鳳城酒家 (已結業)

屋企人同我慶祝生日，我指定去鳳城，而且仲叫細妹一早訂定個西米布甸。生炒骨- 冇上環個間咁好食，唔夠脆，好失望。家鄉生魚卷-係上環食過桂魚卷，所以今次叫生魚卷，雖然比桂魚卷平，但係我覺得生魚卷好食d，起碼魚肉冇桂魚咁諗。銀芽瑤柱炒魚肚-食唔到有魚肚，反而薦底的薄脆就好多，不過雞蛋、銀芽、瑤柱一齊炒，又幾好食，就其是D雞蛋，炒得唔會老。生扣白膳煲-炆得幾入味，不過老豆話佢d膳唔得。乳豬生腸併叉燒-係老豆點名要叫的，不過叉燒係我要另加的。我只食了叉燒，雖然係瘦叉，但d肉質尚算鬆化，唔會好實。而佢o地話d乳豬唔係好掂，d乳豬皮唔脆。粉絲雜菜煲-幾大煲、幾足料。鳳城炒飯-與楊州炒飯沒有分別，雖然炒得唔油，但d飯就好腍身，唔夠爽口。西米布甸-我覺得今次唔夠香，可能焗得唔夠火喉，如果再焗耐小小就更加好。之前有幾日冇啖好食，諗住一返到o黎食番自己鐘意d野，點解有D失望tim，不過能夠同屋企人慶祝都係一件開心事。

早一輪和幾位好友食晚飯,品嘗美酒之餘,也食一些招牌小炒.比較深印象是炸子雞,經過”滾油”的洗禮,依然皮脆肉嫰,一點也不老身.招牌菜的確無花無假,真功夫.另一個招牌菜炸蟹拑,因為忘了訂,緣慳一面.豉椒鱔片,夠火喉,很鮮味,很出色.份量唔少,會再食的.傳統的燒味拼盤,送酒一流.來鳳城點會唔食焗西米布甸,要了一客,很飽的我也食了2碗.

今次黎係因為未食過炒鮮奶，診生日特地前來試下既1)炒鮮奶，好似炒燉奶咁，不過係鹹既，都okay好味2)炸子雞，炸過d肉都仲保留到滑，不錯，第一次食炸子雞要加檸檬汁，幾特別3)西湖牛肉羹，沒什麼特別，我朋友話麻麻地，可能我地應該叫粟米羹會好d個日係星期六好多人，最好早d等定位

有朋友提議黎食飯, 原來自己上次黎已經係一年前了, 正好試試有無走樣先.炸子雞—招牌菜, 皮脆, 有雞味, 印象中好似無乜其他地方, 有呢度咁抵食同好味.金銀桂魚卷—唔係好多地方有, 魚肉幾嫩滑, 魚肉片入面捲著崧子, 自己覺得油左D.蒜片炒牛柳粒--呢味唔掂, 牛肉被梳打粉蹂躪, 可以不叫.燒味拼盤(中)-- 最正係乳豬, 皮好脆, 肥而不漏, 平時少吃乳豬既我都食左好多~~豉椒爆鱔片—一放入口覺得好香豉椒味, 鱔片亦唔會好似一般食肆咁上左厚粉泡油, 食落鱔肉比較腍, 自己幾鍾意, 不過都幾多油.西米焗布甸—同上次一樣, 未上檯之前我都擔心食唔落, 但上檯之後唔駛好耐就清晒, 咪就係好味囉~~個人認為小炒菜式一般略為油膩, 不過舊式酒樓似乎都係咁, 而呢度做得唔算嚴重, 而且幾抵食, 依然值得繼續捧場.

茶位每位＄７，　芥及花生一圍得兩碟，　每位亦收＄７．合共＄１４每位．食物一般喇．．．．．

舊同學聚會, 擺明會好多野講, 所以一定唔會揀d "趕客" 既食肆, 之前成日去泉章居, 所以今趟選擇鳳城是也, 見呢度好多朋友推介乳豬, 所以點左一碟, 確實夠薄夠脆, 不過唔係好大牒..幾分鐘被搶略一空, 咕老肉, 肉質好好, 肥瘦適中, 口感唔錯, 再來一革黑椒牛柳...嗯...好普通, 牛肉好似用過鬆肉粉...然後一個雜菜煲, 我都問朋友整咩鬼要呢個菜...非常普通, 一堆菜..仲好明顯冇咩點洗過, 唯獨煲下面既蝦米最好食, 之後上一碟炸子雞....唔好食....冇雞味既...原來朋友前一日訂左個布甸...飯後上, 熱辣喇..好香蛋味~~不過好飽肚, 不過都懶理~~照食可也~~總結...真係唔算太好, 普普通通...如果我選..我比較喜歡泉章居多d~~最好笑呢...我食得比較慢...大家都食完, 檯上面得返一牒送, 一件雞...BUT!!! 個姐姐為左上個布甸...囉走左碟雞!!!!!!!!!! 我半碗飯呢????? 勞鼓油是也~~~ =_="

除了最新開的禮頓道鳳城，幾間同名店都算幫襯過，呢度更是十幾年底開始來吃。無論主理人背景如何，幾間的水準都有番咁上下的。曾拍檔過的三色國朋友訪港，當然要一盡地主之誼帶佢地周圍行下食下，星期三就齊齊去呢度食番餐。星期三，人客很多，也好彩是訂了位，如果就咁來到恐怕要等一陣至有位。一行四人，叫不得太多菜。要了順德魚肚羹、乳豬併豬腳仔、炒鮮奶、生炒骨、炸子雞一隻同蒜子浸菠菜。魚肚羹是不是順德特色就唔知，但味道也算不錯。材料幾豐富，不太稀，金華火腿亦起提味的作用，一人分得兩碗左右，不錯；乳豬併豬腳仔要了小的，乳豬非常有水準，暖暖的，皮脆，肉亦美味，很快就清了碟。豬腳仔炆得美味又有咬口，係送啤酒的良品，如果在這裡吃燒味，呢兩樣都不容錯過；炒鮮奶是功夫菜，好睇廚師的功力，是晚的較為杰身又「立」口了一點，但一樣的奶香十足，加入菘子又夠香口，鬼佬食得好開心，都有水準；生炒骨賣相對辨，排骨舊舊漲鼓鼓的，看樣子似不錯。套用Olivian的生炒骨標準，是吃過夠脆口，不過得個酸字，完全唔夠甜味，亦有骨落地，如果甜一環可以做得好就滿分；炸子雞是鎮店菜，仍舊的皮脆肉嫩，好有水準，唯獨是隻雞肥了一點，不過洋人們已吃到直

阿叔個女擺彌月宴，我一時糊塗，唔明白點解阿叔要搵間咁殘舊的酒樓，但當上菜時，我才發覺依間酒樓是出名已久的！乳豬燒得很香口，又不覺得很肥，還有很多肉，同出面食的味道與口感有很大分別；至於馳名的蝦多士，蝦肉爽口彈牙，麵包炸過都不覺得油膩，好味！另外，雞燉翅，味道清甜，很有雞味，而翅的份量十足，絕無偷工減料的情況發生，最後要提的是美點雙揮，貌相別緻，而红豆沙很好味，連我平日唔食的都還想添加！其他菜色味道一般，豆苗油多，炸子雞很不好吃，但我已心滿意足了，一道飮宴中，很難找到幾道好的菜色！

最近忙於完成私房菜DVD,電腦也用不到,要到今日才有時間寫.1月27 日,是我的正日生日,在網上很厚面皮的告訴他人,好在也得到好多回聲,真的多謝各位,謝謝!當日本來打算出街食,但最後還是買外賣回家食,我去了旺角鳳城酒家買.有乳豬叉燒- 乳豬皮脆,幾好;叉燒就廋了一點,但味道唔錯.蝦多士- 送酒一流,我最喜歡的一味.生菜包鵪春鬆- 味道好好,但對我們兩個人就真是太多了,所以吃不完.炸粉果- 淨食,放湯食,口感好唔同,幾特別.又是我所喜歡的.之前在蛋糕店買了幾個mini蛋糕仔,作為飯後甜品.我們開了兩支酒,一支比較貴的紅酒,一支飯後甜酒.

炸魷魚鬚的味道似炸蟹鉗，吃不到魷魚味，又硬到死，很難咬開，價錢又很貴($3X)，不抵食！蝦餃都幾新鮮，但太淡。山竹牛肉的味道十分普通。

20041223 8pm10人生日飯, book o左7.30pm, 8.30pm o的人先到齊, 個場超爆, 好彩有幾個人準時.因為席間人無乜人o黎過鳳城, 我發版, 主要都係叫o的出名"店自慢"菜式.10人吃- (希望無數漏)1) 乳豬拼生腸- 中size, 乳豬激讚! 同一般乳豬分別係切法同醃法同街外燒臘舖唔同, 肉部份會較多, 同埋唔會死鹹. 好正, 清晒碟.2) 蒜蓉炒菜心- 不知何故只係上個勁的式例牌size, 盲o既都睇得出要加大o架啦, 10個大人幾個大漢o黎wor, 不過係幾好食, 菜心新鮮爽甜.3) 瑤柱扒豆苗- 一般.4) 炸子雞- 全隻, 唔得, 跌watt, 雞肉唔夠滑兼無乜味.5) 桂魚卷(預訂食品) - 食係幾好食, 但條魚份量太細, $90蚊條魚, 荷蘭豆就多. 6) 蝦多士- 其實油得很, 我麻麻地, 不過見大家無食過就叫一個咁解je.7) 炒鮮奶- 激讚! 本來我係唔食炒鮮奶呢o的怪味少少騷食品, 但係呢個真係得, 我追住食!!! 滑漏兼奶味唔會過濃, 好掂, 諗起都仲想食.8) 生菜包鵪春鬆- 唔洗講野, 得, 生菜要再order 多碟先夠分.9)

一行三人，點了：脆皮龍崗雞（半隻）：皮脆肉香，有水準；窩貼蝦（10件）：即蝦多士，不大油膩，易入口，一定要趁熱食；竹笙扒芥蘭：竹笙比較韌，但芥蘭甜軟；桂花魚卷：像炒桂花翅，但當然便宜很多，不算油膩，毫無腥氣；揚州炒飯：比較乾，但用料足，多蝦仁，份量不小；焗西米布丁（小）：一定要試，表皮略帶「煙韌」，不太甜，蛋黃心和蓮香很香。整體而言，很有家常菜的感覺。本來想吃的蝦子柚皮和荷葉飯都沒有，失望。冷氣比較大，菜一定要趁熱快吃，畢竟這裡的菜多是油炒，冷了易生「益」味。坐位比較窄，侍應服務不過不失，但所謂的「非煙」跟吸煙區僅兩尺之隔。最好一天前訂座。

晨早折騰一番，獎勵大家齊齊到太子鳳城嘆番個午市茶先！點心款類小（還是上次早市較多），煎炸物卻源源不絕，也吃了很多，為了填飽大家肚子趕上班，叫了鳳城炒飯，跟龍江雞；炒飯一般，嫌涼了一點；雞跟上次比較，水準稍為退步。是日多款食物中，我最捧場是尤魚鬚和蘿蔔酥，較為好味；但蘿蔔酥嫌未夠燙口、鬆脆（依稀記得南北和小廚的蘿蔔酥燙爆，外皮也很鬆脆）。是日遭遇給我留下它少少的壞印象，首先是同檯之食客，「炒粉柯打」被催單遲遲還未到，氣得要取消。難理人家的事，只顧吃，見新鮮出爐叉燒酥賣相討好來一客，同行之友人亦大快朵頤，輪到我吃的時候，留意到叉燒酥碟上有隻被烘得脆脆的「小小強」，隨即展示給經理哥仔，二話不說（似是見慣場面）「清理現場」，同檯之食客跟我們一樣也感無奈，因為大家也吃過。

慶祝長輩的生辰,把預先和版友們的北角鳳城約會都推辭了.豈料和家人商議慶祝地點時,無心的一提旺角鳳城,又成了慶祝地點,一向在家中沉默的我竟成了慶祝會的籌劃人.早一天預訂了八人大臺,約莫七時半酒樓已幾近滿坐,等了十分鐘才安排入座;看了餐牌套餐再比較自己預先設定菜式,點了一個八人餐再加兩個小菜和兩個預訂的甜品。先來了鴻運乳豬件,乳豬件外皮香脆肉滑,而伴碟的叉燒,小腸同樣討好; 金銀桂魚卷,魚卷製作精緻,但魚肉鮮味略為失色; 沙律鍋貼蝦,沙律鮮果味,多士底鬆化香口; 炸粉果配上上湯亦十分精緻,炸粉果外皮香脆而薄,蝦肉餡料亦爽口鮮味; 清蒸海中斑,剛入單時已拿了活生生的海鮮來桌前過目, 只一剎那間又收回廚房,幸好一位有釣魚經驗的長輩,眼明手快的判斷了是一斤半以上的蘇眉,蒸起來肉質香滑討好; 竹笙抓時蔬,竹笙本身鬆軟幾近夾不起來,而時蔬則用上芥菜亦甘香可口;再來的是招牌脆皮炸子雞,皮脆肉滑鬆軟,水準之作;排在餐單第二位的雞燉飽翅仔,在上甜品前才上檯,幸好湯味清香,一梳梳的魚翅仔雖幼細但討好;預訂了的焗西米布甸, 熱騰騰上台,味度香濃只是略為偏甜,口感方面比較稀薄西米略嫌不足,個人還是比較喜歡結實一

今睌一共五個人去了旺角鳳城食晚飯,睇黎同上環果間有冇分別.我地叫了套餐,有雞燉翅,乳豬拼生腸,炸子雞(本來係鵪鶉崧但係我改),桂魚卷,桂花魚肚,仲叫多一打炸粉果,同埋送個綠豆沙.雞燉翅都有D排翅,不過好細排.乳豬一般,但生腸就幾好食同有嚼頭.桂魚卷同桂花魚肚都幾鹹,味道冇講得咁好.炸子雞D皮幾脆,不過炸得唔係幾熟,唔及得上環鳳城咁好!個炸粉果就真係好掂!脆卜卜又夠熱!綠豆沙就一般貨色.整體上食物都算OK,不過地方就好逼.另外可能因為全場滿座.D侍應都唔得閒招呼,同埋個廚房烹唔澈!我碟炸粉果就足足等成半個鐘先至有得食!仲有個芥同埋碟酸瓜係每位收錢,我就要成80蚊!就算唔使茶錢計埋都好貴.寧願每位收茶錢好過,起碼均真D,好過唔清唔楚咁!