鳴門魚市場居酒屋 (已結業)

今次去旺角找嘢食，經過旺角東站天橋對面的鳴門，門口的海膽好吸引，一於選這間。海膽飯比預期中吸引，用加拿大海膽，味道鮮唔苦澀同腥，自己一個食一碗好滿足好邪惡！海膽玉子燒熱辣辣，口感Creamy皆因有好多沙律醬同些少海膽系面,完全唔覺得乾身，好惹味燒雞翼燒到啱啱好，用左少少鹽吊味，簡簡單單都好香口，味道唔錯，值得品嘗！！这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

炎炎夏日，冇咩胃口、最好就係食酸酸甜甜嘅嘢。喺公司附近見到呢間餐廳，見到有壽司有烏冬就入左去啦。一坐低就二話不說揀咗我最鍾意食嘅烏冬😃蕃茄豬軟骨烏冬：豬軟骨好入味，軟硬適中。蕃茄湯底亦都好濃，烏冬方面應該係手打烏冬🤔 質感好彈牙🍜除左主食外，佢仲搭配左三舊壽司🍣可以一次過滿足我又想食壽司，又想食烏冬慾望😃

係旺角附近做完野黎左呢度食午餐😝 Lunch Menu選擇都幾多，刺身熟食丼飯都有，而且價錢相對一般日本餐廳平。今日叫左蒲燒鰻魚飯($78)，有半條鰻魚、兩條雞肉腸～鰻魚汁味道就偏濃，所以要送多幾啖飯哈哈另外Lunch Menu可以追加小食，我叫左三文魚刺身三片(+$15)，每塊都厚切有1 cm，真心覺得不錯～最大驚喜嘅係結賬時候有八折係，一問之下原來Lunch Menu係2點後係有八折架 (追加小食除外)☺

訂咗枱諗住開開心心試新嘢啦， 去到安排咗個門口位畀我哋坐， 又話訂咗位先安排呢個特別座位比我地， 個位熱到死， 啲同事又出出入入 , 幫手間舖唔夠熱, 又唔畀我哋轉位， 以後都唔會再去, 勁失望.

同朋友係旺角行完街.想搵間餐廳食壽司見未試過鳴門 又咁多好評 10點幾好到 都仲有4枱客 不用等位就入座想叫加拿大海膽 可惜佢地話呢個時期既唔新鮮推介我地揀番韓國/北海道..退而求其次我地揀番韓國海膽都好好味 好新鮮海葡萄小小咸 又爽口！！！👍🏼鵝肝壽司都煎得岩岩好 好香口😂膽固醇真係超標其他仲叫左三文魚腩壽司 帆立貝壽司 都唔錯食物整體都非常好！不過成餐飯 我地無叫飲品 茶好快都飲完侍應們都無添過茶 勤力小小 會添茶就好啦

一入到門口就見到有一條條魚放左係到職員話全部都係日本空運過黎仲好專業咁樣介紹每條魚唔同既口感同鮮甜👏🏿好得意 即刻叫左條黎食即開既魚 擺盤都擺得好有心機但等既時間自然會等得耐小小😂而且仲有好多其他選擇小食 串燒 壽司 刺身 飯 烏冬想食咩都有😆好岩我胃口成班人食飯既好選擇！唔洗驚無野岩食叫唔同既仲可以開心share😋不過環境空間比較狹窄坐爆場會覺得好濟逼所以下次會揀啲唔係食飯時間去感覺應該會好好多😂

📍鳴門魚市場居酒屋❌海膽飯大大碗$2xx 佢最近出咗個迷你海膽飯只係$38 ，好耐之前食過回憶起呢個海膽飯真係麻麻地，海膽苦，仲有少少腥，其他我就冇試過啦人均消費：$100好味指數： 1️⃣2️⃣3️⃣4️⃣5️⃣6️⃣6.5/10分回頭率：66.66%地址：鳴門魚市場居酒屋 (旺角)旺角染布房街12-14A依利大廈地下B號舖

之前因為聽friend介紹 就決定同中同一起過去試下。由入座到買單之前都算ok嘅到埋單果時 一個唔係著員工制服嘅身形偏肥嘅男人過來幫我地埋單 咁我就問有冇得apple pay 佢話有 但一直望住我 咁我咪坐係度 因為佢都企係嗰度 我都行唔到 之後佢就好唔耐煩咁話「你出黎啦」 嗰個語氣係連我friend聽到都好細聲咁講左句JM 咁我咪跟住佢出去 行過去嘅時候佢仲一直講「你唔通比個手機我咩 肯定要你自己出架啦 」我心唸 「大佬 你企果度 我點行 」跟住到左收銀處 佢好唔耐煩咁一直催我 叫我擺個手機上去就得 咁我認 我好小用apple pay的 因為平時都會帶卡 咁啱今日冇帶 咪用apple pay 咁我咪跟住佢話擺上去咯 跟住發現碌錯卡 咁我咪下意識講左句「碌錯卡了 」之後佢好唔耐煩咁話「但出緊單喔 咁我咪問「可唔可以void單 」之後佢冇應 咁我咪再問多次 唔可以void單咩 佢「嗯？」左下 我就再問一次 佢先講「都要出左單先架」之後仲嘆氣 好唔耐煩咁幫我void單跟住我想講 我後面係冇人要埋單架 得我一個係埋緊單 大佬 你咁急係趕住痾屎定點 如果係 唔該搵其他店員幫手啦

之前睇ig見呢間有優惠，逢星期一、二$38有迷你海膽飯，見望落都唔錯幾新鮮咁同都幾多海膽，就約埋朋友星期二去試下。一早book定枱，晚市6點開始，早去唔洗點等位，一到7、8點出面就好多人等位，好彩我地有book到枱。$38迷你海膽飯-一人可以叫一個，另外要叫一款野食。海膽飯比預期中吸引，用加拿大海膽，味道鮮唔苦澀同腥，自己一個食一碗好滿足好邪惡！冇睇佢細細碗，都已經足夠，唔係會食唔落其他，$38物有所值！帶子壽司$38 三文魚腩壽司$30 甜蝦壽司$48 火灸三文魚軟殼蟹卷$108魚生都好新鮮，壽司飯適中唔會太熱同硬。三文魚卷份量夠，好食！整體嚟講都唔錯。

今次真係有口福嘞😆食飯地點由個咀刁嘅友人揀，一定無得輪😏前菜小食已經食唔停，燒雪魚乾好正，又脆又香👍🏻大家必試條刺身魚都係朋友預先訂，味好鮮，口感好厚，唔識形容，真係一分錢一分貨，食到個個唔停口😆食完刺身條魚骨仲拎咗去炸，新鮮炸超脆口，送酒一流生蠔就睇各人喜歡口味去選擇啦，唔係好識分生蠔種類，小妹就鍾意厚肉啲creamy啲嘅，所以都係等店長介紹，果然無介紹錯，好厚身肥美，每人一隻小食多滋味😆因爲仲有好多嘢食燒蟹棒都係我會再食嘅，啖啖肉今次慶祝朋友生日食到餐咁正嘅日本料理，係要同大家分享下嘅😆

見到ig post有話呢間抵食所以就去試啦😆兩個人叫左一串燒和牛、一份火炙三文魚軟殼蟹卷同兩個迷你海膽飯燒和牛份量比想像中少但味道不錯咬落去好多肉汁好juicy👍🏻火炙三文魚軟殼蟹卷都好味一入口就會有一陣火炙三文魚既味傳入但食落就感覺軟殼蟹既味道搶走左三文魚既味道 主要只係食到軟殼蟹既味跟住就係主角：迷你海膽飯見到個樣已經心心眼啦 因為真係好多海膽呀！海膽多到一啖海膽配半啖飯咁先岩岩好😆呢個比例真係冇得彈👍🏻個優惠係三月逢星期一、二先有，大家得閒記得去食下啦😆

今天同幾個好朋友去旺角逛街，差不多晚上的時候我們在附近找一間餐廳來食晚飯，於是來到這間餐廳我們到達時間是大約七時多已經需要排隊還需要等上15分鐘，但為咗這一碗海膽飯已經是值得的，因為這個海膽飯海膽滿滿的在飯碗上，那些海膽又肥美，充滿着海洋的感覺，而佢個刺身拼盤又新鮮又多還有其他壽司同樣出色，很久沒有說過那麼多東西了，真的是好味，價格又實在。

一向對鳴門集團旗下都好有好感不論係九龍灣個間定係勝利道個間,品質都好不錯!平時經過旺角呢間,每次都見到好多人,未入過去,今次就Book左檯去試下!!呢間舖唯一既扣分位就係枱與枱之間好密,都明白嘅,位於旺角呢啲核心地區,不過為左食好嘢冇所謂啦一坐低見到隔離枱個海膽飯,好吸睛! 侍應話星期一二海膽飯做緊特價,$38🤩咁平真係一定要叫! 反正我哋本身就打算嚟食海膽飯,而家平咗好多,好抵!呢度每人限嗌一碗,然後每人必須要叫多一樣食物,都好合理! 我哋就叫咗個壽司拼盤同埋串燒。細細碗嘅海膽飯鋪滿曬海膽係上面而且海膽一啲都唔苦好鮮甜,CP值好高!!唔好睇佢細細碗食完真係有啲漏有啲飽!和牛串燒&蘆筍豬肉串都幾好食,反而相比之下壽司拼盤就有啲失色,魚生唔及海膽新鮮,提一提番,特價海膽飯只限堂食不設外賣,最後埋單每人220蚊,食左1個鐘左右就走lu,因為出面有人等緊位唔好意思坐咁耐!

三年前，响西環鳴門食過$98三式海膽丼之後一直好懷念，三年後，好開心可以响旺角分店食到$38迷你加拿大海膽丼😃，最重要今次呢個promotion唔駛等到宵夜時段，但就要星期一同二先有得食。原板加拿大海膽丼 $38x2🥢🥢🥢🥢🥢我最鍾意食加拿大海膽，因為肥大肉厚有口感，平時超市賣二百蚊5格，唔太抵所以只買過一次，而家呢碗丼正正有成板海膽咁多，簡直物超所值呀👍🏻！最重點係好有海膽味，好新鮮，雖然丼迷你但非常滿足🤤🤤🤤，如果唔係每人限叫一碗，我一定會再追加囉。海膽芝士玉子燒 $58🥢唔好睇個樣咁靚仔，其實蛋無蛋味，海膽無海膽味，玉子實的的又乾，感覺係現盛貨用微波爐返叮咁👎🏻名古屋芝麻雞翼 $48🥢🥢🥢又香又脆又juicy，但略嫌燶咗dd同唔夠芝麻香Ps: 迷你海膽丼除咗每人限叫一碗外，附加條件係每人需另叫一項食物。另外，呢個優惠會做埋呢個月，但最好惠顧前致電確認一下。二人共消費：$200

呢間餐廳星期一同星期二都做$38蚊海膽飯優惠🤭，所以專登同朋友過黎試下，睇吓係咪咁抵食，或者就係呢碗海膽飯，我地係等左接近半個鐘先有得入🙄🙆🏽‍♂️睇得出放左心機係啲擺設上，等人覺得有日本嘅感覺🙅🏽‍♂️鋪面有啲細，坐落有啲逼細海膽飯 - $38💋海膽份量非常多，鋪滿成碗飯，食每啖飯都會食到海膽👉🏾注意食$38海膽飯要另外搭多樣食物，唔可以單買🧐雖然海膽係多，但食得出唔係非常新鮮，同行朋友之前都食過一次，都話已經無之前咁鮮甜火炙三文魚軟殼蟹卷 - $108🦀呢個卷最出色應該係個軟殼蟹，非常脆，咬落都食到蟹肉🐟三文魚味唔算太出，不過以整體卷物黎講算okay海膽芝士玉子燒 - $58🧀海膽味唔係太食得出，因為比芝士蓋過哂，一咬入口就爆哂啲芝士出黎，好飽肚九州燒芝士魚餅 - $38🤷🏻‍♂️賣相好頹，一咬入口又係俾啲芝士味蓋過，令到個味道同啱啱嗰個芝士玉子差唔多，有啲失色總括來講，呢間餐廳係指$38海膽飯作招牌菜，不過其他食物普普通通唔算特別出色，令我選擇入嚟食嘅原因只有嗰碗平價海膽飯🤥