麵道 (已結業)

石門站一出就係角落見有呢間拉麵店😋呢度拉麵嘅價錢同出面差唔多，大約都係$7x-9x一碗。🍜叉燒溏心蛋醬油豚骨湯拉麵(🌟🌟🌟🌟) 主餐牌嘅拉麵係落單嘅時候都可以選擇湯底嘅濃度同麵質。今次就揀左中味湯底同硬麵😋湯底有濃濃嘅豚骨味但又唔會太咸，麵條方面用左細麵，同湯底好夾🤤🤤叉燒有兩片，肥瘦適中，另外見到佢有有再略略燒過，更加帶出叉燒嘅香味。溏心蛋有全隻,蛋黃做到半熟膏狀嘅口感，同埋唔會有蛋腥味🥚。拉麵亦會有蔥花同木耳，增添左香味同口感。整體黎講不錯，下次可以再叫😋🍜期間限定 日本牡蠣拉麵(🌟🌟)餐牌上見到佢話每日限定十碗，所以決定試試。可能因為係期間限定，所以無得揀湯嘅濃度同麵質。湯底嘅牡蠣味幾濃，但比較咸。麵條方面就採用左比較有彈性嘅扁捲面，幾有咬口。但牡蠣味道唔係太突出，而且微微帶腥。下次應該都係叫翻主餐牌嘅拉麵🤣🤣期間限定要再三思🤣🤣

以前一路以為石門係冇野行冇野食，但一搵openrice先知有個京瑞商場有咁多野食仲好多選擇！睇嚟真係好耐冇嚟呢邊啦😃今日就搵到呢間叫麵道嘅拉麵店，行到門口仲見到塊板寫晒每日限量供應嘅湯底我係平日下午嚟，一入舖未算多人反而增添一點寧靜空間感，侍應就帶咗我去一個比較隱閉嘅bar枱角落位再介紹返d新口味★★★★叉燒溏心蛋伊勢海老豚骨湯拉麵 $90呢間係可以自選濃度硬度嘅，我就揀咗走蔥-硬麵-粗麵唔太見有海老，睇返menu原來係晒個湯底度加埋豚骨湯一齊煮先試試個湯底，幾有蝦嘅濃香味，飲落又唔會太咸。再試下個麵，未算特別硬同粗，適中啦，食落都夠彈牙亦掛湯，主要個湯汁係真係夠濃同埋有少辣，所以食落好正好惹味😄叉燒就2塊，有略略燒過，肥瘦適中，都好食但未見驚喜，同埋我覺得少咗d食食下發現底有兩粒迷你雲吞仔，幾有趣令人失望嘅係溏心蛋已熟晒，仲要冇乜味，普通蛋一隻而已。整體份量都足夠，枱面有多款調味料，可以加芝麻﹑七味粉﹑蒜粒等。最開心係有埋自助前菜-辣芽菜，加落麵度食層次更豐富！😋麵道 Ramen Dou整體評分★★★★地理環境★★★★★石門站一出嚟地下就係，非常易搵日式拉麵店裝修，有bar枱有4人枱

前排去咗沙田石門到玩 睇到有一間拉麵館叫做麵道嘅 一邊呢就有好多唔同嘅拉麵而我呢就叫左個豬骨濃湯叉燒仲有個溫泉蛋嘅拉麵 咁你呢個拉麵呢食落去呢個湯呢就有豬骨香味、呢啲面雖然唔彈牙但係幾軟熟 又好味、隻舊叉燒你都幾林口嘅 、入口呢就好有豬肉嘅味道同知個溏心蛋呢味道都ok嘅 而我呢另外再叫咗碟煎餃咁呢佢呢個煎餃呢就落咗啲分將你之前嘅 咁呢個味道呢就出面呢就幾脆入面呢都係幾遠㗎而且呢啲汁仲唔少添 所以完全唔值得嚟一食 石門必去呀 絕對

住得沙田嗰頭都實知而家最多嘢食而又冇乜國内遊客既，就得返石門個京瑞廣場。 講真越開越多嘢食，大部份性價比高，咩菜都有，認真唔錯。今次揀左馬鐵口一出就係既麵道，入到去人唔算多半滿，但2個人都係安排坐bar枱，鐘唔鐘意見人見智。餐牌選擇不多，啱哂有困難人士。嗌左原味豚肉豬骨湯拉面，辛辣豚肉豬骨湯拉面，煎餃，天婦羅雞翼。10分鐘唔駛麵到，溫馨提示要將辣球混入面食，撈到一半已經嗅到超香豚肉味，係超香！！！！皆因全部豚肉都上枱前再用火槍燒過，油香到真係叔叔不行了。湯味道夠濃夠潔，豬骨味香，面軟硬適中，糖心蛋夠水準。小食正常發揮，小弟就覺得個天婦羅雞翼，其實應該係就咁似炸雞排既炸雞翼就麻麻，反而女朋友就覺得嗰個好味…Anyway 面80蚊碗，枱前有自助前菜，有需要可以自己磨生蒜，絕對係拉面必吃之選。

石門呢邊曾經係一個美食沙漠，上排越開越多餐廳，原來連拉麵店都有啦依家！試一試，又幾好wor。個湯濃得黎唔會太油膩，上面放著兩大塊叉燒，不過d肉就比較鞋，如果嫩滑d柔軟d會更好食！

好多時去食拉麵餓餓地等緊個拉麵黎既時候就會食下枱上的配料呢間的芽菜雖然唔夠香口但辣味十足係好肚餓的情況下 可以添食完再添叉燒溏心蛋伊勢海老豚骨湯拉麵 $90伊勢海老豚骨湯即是 把香烤的龍蝦頭，蝦膏，蝦殼及蝦籽加入豚骨湯底煮湯底可選濃度 而且麵底都可以選硬度拉麵的份量好大 不但有叉燒溏心蛋還有兩粒小餃子及一塊大紫菜第一啖首先試飲無辣嘅湯底湯底味道濃郁"結"身 真係食得出有蝦味然後再把辣醬混入湯底辣醬不算太辣 覺得不夠辣的可以再加枱上的辣油叉燒的表面用火槍燒過的 叉燒都係比較肥 一塊大約有1/4都是肥肉瘦的部分都幾惹味紫菜上拉麵時已經浸左半塊落個湯到 所以半塊都係淋灑最欣賞是溏心蛋 半生熟的溏心蛋和拉麵簡直是完美的配搭一口咬下半熟的蛋黃 蛋黃的香味洋溢口中蛋白表面沾滿拉麵湯底真係大滿足呀

我對拉麵有一種著迷， 雖然唔係嗰種成日要食拉麵嘅拉麵痴， 但久唔久都要食拉麵，唔食嘅話會有一種唔滿足嘅感覺香港大部分嘅拉麵店都係豬骨湯底或者魚介湯底， 又或者另外一種沾麵， 用雞做湯底嘅拉麵比較少見， 但係亦都係我嘅最愛 心目中嘅第一位係灣仔嘅鳥X亭， 仲記得好幾年前第一次試食佢嘅拉麵之後， 我同我自己講， 我搵到心目中最鍾意嘅拉麵， 呢度就唔講佢嘅拉麵有幾好食啦 話說回頭用雞做湯底嘅拉麵， 畀我發現喺石門有一間拉麵店都有。麵道嘅拉麵有豬骨湯底或者雞湯底選擇， 話到明特別鍾意雞湯， 咁我就梗係選擇咗其中一款:雞叉燒雞白湯拉麵。 除咗話佢一般般之外都諗唔到其他評價 因為唔係特別難食，又唔覺得特別好食，食完最大嘅感受係:飽咗 不過佢午市有罐裝汽水送， 又幾好咁喎 不過假以時日，我應該會忘記我喺呢度曾經食過拉麵

又去石門搵食啦！今日同小朋友返學，順便喺度食個午餐～揀咗呢間拉麵！我叫咗個叉燒糖心蛋豚骨醬油湯拉麵，個湯底好濃郁！好味！啱晒我口味！個叉燒好好食，有啲炭燒味，肥膏入口即溶花，有骨膠原口感！勁正！糖心蛋有蛋香味！半生半熟！流晒口水呀！整體好滿意另外叫咗個兒童餐，走悤走木耳少油！個湯底比大人嗰個淡啲㗎！小朋友都啱食！正！食咗成大碗送汽水一罐！兒童餐送益力多一支！近排仲有毛蟹食！下次可以試吓仲有雞白湯都好有興趣收銀位仲有糖果！小朋友食完面有得食糖好開心！下次可以同小朋友再去食過！

有時經過都想試，不過都幾早收，有時8點幾就收今次6點幾黎到終於試到我地兩個人，決定坐吧枱位，睇到佢地點整食物得黎又可以坐得close d個餐牌幾靚最後揀左：叉燒溏心蛋伊勢海老豚骨湯拉麵、極上王様毛蟹濃湯拉麵配松葉蟹腳的，再加錢配前菜小食飲品柚子味付蓮藕片柚子味清新開胃，同蓮藕片出奇地夾 蓮藕片偏爽無絲連住洋栖豆，唔太知入面係d咩，不過都幾好食 極上王様毛蟹濃湯拉麵配松葉蟹腳，湯底真心正，香濃蟹味，不過小編覺得唔洗加蟹腳都得，已經夠正叉燒溏心蛋伊勢海老豚骨湯拉麵上菜既時候佢話因為d叉燒細塊左，所以俾多左塊，幾均真小編幾欣賞美中不足既係隻溏心蛋上菜既時候已經穿左，雖然依舊溏心，不過有d蛋黃流左出黎餃子，係煎得好食既日式餃子唐揚炸雞調味同炸既程度都啱啱好，外脆內裡juicy

情人節冇訂枱， 唯有食拉麵啦，好彩早去， 唔洗點等。特盛叉燒糖心蛋醬油豚骨湯拉麵叉燒糖心蛋醬油豚骨湯拉麵 （辛口）幾濃味， 叉燒少少肥， 味道幾好。炸蒜天婦羅無骨雞翼， 都有4舊， 幾大隻，雞肉少少肥， 炸得幾脆。燒餃子，好鐘意成片咁， 好日本。味道不錯。

今日入左黎呢個美食沙漠，原先以為會無咩好食，但喺石門地鐵站旁發現左呢間拉麵，印象中呢間係連鎖嘅日式餐廳，感覺唔係太差，所以就坐低試下佢。配料食拉麵我有個嗜好，就係要食個芽菜配料，好食我會加埋入個拉麵到食，好可惜呢到個芽菜雖然夠辣，但味道麻麻，完全無令我有想食第二啖嘅感覺。辣肉味㬝叉燒溏心蛋醬油豚骨湯拉麵 $86第一啖一定係試左無辣嘅湯先，湯底尚算濃郁，都幾夠味，醬油味幾重，相反豚骨味就唔係幾飲得出。之後撈埋個辣，都幾惹味，唔算太辣，岩哂我呢d唔係太食得辣嘅人。至於個麵，硬度適中，口感唔錯。而個叉燒都幾肥，但個紫菜一黎到巳經浸哂落個湯到淋哂。整體而言，個拉麵係合格嘅，都幾好味，不過我食完之後幾個鐘都幾口乾，相信都落左唔少味精。燒餃子 $25賣相雖然麻麻，但味道都唔錯。廿五蚊有五隻，都幾抵食👍🏻雖然整體唔係話好高質素，但喺呢度黎講應該算係唔錯嘅選擇。

幾年冇過嚟石門呢邊，知道呢幾年京瑞廣場開左多左食肆。今日就食左呢間麵道。我就叫咗個雞叉燒糖心蛋雞白湯拉麵，送埋汽水。落單前可以揀要唔要配菜，湯既濃度同埋面嘅軟硬度，湯嘅濃度同埋軟硬到我都係揀咗適中。湯底濃郁得嚟又唔太咸，而我亦唔太中意食硬既麵，好彩嚟到既都係啱我口味另外雞肉肉質嫩滑，好食到想食多幾舊，下次再食要叫特盛先得！

呢間每次嚟都經過，終於食到，店員超nice，又介紹吓餐牌又介紹俾橡筋我紮頭髮😂佢地有個Lunch Set，拉麵配餃子再送個汽水，我試咗佢個雞叉燒糖心蛋雞白湯拉麵，湯底好濃郁，拉麵軟硬度有配合到我要求，好掛湯，雞叉燒肉質好嫩，外皮燒到有少少香口，而且有淡淡甜蜜糖味，不過應該係整定好哂，所以個雞肉凍咗，如果熱辣辣食就仲好

味道唔錯，算中上，份量同價錢都合理。試左叉燒拉麵同雞叉燒拉麵，叉燒拉麵正常，但湯底唔太特別。反而雞叉燒拉麵有驚喜，個湯底清d無咁鹹，雞叉燒唔老，有炭燒味，值得一試。

石門站近幾年開左好多新食市，今日要幫公司去個邊工廈交文件整完行去搭馬鐵時見係火車站旁哩間“麵道”排隊等位，我就八掛行去睇下餐牌見店內出左個新口味“秋刀魚濃湯拉麵”即時肚就打鼓有無咁啱呀！見一支公應該好快唔使等太耐，入坐後即刻嚟個“义燒秋刀魚濃湯拉麵”啦！大大碗拉麵送到先喝一啖湯是常識吧！濃郁既魚湯好滑唔油膩，喜歡魚湯底多過豬骨湯底既我就最啱，因為平時食豬骨做湯底既拉麵都好味但個人覺得比較油膩，不過哩個沒有這感覺，三片义燒好腍一層肥肉一層肉。。。正