鳳凰茶苑 (已結業)

鳳凰茶苑今日與朋友以茶代酒，以茶會友。對於茶藝一竅不通的我，朋友有耐性地和我慢慢我解釋，感覺好有趣。加上這茶室環境好清幽，播放著中國音樂，呷一口茶，心境都變得平和。茶藝好像和現今急速嘅社會脫節，但其實是一種生活態度。香港人每日忙於工作，能夠用一盞茶嘅時間，放下壓力，與朋友我一個茶敘，都是一個不錯的選擇。今日品茶的時候，除了香港人， 也有韓國和內地的遊客，可想而知，品茶這種文化十分普遍。茶室的選擇頗多，亦貼心地設有二人及四人餐，每一款套餐奉送一碗茶食，包括曲奇餅、果仁、乾果……等。茶葉主要分為三類，包括風、雅、頒，三種各有特色。風、雅——兩者花香味與果香味較重，一般來說較易入口。頌——屬於功夫茶類別。茶藝老師與我倆分享，武夷山茶有千幾個品種，最為人熟悉的大紅袍，玉桂和水仙。因為大紅袍，令更多人注意「武夷山岩茶」。 這裏有很多特別的品種，例如比較少人認識的雀舌，白雞冠等。 如果希望一試常見嘅茶類品種，這裏確實是一個不錯的選擇！今次嘗試嘅茶葉係水仙同大紅袍雅(醇和)。 聽完老師介紹之後決定先飲水仙，後品嚐大紅袍，因為我一直都很喜歡大紅袍的回甘。 早前去台灣已經飲過一次茶， 那一天，天氣比較冷

茶苑位於尖沙咀鬧市中的樓上鋪，環境清幽靜謐，一踏入茶苑頓時叫我個這些都市人凝放慢腳步，身心得靈靜。二人套餐($228)包括鮮醇的蜜雲龍大紅袍和玫瑰花茶或菊花茶，還有茶食🍪(曲奇餅、果仁和果乾)茶苑對品茶的過程非常講究，從置茶、洗茶、沖泡，至出湯，每個步驟都十分仔細。而大紅袍茶質醇厚，茶味甘香清幽☺️📍地址: 鳳凰茶苑🍵尖沙咀加連威老道77號開麟中心2樓 #hkgoodeatstst #hkgoodeats

香港飲茶文化都好普及，但始終吾夠咖啡受歡迎，係香港茶室吾算多，今次有一位老朋友開始研究茶藝，帶左我去品嘗一下，感受一下茶既文化，好彩我平時都好鐘意飲茶，真係一拍即合地點係尖沙咀樓上鋪，估吾到咁方便裝飾好優雅，好寫意，坐係度完全吾想走好多茶壺同茶葉種類，可以自行選購有職員詳細教你有關茶品種分類知識，獲益良多選了二人茶set 茶苑自家代理的大紅袍及茉莉花茶配上精美甜點女店員會示範沖茶的整個過程我們則以欣賞角度去學習沖整一壺茶真係要有技巧，要注意水溫，手法，次序小小的茶壺裝滿了大紅袍飲茶真係一門藝術，賞心樂事完成圖，睇住成個過程，對茶十分期待茶湯清徹，茶味香醇，入口好順滑無苦澀味慢慢品嚐，身心都可以靜化建議培養飲茶習慣，令繁忙香港人可以平靜

係香港一個生活咁急促嘅節奏當中...無論生活壓力同工作壓力..都令到我哋唞唔到氣..有時候真系好想搵一個...能夠令你靜靜地停落嚟可以慢慢沉思一下嘅地方....可以令自己舒服發下心情...有朋友介紹我喺尖沙咀有一個好適合我....靜坐嘅環境....可以慢慢歎下茶沉思一下。尼間鳳凰茶居....位於尖沙咀鬧市當中....當你入到去嘅時候.....你會覺得置身於一個恬靜舒適之地....讓你煩懮頓消.....裡面仲有好多不同種類嘅茶具任君選擇而且地方舒適雅緻佢仲會不定期舉辦好多親子活動或者茶藝嘅興趣班而且仲可以俾客人包場嚟做不同種類嘅活動淨係睇到呢啲咁古典嘅環境...都已經令你心曠神怡今日揀咗個玫瑰花茶同雅（鮮醇）泡出黎味道好清香...而且入口香醇....玖瑰花茶味道仲好幽香....而且呢度有一啲嘅套餐仲會有一啲嘅餅乾，乾果嘅小食...一路飲住茶.....歎住小吃...一路同朋友閒話家常..真的可以令霎時之間嘅煩惱拋諸腦後而且佢地呢度有好多唔同種類嘅香茶....而且亦都分不同嘅級數....我和朋友一坐就二小時....望住窗外的景緻...好好的沉思一番....！

研究咖啡，仿佛係十分有品味嘅事情。烘焙、炒煮、滴漏、拉花等等，市面上都有好多興趣班以及教學。相反，傳統中國茶藝就續漸被年輕一代所遺忘。日常飲食總離不開飲用中國茶，卻越來越少人鑽研同深究。🍵若果唔係男朋友突然想了解茶藝，相信我地一直都唔會知道原來位處尖沙咀，都有一片賞茶嘅靜土。鳳凰茶苑，係由一家內地茶園係香港所設，供大家品茶交流、學習茶藝嘅地方。環境清幽舒適，比去coffee shop消磨時間更優雅盡興。只可惜傳統藝術，總被當作老套事物。戰戰兢兢咁兩個人走上去，意想不到地獲益良多，亦完全唔會有生人勿擾嘅感覺，新手都可以上去了解一下。茶苑主打武夷山大紅袍，主要劃分為不同等級供大家品嘗，風儉由人。茶葉種類眾多，亦有套餐可選，附送佐茶小吃。我地點左大紅袍(雅醇和)同武夷水仙套餐($188)。武夷岩茶中，大紅袍品質最好，亦最為矜貴。茶苑所劃分嘅風、雅、頌級中，我地點嘅雅級屬第二頂級，味道醇厚。由於我地都係第一次接觸茶藝，茶藝師先幫我地洗茶，再教我地如何泡茶、簡易程序等。沖泡第一手茶後，就係我地自己品嚐，靜靜享受嘅時光。先飲嘅係大紅袍，茶色偏橙黃，味道順滑，略帶苦澀。雖然茶嘅顏色偏紅，卻屬於烏龍茶

食完晚飯，想搵個地方hea...但又唔想去連鎖咖啡店咁頹，於是老公提議去飲茶！原來佢所講嘅「飲茶」唔係去茶樓果啲，而係去茶室嘆茶。估唔到尖沙咀鬧市內都有間茶室，令你可以坐低慢慢嘆。好老實，我對品茶認知唔多，但呢度嘅店員解釋得非常詳細，亦會教你沖泡方法，示範完一次之後，就會等你自己試下沖，慢活一下。悠閒地坐低慢慢咁洗茶、盪茶、置茶、高沖、低泡，然後品茶。呷一口茶，調整生活嘅節奏；品茶，應該係一種生活態度。呢度除左可以品茶，仲出售代理嘅「密雲龍」武夷岩茶及鳳凰紅茶，我地揀左二人套餐($228)，有密雲龍大紅袍(雅鮮醇)及花茶（玫瑰或菊花）各一款。「品茶」不但只係在於鑑別茶嘅優劣，亦可以讓你靜心神思，領略飲茶情趣。生活百忙中泡上一壺茶，擇雅靜之處，細味品嘗，達到美的享受。工欲善其事，必先利其器。所以，首先搵下資料，認識一下茶具：茶海：盛裝泡好嘅茶，再分於小杯內。茶壺：泡茶容器，一般以陶壺為主。茶匙／茶針：前頭稍微彎曲稱為茶匙，用來將茶撥入茶壺中，亦用於將泡完茶嘅茶葉清理出來；茶針為針狀，用來疏通有時因茶葉堵塞嘅壺嘴。茶杯：顧名思義，就係飲茶嘅小杯。茶則：盛裝茶葉嘅器具。簡單５個沖茶步驟包括：

外國朋友喜愛中國茶，呢日就特地同佢去鳳凰茶苑品茶。鳳凰茶苑喺尖沙嘴鬧市入面，環境清幽，望住車水馬龍、熙來攘往嘅街景，聽著店內播放嘅輕柔音樂，身處其中慢慢品茶，別有一番悠閒寫意。店內放滿唔同嘅精緻茶具，亦有唔同類別嘅茶葉，呢度提供紅茶，烏龍茶，功夫茶等，特別推廣武夷山岩茶，當中包括我哋比較熟悉嘅大紅袍。我同朋友都愛飲茶，但對茶其實了解不深。店員見我哋初次光臨，就詳細咁為我哋介紹茶室每個角落和唔同嘅茶具使用方法，我就再翻譯俾朋友聽。過程中，我同朋友都獲益不少呢！呢度有得單點，亦有二人套餐。二人套餐有精心配搭過，有齊濃淡兩種不同，可以一次過試到唔同嘅茶種。我哋點咗二人套餐入面嘅密雲龍大紅袍（雅醇和）+密雲龍岩茶（武夷水仙）店員先示範正確泡茶嘅程序，特別深刻嘅係店員要倒熱水喺茶壺上面，令到茶壺保持溫度，咁樣茶葉先可以發揮到佢最好嘅味道出嚟，呢一個簡單步驟我從來都無做呢。店員亦有耐心同我哋講解唔同茶葉嘅特性，真係見識不淺呢。先試試大紅袍，大紅袍茶香清幽淡雅，入口甘甜，落到咽喉清涼舒適，好茶！密雲龍岩茶茶香醇厚，味道清香帶回甘。店員示範後就輪到我倆輪流泡茶。自己泡茶原來特別甜呢XDD套餐仲有附上茶

香港茶餐廳、冰室等等嘅速食食店比較多，但係可以俾你坐喺度慢慢傾計品茶嘅地方真係少之又少。今次同朋友上嚟傾野，見到裏面嘅人主要都係傾生意或者見客，其實就算喺呢度同朋友慢慢品茶傾心事都係個唔錯嘅選擇。朋友對茶嘅要求唔高，不過我就想揀好少少，又唔想諗太多野，就揀咗個二人套餐， ＄228。由於我哋平時對沖茶冇咁講究，都有勞職員為我們講解沖茶步驟，同埋手法，時間等等觀念。密雲龍大紅袍（雅鮮醇）本身呢個密雲龍大紅袍好出名，好多人都評價好高，沖泡之後慢慢體味及咽下，完全飲到佢個甘甜味道。當然亦都要抱住一個欣賞的態度去飲，咁就唔會浪費個茶味，亦都不能匆忙。因為沖上面嘅嘢飲已經玩咗成個鐘，之後要同朋友食晚飯，所以玫瑰花茶就外帶了，茶苑是准許如果茶是乾的，是准許帶走的。玫瑰花茶回家沖泡，另有一番風味，當然一般走到茶苑都會建議選主打茶坐下慢慢品嚐，而不是花茶。贈送茶食，即使原本是肚餓的，慢慢地不同果仁及無花果乾、曲奇等等變得飽肚，不需要擔心肚餓的問題！此較為高級的二人品茶套餐售價＄228，如性價比更高的更有＄100鬆啲，若只當為一個與朋友相處的起點，也是一個不錯的選擇，比起很多咖啡店更寧靜，大家也保持聲量。

學業與工作的重壓如懸頸之劍， 在被壓得斷氣前得稍作停歇。茶室就是我的清泉、帶點清幽韻味的心靈綠洲 。裝潢簡約，場內多為木制家具，以大量綠色植物作點綴，窗邊透點自然光，給客人整潔又舒適的感覺。雅級密雲龍，上品茶種， 乾燥的茶葉在未泡水前已發散出淡淡雅香，加熱水浸泡後香氣如海浪般一陣陣的襲來，那是像群山中受濃密霧氣圍繞的白梧桐被清晨間第一縷陽光蒸發露水時，所散發出的柔雅、甜美、又帶點潑辣的香 。如想像中一樣，微苦中帶着回甘，點點滴滴在口腔中迴旋纏繞，茶壺見底了，仍不自覺地輕輕抖動舌尖，想再一次從味蕾那裡回憶那一份味道。茶點，微不足道的襯托。

近年來，課業愈加繁重，假日大多數寧願留在家補眠，今天本應同樣留在家安養，卻受家母好友所邀，一同前往尖沙咀的這家茶室，說是要品茶。環境清靜，舒適雅緻，令人感覺遠離塵囂。點了一個二人套餐，可以一次試到兩款茶葉，分別是正山小種紅茶（鳳凰紅優越級）以及密雲龍岩茶（肉桂雅級），套餐更包括了一份茶食。自己對茶的認識本來不多，但幸好有店員耐心的解說及茶藝示範零茶藝經驗的我，第一泡請了店員示範和指導，這次學到了濕泡法。而店員解說過後就會退下，剩下的時間相當自由自在，不會受人打擾，感覺隨性。這裏沒有限時，當日我們逗留了超過三個小時。而個人認為比起連鎖咖啡店，這家茶室是個更為適合和朋友談天的好去處。兩款茶葉當中，我較喜歡大紅袍，茶香馥郁，茶味濃醇而有層次，亦很耐泡，確實與平日飲的茶大有分別。而這裏的茶食是出乎意料的佳，有不同曲奇和乾果，曲奇相當鬆化而乾果則齒頰留香，配茶效果不錯。推薦給想認識茶藝，又或者想找一個寧靜的地方歇息或聚會的人。

我要用世外桃園來形容此茶店！一路只識蒲連鎖式咖啡店的我很驚訝原來中國茶店更好hea! 朋友帶路來茗茶，是很正統的茗茶地方！我們午飯時間來此，人很少，配合了悠悠的中式音樂，為忙碌的生活添了一點清閒。茶店的地方很大，在商業大廈的二樓。從窗口望出去就見到行人天橋。這裡有茗茶的二人套餐，可選兩種茶並有茶食小吃一份，茶食：曲奇餅加乾果和果仁。茶葉的選擇當然十分多，店員很細心地講解各種茶的分別，又細心詢問我的喜好並推介，真的可以說是長了知識！我們不懂泡茶，店員便會代勞，在他泡茶的過程中我們也可順便學習。每種茶葉要用上不同的茶壺。由於這裡沒有供應食物，他們也不介意我們自携食物，當然，真正品茗的專家會知道食物是會影響茶味的啦！這裡亦有辦各類有關茗茶的workshop，有興趣的朋友也可包場，很有意思。絕對是飲咖啡或西式茶之外的另一好選擇。

平時我們去的地方飲茶食早餐，叫茶樓。但係淨飲茶，無點心又叫做咩名呢？ummm, 小編認為係茶館啦！ 呢到飲茶只係有小食，但無點心嘅！今次去呢間飲茶，就叫做「凰茶苑」，位於市中心嘅尖沙咀加連威老道！以茶館作為主要經營模式，同時出售自家代理品牌嘅武夷岩茶及鳳凰紅茶等。 茶館亦有個使命，就係宣揚具有悠久歷史的岩茶文化，呢個正正係每一個茶藝師﹑從事茶經貿的人士嘅使命呀！值得一提，茶苑不定時舉辦茶文化展示、茶文化課程等活動，以及各式品茶體驗工作坊，有興趣茶藝嘅朋友，可以多問問場內的店員。茶館嘅茶分為「風」、「雅」、「頌」三種。「風」級別是最高，較適合一些品茶有一段時間嘅高手。「雅」的味道就較容易入口，適合品茶初哥。「頌」的味道似功夫茶，亦是小編不太喜歡的。我們就點了｢雅｣這個級別來試試，茶香清淡，入口有點澀味，而頭泡、二泡茶色較濃，其他泡就開始變淺黃，但茶香茶味依然。這裡的茶唔錯啊！

茶樓飲茶飲得多，今次朋友介紹話要飲靚茶， 咩嘢係靚茶?自問唔識分。。 不過朋友話係國家級嘅，冇理由唔試下。那裏有好多種， 個人就簡簡單單，就是叫個二人套餐， 密雲龍大紅袍 (雅鮮醇)及香片，重有小小茶食。原來係武夷山國茶， 顏色上面同平時酒樓飲嘅好似有啲唔同。原來大紅袍用紫砂壺同香片用焗盅或者瓦壺。 唔係有職員教導根本上真係唔識， 但係最重要嘅，原來係入面上面有一隻叫茶寵， 係隻小豬仔， 真係一隻好可愛嘅動物，我見到職員仲會搵啲茶去淋佢 好似餵嘢佢食咁。專人教授如何開茶，重點7泡茶岩岩好。小小茶食普通野。嚟到飲茶， 最重要就係環境，環境夠曬清靜，又夠曬方便，三五知己嚟傾偈真係一流。

品茗是一門學問，需要耐性及知識。我對茶毫無認識，我們到這裡單純地因爲我們想到一個寧靜的地方歇歇。這裡的環境很舒服，感覺很優雅，我踏進茶館後，便自然地放低聲浪。茶館同時出售茶具及茶葉，有的茶具價格不菲，但入門用具價錢亦不算太貴。我雖暫無學習品茶的意欲，但我發現原來品茗並不是我想像中的昂貴及遙不可及的。我們點了一份$ 228 的二人套餐，包括1份密云龍大紅袍（雅鮮醇）及1份玫瑰花茶。店員為我們簡介一下餐單上各種的茶葉，並幫我們開茶。店員有推銷一下品茗課程及包場資料，但沒有硬銷。店員說開茶開得好的話，茶便不會苦澀。第一泡後，我們多泡了四至五次，茶都沒有變得苦澀。大紅袍（雅）的味道甘香，比較適合我們這種第一次品茗的人。至於玫瑰花茶，這個份量足夠沖兩至三次，而用剩的玫瑰花可以帶走。我大約用了五至六朵玫瑰花，泡出來的茶已經香味十足。我對品茗真的沒有太多認識，但這裏的環境的確無可挑剔，十分適合聊天。

香港人生活忙碌，假日應該要放鬆一下，減減壓。所以上星期放假，同朋友去了鳳凰茶苑享受了一個寧靜又悠閒的下午茶。茶室擺設古色古香，而且攞放了很多植物，一邊寧靜品茶一邊跟朋友聊天，可以忘卻煩惱，心境變得很寧靜。我同朋友選了二人套餐，包密雲龍岩茶，正山小種紅茶及一份茶食。我倆都是第一次去茶室品茶，男店員非常有禮，為我地示範一次。先將滾水冲洗紫砂茶壺、茶杯及玻璃茶具。然後把密雲龍岩茶放入紫砂茶壺中，再倒入滾水，第一泡作洗茶之用，之後焗一會兒就可飲用，隨後每一泡的濃度會有不同。很喜歡密雲龍岩茶，味道比較清，適合初次品茶的我。跟住泡正山小種紅茶，茶味比之前的密雲龍岩茶稍濃，朋友喜歡這個。