麵麵棧

營業中

休息中

從初中期間,已經開始看蔡瀾先生作品,大抵應是"今夜不設防"開始吧.後來看過他的散文集,食經,自此便成為小弟的學習對象.話須如此,對蔡生的食評,只是信一半,皆因太多鱔稿存在,好像多年前扒王之王初開期間,他曾說過老闆的太太與他是好友,所以有權利去支持,這是其中一個例子,當然作為職業食家,人在江湖身不由己,好多時總會存在利益輸送,你請我食飯,我就寫好一點.不同我這個傢伙,人微言輕,貴網請我食自助餐,事後吃過不好便照事實寫出來.年前曾批評過家中附近的"麵麵棧",士別一年多,門外貼上蔡生讚好的食評,時為半年多前在壹周刊的文章,心想這間麵店在這一年內,是否有大幅度進步呢?結果又再來,吃個麵..自從附近多了間八度海逸酒店後,顧客不再是一味本土食客,而多了班大陸團友光顧.憑著蔡生的名氣,那些什麼明星暗星也追餐死的大陸人,又怎會錯過?豬手在之前吃過,也曾說過味道淡,是夜的豬手撈麵,除是蔡生推介之外,而且更得過飲食獎呢!不過坊間大多得獎菜,十居其九也是流口水個流.將目光轉回面前的豬手撈,豬手大大件,豬皮爽而充滿膠質,皮下肉也豐富,南乳味道同以前一樣不重,底下的麵條是大碌竹壓出來,但是麵條不是十分煙齦彈牙,

新一年新開始, 報讀了的課程也是昨日開始上課, 上課前最重要的當然是先吃飽! 由於時間緊迫的關係, 求其在附近找間店子坐下找點吃的, 於是便來了這間店.店子不大, 卻十分擠迫, 下午接近二時仍然坐滿人, 要找個位子也不容易, 而且冷氣不平均, 坐在角落位置又熱又焗; 地方也不太乾淨, 地面, 餐牌和調味架都是黏黏的. 看見店內牆壁上周圍掛了報紙報導, 都是推介其店在某食壇頒奬禮的得奬菜 - 南乳豬手麵, 於是點來一試, 另加奶茶一杯.正如之前有食家所言, 等一碗豬手麵也真的要上十分鐘, 反而奶茶卻一早送上. 用印有"捷榮奶茶"的杯子裝著, 不知是否真的是用捷榮的茶葉? 茶味一般而已, 不過下了不少奶, 入口尚算滑. 豬手麵的賣相普通, 兩件豬手浸泡在淺橙紅色的南乳湯中, 水汪汪的, 不太吸引. 喝一口南乳湯, 淡淡的南乳味還可以. 豬手一般腍且不肥, 但豬味和南乳味也很淡, 不入味, 應該是浸在湯中太久, 又或者根本下了很少南乳, 所以連味道也浸淡了. 而且骨很多, 卻沒甚麼肉, 基本上是吃豬手皮和啃骨頭! 而麵方面, 店內張貼聲稱, 麵是手打的, 所以麵反而較好, 較彈牙之外也沒有

本身自己係土瓜灣住，貪方便經常去呢間野食麵。但係佢地服務態度真係太差，以後都唔會再去!!!話說我經常叫外賣，次次叫完我都會企係一面，怕阻到其他人。但係果個惡人老闆娘經常用好無禮貌既態度喝我出門口等。有一次得10幾度!有一次根本間野無咩人!你要我出去等無所謂，但請你唔該禮貌D，你D野老實講非常普通，加上咁樣既服務，遲早玩完!!

上星期經過這間麵店, 在門外見到蔡生的相片, 看來質素有保證。於是叫了兩個雲吞麵外賣, 麵和湯是分開包裝的, 麵質是可以的, 只是湯底頗咸。但服務員的質素就不太好了, 口黑面黑的, 今時今日咁口既服務態度真係唔得呀!!!

下午特登去捧場,原來都幾好生意,座位都坐滿八成,好采我一個人易搵位,個地方幾乾淨,唔錯唔錯,睇睇餐牌,叫左個牛腩雲吞河加多個炸錦鹵雲吞,碗面都真係大大碗,好足料下,牛腩同牛筋都好淋,有三粒雲吞,不過就好細粒,但係都落足料,幾夠鮮味,而成碗面美中不足就係湯底淡左小小,好在有份量搭夠炸錦鹵雲吞就夠哂香口,配埋個甜酸醬就真係好正,食多幾碟都仲得,如果佢唔熱氣既話

雖然這間麵麵棧算同我家相近,但近期絕少光顧.聽身邊的街坊朋友說,水準不如新開張之時.上班之前,心血來潮想來一碟水餃麵.貪方便之緣故,就再來此.朋友說水準不如以往,生意卻更勝從前.要在門外放下一張摺檯才行.坐下不久,我對店員說:{水餃撈多油!}不久,店員走過來,有點不明所以:{想問係多油是什麼?多豉油,蠔油?}我說:{係豬油}店員:{係豉油?}我沒有好氣:{豬油.},店員聽罷,回去同廚房說,看個廚的面部表情,有點點愕然.好像撈麵配豬油是不尋常事,又或者,她們根本沒有豬油.好,擾攘一輪後,水餃麵就奉上我面前,見麵條不算很滑,有沒有加到豬油?係有些油,但不是豬油的香味.吃撈麵不下豬油,就幹不起來.用蠔油撈麵,從來是浪費,因為蠔油味個性太重,吃到連麵條的蛋香味也掩蓋.就好像這碟水餃撈麵般.水餃頗為大隻,但灼得有點過火,外皮在穿與不穿之間,有點爛溶溶.餡料本身是沒有問題.撈麵本身是有碗湯跟,吃到最後仍未到,要再出聲才送到,相信是一時之失.但撈麵沒有豬油,就很難說得通.

樂壇頒奬禮有豬肉奬, 原來食壇頒奬禮都有. 某電台主辦, 以明火煮食為號召的比賽, 入圍的食肆都會被大肆宣傳, 得悉其中一間叫麵麵棧的原來距離家門不遠, 特意去一嘗其得奬菜豬手麵.店子不算大, 最多十張檯, 不過感覺上就不太乾淨, 菜牌和調味架都是黐立立的, 而且是開放式的廚房, 油煙比較大. 同老婆兩人, 叫了豬手麵($16), 豬潤麵($17), 錦鹵雲吞($16)及油菜($10)各一. 不知何解, 人不算多, 但煮一碗豬手麵竟要上差不多十分鐘, 豬潤麵就需時更久. 好了, 終於等到上檯, 麵的賣相普通, 不夠晶瑩, 吃一口麵, 不彈牙之餘又腍. 豬手是入味的, 也非常腍, 不過非特別出色, 未去到可以"攞奬"的水平. 豬潤反而不錯, 厚厚的甚有口感及十分新鮮. 錦鹵雲吞是"手作仔"的貨式, 一般. 正價的前題下油菜的份量實在太少, 猶幸芥蘭的貨色甚佳, 脆綠鮮嫩.埋單$59, 附近比這裡好的選揀多的是, 不會再來了.

响土記吃雲吞麵，印象中只去過家附近嘅興記及沾仔記，這兒就未來過...下雨天，進來避雨，順便吃碗麵。雲吞牛根雙併，只賣二十塊左右，份量又極多，吃來吃去總像吃不完似的。光是抵食已足夠....水準平平穩穩，牛根雖不太入味但夠淰糯；雲吞仍是犯了蝦多過肥豬肉嘅毛病。用的是雪蝦，怎會好吃 ?麵無甚鹼水，不算太淰，已是合格有餘....若果想响附近吃一碗麵，這裏也可提供一個選擇la...

幾好食...上次食左佢招牌我蝦子麵...唔錯播...又唔算太咸

再度來訪這間在土瓜灣稱得上靚裝的麵店,今次來就試個豬手撈.豬手屬南乳系,豬手有肉地.但味道很淡,色水就夠,南乳味不夠.麵底鹼水味不算嚴重.始終想在土瓜灣吃雲吞麵,這店屬不二之選,因為根本沒有其他同類型的選擇.回想月前,貴網的forum有人幫這店"做勢",想起也得淡笑.

專做街坊生意的麵檔，我們兩人點了一碗$15元的牛腩河、$16元的炸雲吞和$10元白菜仔，全都十分有水準。老闆專門醒了最好食的牛腩，一流的味道，而且沒有渣，絕對超水準。而炸雲吞有6粒，雲吞皮夠薄且脆!正!，鮮蝦超爽，個人非常滿意。老實講，地區不是高尚，但可說是潔淨。服務一流，價錢抵食！

男友想試呢間新式麵檔，經過我的一輪既嚴格又苛刻的環境inspection後，麵麵棧以高姿態跑出，成為我倆在Good Friday吃late lunch的地方。我們點了一碗$15元的墨丸粗和$15元的淨雲吞，兩者都十分有水準。墨丸超彈牙，雖然墨魚香未見突出，但$15元有5大粒，加上滑身的粗麵，大量菜心和勁新鮮的葱，絕對超水準。淨雲吞有8粒，雲吞皮夠薄夠滑，鮮蝦超爽，細細粒，一口一粒，個人非常滿意。服務好，應該是家庭式經營，價錢又平，一定有下次！

年廿九個女發高燒，下晝同佢去睇醫生，但係醫生度大排長龍，咁無理由要佢食細菌架（其實係因為自己為食），所以去咗附近嘅麵麵棧。第一次黎，梗係試佢嘅招牌「竹昇雲吞麵」。整體黎講係好平均。雲吞皮個封口位無話結成硬塊，證明皮靚、手勢好，而且唔係雪咗好耐，至於入面嘅蝦好鮮好脆，豬肉肥瘦適中，做得好好。湯底係傳統嘅大地魚湯，好香，但係食完唔會口乾，十分好。個銀絲細麵爽脆彈牙而又唔硬，亦都係非常好，而且份量唔算小。單就雲吞麵黎計，佢係以平均取勝（色香味、新鮮、價錢、份量），真係比得上鏞記（油香湯清麵細滑）、五龍（麵淋滑）、同旺角煙廠街街市嘅阿伯（疍麵夠香脆），可以話各勝善長，而且比起麥x記（口乾份量細）、沾仔記、自由麵食（雪蝦太大豬肉太少）等有過之而無不及。自此之後，來北帝街，唔再止係得鬍鬚安同新梨花苑，仲有麵麵棧。

前幾日去左呢間麵棧度食,我叫左個鵝腸米,而朋友就叫左個雲吞麵,再叫左一碟蜆芥鯪魚球,d鵝腸好爽口,唔會話縮水變到好細條,而我朋友亦都話d蜆芥唔會太咸(因為出面有d食肆會整得咸),我地食飽度傾計時,個老闆整左錦(老)雲吞俾我地食,佢d醬搞得幾好,而個老闆又好nice,好好招呼,下次我都會再去

在鬍鬚安對面的德記粥店,不久前關門大吉,即刻有間"麵麵棧"頂上,算叫靚裝修的麵店,在土瓜灣可話係只此一間.雖然話係靚裝修,價錢也很大眾化,$15一碗雲吞麵,$22一碟撈麵.同$10店就不能比較,但同外間其他三不像的麵店,相對也算便宜.兩味招牌貨,雲吞麵同黑柏葉.先講麵條,標明銀絲細麵,比較幼身,鹼水味不重,質感較柔韌.雲吞八成蝦兩成肉,細細粒,雲吞皮略嫌過厚.湯底大地魚咩較重,飲罷沒有出現口喝現像.黑柏葉當然未經後天加工.白灼後點些特製醬油吃,非常爽口.餐牌上見到有錦鹵雲吞,即要一客試試.雲吞即炸,錦鹵原來只得一小碗酸甜汁,並沒有一大碗豬什加酸甜汁.想起也未免太過天真.還有其他豬手撈,蝦子撈,炸鯪魚球,也是自家招牌貨,下次會再來試.在這個新舊對照的地區,這間麵麵棧,應該會生意興隆.