鳳城酒家 (已結業)

原意是去泉章居，最後轉移陣地改旺角鳳城，主要是上次在銅鑼灣鳳城，食唔到金錢雞，老豆好不甘心，佢一早命令我要預訂金錢雞及焗布甸。原意是去泉章居，最後轉移陣地改旺角鳳城，主要是上次在銅鑼灣鳳城，食唔到金錢雞，老豆好不甘心，佢一早命令我要預訂金錢雞及焗布甸。第一道菜是已預訂的金錢雞，一上枱 已覺得好失望，一碟例牌$120有十幾件，第一眼好難分得清雞潤、肥膏、叉燒，三者都是薄薄的，食落時一片片夾起，才可知道是什麼；而且兩件才等於得龍一件的size，味道及買相真是與得龍實在差好遠。粟米魚肚羹-材料勁多，魚肚亦不少，所以飲完一碗都幾飽。生炒骨-記得舊年食過，水準唔得，今次再俾機會，這次做得唔錯，夠脆夠熱、甜酸味恰到好處。福建滑豆腐-出乎意料，豆腐十分滑溜，加了瑤柱，令豆腐有了種鮮味，用來送飯真是一流。生魚卷及炒豆苗保持水準。叫了幾碗白飯及牛乳白粥，白粥好綿，有點腐竹味，唔錯。甜品是已訂的焗布甸及奉送的綠豆沙，雖然兩款到是我至愛的甜品，味道實在太甜太甜，每款我只食了一半已投降。因為唔駛我錢，所以埋單唔知幾多$$$。

這牛乳是順德大良（即鳳城）的特產,其性質和西方人芝士的製作是差不多的,原料一定要用較杰的水牛奶,放在淺的木橂中,加上少量醋,混和之後，用手指壓下,原本是液體的牛奶便立刻凝結成一片，把它剥下，浸在濃鹽水中保存，經久不壞，食用時可取一片放在熱粥上，便即時溶化，散出咸香的味道，有益正氣，是我們順德郷里的至愛，以前生活水平低的時候，要來送飯，也無不可．但郤未有試過甜食，想是一咸一甜，很難配搭罷．

真係圍圍一碟炸子雞, 仲有蝦多士, 桂花炒唔知mud, 都有好多人食。它的桂魚卷係好食, 不過唔夠廣州惠記的好食。又叫了牛乳白粥, 以為係甜粥, 點知係白粥加一片灑上鹽的大良牛乳, 撈落d粥度都好好味。個醎旦蒸豬肉就麻麻喇。唔知點解, 響出面食的蒸豬肉點都唔及亞媽蒸的好食, 唔係太乾就係冇肉味同冇咬口。隔離的生炒骨好香, 望落好似好好味。始終果句, forever鳳城炸子雞。可惜今晚西米焗布甸賣晒, 想叫紅豆沙又冇, 送既綠豆沙都殺喇。

新年時跟朋友在此吃晚飯，以下是評語:鳳城炸粉果- 味道很好，炸得好脆，加上另上的上湯浸一浸非常可口。椒鹽豆腐- 一入口居然發覺厨師忘記落椒鹽，而且採用軟身的滑豆腐，不適合用來炸，實在是失敗之作。大良牛乳白粥- 每碗只跟一片牛乳，有等如冇一樣。帶子炒西蘭花- 一般水準而宜，但不差。以前也來過幾次，價錢不平！水準又不穩定，印象分大打折扣！但侍應服務不錯！

Tried last night for Reunion cum sister birthday dinner.Environment : old style, no decoration and crowdedService : OK, the waiter and waitress are helpfulFood : 炸子雞- really good 鳳城炸粉果- OK 乳豬- good 雞鮑翅- 得啖笑, 不過200蚊是旦, 又come with 個餐\, 要食翅都係去金島燕窩 菜- 油, 不過份量足 生炒帶子- 一般, 無特別 壽包- appearnace is not good, but taste OKPrice : $730, 5 person, a little bit expensive for the environment.

外母生日，上星期三揀呢度慶祝。之前做過功課，睇過網友的推薦，所以事先order西米焗布甸，去到叫埋大良炒鮮奶、炸子雞(半隻)、生菜包鵪鶉鬆、糯米飯、鳳城炸粉果同大海斑兩味。可能我早(6:30)，客唔多，所以轉頭就差唔多上哂菜。樣樣都算令人滿意：隻雞本身已經夠味，唔駛點華鹽同豉油；布甸餡用白蓮蓉，感覺更好，係稍嫌甜；比較差係糯米飯，因為個飯應該唔係生炒；炸粉果亦普通，唔係好欣賞到浸一浸上湯食好處。可能我叫得算幾多，雖然碟頭比較細，但係我已經好飽。服務亦算唔錯，主動加水換碟，基本做足。六個人總共食$723，平均$120一個人，都算唔錯喇。

一行四人, 吃了:乳豬真的不錯, 很脆及不肥大良炒鮮奶, 正桂魚卷(唔太記得個名), 幾特別, 好味但都幾油冬菇'祝'生xx(又係唔記得個名), 幾好, 唔油西米焗布甸, 不如其他人所言焗得唔夠, 西米勁多, 布甸內的液體是蓮蓉, 味道好但蓮蓉少些可淡d唯獨有個扎馬尾的伙計, 叫mud都永無下文, 等了十多分鐘仍未有已訂的西米烔布甸, 原來單都未落.

雖然有兩層，但平日去都坐唔滿，係冇咁嘈可以傾計ｏ既酒樓。酒樓仍保留舊式設計，好多都係老伙計，手腳係慢ｄ但態度還可以。叫左兜翅：入面好多花膠，但魚翅就緊係少之又少～５個人每人都係分得一碗仔，咁就兩舊水。炸子雞：好大隻好好味！難怪依度ｄ食家都讚！一食就知唔係冰鮮雞～好多雞味。整得唔算油膩～個皮仲好脆添！生菜包：出哂名～又係必食推介！！蒜蓉炒豆苗：豆苗好新鮮，但係炒得好油囉。西米焗布甸：佢話平日要打電話訂先有，今日師傅整多左，問我地試唔試。於是就叫左～佢唔係每人一碗碗的，係一大兜。好多西米，好重蛋味，味道岩岩好～唔太甜又唔漏。飯後甜品推介！其餘叫左ｄ野都冇咩特別～５個人食左９百蚊。老字號不過不失啦～但個人覺得依ｄ真係去試一次就夠ｌｕ。

近幾年,沉寂多年的鳳城酒家忽然大興土木,連開分店,就算而家咁多間,真正鳳城酒家,只得太子同北角呢兩間.其他,只係分拆出黎的"偽君子".個人對呢一類老牌酒家情有獨鍾,屹立幾十年依然不到,一定有其殺著.求其講幾味,蟹肉扒菜膽,鴿子肉崧生菜包,蝦多士,炸子雞,松子黃魚,粉果,荷葉飯,炒桂花翅等.全部極度好吃.炸子雞金黃香脆,肉質嫩滑,荷葉飯充滿荷葉香味,粒粒索晒日月精華.松子黃魚其貌不揚,肉質,食味同外表成反比.蝦多士略嫌多油,不過呢d少少缺點,對我影響不大.講到呢度,開始肚餓,想食粉果,死火.......

大良炒鮮奶--師傅炒功一流，口感軟滑，無將d奶炒到老晒，不過奶味唔夠。上湯炸粉果--不過不失，唯一好處係夠香脆，但味道未能令人留下印象。西生菜包鵪鶉鬆--呢味本來唔錯，可惜生菜唔夠，令部份朋友無得包，只係做左鵪鶉。蝦子柚皮--柚皮無鐵青味，證明預備工夫做得夠，但蝦子唔香，間接令柚皮唔入味。燒味拼盤--乳豬最好味，皮脆肉嫩，而生腸亦做得爽口入味，其他就平平。家鄉生魚卷--用勝瓜炒而魚肉唔老，夾係中間既金華火腿亦係靈魂所在，今日首選。窩貼大明蝦--其實就係中式蝦多士，無乜特別。全隻炸子雞--炸得幾好，雞皮脆之餘肉亦嫩，而個雞籮柚亦好有味。金銀蛋莧菜--普普通通，勝多左蒜子。家鄉煎藕餅--唔夠多蓮藕，煎得唔夠香脆。西米焗布甸--焗得唔夠香，可以再焗耐d，但呢d懷舊甜品唔係度度有，而以前旺角蓮香酒家為最佳。海帶綠豆沙--煲到起沙，而海帶亦香，唯獨是臭草味唔夠，要扣分。蜆芥鯪魚球--將呢味放到最底唔係因為佢好食，而係佢又突顯左d老牌酒家阿姐有性格既一面，呢味菜上檯時只得9件，小弟借d意向阿姐投訴話唔夠食，點知阿姐自爆話應該有10件，咁我地好自然就起哄啦，點知另一位高級阿姐既解答妙到毫癲，佢話鯪魚

點心太少選擇啦！來來去去都係嗰D，又無特別點心，而且點心都唔平ga!叫咗：叉燒酥-- 好好好正，我次次都會食。個頂係菠蘿皮，鬆鬆脆脆，好好味！炸魷魚鬚-- 好粗好粗，炸得唔錯，唔會食到成口油！煎腐皮卷-- 好香，都ok 多蝦，但就夾有肥豬肉。牛柏葉-- 平平，無特別蒸鬆糕-- 唔夠甜灌湯餃-- 平平，皮都唔算好易穿，好有肉味冬瓜粒湯飯-- 見好多人叫先至叫ga jar，但好難食！淡，淡，淡，好淡！雖然有蝦、雞肉粒、火腿、豬肉粒、冬瓜粒，但D 湯一D 都唔濃，係用味精調出來的！服務又唔得，個個服務員都好似食咗幾擔豬油gum! 反應要快D先得gar!

上週六到旺角鳳城食晚飯，最後免費送一窩綠豆沙，侍應姐姐仲幫我地分埋入碗仔到。其中一個朋友首先發現佢o個碗有小強(細細隻），提醒我o地小心的，同埋最好唔好食。......跟住，我o地o係另外兩碗都搵到小強。即是成鍋綠豆沙都有la，各位小心!

早幾晚又在家食晚飯，當然要開返支紅酒啦，想來想去也不知去那裏買好，最後決定了來這裏買外賣。我們叫了半隻炸子雞、鳳城炸粉果和生菜包鵪春鬆。炸子雞- 外皮唔夠脆，雞肉比較韌，又沒有雞味，上次也不是這樣差的，今次真係唔知點解會差得這樣遠。下次真係值得認真考慮，還要不要這道菜。鳳城炸粉果- 炸得好脆，味道很好，加上上湯浸一浸，味道就更加好，而且沒有這樣熱氣。生菜包鵪春鬆- 鵪春鬆炒得好香，用生菜包起來食，又是另一種風味，作為送酒的小食，也是不錯的選擇。這裏食物的水準，時好時壞，難道要看廚師的心情？真係唔明。三樣食物，兩樣好，也算是這樣了吧！

今日繼續放自己一日假,朝早10:30同男友黎呢度飲茶,而家做緊優惠,11點前入單全部點心$10,$6茶錢.舊式酒樓要搭臺都預左,無咩所謂,我地叫左6個點心:煎蝦米腸,菜肉包,灌湯餃,鮮蝦腐皮卷,韭菜蝦角,黃橋燒餅.煎蝦米腸---一小碟,比一般腸粉份量小半,但煎得十分乾身及脆,吾錯!菜肉包---有個恃老賣老既阿姐兇神惡殺咁問我地果臺邊個叫左"雞包仔",我地當然話無叫啦!後來先發覺佢口中既雞包仔即系菜肉包.一籠3個,不過不失啦!包身蒸得剛好,夠軟熟.肉餡算新鮮.灌湯餃---一般!鮮蝦腐皮卷---一碟6件,炸得夠乾身,蝦粒及肉粒餡亦有鮮味.韭菜蝦角---一碟4隻,除左多左韭菜,食落同腐皮卷差不多.黃橋燒餅---一碟3個,果位恃老賣老既阿姐又亂咁叫問"邊個叫左豆沙燒餅?",我地話"我地要黃橋燒餅架喎!",阿姐聲大夾惡話"咁咪即系你地叫架羅!"但黃橋燒餅系咸架喎!蔥粒火腿餡,味道偏淡,外層吾夠鬆化.埋單連加一$80,今時今日咁既服務態度真系要反省下,舊式酒樓吾一定要比d咁差既服務客人呀嘛!

八位同事跟我歡送，選了這兒。埋單約$1,230，吃得飽飽開心滿足。泡菜：有甘筍、蘿蔔、青瓜，味道幾好。「叉燒拼脆腸」、「炸子雞」、「大良炒鮮奶」各點了兩客，兩個字：「美食」！「鍋貼蝦」、「大良野雞卷」，油炸食物好香脆，但師傅滴油功夫麻麻，口感過膩過油膩！「炸粉果」好味，正過「采蝶x」十倍。「大班兩味：絲瓜炒球、香菇腐竹炸班片」嘩！簡直係油泡班球、油燜班片，班片雖鮮美但必須過熱茶，否則拉肚子。「蝦子柚皮」鮮甜無渣，跟老爸所作的不相上下。蝦籽量多到令人感動流涕（笑）！還有，一碗「白飯」、三碗「牛乳白粥」。後者，每碗僅付上只有一片牛乳片，到喉唔到肺。另點了罐裝「橙汁汽水」一罐給ABC 同事。一客細碼「蓮蓉西米布丁」，唔夠火喉，表面唔燶，中間偏流質。六十蚊一客。白白浪費！還是那免費的「海帶綠豆沙」，大方地整鍋上枱，絕不小氣，海帶量多，正正正！