麻吉灶咖

營業中

休息中

我最近去了的這間餐廳，用餐後的體驗非常好。首先，食物的味道和質量都非常出色，每道菜品都有獨特的味道和口感，讓人大呼過癮。其次，用餐環境非常舒適，餐廳的裝修設計非常有品味，氛圍也非常放鬆，還有歌聽。此外，服務質量也非常好，服務員熱情周到，能夠及時地為我們提供幫助和建議。最後，價格也非常合理，非常值得。總的來說，這次用餐的體驗非常好，讓我感到非常滿意和愉快。我會向我的朋友們推薦這家餐廳，並且期待再次光顧。

今日去K11咁啱見到一間台灣嘢 喺D3出口一入嚟左手邊就見到 睇落去賣相就好唔錯😋先講佢哋嘅-✨招牌 麻吉珍珠奶茶$42奶茶嘅味好香 茶味比較重 佢哋嘅珍珠都比較有咬勁唔會話太甜 鍾意珍珠奶茶嘅!不妨嚟到呢度都🉑️試!!😆-流心芋泥球$52（4粒）外脆內軟 芋泥嘅味唔算話好重 不過都好好食😋鹹鹹甜甜夾雜！！鍾意食芋泥嘅 我覺得可以直接入嚟盲點😌相信你哋都會鍾意食-而且呢度嘅服務態度都唔錯上菜嘅速度 唔算話好慢炸物就會等耐啲 睇得出係即叫即炸🤓-加上佢哋最近搞一個活動 ▪️只要喺社交平台 post story @佢哋 就會獲得一粒流心芋泥球 咁如果同幾個friend嚟嘅話就可以免費獲得 就唔使俾錢嗌 咁都係一個唔錯嘅活動🤣大家嚟到K11都可以嚟試吓呢一間😌

尖沙咀K11新開台灣菜餐廳，今日父親節一家人去咗試下，節日用餐時間為75分鐘，環境舒適，服務員態度親切有禮貌。番茄雜錦豚肉鍋 上枱有一個小火爐熱住，鍋中有豚肉片、貢丸、花枝丸、墨魚香腸、台灣香腸、炸豆腐、蕃茄、娃娃菜等食材，约有二人份量。小砂三杯魷魚同平時食三杯雞食材一樣，換上魷魚仔都幾惹味。蚵仔煎配海山醬 用鐵板上菜，蚵仔煎粉漿比例做得幾好，加上海山醬味道正常，如果蚵仔多啲會更好。香菇肉醬秋葵秋葵切半，肉醬有少少辣，食起來清脆非常有層次感。麻吉芋圓愛玉 有芋圓、珍珠、红豆、鳳梨、愛玉、雪糕同芋泥，用料超级豐富，最貼心係另外上一碟黑糖，唔夠甜可以自己加。

麻吉灶咖@k11常經過見到裝修好可愛，座位幾闊落，有幸被安排坐圓形四人枱。餐牌好吸引，樣樣都想試。🟣流心芋泥球$52:睇餐牌賣相好吸引，但實物上枱員得兩粒，紫紫地色係幾靚但係份量真係少得嚇人，有d過份，味道正常，覺得極唔老實🍥三文魚明太子蛋餅$88: 煙三文魚配肉鬆蔬菜幾好味，明太子原來係個醬，少少淋面，味道都幾夾🥘招牌麻辣鴨血鍋$188一小鍋，材料有鴨血，紅燒牛肉，娃娃菜，金針菇，炸枝竹，凍豆腐，味道夠重口味，不過之後勁口渴紅燒牛肉原來係牛𦟌，同埋得3-4片……朋友仲話呢款冇牛ga ，邊有牛…..其他全部係平野，$188加埋一成200，兩個人食勉強叫夠既手作鳳梨脆脆酥配抹茶冰淇淋$78:幾靚又好味，份量合理除左食物，呢間服務認真麻麻，到店講訂左位，店員既反應令人覺得冇book甘上菜後將食物連餐牌擺好晒諗住打下卡，點知分別有3個侍應行過都伸手收餐牌，可能唔夠餐牌用？打卡好新奇？落單講明甜品後上，點知食食下，約30分鐘，甜品自動上左，侍應仲問熱食係咪收得（至少仲有一半），之後食緊途中又有侍應伸手想收熱食….直頭唔問食完未，好討厭最終由坐低到埋完單離開唔夠一小時，趕過食快餐，人均$224

# tst我最鍾意係K11 mall 度搵食，因為呢個商場又多野行，又近地鐵站。今日發掘左呢間台灣野，設計好玩味又曲線，餐廳環境舒適，座位10分寬敞，價錢合理，最啱約埋姊妹一齊過嚟傾偈。今次試咗:午市套餐 紅燒牛肉麻婆豆腐拌麵+ 麻吉蚵仔煎+熱紅豆抹茶鮮奶麻婆豆腐出色，唔算好辣，麻味如果再重啲就更好，麵質係有彈性，最出色係塊紅燒牛腱，真係炆得好入味。蚵仔煎比較多韭菜，蚵仔比較少，但價錢小食嚟講份量算多，飲品眼花撩亂，抹茶鮮奶好濃抹茶味，唔算好甜👍🏾三文魚明太子蛋餅+ 麻吉珍珠奶茶呢度嘅蛋餅做得好出色，餅皮好薄，而且餡料豐富，每一舊都唔會太厚，三種口味都推介，珍珠奶茶口感豐富，底層充滿黑糖，愛甜人士大推💓新開張期間人流比較多，而且餐廳選擇豐富，經過可以一試～📍 麻吉灶咖 (尖沙咀)尖沙咀河內道18號K11購物藝術館B2樓B226 & B227A號舖#foodiehongkong#hongkongfoodlover#hongkongfoodie#hongkongfood#foodsharing #foodie #eat #香港#hongkongfoodblogger #hongkon

約舊同事食飯，去一個中間點，所以選擇左尖沙咀。第一次嚟呢間餐廳食飯，完全冇expectation之下，我哋叫到一枱都係嘢食🫠試咗好多唔同嘢食，包括臭豆腐鍋，開頭有啲抗拒，但係食落又OK😅啲牛肉好好味。蠔餅質地唔錯，唔係太多粉。仲有個秋葵肉碎，而家喺屋企都會自己試吓煮，呢個餸好似唔難煮。嘢飲方面最搞笑，所有人叫嘅嘢飲size一樣，但係唔知點解其中有一杯個size係超大🤔唯一需要改進嘅係進餐時間太短，好難試晒咁多款嘢食。

Summary: 食物質數平平無奇，價錢中等，唯獨上菜速度超乎想像，可能係K11最慢點了三杯雞煲同珍珠奶茶。珍珠奶茶偏甜，有少少茶味而毫無奶味，珍珠畀得幾多但是口感吾q彈。同樣價錢被附近所有奶茶舖吊打。三杯雞，醬汁送飯吾錯，係完全沒有米酒同羅勒香味既甜醬油雞，可能係本土化左。午市套餐送三碟小菜，柚子蓮藕係唯一一件我有記憶的小菜，其餘因為分量小而味道平淡兼款式普遍所以食完就吾記得上菜速度極慢，中間問左服務員兩次，每次都話就尼得，結果竟然仲上錯菜，要再等，最後等左35分鐘先有得食總結，如果你好得閒，可以忍受半個鐘既上菜速度，而又對其他k11的餐廳毫無興趣。。。可以行遠少少去Isquare覓食

尖沙咀新開的台灣菜，選擇很多，有手作甜品和即沖珍珠奶茶，經典小吃、湯麵、臭臭鍋也一應俱全，味道很不錯也抵食，卡位和沙發位意外地很打卡able，一定會回訪😍。麻吉臭臭鍋 $188 🍎9/10台式麻辣湯底味道正宗，還可以挑選辣度。內有鴨血、牛丸、牛肉、娃娃菜、臭豆腐、雲耳、金菇，非常吸湯很惹味，兩人吃剛剛好，如果可以加麵底就更完美了。麻吉滷肉飯 $52 🍎9/10滷肉飯是近期吃過的最佳！😍飯粒分明量多，滷肉非常入味，能吃到肥豬肉粒，很香口。蚵仔煎配海山醬 $78🍎7/10蛋餅上淋了甜醬，可惜煎得不夠脆，味道偏淡一點。仙草牛奶 $41 🍎9/10仙草給很多！甜度剛剛好，和臭臭鍋是天作之合😍。

嘢食都算不錯，我尤其喜歡那個蕃薯條，不過有一個問題，他們執枱次數太密，我們一行五人，我們每食完一樣東西，就過嚟執一隻，就算是一隻小食碟都是這樣，有點想趕我走的感覺，不知是否是公司policy?

收工之後同朋友去食飯，見到呢間舖係最近新開，睇啲相好似又係幾靚就揀咗呢間(⁎⁍̴̛ᴗ⁍̴̛⁎)叫咗個麻辣鴨血同埋芋泥肉鬆蛋餅，鴨血就冇乜特別，只係朋友鍾意食，我本身都還好😂不過個芋泥肉鬆蛋餅好好食！！入面都厚料，同埋芋泥個味道都幾濃，溝埋一齊成件事完美( ´•̥̥̥ω•̥̥̥` )另外，仲叫咗呢個三小碗，有台式麵線，炸雞同埋滷肉飯。3分嘅份量都係比較細，勝在乜都可以食少少，三碗嘅味道都唔錯。印象中望到其他客人食嘅嘢，份量都係比較細，不過價錢都唔算特別平，不過服務幾好職員幾主動，會斟水，態度亦都幾好😂同埋環境裝修好靚。

2:55分入座落單午市套餐，直到3:15都沒有上菜。原本少少等待時間唔緊要，但隔離幾張檯啲客人都遲過我入座反而佢哋啲食物先送到。詢問夥計後原來根本沒有幫我落單，都唔緊要，咁我再等啦⋯⋯點知最後送來一個根本唔係我揀嘅食物，仲攞埋menu再問我你係揀邊個餐呀？！😡🤬🤬🤬到我憤而離店嘅時候已經接近三點半⋯⋯試問食一個lunch有幾個30分鐘可以比你啲員工咁樣浪費？！真係火都黎，呢間餐廳會永遠被我blacklist。

/🥘麻吉灶咖係k11art近期開嘅新餐廳！見佢啲嘢幾得意咁就去試吓，不過就食物質素未如理想☹️一行四人，叫咗六樣嘢。睇唒就可以避免踏雷🤣🫶🏻✨麻吉臭臭鍋 $188 (7/10)佢係一個小型邊爐仔咁，不過係用一次性嗰隻火嚟熱住佢，食到一大半就會燒完🤏🏻裏面嘅材料都唔少，有幾粒鵪鶉蛋，六塊牛，兩舊臭豆腐，一啲菜啊牛丸支竹等等。比較意外嘅係，用料係比較高質，牛肉浸咁耐又唔會去到好老好難咬，仲有牛肉味！其他料都幾好，因為個湯底都比較重口味，食完有啲口渴。但友人話臭豆腐差咁啲，但我已經覺得好臭啦🥹但一個$188嚟講，真係唔會再翻轉頭，性價比比較低。✨麻婆豆腐軟殼蟹拌麵 $108 (2/10)呢個就真係搞唔多掂。一睇見到用刀削麵做拌麵底應該幾正，但佢好overcooked，麵勁淋，撈埋一齊食一pat野咁☹️麻婆豆腐冇辣味，材料包咁🌚⋯⋯✨鰻魚芝士蛋餅 $98 (5.5/10)同平時蛋餅唔同，佢嗰鰻魚同芝士係鋪面😂打卡係幾好睇嘅。而裏面包住肉鬆芝士生菜，分量都唔少，而餅皮係軟身靭靭地咁，係幾好食。不過佢包嘅芝士都係未溶，無拉絲效果，而鰻魚差一塊先每件蛋餅都有😌本身想叫芋泥肉鬆蛋餅，但嗰日夜晚應該無唒芋泥

最近見到K11開左間新式台式餐廳，個名都幾特別，叫做麻吉灶咖 - 麻吉係指有默契，灶咖係台語嘅廚房👩‍🍳 台式料理好好食，一定唔會令你失望🤭 裝修都好精緻👍🥚 肉鬆芋泥蛋餅 - 叫晒全部啲特色食物，呢個係肉鬆同芋泥，口感豐富，如果想要其他味嘅仲有三文魚明太子同埋鰻魚芝士🧀️🍜 紅燒牛肉麵 - 呢個係必食嘅台灣美食，牛肉整得唔錯👍 🍵 抹茶鮮奶 - 呢個整得唔係太甜，好有抹茶味😛🧋 麻吉珍珠奶茶 - 台灣最出名就係奶茶，一定要飲😊

今日👭🏻孖妹嚟到尖沙呢間fusion台灣菜，餐廳有好多後生仔嚟食，都幾乎全場滿座，餐廳裝修以白色同大地色系嘅粉紅色為主調，甚至有一私隱度高嘅梳化卡位，可以拉埋窗簾同朋友吹水㗎🔸🔹🔸🔹🔸🔹🔸🔹🔸🔹🔸🔹🔸🔹🥢肉鬆芋泥蛋餅 💰72✨呢款係好經典嘅台式蛋餅之一，👭🏻孖妹食親台灣餐廳都會叫，用上鮮雞蛋煎成蛋皮，內捲入香蔥薄餅、芋泥、豬肉鬆、mozzarella cheese、芫茜、美奶滋✨一共切開6件，芋泥微甜，份量約有一個乒乓波份量，好綿，肉鬆嘅帶出芋泥嘅香味，👷🏻‍♀️細孖就更加鍾意mozzarella cheese，因為會令到蛋餅個鹹味更加突出，成個味道昇華左🥢特製墨汁鹽酥雞刈包 💰52✨👷🏻‍♀️細孖好鍾意食鹽酥雞，今次揀咗一款加入咗墨汁元素炸成黑色嘅鹽酥雞刈包，👭🏻孖妹會形容刈包為白饅頭，甜甜地，夾左墨汁鹽酥雞扒、芝士白汁醬、生菜🥬✨雞扒有肉汁夠juicy，調味方面如果更重椒鹽味會更加好，芝士白汁醬令飽咬落更濕潤一啲🥢紅燒牛肉麻婆豆腐拌麵 💰108✨平時食台式牛肉麵比較多，呢款加咗中式嘅麻婆豆腐x 台灣嘅紅燒牛肉，用麻婆豆腐嘅醬汁為撈麵嘅基底✨ 有兩片厚身紅燒牛肉，餐廳採用牛𦟌，牛𦟌屬較低

經過K11見到最近新開咗呢間台灣野，有次中午想食呢間，但返工lunch time有限，要等十幾張飛，所以試唔到。於是的起心肝早少少喺Openrice book位，同朋友叫返夠本試盡佢🤣咁啱坐到卡位，仲有個窗簾布喺旁邊，私隱度都幾高👍🏻麻吉三小碗 (麻吉滷肉飯+ 墨汁鹽酥雞+ 蚵仔麵線)💰HK$148一次過試晒三樣嘢，最推薦鹽酥雞，鹽酥雞好香口，蚵仔麵線比較普通，而滷肉飯啲飯都比較硬身。肉鬆芋泥蛋餅 💰HK$72本身覺得加咗芋泥嘅蛋餅味道應該會好奇怪，點知唔係！原來芋泥同埋肉鬆都幾夾，再夾雜住啲沙律醬同脆口嘅生菜，咁多樣嘢食之中最推薦呢個👍🏻麻婆豆腐軟殼蟹拌麵 💰HK$108見到個名好吸引所以叫咗，但係麻婆豆腐冇咩汁，而且拌麵比較硬，食落口冇乜味，可以唔使特別試🫣酥炸鮮奶 💰HK$52好少喺香港嘅台式餐廳見到呢味餸，之前都係喺台灣夜市見得多，所以叫咗嚟過下口癮。鮮奶唔會太甜，而且表面好酥脆，略嫌鮮奶唔夠口感QQ，都係去返台灣食比較正宗～草莓沙冰芝士奶蓋 💰HK$46啲沙冰酸酸甜甜好開胃，再夾埋有少少鹹香嘅芝士奶蓋，好邪惡但係好好飲😋