麵三館 (已結業)

我的先生很喜歡吃牛肉麵當看見有牛肉麵的食店，雙眼便會亮晶晶。他最愛到荔枝角一間由台灣人開店吃台灣紅燒牛肉麵。這次因為他看見了一篇食評還是有報章的介紹。我倆放工後專程來到上環的麵三館，嘗試它這裏主打的牛肉麵。先生看到了這個「足10両的牛肋骨湯牛肉麵」，還寫上限量發售，便急不及待叫一碗。嘩！真的是足10兩的原條牛肋骨肉！超級大碗！ 承惠HKD188一碗。牛骨湯底鮮甜而不油膩，配上蔥花芫荽，味道很好。牛肉軟軟，切得每塊厚薄均等，很入味。這裏的牛肉麵比較像日式，而不是中式。而且價錢真的是偏高了一點。

走進店的時候，店裡沒有一個人，而前面幾家點卻多少有顧客；因此我們討論到底是地理位置的原因還是食物。吃過之後才知道，果然不是因為位置。所有材料混在一起。味道毫無特色。牛肉不夠滑嫩。圖片是我們離開的樣子，實在不能忍。不如我煮泡麵

還記得20多年前，在現時帝后華庭重建前的範圍內有一條小橫巷馨香里，集中了多間親民價潮州打冷舖及貴價潮州菜館，各適其適、豐儉由人，隨著重建拆遷，這一條人稱潮州巷的馨香里已經在香港地圖上消失。想當年，在芸芸潮州菜館中，有一檔「有記」也相當出名，但卻並非賣潮州牛丸或潮式滷水牛腩粉麵，而是純港式廣東風味的鮮牛肉粉麵。小店採用香港屠房每日鮮宰活牛，所有牛肉片又完全沒有醃製，更會加入坊間極為罕見的牛肝片，配合牛骨熬煮的牛肉清湯，實在非常美味。潮州巷清拆後，「有記」曾經在上環市政大樓內的熟食中心營業一段時間，老闆退休後就結業了，之後一直找不到類似的生灼牛肉麵；直到早一兩年在台灣食過温體牛肉清湯火鍋，才能稍為回味那種味道，但始終有分别。這日去開中環某商場睇聖誕裝飾及 live show，本來想去食「牛三館」，但午市又不想食太多，決定試試「麵三館」，之前並沒有甚麼特別期望，估唔到竟然找回非常接近昔日的那種味道！埋單時候多口問店員，原來與「牛三館」同一個老闆，增加了一試「牛三館」的決心！小店位於上環歌賦街，一條差不多全部都是食肆的小街，也可以形容為上環蘇豪區的延伸，由於被鴨巴甸街隔開左右兩截，歌賦街與士丹

Suddenly crave for a bowl of hot noodles in these winter days. Ordered the $78 beef noodle, with black soup and hard noodle.Had a sip of the soup when the bowl arrive. It is not rich nor strong in beef flavour. The most I can say is that it is MSG-free as I was not thirsty even after drinking quite a lot of their soup. But it certainly disappoints me as a bowl of beef broth.Noodle is the next thing I tried. It is also the component that I, as a noodle guy, am having the highest expectation of. T

上去荷里活道前諗住喺附近搵嘢食，因為太餓，又見依間無乜人排隊就入去試下。其實係門口見到餐牌已經覺得: 唔係麻，百幾蚊碗麵。咁就即管試下你有幾正。入到去，店員同我介紹佢地三個主打麵，1. 至尊手切牛肉麵2. 特選手切牛肉麵3. 新鮮手切牛肉麵當然至尊就係最貴最靚嘅牛。我又唔係好講究要食最靚，但新鮮手切店員話有啲韌，所以我揀左個特選手切牛肉麵試下。佢推介的蛋麵亦幾彈牙，但我厭佢硬身得濟，有啲似未煮熟。佢嘅特選手切牛肉幾正，幾林身又有肉味，唔錯。但湯都夠濃，不過稍嫌佢啲麵吸唔到啲湯味，有少少湯還湯，麵還麵。整體黎講唔錯的，但值唔值就見人見致，我自己覺得只值一試，因為價錢有啲不吸引。

星期一，終於有機會一嚐麵三館，零舍不同的牛肉麵，麵三館同九記牛腩座落同一條歌賦街，相距20米；今日我試咗只賣十碗嘅牛肋骨黑牛骨湯蛋麵，喜歡食牛嘅你，包你一試難忘，以後也不用在九記牛腩排隊了，仲有它的特色小食同飲品，例如；桂花酒糟鴨舌、雀巢糖心蛋、香炸牛餃子、青檸白牡丹、薏米大紅袍，同樣出色；喜歡清淡啲，可選原汁原味新鮮手切黃牛牛肉麵，可選白牛骨湯；最後別忘記，如果可以有得選的話，要選每日不同的精選，每天限定只賣10碗

聽同事說及中上環有一間麵店評價不錯，踫巧路經此處，決定一嚐。早餐吃得極飽，所以齋叫了一碗牛丸麵。湯底很清，蛋麵軟硬適中，牛丸五粒大大粒，肉質緊致而不會太硬實，最妙之處是麵上有一些炒洋蔥，頓時香氣大增，令整碗麵即時升呢。初嚐的感覺頗佳，或許下次會一試手切牛肉麵。

中環歌賦街以前就識九記牛腩同勝香園， 但原來都越來越多小資食店， 走過未試就有我至愛雞蛋仔甜品既Oddices 同一間好有feel 西餐 Lobster and Mussels, 琴日係澳門食左甜品同西餐， 所以返到香港就食返中餐啦～～信德落船， 星期日夜晚既中環除左姐姐真係唔多人， 歌賦街一半既食肆都閂左， 只得返零聲幾間小鋪係特別顯眼， 麵三館就係其中一間。好有日本拉麵feel 既中式麵館，裝修靚靚，不過價錢都係同日本拉麵差唔多😅但都有好多特別菜式。熏蛋我一定會叫啦～～28蚊偏貴（ 差唔多係豚王double.....)，味道可以但性價比唔高，但炸牛肉餃子一定要叫， 好有牛香juicy juicy😙又香口$38蚊，一定要食啦～～ 另叫左個黑鹵水牛雜撈麵$98（ 真係拉麵價錢黎嫁😅😅），超足料，牛腩牛根牛肚牛柏葉都有， 牛腩無想像中淋，但都係一食就知係靚牛。 另一碗心係成$118 蚊既特選手切牛肉麵， 一食就知用料靚， 係靚牛肉， 不過我下次都係食返撈麵😬😬最估唔到係佢野飲都有花心思， 叫左2 杯特式既，左面紅紅地係薏米大紅袍，右面係青檸白牡丹，都係18蚊，中式茶既fusion, 雖然

麵三館是近來少有，有驚喜的小店。店面新派雅緻，一看已知是有心人辦的店。地面一層是麵店，牆上像百子櫃般，竟然藏了一道暗門，通往地庫的酒吧表演區。表演是一周一次的現場樂隊，下次一定要預早訂位試試。吃麵可聽音樂的地方，一次滿足兩個願望，有點超乎想像。主打麵食，點餐紙有點像日本麵店，可自選餸、麵、湯底、配料，強調牛是來自荃灣的有名牛肉檔，價錢拍得住日本拉麵。除了牛肉麵，還試了餸名特別的化骨綿掌，當然令我想起海公公啦！化骨綿掌是小豬手，骨頭燜得可以一口咬開，同一時間，補骨膠原、又補鈣。跟少許黑豆，一客$68,只有兩小件，值得一試。香炸牛餃子$38（3隻）外脆、內熱，充滿肉汁，個人可獨吃一碟。下次要到樓下酒吧試試！

呢排成日聽到朋友話牛三館麵三館。。。今日終於有得去見識一下！是日晚上同朋友由屋企出發，行過PMQ , 再慢慢嚟到呢一度！呢啲秋天嘅時份，最適合呢就係慢步一下睇吓風景！舒舒服服，又唔洗趕。傾吓計行下斜路，話咁快就到！麵三館嘅隔離就係我好鍾意食嘅"慳返兩蚊搭叮叮"雪糕店. 呢度嘅食物選擇多好多！我係第一次過嚟食，不過朋友呢已經食過幾次架啦！所以佢已經有啲心水想介紹。我點左呢個薏米大紅袍，冰凍好飲，茶味同薏米嘅配搭我第一次見，冇加糖，清清地，雖然飲唔到大紅袍嘅特色，但味道調校得不錯！我地兩位點左個足十兩麵，係王牌之一，足十兩係用美味的牛排肉。十分入味，又軟又淋，最重要係牛味十足，美味得很，湯底又夠濃，陣陣牛香撲鼻，還有這裡的配料全菜，乾紫蘇，唐芹，芝麻，指天椒等等，記得全部都要跟，混合的味道，是香得難以形容啊！麵的質地也很講究，每一球即叫即煮，質感比較硬，似拉麵，蛋味也很出，分量也夠大。吸湯一流！這個麵真的很飽，兩人食也可以啊！而我們叫了另一個皇牌食品，化骨棉掌。被化骨綿掌擊中的人開始渾如不覺，但兩個時辰後掌力發作，全身骨骼會其軟如綿，處處寸斷，臟腑破裂，慘不堪言，再無救治。呢隻豬手中左化骨

來過幾次，食咗不同的嘢。但這次食完“足十両”，真的不能不推介。每天只供應6碗！最早試過中午12：30就賣哂。這碗真的足十両，慢煮牛肋骨因為慢煮的關係，腍得剛剛好～雖然價錢不平 $188 (中午是套餐，可配小食 或 飲品)。但值得一試！

麵三館食左三次，終於忍唔住要寫食評。中上環有名貴。呢間麵館就推出溫度節扣戰。例如今日32度，佢就會張單有32%off 姐係愈熱盒平😂而like 佢facebook會得到50% coupon。每次食完佢都會問我地要唔要20元現金券。咁識做生意既店而家都幾難搵到。講返d麵先啦。呢碗至尊手切牛肉麵。可以揀生牛/熟牛。可以揀油麵河粉等。麵可以揀少或者多。配茶都可以自己揀。我就揀剩指天椒同辣。牛肉好厚，唔好睇d湯好多油，飲落好甜，愈飲愈想飲。呢個足十両。係每日限量發售，岩岩賣剩一碗。一黎到我嘩左一聲，洗唔洗咁配巨呀。成條牛肋骨，食極都仲有。佢配埋一個黑醋俾你點肉食。入口好溶，好軟，比起牛肉麵更勝一籌。呢個腸就無咩特別，香口，好似台灣腸。另外仲叫左個化骨綿掌，姐係豬手。好膠，好黏，骨都口得爛。店舖雖細，但環境乾淨，侍應好好，唔會機械化。

是夜來到歌賦街，一心也是來試下傳說中的至尊手切牛肉麵😬😬😬至尊手切牛肉麺，選用了牛的脊位，肉質鮮嫩好香甜😋😋😋湯底就選了比較清甜的白牛湯底👍特選手切牛肉麵，選用了牛柳。肉質比較韌，選了硬身麵條，好彈牙但湯底因為選擇了🐠湯底，所以味道較凊淡，沒有什麼特別化骨綿掌（黑豆炆豬手）份量比較少🙄只有兩件豬手仔，味道可以，特別之處系可以連骨一起吃👍

假期舒舒服服到中環麪三館盡食牛牛、吾好掛住做到成隻牛咁😁呢間麵三館除設計裝潢有特色㚈更是別有洞天。、舘內仲播埋笑傲江湖音樂。館主真有個性😍。館面給百子櫃包圍著、你不會知道那個櫃是暗藏黃金萬両亦不會知那個櫃是伏藏機關或秘道。噢😱😱😱真的有呀⋯⋯⋯嚇我一跳、來來一跳秘道直通地底。好神秘啊～～這裡原是廚房改裝成現在的酒吧、會員專用還定期邀請樂團來助慶。很羨慕啊！撞鬼佢咁都俾佢諗到😍😍😍😍。呵呵呵走了一圈一坐便有美食上枱。牛肋永遠是我首選。漂亮得很、我還選了黑白芝麻、香芹、蕃茜、洋蔥做配搭。咬了一口好焾好嫩好牛👍、而我當然不會放過肋骨側邊的牛肋膜。容許我沒儀態一會、但我還是很斯文的徐徐拿起支骨、像很有節奏地吹口琴把整手歌吹完😝我又偷吃了一口老公點的至尊牛肉麵。亦是很焾新鮮。很不錯！全蛋麵真像日本拉麵但口感有點怪細嚼下去總是覺得中間硬硬的、像煮飯未全熟透仍有生生似的。莫非這個是「生麵」😆湯底分黑白湯底、自己本身都不是個黑白分明嘅人，不如來個黑白任混更貼身取材哈哈。但如真的要選擇、我還是舉手黑湯。

食品跟價錢有差異，食物比不上價錢，近$120碗牛肉麵，牛肉可以，麵同湯底都不甚出息，$68的化骨綿掌（豬手）就只有兩件，中環價錢就是中環價錢. Are you kidding me? Really, "what's the happening?"