麵館皇 (已結業)

在銅鑼灣做完facial想食個麵做晚餐，看到這家門面好大，叫Noodleholic 麵館皇，就知這裡的麵是他們的招牌，就試試吧~我坐的位置對著生煎包的做法，比我想像中多步驟啊！傢俱用木為主，有一張特別的圓枱，還有bar枱，多人或獨食都有合適的位置坐。他們的刀削麵和手擀麵都是中國十大名麵，當然要趁機嘗試，加3元有甚麼所謂，最重要是要吃到好東西。對我來說手擀麵比較新穎，就選了這個配口水雞。麵的湯底是滋補藥膳灌湯，讓我好期待。不吃麵還有飯可選擇，切合不同食客需要。湯麵來了，上菜時湯還在滾啊！整個鍋都好熱，店員都會細心提醒呢。詢問後知道湯用了當歸，黨蔘等藥材，還有紅棗和枸杞等提升甜味，還有其他不告訴我的材料(獨門秘方怎能披露那麼多)，補而不燥，非常適合各位女生呢！待一會就到齊了，先拍個全相。口水雞比我想像中大碟，即配菜和麵都是超大份量！熱豆漿不是很甜，豆味也頗濃，不錯。手擀麵是手工做的，所以麵的長度、厚度、曲度和寬度都會有差異啊，這才突顯手擀麵的特性。麵夾上來已經好滑，入口更感覺到它的柔嫩和滑溜，咬下去有靭度，口感十足，果然是十大名麵。口水雞份量有一層半，另外半層是拍青瓜。調味料除了辣椒籽，花

銅鑼灣買完衫同帽，冇錢鳥。過黎食個麵先。好多中式出名野食。揀左個藥膳煲手擀麵同埋麻辣口水雞。手擀麵一上菜就聞到藥膳味，成個煲都滾緊，熱辣辣，見到都開胃。食一啖手擀麵，原來手擀麵麵質係咁樣既。彈牙仲索曬啲湯，好香。湯底唔會太濃，清湯藥膳煲，但食到陣藥膳味，感覺好養生。麻辣口水雞同之前食既唔同，口水汁偏深色，深紅色，仲有炸蒜，花生，豆豉等。好香。開始食唔覺辣，食食下開始覺得開胃，辣味開始有，好惹味！唔會好辣，但整體感覺唔知點解越食越想食多啲。因為手擀麵用瓦煲裝住，手擀麵到食完都仲係香噴噴熱辣辣。真係好暖胃，好似我咁，暖男一百分。

今日同個firend睇完戲之後 突然好想食上海野 見到謝斐道有間裝修幾企理嘅舖頭 就決定入去試下佢好近cuasewaybay地鐵站 b出口出行兩分鐘就到入到去就睇下餐牌 發覺入面有好多唔同選擇 但我就鍾意食辣野 所以決定嗌佢地推薦嘅口水雞 同埋試下刀削麵杯豆漿泥左先 夠凍夠滑 深得我心😚個刀削麵都好快泥左 一泥到聞到好香 係藥膳味啊～ 麵質都好有口威 令人想不停食落去個雞係小辣 好滑好嫩 仲要份量十足 男仔一定夠飽 我同個friend仲額外嗌多個生煎包 熱辣辣上到泥 忍唔住即刻食 一咬啲肉汁bid哂出泥 真係令人好心動 想嗌多一個😚😚佢餐牌上面仲有好多上海野 鍋貼小籠包咁 下次再試下先

麵館皇開咗間新分店，分店都係喺銅鑼灣入面 不過呢間新分店嘅裝修同路線，就同傳統嗰間有好大分別店面光猛、小清新，有空間感，感覺幾舒服 吸引左我去試下今次就揀左—金牌咖哩豬扒配手擀麵 豬扒半煎炸得好香脆，而肉質仍然好鬆軟、一咬就咬得開咖哩 香辛味突出，雖然唔辣，但咖哩既刺激同惹味都有 手擀麵則比較有咬口、煙韌，比起米線更得我歡心睇黎會有下次光顧同行朋友，就叫左麻辣豬肚配米線 麻辣豬肚超級多，平時應該只得佢1半既份量，幾乎裝滿成個碟麻辣有麻香，和嗆口感，但並不算太辣豬肚就新鮮、爽口

向來鍾情麵食，尤其是每次親自入廚，最愛就是烹煮麵條當飯餐吃，既方便又快捷。去年曾和公司同事到訪過登龍街的《麵館皇》，品嘗店子的刀削麵，覺得麵條嘅藥膳湯底非常甘香，而且沒一般的苦澀，容易令人接受，所以一直想找天和老公去試吓。最近瀏覽「餐廳指南」，得知《麵館皇》喺謝斐道開咗新分店，據說地方比舊舖更加寬敞，所以趁週五下班後，就來這家目標店看看。踏進店，地方果然比拉麵街嘅舊舖闊落得多，以一室淺木色為主，木製桌椅配上暖白吊燈，營造一份溫暖感；再往另一邊走，畫上手繪圖案的牆身掛著一只粉橙色的摺扇，帶和風格調，感覺清新舒服。拿起餐牌，晚市套餐很簡單，分成飯和麵兩大類，另外亦可以用優惠價配小食，不過既然一場來到，當然要吃餐廳的主打刀削麵和手擀麵。金牌咖喱牛腩刀削麵 ($65+$3 轉刀削麵)，刀削麵以瓦鍋盛載，上桌時還不停地冒著熱煙。先嘗一口藥膳湯底，據說是用上多種藥材來熬製，有杞子、龍眼肉、淮山和黨參等，湯底藥材味唔算好濃郁，帶點微甘，而且毫不油膩，感覺清盈。至於麵條，長短厚薄適中，口感煙韌，而且不會煮得過硬或過腍。其實牆上有生動的繪圖，詳細介紹刀削麵嘅製作過程，大家有興趣亦可以不妨一看。牛腩方面，

行過謝斐道見到竟然開左間刀削麵，就心思思想食。係食飯時間入到去竟然得兩三個客，個心有少少驚，不過因為好少地方有刀削麵食就決定繼續。座位之間好闊落，不過就唔太乾淨。地下枱面同櫈都有食物殘渣呢道啲野食其實都唔平，要60幾蚊一碗。叫左個獅子頭刀削麵，豆漿同生煎包。一黎到碗麵好大陣藥味，不過食落又唔多覺，只係有苦苦地既味道。刀削麵本身就應該條條大小大一，不過佢有啲超級厚，咬落去重未熟既。跟住個獅子頭有3個，不過好咸好咸，食落成口肥膏，起碼有半球都有肥膏，3個都係咁，搞到我有啲反胃。生煎包細細個，餡有啲少，不過同獅子頭一樣勁多肥膏欣賞佢個底煎得幾脆，不過就太焦啦，搞到有苦味。明明叫凍豆漿不過係暖既重要無咩味。不過3蚊杯就算啦。不過呢間野真係無下次，難怪個有口音既老闆叫啲伙記去拉客。

我同朋友都係「無飯主義者」，比較喜歡食粉麵。這晚經過銅鑼灣見到「麵館皇」三個字，我哋雙眼都頓時發晒光，唔洗考慮就入咗去。坐低左先開始研究食啲乜，原來呢度主打刀削麵同手擀麵，皆為十大名麵之一。雖然香港唔係冇同類型嘅鋪頭，但要搵一間做得好食嘅亦唔係咁易，所以都有期望架。同朋友一人揀咗一個晚市套餐（$62），包一鍋麵配一款小食（刀削麵、手擀麵均另加$3）。請教左店員刀削麵同手擀麵嘅分別，原來兩者所用嘅麵團係一樣嘅，分別只係在於刀削麵較粗身，手擀麵則較薄。「手擀麵」上桌嘅時候真係好驚喜，估唔到咁大鍋，熱辣辣，仲滾緊！試一試個湯底，好重藥膳味，喜歡藥材味嘅朋友會覺得超正！我終於明點解冇得揀湯底，因為主打嘅湯底做得好，根本唔需要咁多款俾人揀。講返麵質，手擀麵果然較薄身，一開始食覺得口感剛剛好，煙煙韌韌，但絕對唔可以浸得耐，否則就會開始變腍。「刀削麵」由於刀削麵比較厚身，所以慢慢食都唔怕佢好快腍。但細食嘅朋友就要注意啦，條面咁粗好易過飽，食唔晒。雖然賣相望落好清淡，但其實散發出濃濃嘅藥膳味，唔好俾佢平實的外表呃咗啊！小食方面選咗口水雞同麻辣牛展，雖然未去到頂級水準，但絕對合格有餘，肉質嫩嫩滑，記得嘮

今晚我哋嚟到銅鑼灣謝斐道嘅一間中式餐廳，喺門口已經見到佢哋嘅餐牌，竟然有刀削麵，加上價錢相當合理，於是決定一試。見到刀削麵真係有啲驚喜，用瓦煲上嘅刀削麵非常之熱騰騰，仲有香濃嘅藥膳味，麵質唔會過硬，口感非常好，可以見到刀工嘅利害。另外，我哋仲叫咗糖醋魚，同埋菜飯，酸酸地，非常開胃。最後，我哋重視左佢哋嘅招牌生煎包，非常有肉汁，熱騰騰，絕對值得一試！特別鍾意呢一間餐廳，感覺上食物都比較健康，唔會太過油膩，對於平時食慣咗煎炸食物，係一個唔錯嘅選擇。尤其一定要試吓刀削麵！

喺sogo行完，到咗晚飯時間就喺附近揾食。因為今日下午食咗個幾heavy嘅brunch，所以晚餐就想食得簡單d。見到呢間以藥膳湯底作招徠嘅麵店，感覺幾健康，就入去試試麵店嘅裝潢簡潔，幾企理。入面有張大圓枱，應該可以坐到8個人，多d人嚟都唔使分枱坐呢到嘅嗌法係先㨂餸再選麵底，基本約$60，選某d麵(e.g.刀削麵)就加$3~5，仲可以加錢配嘢飲。我中意d食辣同有嚼頭嘅嘢，所以就叫咗麻辣口水雞刀削麵($65+3)配豆漿(+$3)。刀削麵以一個小鍋盛載，上枱時熱辣辣，見到d湯bulu bulu咁，仲聞一陣陣藥材味感覺好啱冬天嚟食～刀削麵有嚼口，而且每條厚薄粗幼都有d唔同，睇得出係手工做其實平時食麵唔會飲d湯，覺得唔健康，但今次個湯底係藥材煲嘅(不過唔苦)，都忍唔住飲多幾啖。至於口水雞，以一人份量計算多，雖然唔係雞脾肉，但都幾爽滑。個汁少少麻、少少辣，唔食得辣嘅朋友都可以試下。男友就叫咗獅子頭手擀麵($62+3)配豆漿(+$3)。手擀麵口感比刀削麵順滑，壓得幾薄身得嚟又冇煮到淋哂，抵讚個人幾中意個獅子頭，味道鹹香、肉質鬆軟其實佢menu上有其他餸，如鎮江骨同麻辣豬耳，都好吸引，下次嚟會試試

去左銅鑼灣麵館皇食個麵~新店比起舊店更大更好坐，新店麵館皇有d舊店無既menu,例如咖哩類，所以今次我就叫左份咖哩豬軟骨麵，個麵由一個瓦鍋盛住，熱辣辣咁送上台~個湯係幾香既藥膳湯底。有一陣陣既當歸味道滲出，d麵索左d湯底精華，令到個麵都好入味~個咖哩豬軟骨就另外上，咖哩汁幾香濃，豬軟骨份量都幾足料~肉質都幾淋，軟骨位置入口爽脆，充滿骨膠源既感覺！仲有d薯仔都好正~煮到好粉~一咬就化開，感覺好好味。

今晚想食完野先去睇戲，諗起之前朋友話銅鑼灣麵館皇唔錯，見謝斐道開咗間新嘅分店，所以決定喺度食啦。今晚叫咗:麻辣口水雞刀削麵酸辣湯雲呑手擀麵等待食物上枱時，見到旁邊嘅師傅啱啱開始整小籠包，即場製作而唔係叫貨返嚟賣，下次可以試下。（地方都幾整潔）等咗約10分鐘，食物開始送到。酸辣湯雲呑手擀麵酸辣湯好濃稠，裡面有好多配料，例如木耳、豆腐、肉絲等等，酸味同辣味平衡得幾好，手擀麵煙靭又彈牙。雲呑都唔錯，皮薄餡靚，比起平時出街嘅好食好多，最怕食到厚皮雲呑。麻辣口水雞刀削麵口水雞同刀削麵係分開兩碟上菜嘅，刀削麵嚟到嘅時候仍然喺藥膳湯裡面滾動梗，而且微微發出好香嘅藥膳味，好吸引。藥膳湯味道濃郁，連平時討厭藥膳味嘅Mr.J都覺得唔錯。刀削麵吸收咗藥膳湯嘅精華，好入味，麵質有少少煙靭。至於麻辣口水雞嘅份量都幾多，雞肉嫩滑唔太肥，下面墊底嘅青瓜好爽口，帶點小清新。雖然係麻辣口水雞，連平時唔太食到辣嘅我都食到，感覺幾好。（不過隔離枱嘅先生辣到不斷咳。。。)成日行經登龍街嘅分店，感覺比較迫少少，謝斐道嘅相對面積更大同闊落，而且樓底較高，坐得更舒服。

公司同事介紹黎食，放工黎到門口已經好多人排緊隊，好彩我都吾係等左好耐👌同同事一坐低就一人叫左一碗，都係同一個湯底，但個味其實都有分別佢d拉麵並吾係日木果d幼條，係粗ge，似刀削麵咁樣，幾特別！我就叫左排骨罐湯拉麵，排骨同個麵係分開上ge, 個湯係藥膳底，食完可以飲埋，吾苦有小小甘香味，當下火咁食就最岩如果怕個湯底吾岩食，可以食d餸重味d ge,我同事就叫左個鎮江骨罐湯拉麵，佢話d骨好冧同甜甜地，個湯底相對我果碗冇咁濃藥膳味

畢業之後，已經冇乜點再係謝斐道搵野食，今晚同朋友打算食完飯之後行維園。見呢間新開就入去試下食，落完order都之後都冇乜野。朋友嗌嘅滑雞手幹麵味道不錯，跟住等左廿分鐘，朋友碗麵已經係十多分鐘到左，但我碗麵仲未到。第一次查詢我碗面嘅時候，店員無視就算，係等既期間有幾張新枱落單，然而當佢地啲野食都到左我果碗都係未有。我明白食物製作需時，但我諗整一碗麵唔洗廿五分鐘掛？第二次查詢後，店員經過聽到我話要係openrice打評價嗰陣先至肯問廚房我碗麵整好未😡我又唔係太口渴，杯熱檸水飲左一半先至有，而且啲麵未煮至軟身，而且有啲硬，我都算！最大問題係落枱後，一句唔好意思嘅說話都冇！有講條氣都順啲，但落完直行直過就算！第二，我都做餐飲行業，聽order都同個客都有啲距離或者企係枱嘅中間，圖片內嘅店員聽order嘅時候挨落黎，我都知地方淺窄已經傾身俾佢企，我心諗"同你好熟嗎？就算熟都唔係咁挨落黎啊？"如果連呢啲基本知識都冇，我好懇請貴公司可以考慮下俾員工做訓練！呢次真係食到好嬲！一定唔會再黎！

夜晚諗住趁行維園年宵之前求其快快趣食啲野啦見到呢間野咁就近又好似幾ok咁咪入去睇下有咩食點知個餐牌版版都係午市套餐問個啊姐先知原來包埋晚市好啦咁我就叫左個面點知叫個面都要等左成半個鐘 唔餓都餓死啦好啦咁我叫左個雲吞米線啲米線又唔彈牙 啲湯又勁淡味 雲吞又唔好食講真譚仔都好食過佢十倍啲位置又窄 坐得勁唔舒服啲啊姐又無乜服務態度唯一好嘅就係佢送嘅豆漿 都算幾好飲 夠凍同塐土啲湯叫做有少少藥材味 不過唔知真定假啦整體黎講真係一般般下次唔會再黎

中國數千年以來，將食物選擇性地配合藥材，製成美味佳餚，以運行全身正氣，調理身心，稱之為藥膳。🌄人愈大，身子愈差，對藥膳變得愈來愈著迷。最近氣溫又驟降，適逢流感高峰期，難免染上風寒😷，原本已想吃一些清淡的麵食，見到麵館皇一名，令人聯想到跟麵有關的食物。一踏進食店，一陣真濃郁的藥材味向我撲過來，向來對藥材鮮有研究的我，已經辨認到湯底內必有當歸這滋補的藥材。早兩天團年飯已吃過雞，所以今天我選擇了金菇肥牛灌湯刀削麵。刀削麵粗又適中，麵香濃郁又鬆軟，浸淫在濃濃的藥膳湯內，吃起來彈牙又入味。綠油油的椰菜配合藥材湯底，吃起來份外的鮮甜爽口。相對地，金菇肥牛卻比較遜色，金菇也份量很少。在短短用餐的一小時內，可見到有很多客人光顧，大家都識得津津樂道，到了九時多，店內的雞已賣光了，店員逐一跟剛進來的客人宣布👄，他們的樣子簡直是晴天霹靂，有的更即時離開，我想這店的王牌別是雞，如果有機會再光顧此店，我必定吃雞。🐔🐔🐔