鳳城酒家 (已結業)

昨天我和三個朋友第一次來, 點了炸子雞, 炒鮮奶, 雜菜煲, 焗布甸, 那個雞不嫩, 鮮奶也不特別, 只有布甸比較好只有一樣幾好, 就是免茶及送糖水! 但價錢不便宜

在金都Quick scan一輪,也有不錯的收鑊(唔係我).下一步,當然要搵地方晚飯,身處太子吃中菜,鳳城可以話係鐵膽,其他的只能做配腳.起碼對我而言,一超過三個人,要在太子吃中菜,一定會係鳳城,人地問到,我都會比呢個標準答案.最重要係,位置在正金都隔離,近地鐵站,合晒大小姐要求,又唔使老人家行多兩步.呢個安排,對方當然沒有反駁之餘地.周六夜人頭擁擁,幸好之前上來留左位.否則真係有排等.綜合兩母女的口味之後,再係咁意瞄一瞄菜單,三個人,四味搞掂.吃多味都吃力.炸子雞半隻,吃過咁多次,依舊出色.炸子雞係貴店之名菜.雞用鮮雞,肉質嫩滑有雞味.外皮炸得香脆,皮同肉之間的脂肪,對一個愛肥雞的人來講,吃得滿心歡喜.上湯炸粉果半打,粉果皮炸得鬆化,一放湯,五秒之內,在沙沙聲之間,已經極速變淋,個人都係愛吃未放湯的炸粉果多一點.老人家唔吃得蝦,窩貼大明蝦無得諗,要個桂花炒魚肚算數,魚肚很爽脆不過淋,有瑤柱,芽菜,蛋絲,火腿,夠大堆頭,蟹肉扒芥菜膽.蟹肉即拆,啖啖肉很新鮮,菜膽唔苦無渣.很清甜.個人覺得水準依舊,但兩母女異口同聲覺得菜式味道偏咸.服務麻麻,一向如是,大小姐唔同我,對服務,還是有點要求的.

1/9 (星期五)兩個月前同朋友在黃埔鳳城飲茶,見到餐牌介紹很多特色菜,於是相約下次飯局就來這裡,不過見到很多食評說旺角這間唔錯而且開業年資較長,昨晚終於約實來這裡食晚飯.而我一早已訂位同時亦預訂了金錢鷄,西米焗布甸.今晚一行十一人點了以下菜式:炸子鷄一隻($180),大班兩味($188) ~ 家鄉炒班片同枝竹炆頭腩,鍋貼大明蝦($110),金錢鷄($120),蝦醬通菜炒牛肉($60),蒜蓉炒西蘭花($60),椒鹽鮮魷($68),西米焗布甸($80).綜合各人意見:招牌菜炸子鷄~確實皮脆肉嫩,但不至於是只此一家最好的,金錢鷄~算是見識一下懷舊菜,都幾好,其中一位朋友特別欣賞,大明蝦~炸得夠乾身,不會油淋淋,椒鹽鮮魷~炸的功力適中,外脆內軟,另一鎮店之寳西米焗布甸~都好味但有些人覺得偏甜,其餘小菜一般酒樓水準,有些更認為大排檔都比它好(因為看看價錢同份量).今晚除了炸子鷄,金錢鷄,大明蝦,西米焗布甸,其他菜式份量真的好少,我們覺得價錢同份量不成正比,而且小菜價錢偏貴,啤酒都要$18/pc,由於今晚男士居多,都要了幾碗白飯,連汽水啤酒結帳共$1263,總結就是大家都認為試過就算.

周末專誠和家人來試. 約十一點半上到黎,一樓有推車仔點心,但已滿座,上二樓,仲有好多吉,但只有tick點心紙,無所謂. 四個人叫左三個點心:燒賣－－ok蘿蔔魚餅－－普通，可以不叫灌湯餃－－個湯幾清，見到吾少火腿絲．　另叫左：清炒菜心－－菜心好靚炸子雞－－有失望，都係雪雞，無咩肉味，層皮都炸得好靚，但我無食鳯城炒飯－－其實係雜錦炒飯，配料有叉燒，蕃茄之類，　　　　　　嫌佢太複雜，亦吾夠乾身．　到十二點半，已全場爆滿，可見呢度有吾少捧場客，下次會再黎試其他點心．　　

高山小組聚會, 弟兄J強烈要求不能過海, 大家又要一張大枱交通, 終於都係翻抄鳳城.一行十六人, 直上三樓, 坐落未算太迫, 好過坐二樓, 但聽對面講嘢, 仍然困難. 都係食咗先講. 跟KC兄學嘢, 先出去同經理定菜單, 唔好超出預算.返番枱同大家講菜單, 當然無反對. 大家都係信哂我.乳豬拼生腸($150中): 8分, 乳豬皮幾脆, 一食兩舊, 正! 生腸唔識欣賞.脆皮炸子雞($120一隻): 9分, 依然是城中三甲之一的炸子雞, 皮脆, 肉唔炸得老, 依然必食.上湯炸粉果($72): 9分, 炸得剛剛好, 淋湯食得, 剩食都得, 同陸羽一樣咁得, 弟兄C當仁不讓, 連下兩城, $48一打, 都係必食.窩貼大明蝦($160): 7分, 今次差一點點, 多士部分太燶, 蝦味道還好.大良炒鮮奶($68): 8分, 奶味濃郁, 炒得相當好生炒骨($56): 5分, 太多炸物, 食到有D怕, 生炒骨又炸得太勁, 唔夠酸. 麻麻.生菜包鵪春鬆($88): 8分, 另一招牌作, 鵪春鬆包生菜味道幾夾.福建滑豆腐($58): 5分, 唔鍾意而碟, 味太濃.紫羅炒鴿片($80): 6分, 鴿片不多,

蓮蓉包: 啲蓮蓉包好滑, 而且唔太甜, 但個蛋黃就麻麻地, 無油水, 不過都係我食過咁多次最好味既一個(平時唔太好)綿花雞: 好傳統既一個點心, 而家係出面都好少會見得到. 味道一般, 無話好特出排骨: 略為油左啲, 但係都幾入味豆沙角+咸水角: 熱食既話會好好味, 但係凍左就唔煙Un啦!! 前者幾好, 唔太甜, 後者就有啲肉粒係入面, 都OK义燒酥: 有啲菠蘿包既糖係面, 幾特別, 令到個酥好味左好多雞包仔, 蝦餃, 菜餃:無食到焗西米布甸: 果然係推介必食, 真係好好味, 好香奶味, 好滑, 幾淡就食晒. 最重要係唔太甜煎腸粉: 呢個就麻麻地, 好乾, 又硬, 但係見到咁多人叫, 仲以為好好味呢到係啲舊式酒家既格局, 每次出點心都要搶住拎, 令我諗返起細個飲下午茶既場景.

早排電視節目介紹這裡仲有”鐵片灌湯餃”(註:是本人自創的名詞,其實是舊式灌湯餃,即餃中有湯,一個蒸籠有兩隻灌湯餃,並不是現時的用盅盛著湯和餃)原來灌湯餃要落order,而不是由點心車推來賣的等了很久才上桌但大失所望,原來也是現時一般的灌湯餃兼且餃皮有怪味,唔好食!另外試了其他點心排骨-一般豆沙角拼鹹水角-豆沙角油了一點,但味道幾好,不過老爸話鹹水角麻麻煎腸粉-正確係油浸腸粉,極多油,麻醬和甜醬調很稀,唔掂同場加映:搭桌的婆婆點了雞絲翅,表示極鹹,非常不滿!

今晚一大班人黎食飯叫左生魚兩味,乳豬,炒鴿鬆等等全部味道都唔錯但全部食物都好油而且個炒生魚片較鹹幸好送既綠豆沙味道唔錯有d似玉葉既水準六個人接近八百蚊都算貴

跟老爸老媽補祝端午節，連女友和我，四個人到這兒吃普通晚飯。前菜依然係「廣式泡菜：青瓜、甘筍、白蘿蔔」，個人認為好過一般食肆提供的鹹到苦的「小魚花生」或霉霉的「滷水花生」。乳豬拼脆生腸：見燒臘部的生腸，隔著玻璃透出螢光橙色的氣勢，以及乳豬的脆皮誘惑，亦來一客「乳豬拼脆生腸」！乳豬唔算太肥，肉超滑，唔油膩，但皮超脆，讚！生腸的爽脆程度，跟「太興」有得揮。而體積亦較略粗身，正！炸子雞：一場來到，那有不吃雞之理！？於是點了半隻「炸子雞」。皮脆肉嫩是預計之中，當晚的份量比往日略多。甜酸咕嚕肉：天氣悶熱，點了客甜酸咕嚕肉。今次師傅作得幾好，粉唔會過厚，質感是脆，亦不會硬和「界」口腔。甜酸算幾似模似樣，濃稠適宜。大班兩味（紅燒班腩腐竹冬菇煲、西芹木耳炒班塊）：唔知點解，呢味係家人必點！味道唔係特別好，材料唔係鮮貨，價錢偏貴。不過都食左咁多年…！海蔘鴨掌煲：味道亦係一般而已！家庭飯聚的好選擇。另點白飯兩個。附送綠豆沙。埋單$650，OK 啦。

昨夜一家聚首一堂，一同慶賀母親節，母親提議到鳳城(當然係太子嗰間la)，我當然雙手雙腳贊成，我星期一就打電話去訂位，因為想一試佢哋嘅炸蟹鉗...到咗琴朝早當我打電話去confirm嗰位時佢哋竟然話無蟹鉗，令我嘅心情一下子跌進低谷...但當我去到落order時，部長又話原來有留俾我哋wor，心情登時立刻亢奮...一家十二口，可以差唔多叫晒所有想食嘅招牌菜，但好奇怪個部長猛sell佢哋D套餐，但其實我係想散叫，因D set入面嘅嘢唔係全部啱心水。但通常散叫都係貴過食set，我心想呢個部長真係"倒米壽星"..^_^終於最後我點咗十餸及一個dessert，真誇張^_^1)乳豬拼生腸---鳳城名菜之一，最好食係嗰D生腸，既爽亦無任何怪味；乳豬雖偏肥，但皮脆，用嚟送酒掂哂；2)鍋蝦拼炒奶--- 亦係呢度名菜，鍋蝦嘅麵包(多士)炸得相當脆口，蝦亦十分新鮮彈牙；D炒鮮奶嘅水準反而有點退步，不夠滑；3)金錢雞--- 一個要預定嘅菜，亦係對所有要keep fit人仕嚟講嘅天敵。琴晚呢個菜嘅水準就俾我上次食差咗少少，件肥豬肉及雞肝薄咗，整件好似縮咗水，亦唔夠上次食咁甘香，不過呢D懷舊菜，有得食已經好好la.

這裡的炸子鷄是我吃過最好的,因為它達到食家最厭尖的要求,皮很脆,肉嫩滑有汁水,有鷄味,生熟程度恰當,個子又啱啱好,別處更好也只能平頭,未有比這店好的了,但這裡出名的食物如野雞捲,炸粉果,燒味等大多數徧油,怕肥的人,有些顧慮.

今晚同4個同事黎左呢度食飯, 我同另外一個同事大約7:30上左去先, 都得番2張細台咋, 如果遲多十分鐘左右上去就冇位lu.今晚叫左:炸子雞: 我既最愛, 上到去一定會叫, 皮脆肉滑炒鮮奶: 好好味, 其餘3個同事都覺得好食金銀桂花魚卷: 岩岩做緊特價, 幾好味, d魚好鮮, 有骨既部份就炸薑汁炒通菜: waiter介紹, 我都係第一次食用薑汁炒既菜, 薑味唔太重, 都係一個新口味半打炸粉果: 都係我既最愛, 皮薄多料鳳城炒飯: 好香, 雖然好普通既一個炒飯, 但係幾好味竹笙帶子羹: 麻麻地, 個羹好淡, 冇乜味, 可能我地鐘意d味濃既野, 呢個太清所以我地覺得麻麻.食完仲有個唔係太甜既綠豆沙送.講番個service, 好有老街坊feel, 個個都有講有笑. 8點半左右已經爆左場, 證明佢都真係幾得既.

幫襯過幾次,水準仍算保持到.炸子雞皮脆肉滑,正!桂魚卷仲係咁好味,頭同尾炸得岩岩好,鬆化得嚟魚肉唔會乾,但中間d魚片明顯少咗,唔通條魚瘦咗??鵪鶉鬆味道適中,不會太濃味,生菜的確好新鮮,再加d甜醬一齊食,好好味...上湯炸粉果本來是我最回味的其中一味,但今次唔知係咪我地一早就叫,覺得有好多隻都炸到好老身,感覺好似番炸咁(但後來見到隔離枱嗰碟真係靚好多,金黃鮮豔,視覺一流),d上湯又太淡,同上次嚟食差好遠!!!椒鹽豆腐唔錯,外脆內滑,口感唔錯,蝦多士第一次食,個人覺得ok啦!上次叫清菜時,覺得太油,今次要上湯浸,的確唔錯,唔喜歡太油的朋友記住啦,mud菜都可上湯浸架..到至愛的布甸出場,可惜今次焗得唔夠金黃,否則層皮會更甘香,大家都覺得甜咗少少,如果淡dd就更正!!!最後食埋送上的綠豆沙,臭草味好香,煲到起晒沙,甜味剛剛好.唔錯~~8個人食$800有找,個個都好飽,算抵食

小菜o既標價無疑係貴o左d，但見佢咁有名，好似應該點都要試一次。禽晚就試了。個人覺得好味，份量亦夠。叫o左大良炒鮮奶同海鮮豆腐煲。都在水準之中。預訂了西米蓮蓉布甸，果然名不虛傳。好好味，三個人清晒一兜。熱o既布甸第一次食，原來咁好味，到今日仲好回味。但無送綠豆沙/糖水比我o地，係咪因為無叫套餐o既關係？

老友生日，在這兒吃了一頓經濟壽宴。十位成人，一位小孩，埋單$1580，飽餐一頓，抵！先吃一件「廣東泡菜」（圖示），有甘筍、白蘿蔔、小黃瓜。芥醬是兒時常見的「黃拼橙」。先來一碟「乳豬拼脆生腸」，乳豬皮香脂滑肉嫩，生腸爽脆得沒話說。必點！沒有點什麼名貴餸菜，倒是招牌菜點了幾款：炸蝦鉗（$38/隻；六隻）：因有人唔「好」，只點六隻，三十八蚊隻都幾貴，但足料，炸功出色，就巳經係「物有所值」。（兒時飲宴的例牌菜式。）炸子雞（$198/隻；兩隻）：這是這兒的頭號招牌菜（紅牌亞姑）！我們幾個大男人都愛吃炸雞，故點了兩隻，過足口癮。皮脆肉嫩，夠大隻，好肉地。配啤酒，絕頂享受。椒鹽鮮魷（$60）、椒鹽炸豆腐（$58）：這兩款炸物都超正。店家在炸前的醃製工序做得幾好，加上炸功了得。為這道平凡食材增值至爆燈！必試！上湯粉果（$48/打）：這兒的餡料較坊間一般廣東館子略勝，炸得亦較似模似樣。貴為招牌菜，建議一試。被炸得興高采列同時，都點了三款普通餸菜，點綴一下。大班兩味（$198）：兩味是「枝竹炆班腩」、西蘭花炒班球」：一般酒樓質素。非翠帶子蝦仁炒西蘭花（$90）：都是一般酒樓質素。生炒骨（$58）：全桌最差