價錢欣賞到師傅用心製作嘅手工，以鰻魚作為一個主題，一個價錢享受所有都十分超值！

本身好鐘意食鰻魚. 因為上網睇到有活鰻魚食, 所以慕名而來, 香港一般都急凍貨, 活鰻真係少之又少.本身BOOK左台, 所以都唔洗等. 去到有少少意外, 個場地意外地高級. 地下係接待處, 有接待員帶你上一樓,成個裝修好高檔, 有長好長既壽司BAR台, 好靚. 有2個師傅係面前即席處理.點叫個活海鰻會席, 另外叫左條池魚池身.池魚刺身夠新鮮, 夠鮮甜. 師傅刀功都好好, 上面D介花好靚.之後試個沙律, 入面有D炸魚皮, 沙律菜夠新鮮同洗得乾淨, 魚皮夠爽脆, 2樣野加埋幾特別.之後食個刺身併盤, 有帶子, 油甘魚同甜蝦. 當中帶子比較特別, 師傅係面前即磨柚子皮, 同埋加新鮮青檸汁係帶子上面.成個層次豐富左. 另外幾個菜都係以鰻魚為主, 食得出係新鮮貨, 同一般店急凍貨真係好大分別, 鐘意食鰻魚可以黎一試.

店鋪門口唔顯眼 要落樓梯落地庫但若果你錯過 你就認真走寶啦!!!!等小編一嚐 活海鰻會席 $488 一位雖然好似貴少少 但系物超所值🤗🤗1️⃣季節沙律上面個給幾塊魚皮好好好好脆 😍2️⃣ 刺身盛合有厚厚嘅帶子 鮮甜嘅蝦 仲有爽爽嘅魚 😍3️⃣活海鰻蒸年糕有創意之作 海鰻包系年糕入面 口感好好入面有好多鰻魚😍4️⃣活海鰻天婦羅炸漿份量剛好 熱辣辣食一流 😍5️⃣活海鰻籠仔蒸飯飯好有味 入面有細細粒嘅鰻魚粒重點系!!! 上面個兩舊又肥又厚肉 加上鰻魚汁嘅鰻魚!!!! 好味到呢 😍🤤🤤6️⃣活鰻魚玉子蛋糕真系未聽過 所以要留肚食丫!!蛋糕軟身 好香好滿足嘅鰻魚大餐🤗🤗🤗🤗

今日同朋友出左去佐敦食個飯，佢帶路去左食日本菜。餐廳有個鰻魚二人前套餐，主打活海鰻，我地即刻就叫左啦！先來沙律菜！沙律夠新鮮，爽脆又酸香，醋汁夠開胃！食完好開胃架！刺身三盛。蝦、帶子和油甘魚，全部都係我最愛的啊。蝦肉爽甜，帶子肥美，油甘魚充滿油香，魚味突出！活魚刺身我地超驚喜，池魚非常香嫩油香十足，每一口都是鮮甜！活海鰻天婦羅。香脆天婦羅炸粉夠哂薄，魚肉爽口香嫩，厚肉夠哂口感，完全唔油膩。籠仔飯加上醬汁，每一口都好咸香滿足。海鰻魚味重，香嫩無骨，我地食哂呀！最後仲有蛋糕。

前幾日生日，朋友一直神神祕祕話要俾個驚喜唔講食咩，原來係食omakase! 「OMAKASE」指廚師發辦，由廚師挑選最優質、最時令嘅食材，再創作唔同嘅料理，所以基本上每次都會有唔同嘅菜色，可謂日本料理嘅「最高境界」！雖然一向鍾意食日本菜，但omakase真係第一次食～ itadakimasu啦 😍鱻88位於佐敦道嘅舊街之中，門面由淡木砌成一條小路，十分有日本小町嘅感覺。一上樓梯，右邊就係吧枱，可以望住師傅創作嘅過程；當然除咗吧枱，餐廳仲有卡位同埋包廂，啱晒一班朋友嚟食飯吹水。專程嚟食omakase嘅我地，當然要坐吧枱啦！鱻88嘅omakase有兩款set可以揀，一款$888一款$1288，而我哋就揀咗$888嘅套餐試試。決定好套餐後，師傅馬上問我地有無咩係唔食，再為我哋設計omakase嘅菜色，十分細心呢！今晚嘅前菜係青柳貝、冰頭漬（三文魚頭軟骨）同埋鮟鱇魚肝。師傅向我哋講解，omakase會按味道淺味至濃味嘅方式上菜，先可以享受到食材嘅鮮味。果然！前菜味道清新醒胃，冰頭漬軟得嚟爽脆，帶少許檸檬味；青柳貝亦有別於平日食開嘅貝類，比較軟身但帶淡淡海水味；最特別就係鮟鱇魚肝，睇起來晶凝通透

依間居酒屋係最近行街嘅時候發現佢新開，搵日放工約咗同事一齊去食飯就提議去依間餐廳度試吓，餐廳最近做緊推介鰻魚會席，總共會有七道菜係以鰻魚為主，我同同事都好鍾意食鰻魚所以就去咗試吓依間餐廳。首先第一道菜係季節沙律，沙律配左少少炸魚皮食落去嘅感覺好新鮮同埋好開胃然後就係刺身三點，分別有甜蝦、帆立貝同埋油甘魚，刺身嘅味道真係非常之新鮮，甜蝦亦都非常之好食係我食過好好食嘅甜蝦之一季節活魚刺身亦都非常新鮮入口非常開胃活海鰻蒸年糕食落口非常煙韌，食落去鹹鹹地幾有驚喜活海鰻天婦羅，好少食天婦羅係食到鰻魚，但係依一款嘅天婦羅食落口非常之脆口新鮮食到淡淡的鰻魚味道炸粉唔會太過厚食落去啱啱好蒲燒活海鰻籠仔蒸飯，鰻魚肉質非常之爽口，鰻魚嘅魚香亦都非常之粥，配埋鰻魚飯就非常之match活海鰻玉子蛋糕食落去係有淡淡的鹹味但係又唔會覺得太過奇怪，反而有一種好特別嘅味道。

因為工作關係認識到說話投契的小夥伴，每個月都會相約出來吃月尾飯，這次我們選擇位於柯士甸站附近的日本料理。鱻 88 地方寬敞，以日式木為主調，燈光柔和令人有置身蓬萊的感覺。 莆坐下侍應已經奉上熱茶，服務周到。本來想食廚師發板，後來竟然俾 活海鰻會席 所吸引着。$488/位 這個價錢確實吸引，很想吃鰻魚所以決定一試。活海鰻會席料理一共有6道菜，每一道菜的擺盤各有特色，菜式設計更加係令人驚艷。首先品嚐季節沙律，清新開胃。然後就是刺身盛合三點：油甘魚口感綿密，魚的味道新鮮濃厚實，入口肥美但不油膩。帶子刺身入口爽脆肉嫩。大大隻甜蝦刺身十分甜美。 因為好想食 原條活魚刺身加 $188 就可以品嚐到薄切池魚，每一片刺身都晶瑩剔透賣相優美，儘顯師傅刀功，入口質感豐滿鮮甜。然後到好特別的 活海鰻蒸年糕年糕看似糯米包裹著活海鰻魚肉，微微的焦脆帶甜，伴上湯吃的年糕煙煙韌韌，口感軟糯，味道充滿鹹香，果然特別！接着是 活海鰻天婦羅天婦羅皮脆肉厚， 質感厚切的海鰻，用紫蘇葉包著，入口鬆脆多汁，肉軟可口。差不多到最後有活海鰻籠仔蒸飯籠仔可以保持溫度，加入美味的鰻魚汁令蒸飯層次更上一層樓，把肥美彈牙的活海鰻提鮮了不少