鳴門魚市場居酒屋 (已結業)

今次去旺角找嘢食，經過旺角東站天橋對面的鳴門，門口的海膽好吸引，一於選這間。店舖細細，只有10多張枱，但環境也不錯，有魚生師父。首先叫超吸引的超值海膽。噢！原來只限星期一、二晚市供應，想食既要睇啱日子黎。叫咗一個鳗魚飯，一份刺身壽司定食。饅魚咬落啖啖肉，質感很口，鳗魚汁濃而带甜，好味，份量也不少，附上2件冇骨雞肉，只是$80，值得推介👍。刺身壽司定食有三款刺身，三文魚、魚各2片、甘蝦一隻，另外鰻魚壽司2件、三文魚壽司、北寄貝壽司各1件，加多2片玉子，全部都很新鮮，還有一小碗烏冬和麵豉湯，烏冬爽口彈牙，湯底清甜，100蚊有找，抵食👍整體來說，地方雖細，但食物新鲜，價錢合理，值得一去，我會再去試它的海膽是否超值。

海膽飯都係$38🍱(需要另叫多一款再加一)最近見到喱個星期一丶二先有嘅優惠😎當然唔可以單點個海膽飯，要加多一樣先可以order😬所以另外叫左個小吃🙈不過主要介紹當然係海膽飯，味道的確一讚，完全唔腥，而且味道濃郁👍海膽同飯既分量，應該有一比一，當然唔係大大碗😂不過呢個份量我相信足夠滿足一下口腹之慾😛唯一令我唔滿意，係埋單時，職員既態度，黑口黑面而且串串貢，短短幾分鐘本來由開心都變成失望地離開😞

#fridayla_mk⠀⠀⠀⠀⠀⠀⠀⠀⠀⠀⠀⠀⠀⠀⠀海膽有人中意食日本種，中意佢夠鮮甜同Creamy😳⠀⠀⠀⠀⠀⠀⠀⠀⠀⠀⠀⠀⠀⠀⠀不過都有人喜歡加拿大種貪佢啖啖肉，夠痛快😎⠀⠀⠀⠀⠀⠀⠀⠀⠀⠀⠀⠀⠀⠀⠀最近鳴門就出咗一個超抵海膽丼份量超豐盛，而且勁新鮮！大家真系唔好錯過！⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘快人快語💘💘💘 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣相比九龍灣店，旺角店整體環境喺比較熱鬧同些少擠逼，因為開喺旺角鬧市中，所以都情有可原，但勝在夠方便😳😳⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣(推介👍🏻)最正既系迷你海膽飯只賣$38，份量超多，大概有10塊加拿大海膽，勁滿足！不過留意，只限旺角店星期一及二晚市供應，每人限定一碗及需要惠顧其他食物方可使用此優惠。以及此優惠不適用於12月24、25、31，亦不設外賣。⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1⃣燒日本鱈魚乾💲48 (推介👍🏻)💭每次食都覺得好有趣💭好薄而且脆🤤🤤💭沾上沙律醬都幾開胃⠀⠀⠀⠀⠀⠀⠀⠀⠀⠀⠀⠀⠀⠀⠀2⃣松葉蟹肉蟹籽沙律💲58 (推介👍🏻)💭沙律份量好多，而且清新💭松葉蟹肉都唔

上網見到有人介紹呢度逢星期一二海膽飯都係$38，尋日放工就嚟咗試試。一入去見到個個都叫咗一碗海膽飯😂，意外嘅係佢哋海膽係大大條，絕對唔係放題見到溶埋一舊果款。食落好厚肉完全唔腥，雖然飯量唔算好多但都好夠飽，對於我呢個海膽狂嚟講都好夠食。另外仲叫咗鱈魚乾，鱈魚乾好香好脆🤩；玉子燒好香蛋味；仲有刺身都係大大舊同好新鮮。值得一讀係佢哋嘅職員服務態度非常好，同埋好體貼好留意食客嘅需要，令我成餐飯都食得好開心！

「鳴門魚市場居酒屋」是一間和式居酒屋，同時供應刺身壽司等美食。午市定食由 $54 至 $128 不等。「中華沙律」賣相普通，但仍能帶來一定爽香食感作熱身。「麵豉湯」口味偏淡。 「刺身拼盤」一客五款刺身，除牡丹蝦外，其餘刺身每款兩件。整體而言，各刺身以厚切處理感覺充實，鮮度不俗。或許凍櫃溫度太低，刺身食溫明顯過冷。要吃濃味刺身，吞拿魚屬不易之選。喜歡肥美甘香的感覺，則要吃劍身腩。牡丹蝦向來屬小編至愛蝦種之一，雖然肉質爽實無黏殼，但鮮甜味不足有點可惜。以八九十元的價位品評這份「刺身定食」，性價比合理，尤其滿意刺身的厚切安排，令食客有更充實滿足的感覺。

記得平時夜晚經過，門口成日都堆咗一班人係門口等位。今日下晝晏咗食嘢，唔駛等，直接入去。店員好友善，笑笑口咁，好難得。*餐廳環境如果滿座可能會有少少迫，卡座好啲。每人一小碟中華沙律，味道唔錯。感覺唔落粟米會好啲。味噌湯都係一人一碗。粒粒角切海鮮丼 $65海鮮丼份量好足，刺身多到遮住哂啲飯。三文魚亦肥美。面頭啲蟹子唔腥，好食！刺身壽司定食 $98刺身厚身，肥美無雪味。牛肉加蔥花 細細碗烏冬湯汁牛肉味再濃啲就perfect😋壽司🍣 仲有燒玉子追加咗吉列蠔 炸得好唔錯 推薦大家食 附上午市menu俾大家參考~~

今日約左朋友出旺角行街，就順便響旺角食LUNCH啦，好耐無食日本野，突然好想食魚生飯，朋友話有間佢食過唔錯。一於試試。泥到先發現，原來係呢間鳴門，成日行去旺角東站時都見倒，只係無入來食過。望左下個LUNCH MENU先，嘩都幾抵，大部分100蚊內，100鬆Ｄ仲有海贍帶子果類貴價野。好多款，最後簡左三色丼。先泥麵豉湯，好多料，不過麵豉湯都好難好味得去邊，都是普普通通咁啦。前菜係中華沙律，但入面有粟米粒，有d奇特。三色丼有三文魚帆立貝同蔥花吞拿魚蓉，三文魚唔算話好肥美，但幾新鮮，帶子幾甜架，有三舊，唔錯。吞拿魚蓉就好o岩撈飯食，不過最後都係食唔哂，因為份量都幾多。整體係新鮮好味，Lunch仲免加一，性價比幾高，有機會再泥試下晚餐。

親愛的想食日本菜，上網找到鳴門最近最方便，就您啦 ﹗先來枝清酒暖暖身再食大餐，種類也不是，想飲燒酌常樂秋，剛剛賣晒囉，唯有飲原酒谷櫻。大部份都係中價清酒喎。奄尖的我食日本菜一定要依次序由前菜開始，刺生、壽司、料理、炸物、鍋物，最後才粥粉麵飯架。非常有趣，火灸 A5 和牛壽司？創新煮法？針灸？包羅萬有，花多眼亂的菜色，貪吃的我樣樣都想食，不過親愛的食量遙不及我，慢慢續款落單免得浪費啊。餐牌上顯示連金魚壽司都有？利害﹗梗係要試啦！望多次英文係 yellow tail ？油甘魚黎既。特大鴛鴦海膽飯暫停？本是我的目標菜色，無緣品嚐。谷櫻釀造原酒，清爽酒香，微甜不膩，醇厚不嗆。吉時到，希望與親愛的幸福甜蜜，乾杯飲勝！食飽飽等埋單就回家休息，無聊期間望望資料八卦下。國產米米麴，酒精 20% 濃度喎，已經兩歲喇。鮟鱇魚肝醋物，我最愛的小食，必叫。得兩片乍？唔夠喉囉。本身我唔食蔥，但刺生、壽司除外。日本蔥高質香噴噴夾著昆布及蘿蔔蓉一齊嘆，帶著油潤魚肝掉入口，味道配合得天衣無縫。酸咪咪的醋汁尤其醒胃，嫩滑魚肝甘甜濃郁沒半點腥嗅，好食到拍爛手掌。燒日本鱈魚乾，突然侍應哥哥贈送助酒小食，真的受寵若驚，十分感

以前去金雞搭小巴番學既時候已經成日見到呢間港式日本野，幾年後既今日終於係旺角諗唔到食咩最後黎鳴門食啦坐低好快就叫左野食。價錢睇落都唔算平，但裝修都幾有日本居酒屋feel，有晒d木牌寫住有d咩酒呀魚生呀咁樣，坐得都舒服。不過係等緊野食既中途男朋友突然話唔好望過去左邊，心諗做乜，唔通有咩驚喜俾我？點知原來係因為有我最驚既野－－曱甴。於是我都好乖無望，淨係見到幾個waiter竊竊私語又眼望望我後面既位置。心諗餐廳正常係會有曱甴，但行到出鋪面我諗佢廚房呀後欄呀應該更加不得了過左陣男朋友話已經處理左，d waiter都散開左，個心先無咁驚，雖然知道左呢道衛生情況可能唔係咁好之後食佢地d野又係一大考驗。壽司同丼係正常野，火炙燒得好香，不過壽司卷除左面個塊三文魚之外入面都係d好cheap既野，都係青瓜蛋同蟹柳，80幾蚊值唔值就自己衡量啦煎蛋卷有好香既烘燶芝士味，不過面頭既海膽係又少又無味當佢係普通蛋卷會好過d。總括黎講野食唔算出色，價錢唔係特別抵，加埋咁大隻曱甴通街走，無辦法唔俾劣評。

午市黎食個set lunch, 先係無角切魚生飯，咁叫個普通魚生飯 點知入面唯一一塊吞拿魚係全根 咬都咬唔開 都唔知係咩品質可以咁拎出黎比客人 爭鮮質素都好過佢 咁既質素都可以拎出黎比客人 就知無心 侍應係有望到我對魚生有不滿 無係全無反應 見到塊咁既吞拿比你自己都唔會食 仲拎出黎比客 見客有問題又唔識换 佢跟餐有2件吉列生蠔 咬開個蠔肉係得一豪子大 蠔餅d蠔肉仲大過佢 鍾意食炸粉既可以一試魚生飯既其他刺身就都係below mean, 但得5塊魚生1隻蝦 得隻蝦係正常返d. 鍾意食根既魚生絕對要黎 我就唔識欣賞 最後碗飯係剩返全根吞拿一塊 同白飯幾啖 完全唔飽 唔會要幫襯

已經唔知第幾次黎啦！每次我同男朋友都唔想諗食咩就會黎呢到，因為近屋企，價錢又okay，又好食，性價比非常高！刺食好新鮮！魚生飯，魚生同飯既比例唔錯，唔會得少少魚生，一大碗白飯扮份量多咁！到宵夜時段仲抵食，平平地就有sake同送酒雞翼食！酒清硯大大隻無沙服務都唔錯！每次去都坐滿人

之前新聞介紹過哩間野，個鴛鴦海膽飯會做短期優惠，好似似100蚊左右一碗，我都唔太記得，專程同朋友搭車出旺角食，因為優惠都有開始時段，見仲未夠鐘在附近行下，行到夠鐘開始就直接去店鋪，點知到達左就比條人龍嚇親，超長，真心有諗過放棄，但佢話想好食，結果都有排隊，等左大根一個鐘多d，終於可以入場，一大叫一碗鴛鴦海膽飯，冇點其他野食，海膽有d係上等帶有甜味，有d帶有苦味，但好細碗，食完其實唔夠飽，要出去食多個漢堡包餐醫肚。

同朋友約了在旺角食晚飯突然想食日本野朋友話上個月食過間唔錯 只係行遠少少即去😋😋行到去 其實都唔係太遠姐😂叫左四樣野食 第一樣到既係劍魚壽司個人真係好鐘意食劍魚...但好多壽司店都無🙄 或者唔好味所以見親都叫😋呢個食落既魚油好好味😋 又唔腥好食!第二樣到係海膽玉子其實都整得幾好味不過佢塊芝士係平時屋企整三文治嗰隻個味同我心目中有少少出入之後到丼飯呢個嚟到嘅時候我「嘩」左聲D蝦比我想像中大隻同埋海膽都好新鮮仲以為呢個價錢唔會係呢隻蝦呢個推介😋最後嚟嘅係木魚海鮮卷我本身以為會大舊啲😂但都係好好味同埋加埋晒所有野兩個人食份量岩岩好會再去的😋😋

鳴門係香港黎講 佢既魚生都係新鮮所以佢d刺身貴得黎 其實係好抵食了係鳴門叫磯燒set佢會先比個爐你然後再送上海鮮有帶子 有蜆 有蝦部長好好人每次燒到咁上下就過黎幫客人開殼然後幫客人反轉燒燒完放上碟然後再幫客人燒薯仔等等食完磯燒 當然到海膽飯啦佢既海膽飯係包含兩個國家既海膽好似係加拿大同日本當然 都係日本好味好多啦本人吾太好海水味所以水源潔淨既日本海膽最適合我而其他國家 海水味都比較濃吾太適合我最後 講講環境先有sofa位同埋現場有清酒買所以都係預人傾計既

之前講過黑布街附近都有好多好嘢食，今日就講吓染布房街呢間鳴門。嗚門本身有好多分店，有啲做居酒屋，有啲做湯麵亭。有時夜左放工都會見到呢間居酒屋有人排隊。不過今日就講下個午市。個人覺得午市係抵食好多。大家可以望下個餐牌，旺角食午餐其實四五十蚊都唔走得甩，如果以鳴門呢個質素都係五六十蚊，一個前菜（中華沙律）、一個主食、一個湯加一個小食，其實係幾抵玩。我地今日叫左三文魚拌帆粒貝飯、鯖魚定食、同埋韓燒美國牛仔骨飯。一叫完無耐就有得食，刺身上菜速度超快。梗係啦，唔使煮，睇刀功。講真，去過日本都知，喺香港食刺生都好難太高要求，呢個餐黎講，量唔算多，味道中等，不過不失。我反而幾鍾意呢度要花時間煮嘅食物。雖然成日覺得係香港食鯖魚都係買急凍解凍再燒，感覺好似間間差唔多，不過呢度嘅鯖魚燒得幾香，食落唔會太鹹，都ok。最好味就係呢個韓燒美國牛仔骨飯。牛仔骨燒得好香，明顯地有燒過既香味，另外再加左蛋黃沙律醬，鹹得黎又有啲甜味吊下，唔會漏。以前見到炸蠔都會叫，不過因為我覺得呢間舖嘅燒烤係幾好，所以今次大家都叫燒雞翼。燒雞翼燒到啱啱好，用左少少鹽吊味，簡簡單單都好香口。午市唔使加一，平均一個人都係五十幾至六十幾蚊，