鴻運冰廳餅店 (已結業)

這間位於上海街的鴻運冰廳餅店有兩層，上層感覺較舒服。店的門面和店內裝修都是頗懷舊的裝飾品，好像時光倒流回到了以前的年代。落單點了一個常餐和特餐，兩個餐都是全日會供應。10分鐘後，食物便來到。常餐包括叉燒湯意粉、火腿奄列、牛油菠蘿包配熱檸茶。特餐則是沙爹牛肉麵、西煎雙蛋配熱茶走 (即奶茶上桌前會加小許煉奶)。食物的份量正常，不算太少。叉燒是半肥瘦，吃下去口感不錯。最喜愛的是表層脆卜卜的菠蘿包，上桌時還是暖暖的。火腿奄列的蛋也頗滑。

突然諗, 香港既未來仲可以有幾多間呢d真·冰室存在。 自己自問唔係識食之人, 不過想係有生之年可以仲記得自己食過d咩。 有好多食過既好餐廳都經唔到歲月洗禮, 比金舖, 連鎖店取替。 只記得味道, 但係樣貌, 連位置都失去了。 所以開始跟下女朋友作風, 放下野上網, 學下寫食評, 幫下我記野。呢間冰室係附近見過好多次, 不過一直沒機會去試試。難得今日單身寡佬, 就去食個午餐。店舖細, 但座位間一d都唔迫。 見好多客, 都係附近街坊。 雖然店面唔叫乾淨, 但就好有似行運茶餐廳格局。一間餐廳好唔好食, 睇佢杯凍檸茶就知。呢句野, 唔記得邊位前輩教我所以叫左滑蛋牛肉炒河加凍檸茶。聽住歌等,唔洗5分鐘就上齊野。 檸茶唔差, 不過檸檬同茶味略為不足。滑蛋牛肉炒河: 牛肉較咸, 應該係常餐沙嗲牛肉, 醃左1肉2用。 河粉雖然有鑊氣, 但都唔夠熱同燶。反而個滑蛋汁好滿意, 味道足, 而且沒水汪汪感覺😉多謝款待後, 承惠60大元正(58蚊凍飲加2)出門見到仲有新鮮出爐蛋達, 希望下次可以試, 唔會又轉頭變左金舖

香港，好多舊式冰室已經成為了饗客們的景點，甚至，有不少帶點古早味的餐廳，更成為電影人取景的地方。最多人知成為了電影場景的，大概是廣東道的《中國冰室》。是日，我同朋友出席完活動之後，我說去附近的一家舊冰室吃個常餐，當我來到《鴻運冰廳餅店》，朋友大叫道，呢間咪係 "行運一條龍" 囉。原來，這就是當年周星馳電影，"行運一條龍"的實景冰室。我一向沒有留意該電影，後知後覺呀....原來早已經是名店。 一入來，發現這已經是賣少見少的兩層冰室，友人說，現今的茶餐廳好少會有兩層，因為現時的消防條例已經不容許。若是見到有閣樓的茶餐廳/冰室，一定是老字號，若不是，就是偷雞開閣樓的。 樓上雅座，是那一個年代氹大大小朋友上樓上坐的雅稱。的確，從我有認知開始，上樓上坐，是最舒服的，因為沒有地下的人出出入入，而且，樓上好多是都是不准吸煙的。 我同朋友，都是一人一個常餐或特餐之類的東東。朋友要的是沙爹牛公仔麵。單是肉眼看，沙爹絕對是對板的，醬多，味道濃，入口也有少少香辣感，增強麵及麵湯的味道。 我要的是叉燒意，是最傳統的茶餐廳美食之一。令我感更懷舊的，就是極紅邊的極瘦叉燒，再加上已經發到幾乎全脹的意粉。雖然，在現時

往事只能回味。還記得有好一段失意的日子，每逢週末都有您這個長輩陪伴。每次都是我這個打壞後生叫睏，說要停一停tea一tea。您帶我來既這間買少見少既傳統茶餐廳，自家出品飽餅。自家出爐菠蘿飽，這裡擁有在心目中永遠是最好味既菠蘿油。不同飽點，擁有不能喻既吸引力。餐廳分兩層，設有樓上雅座。一條直樓梯直逢二樓雅座，本人對此情有獨鐘。無論甚麼時候也客滿，感覺很熱鬧。食物供應全面。來這裡很難抗拒菠蘿油的誘惑，飽面既脆皮又香又脆，飽身熱辣辣軟綿綿，鮮油與美味既飽一起在口腔融為一體，這個世界驟然變得美好。法蘭西多士，是我我第二最愛，獨愛傳統製法，回味再回味。必落既蜜糖。飲茶走是常識吧。喉嚨有點不舒服，檸樂煲勁多薑是傳統茶記先做到，舒服哂。

就算阿水哥唔係到做，掌門又收左山，要行運始終都行運。鮮茄雞絲飯配菜乾湯，菜乾湯足料足火喉又夠味。鮮茄唔太酸，配起雞絲好開胃，碟飯女仔食就有d多得滯，男仔食就岩岩好。凍啡完全係港式味道，老香港風味，值得保留。

因為兒時偶像陳曉東，看了N次行運一條龍，好輕易就認得出個門面招牌上嘅「鴻」字同其他字飽歷風霜嘅程度不同，在幻想同當時拍戲換咗個「行」字道具招牌有無關。現實中無電影中咁懷舊，牆上圍上粉色或假木紋膠板，牆上沒有貼上餐牌，每日特價$42午餐只有一款。梳化卡位私隱度中坐得舒服。其他碟頭選擇很多，四五十種，$45~75都有，包餐飲，花多眼亂，都未睇哂，姐姐就過嚟落單，問姐姐有咩推介，佢推介炒河，$55左右。去到呢啲老店好驚點菜點得耐會俾人小，所以兵荒馬亂中點了黑椒牛肉炒河。點完先有啲後悔想點返常餐。中性打扮嘅姐姐態度好好，上菜後仲會專登過嚟問我「係咪好香呢？」又見佢會同其他客吹水，氣氛歡愉。至於係咪真係好香，其實都係正常貨仔，但黑椒落得好足，少數茶記黑椒食到真正辣味，但蔬菜有少少唔新鮮，有一兩啖會有少少酸餿味。檸茶細杯而且好多冰。整體價錢偏貴。

鬧市中保留六七十年代懷舊情懷,與新興茶記黑白反照,這亦是我放下腳步,一嚐冰室那份風味。冰室裝潢不堂皇不華麗,只是把剝落牆身塗上一層嶄新油漆,其他擺設原封不動,殘留歲月痕跡,我坐在'卡位'上點了一份早餐,火腿通粉,菠蘿包配煎雙蛋加以熱騰騰好立克。火腿通粉配以鮮濃雞湯,滿瀉雞湯浸滿了通粉,每一啖通粉總含雞湯鮮味一併品嚐,而且火腿並無切條,只是一開二,按 你喜好飽嚐不同份量火腿,反而比條狀更能有口感及味道。菠蘿包稍為因沒焗爐保温,皮身及包發硬,味道欠佳。個人愛好半生熟煎蛋,所以雙蛋生熟度剛合乎筆者口味,還不錯！

早上10:00經過這間懷舊茶餐廳、順便入去食過早餐、叫左個沙爹牛麵、雙蛋凍O茶、餐牌叫特餐、凍飲+$2蚊、盛惠共$39蚊、先上一碟用好普通健康麵做既沙爹牛麵！旦Ｄ麵根本未煮淋、牛肉好似擺左好耐甘、跟住黎2隻超細隻又無蛋味、反蛋吾似反蛋、大陽蛋吾似太陽蛋既野、加一杯特別細杯、既無茶味又無o檬味的凍o茶、$39一個早餐景然連半塊多土都無、這早餐真係嚇死人、下次咪攪、吾通明氣大吾使做咩？

看見有舊式茶餐廳，感覺親切，諗都唔使諗就衝了入去。在樓下，找個卡位坐低。原本打算食蛋撻，唔知撞咩鬼，叫左個特餐。火腿煎蛋，好在火腿唔會凍冰冰，煎蛋我只注視在中心的蛋黃。這碟東西，味道平平，卻是很好的回憶。沙嗲牛肉麵，麵條淥得爽身，牛肉質感不致太假，係咁上下了。這裡的凍奶茶，比較多奶，我是沒問題的。

心水清的朋友，也會知道上海街近太子一邊的鴻運冰廳餅店，就是當年的賀歲片 - 行運一條龍，片中的行運茶餐廳。踏進店內，好像回到過去，但見不到李老闆把關，何金水為我奉上奶茶，貌似葛民輝的外賣仔阿福，在店內與Fanny打情罵俏。現實上，走上二樓，一班應該是遊客，一班是身穿制服的藍領，另一班，是江湖味比較重的麻甩佬，可否，給我一個舒淇？當年茶餐廳危在旦夕，芬女風雨不改來買蛋撻，此蛋撻的酥皮鬆化，滿佈牛油香，中間的蛋反而不太香。沒有金水，田雞，基哥，還有奶茶，雖然也有茶甘，但質感偏薄。忘了要求太陽蛋，奉上的是反蛋，人生還有希望嗎？最後因愛情的魔力，行運茶餐廳得以保存下去，但李老闆的兒子得男，最後能夠與芳芳開花結果嗎？當我咬著菠蘿油，腦海不斷想起這個問題，我想下一次見到李力持的話，要問問他們的近況了，哈哈！很平凡的通粉，只是得啖笑。由踏進店內開始，有如墮進電影世界，其實，你我仿似一套戲，為何不盡力去演出，花點心機？步出店外，君不見姣婆四拖馬來收舖，原來，一切只是鏡花水月。

看食評才知道,原來此冰廳仍保存著閣樓!愛尋找冰室的我,不能不來啦!這裡佈局與中國冰廳很相似。尤其在閣樓望下去的景象~有樣事情估不到的是,老伙計們都很友善。我原本坐下面,單也落了,突然想感受閣樓氣氛,所以問問可否轉上去。老伙計,全不介意,說好呀,可以~~!上到去,很快,我的常餐已被送來。沙嗲牛肉米粉,牛肉雖然用鬆肉粉o拿過,不過也不至無晒牛味,算是洽度好好。沙嗲無乜香辣味,不過都算ok!火腿奄列,蛋是全熟,而且很油。牛油菠蘿包,「菠蘿」乾、散,好像放了一段時間。但卻吃到一朕舊式麵包的豬油味。細細地食一個,也挺有風味!奶茶太多奶,飲到尾,茶味才出來,後悔應該加糖,味道便會平衡番。總括,食物平平,一次懷舊吓舊餐室,絕對值得!

在旺角開會,經過見到間舊式茶室,十足周星馳果奩套行運一絛龍果間茶室一樣,又係有果閣樓果種.叫左茶餐包熱飲和波菠蘿油 奶茶-茶和奶的比例剛剛好,有香濃的茶味,比起D甚麼金茶王有過之而無不及.菠蘿油- 好干,好像焗好放左半日.可以再來因為有美味的奶茶

星期日, 同齋妹約好去太子入貨. 我早到太子, 電話中叫我去食野先, 佢到埗再會合. 咁我就係上海街, 就近呢間菜餐廳, 來個first round先. First Round, 午餐, 係舊式茶記冰室. 最傳統始終係叉燒湯意, 火腿奄列, 麵包同茶. 火腿奄列, 味道好傳統, 成個奄列既味係集中於火腿身上, 不過蛋心熟左少少, 不然更加好食. 叉燒意, 意粉夠哂脹氣而且冇淋到爛. 雞湯湯汁真有點想飲埋佢, 但始終雞粉/雞精, 等同於味精. 都係飲少D. 不過若是叫通粉的話....一定會忍唔住, 飲埋佢. 午餐 $26嘆埋杯奶茶, 收到美人電話....掃完貨之後輪到佢肚子叫. 於是, 我就帶佢黎呢度, Secold Round.Second Round, 下午茶, 各人一個麵包茶餐. 這裡的麵包蛋撻是自設工場的, 這是老一代茶餐廳獨有的風格, 出面賣麵包, 入面飲奶茶. 包, 一個鮮油餐包, 一個油占多. 再每人一杯又濃又滑既奶茶. 老牌冰室的奶茶始終都有返咁上下水準. 充滿菜漬的茶煲, 是靚奶茶的根源之一. 所以好多茶餐廳唔洗茶壺, 就算搬新鋪都要keep返住個舊茶壺, 是有其獨特原

今時今日要搵一間懷舊茶餐廳都應該是一個難題, 一時之間真的被考起!這間鴻運冰廳餅店, 位於旺角上海街, 聽說它有廿多年歷史, 那就要試試啦!一踏進餐廳, 完全有香港"茶餐廳"特色 ~ 懷舊feel. 大家看看多"舊"呢!當然少不了, 傳統早餐A.

12-1-2009其實想搵的係廣東道裕達冰室, 但搵極都唔見, 反而折返彌敦道時見到呢間鴻運, 又入0黎飲杯0野.熱奶茶 ($12) 睇落飲落都奶多過茶, 但至少比早兩日觀塘0個間 (http://www.openrice.com/restaurant/commentdetail.htm?commentid=1965699) 好, ok 吧.見呢度有自家出品包餅, 又叫了件蛋撻 ($3.50) 試試... 雖然唔係新鮮出爐, 凍凍的可以理解, 但撻皮係我喜愛的曲奇皮, 鬆化又帶濃濃牛油香, 意料之外! 蛋漿就甜而不夠蛋香.不過又係0個句, 入得0黎主要都係想食環境... 坐了樓上, 環境夠晒舊, 燈光黃黃的又好 "chaang" 眼, 幾《花樣年華》(?) feel, 哈.希望下次搵到裕達冰室吧.