麥文記麵家

營業中

休息中

麵身超級彈牙，雲吞內有半肥瘦豬肉…正。可惜湯底太濁欠香味。還有，30蚊一碗的價錢不需使用膠碗膠匙羹吧，送上來時一看已太打折扣，且卓面有油兼傾斜，整碗麵不斷往外逃跑，最後要用牙簽定位方可安定享用。鄰店奀記稍買一蚊但有清茶一杯奉客，感覺較佳。但......還是會再光顧的。

今日行過佐敦 諗起附近有間老字號雲吞麵二話不說就出發去白加士街間野響「澳牛」隔離 設計懷舊入到去叫左碗細蓉幾年冇黎食 宜家都只系$30碗 唔算太貴大約等左五分鐘就有得食 傳統既雲吞麵 雲吞系響底既雲吞入面既蝦肉爽脆 味道恰到好處麵質適中 唔會太硬唔會太淋湯底有少量梘水味 但唔會太咸 清清淡淡份量不多 適合作下午茶^_^

這日突然想念起雲吞麵的味道，於是便走到其中一家本地雲吞麵老店麥文記來碗雲吞麵。麥文記就位於澳牛旁的白加士街上。店內光猛，座位雖然有點逼，但枱面和地下等都打理得乾淨企理。無所謂吧，反正來到這裡都是食碗麵就走，不會在此慢慢hea。（店員亦不會容許，哈哈） 雲吞麵在落單後很快就送到。依足傳統麵店的做法，雲吞在麵的下面，以防麵被湯浸淋。咬一口幼麵，質感爽彈，鹼水味只是十分淡淡的。而雲吞，蝦肉爽甜，一啖一粒。加上帶著大地魚香的清湯，很香港的味道。讓人吃得滿意的一碗雲吞麵。

呢間食咗N咁多次, 點解要寫食評?因為之前食嗰間"宏"唔夠飽, 便帶阿妹嚟呢間試.明知呢間細蓉份量唔多, 唔怕, 因為我食咗D嘢. 我懷念呢度細蓉的豬油香味, 配以清清的韮黃湯底, 雲吞粒粒大大隻全蝦鮮甜真材實料, 面條應該是用鴨蛋調制, 風味有別一般面家, 我喜歡有咬口的面, 這裏滿足我的要求. 配以梘水油菜芥蘭, 香脆爽甜, 唔配蠔油都好好味, 點一瓶傳統樽裝可口可樂, 甚是滿足. 雖然相對份量呢間唔平, 但唔知點解有股魔力, 路經佐敦便來吃一次. 今次座位雖然要面壁, 但有美食良朋這不算是甚麼!

一碗雲吞麵的好壞由三部份構成：雲呑、麵和湯底。麥文記以鮮蝦雲吞享譽盛名，它用的雲吞的確貨真價實，每碗四粒。一隻蝦包一個雲吞，沒有加豬肉，蝦味十足，而且蝦肉爽口彈牙，喜歡！湯底充滿魚和蝦的鮮味，相信用了不少大地魚和蝦殻熬成湯。沒有鹼水味之餘，湯底很清，喝完齒頰留香，十分滿足！麵也做得不錯，沒有鹼水味，爽口彈牙。份量不多，是名符其實的細蓉。不過麵香略欠，是三項中比較遜色的一項。

一直以來都覺得麥文記是最好的廣東麵家，但水準飄忽，狀態好時，麵條毫無鹼水味，麵身柔韌有彈性，富光澤，爽口彈牙，湯底濃稠細密又滿有蝦籽味的咸香。雖然是同一樣麵，但今次麵條明顯淥得過了火，開始腍身，雲吞亦並非金魚尾散開，蝦肉是保持爽彈的口感，但已經令人失望。

‪#‎Isaacinstablog‬ 話忙其實談唔上忙的一天，一天電話同Email的年曆工作後，如常的帶飯局工作，但唔知點解離開餐廳個刻同電話一樣，進入瀕死無電狀態。還好專業人士有車，就兜左去開得鬼死咁夜的麥文記整碗淨水餃，大地魚湯底味不俗，隱隱覺得下了「肥油」，而廣東水餃皮薄滑身，筍、菇、蝦、豬肉加起來簡單好吃，飲完碗湯，魂魄總算執返七成。P.S朋友講得岩，繁不如簡，時間慳得就要

工作至晚上十一時半, 身心都感覺疲累, 不過剛見食友在Facebook張貼一張忠記的炸醬麵照片, 很是掛念。心血來潮底下, 驅使我來這裡吃個麵吧。麥文記的來頭相信大家都知道, 是屬池記 (注意: 這並不是現在的池記)的第二代, 一向在九龍區用上傳統方法做麵食。當年池記除了雲吞麵有名之外, 接下來的就是其獨門的炸醬調味。一碟炸醬撈麵, 份量不大, 六七口就吃完, 炸醬比較約三分之一, 不過只要耐心的撈好散開, 每條麵條都可均勻地沾上炸醬。麵條慣例要求要爽一點, 令麵條彈牙感提高, 金絲蛋麵能在口中蠢蠢欲動, 彈力有如數十條彈弓放入口中。如食炸醬麵, 麵中淡淡的蛋味都被炸醬蓋過, 唯一麵條美中不足的是稍稍嫌其拖水不夠, 令麵條有點濕。炸醬調味可以, 運用食友的一句: “甜辣鹹都有所平衡”。不過這個炸醬麵與忠記還是難比得上, 原因很大機會是在於肉絲的用料。麥文記用的肉絲瘦肉較多, 口感略嚡, 只有在咬到肥肉時才比較甘香。另一個方面則是肉條炸的程度與肉條粗幼大小有關。忠記的炸醬麵肉絲炸得較多, 而且肉質軟稔一點, 而且肉絲不會太粗, 只是保持口中剛剛好的嚼勁彈性就可以了。雖然兩者醬汁同出一轍,

晚上十一時多，從內地回到香港，長長的車程，回到香港要找一好味店家去滿足一下自己，話說我的習慣是睡前三小時不準飲食，但時常都做不到，是次是第三次來到，喜歡店鋪佈設，充滿親切感，友善大叔以充滿經驗的快速下單，之前試過雲吞麵，第一次食迷你版，第一次食只有蝦的雲吞，新鮮！彈牙！還有還有，第一次叫油菜，蠔油是要付一元，收錢是有道理的，這裡的蠔油出奇的出色，想點多碟菜去食配它，配角變主角，不加蠔油必定失色豬手，牛腩不過不失，我認為這家雲吞最出色了，麵條沒有過熟，夠彈牙

麥文記的出品一向保持一定水準,她的水餃可以說是我可吃過最出色的店舖之一,但最近數次再吃的時候發覺水準已經不在,一直都想試多幾次先寫,畢竟偶爾失準是情有可原,但試咗幾次都係咁就真係要公平的寫一篇.好的水餃有著不同的配料(蝦,豬肉,荀,木耳...等),放入口中有著不同的口感,現在的麥文記水餃沒有以前咁飽滿,皮可能都係咁上下size但以前啲餡係包到隻水餃好漲身,放入口,一口滿足.我明白原材料,人工等等都可能令佢細隻咗有關,但另一方面,其實佢碗麵好細,而水餃都係得三隻左右,而且價錢亦加咗,所以變細咗真係唔係幾接受到.而因為材料少咗味道亦變得冇咁豐富.至於碗麵,個人來說,鹼水太多了,一入口就成陣鹼水味.驚喜既反而係我一向少食既雲吞,因為一直都係食開水餃,好少食佢既雲吞,但今次試吓,蝦加豬肉加蝦子,味道濃郁,三樣嘢既比例啱啱好,唔會比單一食材取締咗佢既味道,要比個讚佢,一口一粒,美中不足(同水餃一樣),就係佢個皮已經煮得比較淋,再番熱就變得更淋.如果要食雲吞,其實有幾他選擇,亦唔需要特別走過嚟食,可惜啊,我最愛的水餃一去不復返了.

趕時間，少不了要找一個可快食午餐的地方，又不想吃太飽，結果就去了麥奀記來個細蓉。大熱天時，也點了一杯豆漿。不知道是不是解渴的緣故，豆漿十分好喝，甜度恰到好處，喝後不會有一股甜勁從喉嚨湧上來，而且也滿有豆香，以$5的價錢而言，實在十分抵飲。一如所料般，$31的雲吞麵其實沒有很大碗，但假如想午餐吃得清怡一點，已經足夠了，湯底很濃郁，分外喜歡麵條的質感，極爽身，也沒有鹼水味，是越吃越開心；雲吞不過細，也不是粗製濫造下的製成，值得推薦。消費： $36    

法語課後徒步到麥文記, 未轉角便人頭湧湧, 原是是旁邊的澳牛一如既往的大排長龍。幸好麥文記只有4、5個人在輪候。排隊期間有伙計(?)捧著一盤包好的雲吞, 令人垂涎三尺。幸好很快便有位了。店內裝修是港式風格, 兩邊四人卡座, 中間圓桌, 另外收銀台處是單邊面牆卡座。座位之間比較狹窄, 不過伙計走過時也會小心, 避免碰撞客人。我們分別點了雲吞麵和蝦子撈麵, 另外加一碟芥蘭。麵幼身彈牙, 條條分明。湯味恰好, 不濃不淡。一共有四顆雲吞在碗底, 雲吞皮薄, 蝦的樣子也清晰可見。不過跟傳統一樣, 比較細碗, 作為女生我也吃不飽...蝦子撈麵用碟上, 附送一碗湯。蝦子非常香, 麵比泡在湯裏更爽。是另一種風味。不過相比之下我還是覺得雲吞麵更吸引, 價錢比蝦子撈麵平, 還有雲吞吃

香港人最喜歡平靚正, 大件夾抵食, 看到沾仔記的受歡迎程度便略知一二. 這家以前也是 '大大粒雲吞' 的始創者, 但和今天市面上的相比, 也算是貴精不貴多了.午飯時間到達, 門外有人在等位, 但幸好及時有人離座, 可以立即進內. 內裏格局有點舊, 但是乾淨企理. 坐了卡位很闊落, 但看到店子中間坐圓枱的人則有點擠迫的感覺.店內有牛腩, 叉燒, 豬手選擇. 我只點了一味鮮蝦雲吞麵 ($30), 約五分鐘後送上.碗子的確是不大的, 不過在這家店已是預料之內. 對面坐的食客點了豬手麵, 分量好像大一點. 不過, 整體分量應不足以滿足一位男士.麵餅放在頂部, 以免被湯浸稔, 有心思, 是老牌麵店的慣常做法.我喜歡吃麵前先喝口湯. 有大地魚香, 不錯.麵條是有嚼勁的那種, 蛋味一般, 鹼水味低, 整體不過不失.今次的主角藏在碗底. 雲吞其實不小: 當然沒有沾仔記那樣, 但好像較同樣是老店的麥奀記大. 不過論精緻度, 這雲吞的尾部不太美觀, 整個扁扁平平的, 觀感差了一點 (除非閣下喜歡大大粒的快感). 裏面真的吃到原隻的蝦, 鮮味十足. 不過其實我希望雲吞內可加點豬肉會更好.三兩口便把這碗麵幹掉

這家麵家有很耐歷史了，我小時候已開始幫親，是長期客仔😋他的雲吞雖然細細粒，但很爽口，很好味，咁多年也保持水準，非常好👍不過不知是否食材貴，麥文記也加了價，其實當中已加了不少次，但只要保持水準，我也會樂於接受，但相信今次加了價，卻又換了供應商，麵條沒以前的爽口同彈牙感覺，鹼水味也重了，可能這是我不喜歡的鹼水味，苦苦地，所以感覺很差，我仍會幫親，但只會食淨雲吞而放棄了我的最愛=雲吞麵！😢希望老闆可用回以前一樣的麵條吧！！

三點半左右入到去都幾多人 仲有幾台外國人我都估到今餐實有好野食!!!叫左個雲吞麵純粹為食好野而食 唔系想食飽3~4分鐘後 牛腩麵黎左 個碗超細D麵幾有咬口 不過可能兩啖已經食得晒但系D牛腩好入味 大約有6舊 正!!!!萬眾期待既雲吞終於黎左睇落去唔系好大粒 但系食落去先正你真系會食到入面有原隻鮮蝦!!!!D蝦既肉仲好爽 真系勁正我覺得咬完一啖 浸落湯再食系最好食!!!哈哈 有機會一定會再黎拜訪依度既雲吞