鳴門魚市場居酒屋 (已結業)

朋友介紹呢間日本餐廳刺身壽司好新鮮，今日一於嚟試試．原來外賣仲有8折。可以買返屋企慢慢嘆。「炙帆立貝左口魚裙邊黑松露沙律」足料嘅新鮮沙律，原粒帶子同左口魚配搭埋一齊，好好味。「芝麻雞翼」拎到返屋企仲係脆卜卜，小朋友超愛，仲叫我下次買多D。壽司同刺身都有驚喜。因為本身我對唔新鮮嘅生蝦敏感，通常食完個咀又紅又瘇又痕，好難得今次比我遇到呢間食完 無敏感嘅生蝦，仲要超大隻，好新鮮，已經列入咗我未來嘅指定餐廳喇😋蟹肉壽司 又係值得推介，香濃蟹肉味。重點係即叫即整，質數同味道比起一般連鎖式壽司店 超卓好多呢👍🏻👍🏻👍🏻

呢間位於旺角既日式居酒屋, 係疫情既關係之下外賣都有特別既優惠!! 最多係有半價就食到刺身壽司, 所以性價比真係不錯的軟殼蟹牛油果沙律牛油果沙律上面有一大隻的軟殼蟹, 香脆而且很健康, 好岩做前菜日式炸雞呢個真係要襯熱食先係最好食, 點埋沙律醬個味道甜甜的口感不錯赤海蝦刺身(2隻)超超超大隻的海蝦, 鮮味十足三文魚刺身(4片)厚切的三文魚刺身, 三文魚味濃而且厚切所食既口感味道極佳!!嗌左唔少既壽司鵝肝壽司(1件)必食推介!! 上面鵝肝暖暖的, 入口即溶吞拿魚腩壽司(1件)極濃拖羅味的吞拿魚腩, 雖然唔係厚切, 但係甘香味道一食就知係靚拖!赤蝦壽司(2件)超鮮味, 比起赤海蝦刺身更好吃, 食到咀巴滿滿的!! 正

香港人不嬲都鍾意食日本嘢，行街經過見到外賣自取8折，一於買返屋企試吓！名古屋芝麻雞翼(3隻) ($50)雞皮脆卜卜，入口辣辣地，香口惹味。炙帆立貝左口魚裙邊黑松露沙律 ($68)沙律色彩繽紛，未食都覺得開胃呀！帆立貝厚身，加咗黑松露好香，左口魚裙邊經火炙後油分豐富又嫩滑，沙律爽脆酸酸甜甜，口感味道豐富！赤海蝦刺身2隻 ($58)赤海蝦蝦味突出，蝦肉爽甜，好有膠質。三文魚刺身4片 ($58)三文魚片片厚切肥美，口感爽滑。食日本嘢又點少得壽司呢！海膽壽司橙黃色嘅海膽味道鮮甜，質感細膩，入口即溶。火炙左口魚邊壽司經火炙後逼出魚油，入口油潤嫩滑，滿口脂香。鮮貝柱壽司鮮貝柱厚身有彈性，味道鮮甜。

食日本居酒屋都貴貴地，呢個2人餐真係抵食$338好食野食。前菜有湯，三文魚沙律，刺身，主食我哋揀咗鯖魚，炸魷魚，小小地既刺身丼，最後我哋揀牛肉鍋。個餐好有誠意，每樣份量都好足牛肉鍋唔會勁多菜真係好多肉俾你。又好食又平，重點服務好好，每次我飲完杯茶好快就會有人黎斟茶

生日月份，朋友們帶我去吃日本餐。旺角地點夠方便，於是便決定試這間。刺身新鮮，每款三塊，油甘魚油香四溢黑松露左口魚沙律，想不到黑松露配左口魚是一絕侍應大推白玉米，嗯，我們不太懂得欣賞了我很喜歡吃清酒煮蜆，蜆夠鮮甜，我還狂喝剩下的清酒海膽玉子燒，配上芝士，熱吃很好吃！芝麻雞翼，正常，香脆可口松露燒帶子，正常芝士焗蠔，到底我們叫了多少東西。。蠔大少正常，不會燒得乾，配上芝士，十分不錯左口魚壽司，不要叫，不好吃但海膽丼，必吃！！！大推！啖啖海膽，沒有藥水味，甜甜的海膽，口水又流了！清酒有特價，不會喝到全是辣口的酒精。是難得好喝的清酒食得飽飽的一餐，開心又滿足。

平時去旺角東都會經過好多次呢間餐廳，行人天橋一落去就係，非常方便。今日終於可以試下呢間餐廳啦。我地4個人安排坐的位尚算舒服，冇限時數食野，傾計好舒服。今次每個人叫左一個主食同埋一個小食，小食的質素比主食好！小食:1.芝士焗蠔芝士份量好多，焗蠔上面估唔到有海膽，不過海膽唔算特別新鮮，反而蠔焗完唔腥，值得一次！主食﹕主食方面有唔同的set可以俾你揀，而且有麵豉湯、佐菜同豆腐送，價錢亦都唔算太貴。不過要留意麵豉湯好咸，我地飲左一半都唔飲。1. 原隻饅魚飯以$148黎講性價比唔錯，餐牌同現實係一樣，有原條饅魚，饅魚好大條，影相都影唔哂，而且冇咩魚骨，餐廳都整得好林。淋上饅魚汁的飯放係石鍋上，熱辣辣仲有飯焦，再加上好味的芝士，味道即刻好夾，係可以encoure的主菜。2.牛肉壽喜燒呢個比較失望，壽喜燒湯底比其他店更甜，牛肉冇咩特別，可以試其他菜。

🌟特盛海膽飯🌟 $238-----------------------------本身見到d相好期待 但結果失望而回海膽首先係無想像中咁多 個飯都係好細碗🤐最重點係 海膽唔新鮮呀 🤒D海膽ge口感好最大問題係 有腥味😲😲😲有d飯底痴埋一齊 黎個價錢完全唔值 或者之前$98 ge價錢都仲還可接受的🤕食物評分: 5/10-----------------------------環境麻麻 而且冷氣唔夠 環境: 6/10欠缺服務員 而且態度麻麻服務: 6/10------------------------------餐廳🍴: 鳴門魚市場居酒屋

12點開門，早佐唔會比入，唔洗早到一坐低，店員就上佐個前菜 (張圖我食食下先醒起要影相) & 茶同朋友2個人食，本身打算叫海膽丼 $108，但係見到A17餐(海膽丼 & 蔥拖羅丼) $128，有湯(夠熱)，叫呢個餐可以加炸八爪魚丸4粒 $15 (有其他款)另外，點佐個牛舌烏冬(牛舌都幾多片)，個餐本身就有金菇牛肉卷2件 & 三文魚刺身3片，就係呢2款小食吸引佐我，感覺上成個餐好豐富，大約$90-100埋單$235，唔洗加一，性價比高，會再食

鳴門真系要大大加分 因為佢收得夜 我同老公食有時晏左收工想去食壽司都有一個選擇 佢個芝麻醬豆腐沙律🥗系我每次一定會叫豆腐配麻醬根本系拒絕唔到 三文魚腩刺身 超級厚切 串燒雞翼同串燒和牛一樣燒得好香口好脆身清酒🍶煮蜆系我ge菜呀😍😍每個殻都有肉每粒都肥嘟嘟 飲二啖湯好暖胃 仲叫左一份燒三文魚🍣鯺 想食好耐啦呢間咩都有就啱曬 沙律🥗壽司🍣刺身 串燒 煮物 湯麵🍜 最後叫多個牛肉到庭烏冬就滿足曬 呢間仲要系良心小店！支持

本身同同事打算求其買個飯盒食就算點知行下行下，見到間鋪頭名好熟（因為銅鑼灣本身有間，點知執左笠，好傷心）跟住睇睇門口嘅大menu，真系之前食開石鍋魚湯烏冬果間呀所以即刻放棄飯盒，衝入去食啦有午餐餐牌所以暫時唔食石鍋魚湯住，下次晚餐再黎食過今次叫左雞扒拉麵再+$2轉烏冬（因為啲烏冬口感煙煙韌韌，完全唔系$20三包啲cheap cheap貨）湯底就豚骨湯啦，唔算太有特别雞扒方面就雖然浸左落湯，但都有些少脆皮嘅感覺配料方面就有蛋/芝麻/昆布

成日見到唔同social media推薦，今日行過終於見到少人啲所以去咗食。價錢冇話特別貴但冇我想像中咁抵食。海膽食品係我本身去嘅target，但未到宵夜時段所以價錢一般真係唔係特別抵。叫咗個鵝肝火炙飯同海膽玉子，味道都好好，份量都食得飽勁足料！所以相對地冇得嗌好多小食食，雖然小食款式冇話特別多。下次應該會等宵夜時段再去多次，試多啲唔同嘅嘢，三色海膽飯當然會喺bucket list𥚃面98蚊唔知有幾大碗呢haha

琴晚同朋友黎呢間居酒屋度食，大概夜晚10點左右入座，店員安排左門口位俾我哋。大概過咗一陣，我哋開始落單，落左單後30分鐘，我哋見啲嘢仲未黎，就問一問佢，結果原來係漏咗單😓但係重新落左單之後，啲嘢都好快就到。我哋分別嗌咗赤蝦海鮮丼、吉列白豚滑蛋鍋同埋鰻魚飯定食。海鮮丼入面嘅刺身望落去正正常常，冇乜大問題。吉列豬扒鍋定食，係成個鍋上，另配一碗白飯，個豬扒炸得都幾脆，個蛋就有啲太老每款定食都有配一碗麵豉湯同兩款配菜個鰻魚飯我就覺得有啲美中不足，首先係成條鰻魚上，冇腥味，個鰻魚都算厚，但係就唔太夠汁。另外有配蔬菜，個菜上面有芝士，都算幾好味同埋有泡菜，但係呢個就有啲多餘個飯入面嘅玉子都仲係流心嘅，而個飯就有啲偏乾身。同埋食緊嘅時候個鍋不停咁轉，但係個鍋又太熱，唔可以用手掂，加上佢配鐵匙羹，真係會熱到嘴！呢間居酒屋整體黎講都算唔錯，性價比幾高，又多選擇，可惜就係有啲美中不足。下次都可以再嚟食嘅！

今日下午走過旺角東站對面，諗住搵間日本嘢食，見到呢間日本野，魚生飯好像很不錯，就進去了。我們二人叫了一碗小的迷你吞拿魚茸丼，和一碗標準大小特上炙燒海鮮丼。餐前附上沙律，是我最喜愛的中華沙律，還有熱騰騰的麵豉湯。我們還追加了兩份壽司,午餐加$6就有。魚生飯及壽司的飯都很好吃,醋飯做得不錯。另外魚生也頗新鮮,是一個很滿意的午餐,尤其實惠抵食！我們吃完的時候剛好兩點多，聽到店員跟其他顧客說，原來兩點後入座還有八折！也看到有六點後的任飲啤酒優惠，下次會再來試試！

琴晚同老公去食左刺身飯，三文魚腩刺身，雞軟骨，啤酒，芥末八爪魚，今朝起身屙左兩次，個肚依家仲攪緊，老公都係，無下次。亦都勸準備黎排98蚊海膽飯嘅朋友要自己諗下了。點解要寫200字先比評分⋯⋯無嘢講了以數字湊夠。555555555555555555555555555555

返完工，約左朋友食個tea，開個圍爐大會，近近地簡左呢間日本野。咁啱下午茶時段，埋單有八折都算幾抵。 叫左個豬軟骨烏冬，湯底鮮甜，烏冬彈牙爽口，豬軟骨甜甜地好入味，又唔會un, 軟骨位都可以食埋。另外跟餐仲有三件壽司（三文魚，蝦，蟹柳），壽司就稍為弱。壽司飯底握得唔夠實，夾著有機會散開，魚生就唔夠鮮。餐廳裝潢不錯，店內都會播啲輕快嘅歌，能夠讓食客放鬆心情。不過上菜速度就可以再改善一下，朋友嘅魚生飯竟然比我嘅湯烏冬更遲上餐。但總括味道是可以的，會再幫襯。