鳴門魚市場居酒屋 (已結業)

夜麻麻好想食日本野，見呢間開到2am就去左試喇～ 入去唔算好大，但幾企理！宵夜時段，叫一杯啤酒/清酒，會送一個小食，我地就叫左啤酒配炸雞（最佳組合），炸雞個沙津醬有啲芥末，都幾開胃。叫到做緊海膽set啊！！即刻叫左個海膽試試先，無哂加拿大海膽，叫左韓國海膽（$138）都新鮮既，味道有啲淡，唔算好重回甘味。仲叫左兩隻「山口才川生蠔」（$48/1），鮮甜的，海水味少淡，但幾好食既！拖羅劍魚刺身（$78）估唔到又幾肥美幾好食啊～之後我地叫左三文魚籽壽司（$38兩件）同埋火焰三文魚壽司（$28兩件）三文魚籽好推介，好鮮啊，爆汁！！！火焰三文魚就ok la！清酒煮日本大蜆（$78），個湯飲得架，幾清甜，不過清酒味唔重，令啲蜆都較淡。海膽帶子木魚卷（$78四小卷）正路，唔算好驚喜。每人食左$300到，不過不失！

小Ann我真係好鐘意食日本野😋所以第二篇食評都係日本菜呢一間位於旺角 #鳴門魚市場居酒屋前一排放工同d朋友去食的，入到去環境唔算大，坐位唔多，一眼就望曬😂餐牌內容大致上都幾豐富，我同我的朋友就叫咗幾款啱心水刺身同熟食。不得不鑽佢地赤海蝦真係又大又鮮甜，第一口咬落去簡直就覺得自己好幸福(好似好誇張)，我朋友本來都唔係幾食蝦，我不停叫佢試，試完之後佢都覺得頂呱呱😂。之後就係幾款熟食，有海膽芝士玉子燒🤤(味道一流)、火炙明太子沙律三文魚親子卷🤤、安格斯牛肉稻庭烏冬、燒牛舌串、辛辣魷魚鬚(辣汁吸引)、燒菠蘿🤤(非常多汁)。佢地熟食基本上我都好推薦，烹調適中，上菜速度又快，好開心我又揾到一個宵夜的好地方😍。

今日同朋友 去到 旺角食野 ，佢話想食日本嘢所以我就喺openrice睇下食咩好, 之後我就見到鳴門，因為之前食過都覺得唔錯啲嘢，都新鮮，所以今次我再同佢講話不如過去食。 去到八點半 ，唔使等位就有得入去，門口有一個扭蛋機，只要你畀一蚊就可以扭一樣嘢食出嚟，最後我就換咗一個牛油果魚 。入到見到有唔同嘅晚餐選擇，最後我哋選擇咗鰻魚溫泉蛋芝士飯定食再加牛油果軟殼蟹卷 ，燒牛舌魷魚筒， 再加一個椰子雪葩甜品。 鰻魚溫泉蛋芝士飯的鰻魚偏乾，但係芝士十足，而且加上溫泉蛋有蛋香又夠滑，所以整體味道都唔錯，但係偏滯。 燒牛舌都燒得啱啱好好軟熟又香，但係以四十幾蚊嚟講就太貴 。牛油果軟殼蟹唔係好覺有軟殼蟹喺度 ，就有啲失望 。 魷魚筒味道好食煮得啱啱好又唔會太甜，最後椰子雪芭椰子味都有但係奶味更加重，似雪糕多過似雪葩 。整體嚟講味道都可以最後每人價錢230蚊都可以接受。

之前呢間餐廳好似出過九十幾蚊海膽飯, 一直都想黎, 但就係成日都唔記得左件事。今日一支公行經旺角火車橋, 又唔趕時間, 不如去食個便飯。企係門口睇左一陣菜單, 其實都唔係好貴, 仲有九折tim, 為番起五十幾蚊一個午餐, 有主食+小食+麵鼓湯, 其實都幾過得去。呢間餐廳面積唔算大, D 座位密密麻麻, 小不免都背貼背,不過大家都係食過便飯就無謂gam 執著。午餐款式都幾多可以揀, 我揀左個炭燒雞扒玉子飯, 小食揀左三文魚刺身,其實我幾鐘意呢種配搭, 因為食日本野就梗係想有刺身入口, 但食得太多又生蟲, 加上天氣又凍, 食唔到gam 多野,呢個飯加幾片刺身就剛剛好, 滿足了食欲。再者. 佢塊雞扒都燒得幾香, 又唔鞋, D 雞汁撈埋隻溫泉玉子成個飯變得好好食,攪到我連雞皮都唔記得要lur 番出黎, 肥死。總括而言, 呢個午餐都算性價比幾高。不錯。

之前食開勝利道個一間鳴門烏冬，不過個度真係太細同太窄，openrice 後發現呢度都有一間！門口有個1蚊扭蛋機，雖然無中大獎但都幾好玩,請你食左個煙熏雞片沙律，雞只有熏過，生生地，幾得人驚但都幾好食！食左個三文魚親子卷，好新鮮好好食，不過$98蚊略貴！石窩豬軟骨烏冬keep 到水準，不過無左隻生蛋，好失望！海膽芝士卷蛋都ok，不過海膽鯹鯹地！最後要讚環境同服務，靜靜地幾好坐，服務又一流，會主動加茶加水！門口帶位又熱情，忍唔住join 左會員有9折同食野平d! 經理仲好貼心教你點用優惠，要加分！好耐無比過好評既食評啦！開心

23號晚朋友聖誕節飯局，朋友女長期勁推呢間《鳴門》今次順應民意去一趟吧～食日本嘢，第一樣要做當然係坐涷自攜sake啦，席間有朋友係日本酒專家，員工亦不敢怠慢，冰桶+靚靚玻璃杯極速送到，仲要奉上貼心餐前小食雞泡魚乾，唔錯唔錯～人齊進入直路，餐廳經理話留咗條北海道喜知次，一斤$700蚊黎講真心無得輸，外間日本店一般上仟一條，就算網購涷肉都要$800蚊一條，由於可遇不可求，當然要好好品嚐，皮脆肉糯口感順滑，魚皮油脂充份，實在令人太感動啦～一生至少豪一次吧～再黎就係兩大盤美味厚切刺身，超級肥美生蠔，清酒煮蜆、炙燒鵝肝壽司、炙燒三文魚壽司、一大輪鹽燒串燒，配沖繩Orion生啤，人生如此，還有更美好嗎⋯⋯🤪

嗚門旺角店算是少數可手以凌晨12點半後入座仲有得食既日本料理。雖然刺生壽司類新鮮度只屬中規中矩，但係收工已經接近凌晨時份，能夠食一個牛肉鍋定食，加卷物已經好滿足。今次我地一行四個人，叫左一個火炙海鮮鵝肝丼飯（$145）、牛肉壽喜窩定食（$115），火灸明太子沙津三文魚親子卷（$88），清酒煮大蜆（$78）同兩杯生啤送兩份赤蝦刺身（$48/杯）。收工圍埋一齊食下野，飲返杯係唔錯既😋😋😋點名讚讚：清酒煮大蜆，大大粒有鮮味👍另外，跟生啤送既赤蝦刺身，今次好新鮮。店長同職員服務好好~

鳴門既刺身飯同壽司一向出色，但係佢地啲熱食一啲都唔輸蝕喎！今次試左佢地既鰻魚飯，用石鍋上，熱辣辣好正，條鰻魚都有成個碗咁長，帶啲微刺，正呀！試埋佢地個梅酒，不過比得太多冰喇！

呢碗海鮮丼一眼望哂，雖然魚生種類同份量唔多，但無論三文魚、帆立貝定係赤蝦都可以食得出係好新鮮嘅感覺，特別係帆立貝刺身，大隻得嚟，味道特別鮮甜，而三文魚嘅脂肪分佈亦都好均勻，而且比例岩岩好。 不過佢最大嘅敗北就係個飯本身，濕度處理得麻麻地，質感太實，無乜空氣感同口感可言～魷魚一定要即燒即食，擺耐咗嘅話，口感就會變差。成條魷魚嚟講，我最鍾意食嘅部位就係魷魚鬚，因為佢嘅肉質最結實同埋爽口，而且亦都係入味嘅部位～

傍晚在旺角覓食，隨便進了一間日式居酒屋。由於時間尚早，只有一檯客人，我們可以安靜地享受晚餐兩個人點了一個牛肉壽喜鍋定食和一些串燒。先送上定食的麵豉湯和麻醬豆腐，味道正常。牛肉壽喜鍋材料豐富，湯底清甜肉味濃，不錯。串燒更加出色，點了牛舌$42 和豚肉年糕卷$38，師傅燒得焦香可口，特別是豚肉年糕卷，以微焦的豚肉包裹住軟綿煙韌的日式年糕，再塗上燒汁，口感十分有趣燒魷魚也是水準以上，肉厚不會乾身。店內更有新鮮從日本空運到港的魚供客人作刺身享用價錢較高，動輒$200-$300半條魚。整體食物質素其實不錯，但可能受壞心情影響，以及員工不太積極熱情，整頓飯都提不起勁吃，希望再光臨時會有另一番景象吧!

在旺角返工，一到中午，就有選擇障礙，食厭了女人街一帶的食店，今次轉來試下同事推薦的鳴門。未到門口，當然就先看看餐牌，1點9前結帳有9折優惠，滿吸引呢套餐包括前菜，主食，麵豉湯及小食。同事叫了三文魚拌帆立貝飯及蒲燒漫魚飯，厚切的三文魚，厚度有一節手指厚，食落超滿足；鰻魚飯如想像般，正常的味道，而我就試醬油角切魚生飯，魚生新鮮，用幾款不同魚組成，口感豐富。小食方面，花之戀（精美），吉列炸生蠔（鬆脆，熱騰騰），燒雞翼（忘記影相）可以一試再試這店，建議侍應態度改善一下會更好。

其實鳴門都係大集團，經營唔同既日式料理，有鮟康魚湯烏冬店、有日式居酒屋咁。呢間日式居酒屋，同日本既居酒屋一樣，有唔同既日本燒酒、同埋非常鮮甜既魚生刺身提供，唯一有別於日本居酒居既地方，呢度係會食得飽，份量切合番香港人一餐lunch or dinner既份量。個人覺得lunch set係好低食，百鬆啲蚊一個刺身飯set，刺身新鮮，都係俾番貴價魚你，絕不欺場。lunch 既時候一想食餐好，我都會揀黎鳴門。Dinner啱一大班人黎食，首選刺身船，不時不食，廚會為你安排當日最鮮既。你更可以好似係日本魚市場咁，睇下邊條魚，揀啱做刺身。呢度除左魚生、壽司好味道，熱食鰻魚飯都燒得好好味。鰻魚肥瘦剛好，加埋鰻魚醬汁，ichiban.

最近成日食韓國野，我已經唔記得自己幾耐冇食魚生，以前講開食乜，男朋友答日本野梗冇死，唔知係咪我口味變左，成日想食豆腐辣湯，哈哈。早幾日收工黎左呢間鳴門居酒屋，時間都唔早急急腳食啲野番歸。餐廳位於染布房街，我發現我只係食過串燒店，其餘幾間烤魚啊、點心都未試過，我見都幾多人等位。餐廳位置唔算好多，一般連鎖日本餐廳格局，木枱木櫈，平日晚上客人唔算好多，可能已經比較夜。店員好快安排好座位，遞上餐牌。餐牌選擇豐富，除左一般日本料理、魚生壽司外，仲有浜燒、同多款日本飛機貨，刺身、生蠔等。晚市供應定食，有丼、鍋物、鰻魚飯等十多款，定價$105-245，晚市黎講都差唔多。特上拖羅海膽丼定食 $208定食附前茶、麵豉湯，刺身有拖羅蓉、拖羅，海膽、三文魚腩、劍魚腩，其實我就唔太喜好海膽此物，俾我自己揀我會選擇平幾十蚊嘅赤蝦海鮮丼。不過身邊人喜歡拖羅，所以點左呢款試試。刺身質素正常，厚切無誤，海膽唔臭唔腥收貨，拖羅係肥到不行，油脂豐富，可惜有少少筋，三文魚腩同劍魚腩最新鮮牛肉壽喜鍋定食 $125配料牛肉、娃娃菜、蛋、菇物、豆腐等，用爐輕輕熱住，定食配湯、前菜、白飯。牛肉唔肥，湯底甜甜地，其他材料送飯唔會差得

🍴夜割放送‼️啤酒/清酒 +0円佐酒小食🍴$48只適用於 10點後 鳴門旺角/西環分店🙉平時放工通常飲野落酒吧啦今次去居酒屋 因為個優惠真係好抵🤘🏻$48一支武藏男山清酒/大大杯Orion啤酒已經好抵 （絕對夠你飲到peapea夫）🍺🍻🍶.特別推介款清酒 入口味道冰涼清新 唔太濃酒精味👏🏻但我都好易醉🤞🏻唔洗錢重有一客佐酒小食💁🏻📍赤蝦刺身 📍雞翼 📍炸雞粒 📍炸餃子赤蝦超大隻 一個人食2客都唔過份🤘🏻.幸福指數：9/10地址：鳴門魚市場居酒屋 (旺角)旺角染布房街12-14A依利大廈地下B號舖.🍴極上拖羅海膽丼🍴$198刺身超級肥美😻😻😻🍣拖羅 拖羅蓉 海膽 三文魚腩 劍魚腩🍣拖羅果種魚脂味 係個口度好香好回味😭食完d飯重有刺身淨🙈 好奢侈🤣會大力推介因為真係成個碗都鋪着滿滿的刺身💓 拖羅蓉尚算可以🤔

韓式燒牛肋骨飯飯上灑上紫菜同沙律醬牛肋骨燒完之後油光閃閃😳韓式?唔太韓炸啵😂無泡菜又無辣味🤔但牛肋骨絕對值得一讚😍牛肋骨結實得黎又彈牙質感有啲似豬頸肉😂😂唯一要彈既就係有幾舊都係得骨無肉🙄想讚抵食都唔得添💀-山葵醬油碎粒魚生飯各種魚生都幾新鮮三文魚特別肥美😌不過略嫌魚生種類未夠多108依個價錢既份量 真係唔算太抵食而且冇太大驚喜😂