麻辣妹 (已結業)

疫症好多人都留喺屋企，少去出去，但係咁樣真係會生菇，今日休息都出旺角同朋友聚吓。的確街上真係比平時少好多人，感覺更好，起碼唔會因人多擠逼而討厭旺角。行過女人街，雖然大家都唔食得辣，唔知點解會搵咗間川菜餐廳坐低食嘢。餐廳只有一枱客人，我哋每人點咗一款粉麵，另加兩個小食。唔食得辣當然就全部走辣，連小食都可以揀唔辣，味道都唔錯。我哋一邊食嘢一邊傾吓計，紓解吓前一排鬱悶嘅生活。好鐘意呢張性感女神夢露做圖案嘅櫈。蒜泥白肉(走辣)，雖然話走辣，但係蒜都有啲辣，都可以接受，腩肉切得好薄，肉質唔鞋又唔會太淋。涼拌黃金皮蛋，好鐘意食皮蛋嘅我以前食過一次呢款黃金皮蛋真係辣到頂唔順，有得走辣點都要食。金黃嘅顏色好吸引，雖然係無技巧嘅小食，但係我喜歡。涼拌手工涼皮配雞中翼，豬大腸。涼皮爽滑，雞中翼夠味無醃到鬆散，腸大腸入味多淋。熱拌扭紋水晶粉配魚腐，肥牛，豬肚。呢個蒜味重啲，水晶粉煙韌口感好，魚腐只有兩塊係魚蛋口感，肥牛都算多，豬肚係切絲，味道幾好。豬骨濃湯紅薯粉配牛筋，腩肉。湯底唔太濃味啱啱好，紅薯粉軟滑，牛筋夠晒淋，腩肉瘦嘅位亦唔鞋。熱飲+$6。凍飲+$8。

今日下午約了一個朋友，我們在附近找了一間川菜館食東西和聊聊天，一開始我想只有內地川菜餐廳才夠味道，猜不到這間菜的小食也相當出色，黃金皮蛋吃下去和平常的皮蛋口感差不多但香料就適合得不錯而紅油抽手也到家，醬料香皮夠咬口和餡料多汁真的不錯，還有各方面的小食也好好，可惜今次人不多留待下次多些朋友一起去試試他。

紅油韭菜餃(小辣) $38 韭菜餃有八粒。細細隻，一啖一粒🥟皮薄、韭菜味夠出，幾好食👍🏻 涼拌手工涼皮(中辣) $26所謂既手工涼皮原來係平時食開既陳村粉，有啲失望😖好在涼皮呈透明狀，口感尚算彈牙，食落唔會似食緊粉漿👌🏻質地滑溜🤤但略嫌油份過多🥵 配料有青瓜絲🥒同芽菜，食材新鮮、爽脆💯可以增加口感、中和紅油既油膩感！ 重慶小鍋酸辣 (小辣) $25有米線、薯仔粉、紅薯粉同水晶粉可以揀，揀左比較少見既薯仔粉🍜薯仔粉較粗身，有咬口、夠彈牙🥰又唔會好似紅薯粉咁難咀嚼，好中意😋 配菜 牛孖筋 $9有四舊，煮得夠軟淋、入味，鹵水味較頗為突出膠感十足👏🏻 湯底揀左酸辣，酸味比較重，原味既豬骨湯底唔算油，只係有少量辣油浮面，加分🙋🏻‍♀️總體而言，小辣、中辣對我黎講都唔夠辣🙈鹹味較辣味突出，麻既感覺近乎零，食得唔夠過癮😫份量其實唔算多，女仔食曬一碗都唔會好頂肚🤔食完會有口乾既感覺，但未算好嚴重~

天氣凍除左想打邊爐仲會想食好辣既野你附近行完街搵到呢間就試一試..粉麵類可自由配搭揀餸揀湯揀麵餸既選擇都好多 連響鈴都有至於小食選擇都唔少...價錢仲好親民但店內員工唔多...等候落單時間都好耐口水雞感覺似雪左好耐..似雞凍..好難食麻辣雞中翼第一啖食個青瓜絲好食..麻辣味好夠而雞翼都夠哂味...唔錯重慶小鍋嚮鈴豬肚中辣中辣都唔太辣..建議嚮鈴盡快食..浸淋哂唔好食..豬肚絲爽口..整體普通重慶小鍋豬紅金菇小辣小辣係完全唔辣..豬紅都幾多..整體普通整體服務好慢..食哂碗麵野飲都未上..口水雞催左好耐先上...但服務人員都有禮物既

旺角行來行去行到攰就開始找東西吃，通菜街一帶都有唔少野食，今次就揀左呢間黎試下，雖然環境係差了一點點，感覺比較舊但味道都算不錯既。點了：雞翼豬腸豆卜米線，蒜泥白肉。雞翼豬腸豆卜米線，雞翼都算大大隻有2隻，算唔錯。豆卜就正常既，豬腸都唔腥而且口感都算不錯，份量都算ok而米線都唔太林，我就覺得可以接受。蒜泥白肉，因為叫微辣所以唔算辣但辣既味道係幾入味幾地道，所以唔錯的。環境方面，比較舊一點及有少少光線暗既感覺。總結味道不錯但環境就一般了。

身邊有朋友勁鍾意食米線，奈何佢食嚟食去都係個幾間，無咩新意。所以今次專登搵咗一堆未食過嘅米線餐廳比佢揀，唔使咁悶。餐廳衛生情況一般般，不過個格局幾有四川米線店鋪風味。-韭菜餃魚腐重慶小鍋薯仔粉我同朋友都揀咗酸辣中嘅微辣，但唔知點解我個碗特別紅。湯底嘅麻辣味好足，浸辣味係慢慢滲出嚟。明明叫咗最低程度嘅辣，唔知點解食一兩啖就辣到癲，朋友都係咁嘅情況。第一次試薯仔粉，口感同紅薯粉相約。晶瑩通透，但帶有微微羊騷味。餸菜方面叫咗兩個，叫咗韭菜餃同魚腐。韭菜餃出乎意料地好食，韭菜量多又濃郁。餃皮薄透滑溜，吸晒湯底味道，非常入味。魚腐就一般般，都係平時冷藏魚腐個類。-口水雞除咗口水雞，仲有青瓜絲伴碟，清爽脆口。口水雞辛辣之餘唔會太麻，辣度唔會完全覆蓋雞肉香。雞皮滑嫩，但雞肉稔軟度不足。

有冇人同我一樣鍾意食麻辣呢？雖然我唔係食得好辣，但係我好鍾意食辣😋麻辣妹喺旺角有兩間分店，唔知道係咪同一個老細，但係煮出嚟有啲唔一樣。至於鍾意邊一間多啲，就要試晒兩間先比較到，當然我已經試晒兩間啦✌🏻正因為我鍾意食辣，所以成日捐窿捐啦去搵麻辣店，無意之中比就比我搵到佢。係女人街側邊既餐廳，地方唔細，無乜裝修，門口既易拉架上食物圖片非常吸引。麻辣湯同涼粉我都鍾意，呢一間麻辣燙有加酸菜芽菜，湯底濃郁惹味配上幼薯粉，再揀自己喜歡嘅餸。小食雙拼：蓮藕+木耳，今次我叫咗中辣，辣到我噴火🔥🔥🔥呢個一人晚餐好正

晚上跟朋友來到旺角食晚飯 見到門口寫住麻辣妹呢個名覺得幾特別 所以就入咗去食米線餐牌得兩版 我同朋友叫左麻辣同酸辣嘅重慶小窩紅薯粉 呢度嘅米線有得揀辣度 我哋都係揀咗小辣開頭食落去覺得完全唔辣 食到最後會有啲辣 配料我哋揀咗蟹子丸同肥牛份量都係偏小建議可以叫番杯嘢飲😎跟餐配係有優惠我同朋友亦都叫咗小食😚首先我哋叫咗口水雞$32同樣都可以揀辣度 分量足夠 但雞件肉質夠鞋所以食落去唔算話好入味 如果可以改善下應該會更加好味

天氣雖然好熱,但令我更加想食辣,同埋唔想整野食,想儘快返屋企嘆冷氣,旺角區想食辣米線除了譚仔,之前試過哩度d麻辣米線都可以,今次叫麻辣肥牛米線。麻辣肥牛米線,好大碗,肥牛都幾大件,酸菜連肉碎滿滿的,米線淋左少少,但味道出色! 佢地麻辣先係精華 ，可以飲哂佢既湯底。真係麻而不辣 ! 食完感覺好似個咀有好多爆炸糖係度爆咁! 重要係花椒(正呀 !!)而且辣又唔會令你勁出汗, 又唔會令你食唔出D米線嘅味道。另外，口水雞，麻辣嫩滑，配上青瓜絲，非常嫩爽！

係旺角行街，覺得口啖啖諗唔到食咩，行過見到間冇乜人既食麻辣野既店就入去食叫左一個涼麵同米線米線其實個湯底 唔同出面既米線店麻味唔勁，但辣味就愈食愈辣個feel有小小似螺旋粉咁但其實我已經叫左小辣，真係覺得辣下次要轉bb辣但配響玲做餸， 好正而涼麵都係偏辣叫左腩肉做餸同平時食既腩肉唔到，有d肥膩所以就冇乜點食可能我到既時候岩岩過左下午茶，但又未到晚飯人就唔多 得1,2 檯整野算ok但d野食偏辣，如果唔食得辣既朋友 就未必岩~

#中意嘅請分享請點讚🍻----------😋涼拌手工涼皮 $26手工涼皮配料有青瓜絲、芽菜，涼皮幾彈牙，同比平時嘅涼皮粗身，不過凍d會更好。配料有好多選擇，價錢係$6至$9，今次就加左芝士丸(+$8)同蓮藕(+$6)。芝士丸有2粒，雖然係涼拌但芝士丸都係夠熱又流心。蓮藕就好爽口。辣度可以揀走辣、微辣、小辣、中辣、大辣、勁辣。我揀左微辣，好惹味。😋重慶小鍋 $25重慶小鍋可以揀麻辣/酸辣，今次試左酸辣，如果更酸就更好。麵可以揀米線/薯仔粉/紅薯粉(+2)/水晶粉(+2)，紅薯粉煮得岩岩好，夠彈牙。整體會推薦手工涼皮多過重慶小鍋。😋雙拼小食 - 青瓜木耳 $28單拼小食就$20，想試多款就可以叫雙拼。青瓜木耳都好夠凍，加埋個麻辣口水汁，木快就可以清哂成碟。----------🔎麻辣妹🚩旺角通菜街27號地下🚩旺角彌敦道579號地下7號舖

突然之間想食辣 又過女人街既時侯見到個易拉架廣告幾吸引 又有涼皮就即刻搵黎食麻辣妹既選擇都算多 有仲有涼拌涼皮揀😍 成日食米線/薯粉都食到悶 有涼皮既話我都一定揀佢！仲要天時暑熱 食涼拌真係very good!!!!我地每人叫左一碗涼皮 配料都係揀菜😍 叫左小辣 但係都幾辣！佢既麻辣都幾有後勁 唔係一食落去就爆辣！我地仲叫左雙拼小食 呢個選擇非常多 想食多款小食 但又唔洗樣樣都叫曬 而且價錢仲好划算👍🏻👍🏻👍🏻總括黎講雖然佢唔夠某廣場既好食 但係係旺角可以搵到又平又抵又好味既四川野 真係十分推薦😍😍

今日突然想食辣，本身諗住食川婆婆算，但見到呢間麻辣妹喺旺角都有兩間分店，應該都唔錯掛？-麻辣妹鋪面都幾大，仲有樓上，睇黎平時都幾多人食。湯底有微／小／中／大辣之分，同可以揀麻辣／酸辣，之後就揀餸，餸主要都係啲大路野，無乜特別。-重慶小鍋（配肥牛＋魚皮餃） $42第一次食唔敢亂試啲辣度，所以叫左小辣，但原來小辣好雞😂，大約係譚仔五小左右，食得辣既可以叫大辣。對湯底有少少失望，因為佢既麻辣無乜層次，似雞粉湯底再加辣粉煮咁，辣係有辣到既，不過純粹係辣下嘴唇，有啲到喉唔到肺既感覺。-薯仔粉第一次食，似烏冬咁煙煙韌韌都幾好咬口，不過無紅薯粉咁吸汁。肥牛都幾多算足料，不過魚皮餃$8得兩粒仲要唔係四海個隻，有啲唔開心。可能麻辣妹既小食會好食過麻辣燙？可惜得自己一個試唔到。-整體黎講$42喺旺角有個兩餸麵食都算係咁，不過下次我會食返川婆婆。

今天去旺角上堂，急急腳找間麵店吃便算。路過女人街~麻辣妹，便決定吃吧。裝潢很有麻辣風味，壁畫創意，顏色鮮豔。價錢平民化，抵食。份量啱女孩子食量，點了重慶小鍋配紅薯粉，豬腩肉，豬肚，海帶，秀珍菇。味道只選微辣，怕太辣，吃不到食材的口味。但出來的效果系超辣，沒有麻，老闆娘說他們的口味是偏辣少少少麻的。那麼就失望了，不是我喜歡的麻辣味。最後變相要求老闆娘幫忙換了一碗清湯，她也很樂意，才能可以吃完一碗麵。

相約友人去旺角睇戲，先到女人街醫肚，從山東街行過去，中段就到了，不難找。店有2層，時間還早，我們坐樓下。椅背很特別，有1款女仔公仔，和瑪麗蓮夢露的相片。食品選擇方面就像平常雲南米線模式，可選清湯或重慶小鍋。重慶小鍋選了紅薯粉，微辣，比我想像中辣了些，還好點了凍檸茶。配菜選了豬腩片，豬肚，海帶和秀珍菇。豬腩片很有嚼勁，豬肚比較爽口，海帶和秀珍菇如何分量多一點更好。紅薯粉份量很大，差點吃不完。清湯的選了水晶粉，口感像有扭紋的紅薯粉，。配菜選肥牛，豬大腸和生菜。肥牛有點碎碎的，豬大腸很有嚼勁，生菜如果能多一點就更好。