麵道 (已結業)

工作關係，於是就在石門站附近午饍。石門站附近的食店這一兩年多了很多不同的選擇，今次就揀了這家日式麵店。12點左右來到，不用排隊直入內。店內有吧枱及4~6人枱的格局拉麵的選擇不算多，主要是做3個湯頭的拉麵。點了個特盛雞白湯拉麵，份量沒想像的大。湯頭稠身有雞味，但味道不會很濃咸。雞白湯拉麵用雞排代替豚肉叉燒，口感比較結實，有淡淡的燒雞排味。麵條的口感正常而偏幼。流心蛋味道不算濃，但醃得入味。12點後入開始要排隊。

因私人事情呢就黎到我從來都無去過既地方，石門。我成日覺得個到係比較落後既地方，姐係舊商場，又無乜食店咁。事實係自己井底蛙啦，又多野食又有新既商場。做完野好餓的關係，見mtr出口旁邊就有間拉麵店就入左去啦。當然食佢地招牌啦(應該係)叉燒味玉醬油豚骨湯拉麵如果大家有食過一蘭既話，呢一個既麵質就同佢地係一樣，我對呢款麵既喜愛可算得上無愛。不過客觀分析係還可以既，叉燒同木耳都正常無特別，蛋都係正常。湯底就要一講，一個字 「杰」！好漿，第一次試咁既湯底，你問我既可以接受到 不過有少少奇怪，整體感覺上都唔錯！總結，石門會再去，而呢一間拉麵可以一試。再試就要唸唸，因為未去到再試既地步

今天跟同事嚟咗呢間開左一段時間嘅拉麵店食lunch，門口有塊黑板仔每個湯底限定仲有幾碗。佢嘅餐單係自助模式自己剔口味，我今次叫左叉燒醬油豚骨湯拉麵，麵質適中，湯底清淡口味，每碗上面都會有兩塊叉燒，蔥，紫菜同埋木耳絲。先講湯底，非常濃同結身，有啲似沾面嘅湯底，就算叫咗清淡口味都仍然偏鹹，無飲水根本不難連湯食。而叉燒，肥瘦均勻，有少少燒烤嘅味道，幾香，個人幾鐘意。至於拉麵，是幼麵，不過不失，不會煮到林哂。老實講，呢碗拉麵唔係咁啱我嘅口味，但我嘅同事就贊賞有加，真係各花入各眼！

佢都開咗一段時間, 但每晚想食, 佢都已經收舖, 但其實果陣只係七點幾............... 唔知係咪呢度越嚟越旺, 所以佢都開夜咗, 不過為免又摸門釘, 特意提早六點鬆啲去到, 見到佢門口個牌, 倒數住每款湯底仲有幾多碗, 其實每款都仲有十幾廿碗, 而且都只係得1,2枱客, 所以我地都唔駛急, 入去坐低先慢慢睇~呢度落單好似食車仔麵咁, 自己响張紙度剔咩款拉麵, 有啲可以選湯底濃/淡味, 有啲就可以選咩麵, 仲可以選走咩配料同少油, 清清楚楚, 每一個位係一個枱號, 就算同一張枱, 大家都可以各自寫清楚, 每一個麵只係for一個枱號, 正所謂對號入座~  叉燒伊勢海老豚骨湯拉麵選咗走蔥、適中麵質、粗麵, 完全冇為意呢個湯底係辣的, 一見碗麵上枱係紅卜卜, 以為係蝦膏煮到咁紅, 後來睇返係辣的, 幾驚辣死人, 好彩只係微辣, 完全可以接受, 仲好濃蝦膏味, 應該係用咗好多蝦頭去淆個湯底, 但濃得太緊要, 會好口渴~個麵完全同想像中好大出入, 又話粗麵, 一啲都唔粗, 而且都唔似食開果啲日本拉麵, 佢反而似上海拉麵, 麵質又唔夠彈牙, 浸耐啲仲會太淋~叉燒又雖然肥瘦適中, 但對我

就只係因為近鐵路站，又想食拉麵，所以去食，就一觸即成千古恨。。。。。。。但冇遇期可以咁不知所謂到一個極點係我暫時試過咁多間拉麵店最差嘅一間個麵其實我諗所謂選擇軟硬度係唔會有分別。。。。。。最差係個湯，真係，一見到果下都嚇嚇，好懷疑佢究竟係汁定係湯？即係好似平時食意大利麵個啲汁咁我以為自己揀左濃味湯底先會咁，但睇隔離點左適中都係咁其實唔係揀濃度，係揀杰度？會唔會揀淡底會正常啲？不過點都好，唔會再去食入面啲位仲要又迫又盛

由於石門近年有不少寫字樓進駐，一到午飯時間，大部分餐廳都擠滿了人。今次，我們光顧當中那「小部分」餐廳門面裝修走傳統和風，門口還有熱茶免費供應，十分貼心！方便在此排隊的客人不過是日不用排隊麵店的裝修貫徹日風，牆壁上提著「麵道」兩字，下筆剛勁有力，把「麵道」的格調給提高不少。這題字，令我覺得吃拉麵之道其1️⃣，在於客人可以選擇默默進食，一般的拉麵店特別多單人座位，甚至一蘭，幾乎清一色「自閉」座。顧客喜歡幾個人一起吃或自己一個閉關吃，都可以，免除顧客尷尬。麵店設有開放式廚房，師傅都穿著制服，讓客人吃得放心，吃出廚師的心意。廚房上面掛著幾盞日風燈籠，更添日本風味。反觀附近大部分是茶餐廳，充斥吆喝聲，顧客吃完就走，來來往往，相反這家拉麵有一份彌足珍貴的「寧靜」，讓人靜靜地享用一碗麵的時間。餐牌封面點餐紙的拉麵選擇不少，以拉麵來說種類算多了。有幾種湯底，分別是：➡️濃厚醬油豚骨湯➡️伊勢海老豚骨湯➡️濃厚雞白湯➡️辣肉味噌自由選擇溏心蛋和叉燒肉等，價錢各有不同，另加15元可以配迷你唐揚炸雞和汽水。麵的質地也可以自己選擇，從軟到硬。湯底也可以選擇濃味或淡味，我選了軟硬適中的麵條和濃味湯底。這種半貼身訂造的點餐方

最近發現馬鐵石門站附近，開咗唔少嘅食肆，有酒樓、車仔麵店、又有日式豬扒專門店， 一出車站，行兩三分鐘就到，非常就腳! 對正車站A出口位置，有間拉麵店，店面裝潢風格日式，給人一種到咗東京吃麵的感受。每日限定賣麵數量，賣曬就收鋪，質量應該有保證! 今次抱著貪新鮮嘅心態試下啦，結論係一試無妨，再試就無謂啦! 餐點內容很簡單，就是三種湯底口味（ 醬油豚骨, 雞骨, 麻辣) ，仲有一些炸物小食可選擇，價位適。另外，麵軟硬度、湯底濃度、 配料多少，也可以按個人喜好做調整。我揀咗最基本嘅 "叉燒糖心蛋醬油豚骨湯拉麵"， 麵條無論質感同外觀都跟"味千拉麵" 好相似，麵身直而幼，依種麵唔係我杯茶…我比較鍾喜歡曲麵的口感，麵條Q有嚼勁，可有效地吸收湯汁。這個湯底係濃郁有味的，但唔係淆出嚟嘅鮮味，豚骨味欠奉，只有鹹味! 湯頭係拉麵嘅精髓，亦都係最難做得好嘅地方，需要心機長時間淆製，我諗只係喺日本先食得到最正宗嘅！豬肉片較薄，口感一般，但用火槍燒過關係，頗香口；而醣心蛋則不錯，但能再入味一些會更好! 小食方面，選擇咗雞翼同埋餃子，兩樣都係基本嘢但就真係較失望，味道做得不到位!酥炸雞翼，唔滑唔脆又冇乜味。如果

麵道現時在香港有兩間，石門分店鄰近石門東鐵站，搭乘東鐵非常容易見到。我點選了叉燒味玉伊勢海老拉麵及天婦羅無骨雞翼。拉麵端上枱面時非常精緻，賣相非常吸引。叉燒實物與餐牌賣相一樣吸引，肥瘦均衡，但可惜入口冰冷皆因事先準備。麵湯初時還好，分得出豚骨味及海老味，但一混合了除了味道濃烈之外已分不出什麽味。木耳猶如咬橡根般。無骨雞翼脆口但入味，猶如吃豪大大總括是賣相吸引，廚工集中精神做好拉麵，這個太濃烈，但都ok

新開既拉麵店，淨潔好服務態度，價錢適中。一放lunch, 就會開始排隊。隊頭有水可收自己倒，因為夏天排門口都幾熱下，幾貼心既舉動。入到去，店舖細細地，樓底高，坐得舒服既。點左雞湯拉麵，因為上次食左豬骨濃湯。唔記得影自己果碗，以下係朋友既豚骨拉麵。點餐紙可以選擇麵既硬度，走既野，濃厚度等等。個溏心蛋既蛋白幾入味，昆布汁既味道。叉燒脂肪一層一層分佈得均勻，表皮燒得少脆，浸左入湯仲保持到口感。最鐘意個湯底唔會太油，豬骨味好真實，唔似落味精果種。今次食既雞湯唔錯。因為比較少食雞湯拉麵，原來濃度適中又可以算係清淡 （positive既形容😹），幾值得一試。雞肉大小適中，夾住放入口唔洗烏低個頭果種。雞皮燒得幾脆，雞肉腌得入味之餘唔會掩蓋左雞肉味。如果下次再經過，我都會選擇雞湯。佢好似仲有個龍蝦湯，但朋友話咸得濟。

朋友住响courtyard marriott，話附近有間Ramen好多人食。咁就去試下啦！排隊都係十分鐘。門口有個牌話今日仲剩返幾多碗拉麵，全部限量！我朋友叫左個醬油豚肉，我就叫個最貴$98的特盛叉燒糖心伊勢海老豚骨湯拉麵（辛）。點知，我個麵嚟到，同相完全唔一樣。首先你睇下menu點講個湯底先，但我碗麵個湯同朋友碗白色豚骨湯拉麵一樣色，又無雲吞，無辛的顏色。我問問侍應，佢去問師傅，我聽到師傅大聲話可能雲吞係個底到啦！加返d辣油就得啦！我試下朋友個碗又食下自己個碗，點解差不多味？我碗湯好少，麵好杰好淋一pat pat，我明明麵係揀適中，唔係軟囉！又話係龍蝦豬骨湯底，但係同個白色豚骨湯一樣味，只係多左辣油枱上邊都有同一味道嘅辣椒油！我做乜唔叫碗平d?食食下見到兩隻浸到爛晒嘅雲吞！又係難食到乜咁明明特盛話有四塊叉燒但我碗得三塊响石門，一碗$98的拉麵，真係叫好貴！仲難食到不知所謂！仲有個芝士大根餃子，你睇到相都想嘔！超級超級難食，一咬個皮就全部散，入面大根同肉都難食，得塊芝士食得入口。呢間係食過全世界最衰拉麵之一！

聞說京瑞廣場要打做一個食街，不一會又有多間食店開幕。見這間裝潢滿有日本"深夜食堂"fu 的拉麵店就想試了按排入座之際全店都日文歡迎你了，雖然只是營商之道起碼感覺良好啦，服務員鬆容不迫的態度也誠懇有禮其實款式不多： 都是叉燒／雞的拉麵為主，也有餃子／炸雞翼／溏心蛋...令次試了濃湯叉燒拉麵（可自選軟硬度）。大約10分鐘已有得吃啦，一口都試它的濃湯：像熬了長時間的豬骨湯，果然濃郁湯汁掛麵上就更野味啦！叉燒2片用火槍燒製，蛋也是流心，但不太似蛋香四溢日本蛋而且腌的味道也不明顯，可能是濃湯蓋了吧蔥花／木耳少許....知道物價高漲，如果叉燒多一片就好了！下次一定再來試其他！

今日同朋友係石門食飯，點知塞車遲到，而原來麵道的拉麵係每日限量供應，當湯底賣晒就冇得食，我朋友好好彩地叫到最後兩碗拉麵。燒餃子(4隻) - 煎得好好味，而且餃子有好多肉汁，真係令人讚不絶口。叉燒味玉醬油豚骨湯拉麵 - 師父係特登等埋遲到既我到左先整，以保證新鮮，而我都係食完先知，難怪個拉麵真係夠新鮮夠熱辣，個湯底選左中味，真係香得來唔會太濃味，亦唔會太多油，平時唔太鐘意飲DD湯既我都忍唔住飲左幾啖。麵質同樣可根據個人喜好選擇，適中真係唔軟唔硬，照顧唔同人的需要。湯底同拉麵真係冇得輸。但個叉燒得兩薄片，味道係好食的，可惜分量少左D，唔太夠喉。溏心蛋係原隻上，唔似一般係切開左得返半隻蛋，而且真係好香好好味，真係好感動。朋友叫左雞叉燒味玉雞白湯拉麵，味道都好似唔錯，下次一定要試埋其他。整體而言，估唔到石門都有咁高質素的拉麵館，環境都好企理，而且價錢可以接受，真係值得再來食呢。

下雨天，中午late lunch 時份，接近滿座。門口看似會提供自助凍水給排隊顧客，不過我去時冇人要排隊，因為是 late lunch 時間。門口有個牌寫明目前有幾多碗賣剩，當時見醬油餘60碗，海老餘30碗，白雞餘30碗。叫了海老和白雞各一，第一次吃，侍應有禮細心指示要在單上 tick preference, 例如選擇麵的硬道和湯的濃度。很欣賞侍應的温文態度 要讚啊！桌子上有前菜，是 marinated 咗的 spicy 青瓜粒，ok, 不是太出色，但也不差。桌上有提供水，是冰凍的水，很特別，為什麼提供冰水？我不知道。我諗是否因為拉麵是熱的？還是因為現在是summer 呢？但我覺得這顯示店主很有心思，讚主角拉麵出場了！我吃了白雞那款，我點了濃湯版，湯很濃很杰，不錯，可惜是雖然有一層厚油在湯面，但不夠熱，拉麵要熱才好吃啊！麵是幼幼的，不太吸湯味。雞叉燒好吃，糖心蛋正。至於另外一碗，我見D叉燒好肥，不是我杯茶。桌上有生garlic 可自己加，店員見我加唔到，親切地過來幫助，好sweet有禮，讚讚讚我很喜歡這些温文有禮的男女店員啊！希望他們繼續加油！

本人非特別愛吃拉麵，亦沒有深入研究拉麵。以下純屬個人意見：第一次光顧，叫了雞叉燒雞白湯拉麵，湯底叫了濃味。麵一到，先立即試湯底，濃，喝得出是用很多雞肉慢慢煮成。雞排，厚、滑。愛雞人士必試！ 桌上亦有多款調味料，最驚喜是有完粒蒜提供，配有研磨工具，可把蒜粒壓成蒜容。值得一贊其細心準備！