麻辣妹 (已結業)

今日同男朋友係旺角睇完戲，行行下街見到有個勁大既易拉架，上面全部都係四川小食，好吸引，仲有米線、薯粉、川式涼皮等等，睇到胃口大開，重點係好平，既然禁耐無食辣就一於試一試！店舖座位多，空間寬闊，坐得好舒服👍🏻裝修帶點中國風，牆上既文字突顯到店舖特色，幾有趣👍🏻 由於我地都幾肚餓，所以嗌左一大碗粉，同幾個小食😛我地都唔係食開辣既人，所以嗌左微辣🤣，對我地黎講岩岩好。 雙拼小食（肉）：《雞中翼+牛柏葉》$39雞中翼係滷水，再加辣汁，好香入味唔錯👍🏻牛柏葉細細舊，爽口易咬，食起黎更方便👍🏻 《豬肚+豬耳》$39兩款都好入味，豬肚唔韌好好味！豬耳幾高質，唔肥加上大大舊，每舊都有脆骨，👍🏻雙拼小食（菜）：《蓮藕+青瓜》$28兩款都好爽脆入味，索晒辣汁，食到我滴晒汗，好惹味☺️《蒜泥白肉》$32蒜泥味道唔會太過濃烈，岩岩好👍🏻又唔會太咸，好好味，肉夠林，邊位有彈性，不錯！👍🏻👍🏻《豬骨濃湯水晶粉》$25嗌左8個餸，份量唔算多。湯底豬骨味尚濃，味道比起好多其他店算出色，起碼濃郁，唔會淡口。水晶粉好煙韌，好有咬口，整體都幾好味，價錢唔貴👍🏻 食左禁多野，嗌埋野飲都只係二百頭無加一，味道

有時行旺角唔知食咩好就會捐入女人街搵食見到呢間openrice話新開樓面又乾淨企理就共入去試一試入到去揀左個有電視睇嘅靚位坐我就叫左個重慶小鍋麻辣（可以揀酸辣）要左雞柳、炸鯪魚球同豆腐（好少米線有得揀豆腐）雖然只係微辣但都紅紅地老公就揀左重慶小鍋米線麻辣中辣仲叫左四個送豬紅難整得好食但都有水準！而且我老公仲差唔多飲晒d湯好誇張！店員特別介紹我地點佢嘅紅油韮菜餃食落就好似紅油抄手咁唔錯唔錯果然冇介紹錯而且一碟有8粒算係好抵食！見到隔離位嗌豬骨湯都好香好濃郁唔食辣嘅朋友都唔洗比佢個名嚇親！

自從3年前開始慢慢接受食辣加上朋友既影響我由完全唔食得辣進化到依家可以食中辣了其實食辣真係要練返黎.今晚同朋友去旺角食麻辣妹剔緊食物果時 見到佢係有好多辣度可以揀什至係唔辣都得大家如果唔食得辣 都可以同食辣既朋友仔黎試下。.我地揀左2款米線 一碟口水雞做小食同2杯凍咸柑桔7喜。食辣嘢點都要配返汽水呢個咸柑桔仲好開胃添加12蚊就有了。.我揀左麻中辣 唔算好麻好誇張果隻辣度對我黎講岩岩好雞翼 豬大腸 牛孖筋同菜都好配份量都唔少 豬大腸好入味好好食牛孖筋煮得淋身 膠原好重食辣最緊要配菜我加左唐生菜同娃娃菜2款吸左啲湯食真係好正.口水雞如果再多啲辣汁會更好雞肉嫩度值得一讚呢個算係微辣咁上下初食辣者可以一試。

同男朋友喺旺角行街時經過呢間麻辣妹。由於我鐘意食辣，見到個餐廳名已經覺得好吸引我地就決定喺到食個晚餐。餐廳既裝修都幾特別！坐位好闊落，坐得都幾舒服。餐牌選擇都幾多，我同男朋友各叫左碗粉，同埋幾款小食一齊share。重慶小鍋 紅薯粉 （小辣）湯底好味！麻辣得黎又唔覺好油或好多味精，好啱香港人的口味。紅薯粉好滑又爽口。配菜方面我揀左肥牛、麵根、金菇菜，全部都好新鮮。最鐘意肥牛原本因為驚太辣，所以叫左小辣。不過又Ok喎，下次會叫中辣！豬骨濃湯水晶粉男朋友唔太食得辣，所以叫左呢款。豬骨湯味道濃郁，水晶粉好黏口，口感好好。清清地，對比重慶小鍋係另一種享受。配菜就選左蟹柳、魚片頭、玉子豆腐。豬耳&雞中翼(雙拼)豬耳份量都幾大份，咬落好軟腍又有彈性，口感好好，相當入味！雞中翼肉質好嫩，配合個辣汁真係幾正。蒜泥白肉推介！！冇諗過會咁好味。辣油唔會好油，配以新鮮蒜香，再加上好厚切的白肉，一碟都唔係好夠食。潮洲魚蛋好少係川菜款式搵到潮州魚蛋，感覺好特別，就叫左一客，果然熱辣辣炸香左嘅魚蛋加上辣汁，真係別有一番風味。仲有兩杯凍檸茶。真係平靚正架！係不錯的嘗試

最近天氣又濕又熱，要吃麻辣嘅慾望係體內無限翻滾。想平平地食川菜麻辣菜，喺旺角都可以有好選擇。位於旺角通菜街嘅<麻辣妹>，除了可以像車仔麵般選好麵食和湯底之後任意配搭餸菜外還有各式的麻辣小食。雖然沒有華麗嘅裝修，但係店內環境寬敞，唔會覺得逼👌👌👌三心兩意嘅朋友們見到大部分嘅小食都可以選擇雙併，會唔會同本兔一樣咁開心呢？？車仔麵方面亦有好多餸可以選擇，咁多款配搭，梗有一款啱你心水！！〈口水鷄〉第一件事必定要點口水雞！！夠麻夠辣就唔在講，雞件夠厚肉又滑嘟嘟，正！〈青瓜配木耳〉多汁既青瓜和爽脆既木耳都係配麻辣汁嘅良伴，爽！！〈蒜泥白肉〉大量嘅蒜泥鋪晒喺口感細嫩嘅白肉面，真係越食越開胃。麵食方面叫了手工涼皮，還是配點蔬菜吧！！我選了青菜，支竹，白豆腐和韭菜餃。爽滑嘅涼皮口感Q彈，撈埋秘製醬汁一齊吃非常惹味。韭菜餃入面真的有超多韭菜呢，口感爽脆。總結：以後想平平地食下麻辣嘢，又多個選擇了。

今次同朋友去咗旺角通菜街食米線，睇落好似好Hea但係估唔到都有啲驚喜喎！價錢冇咩特別，都係一般米線價錢，但係就有好多款唔同嘅選擇。重慶小鍋米線酸辣微辣加豬紅/韭菜餃/金菇菜微辣嘅味道真係剛剛好，平時係出面少啲食到呢隻味道，而且啲米線都好滑。口水雞辣香十足，作冷盤小吃十分開胃。豬骨濃湯紅薯粉雞中翼/墨魚丸/豆卜走芫茜走蔥朋友的號薯粉好彈牙，雞中翼入味，豬骨濃湯亦都香味十足完全不悶。潮州牛筋丸（4粒）有牛筋丸加上七味粉，口感彈牙有咬口，鹹香充足。檸七/檸樂加埋米線真係正❤️

昨晚在屯門公路白白塞車兩小時，去到旺角時已經又餓又冷，朋友見我這樣，她說我不如吃點麻辣的暖暖身子，這不失為一個好提議。涼拌手工粉皮是川菜常見涼菜之一，也是朋友喜歡的前菜。滑溜溜的手工粉皮加入爽脆的青瓜絲和芽菜，以微微辣汁涼拌，有著討喜的開胃感。蒜泥白肉切得薄如蟬翼，密密麻麻鋪在青瓜絲上，一口沾滿金黃香酥蒜泥和翠綠蔥花的白肉，再來一口青瓜絲，口中馬上迸出清爽的好滋味。澳洲牛筋丸也不賴，咬下去牛筋丸立即回彈，咬勁十足，而且少許肉汁滲出。當然牛筋丸上的辣粉使牛筋丸生色不少，惹味感隨之而來，好不過癮。主食方面，我們都吃薯仔粉，不過朋友就選豬骨濃湯，我就點重慶小鍋小辣。我們第一次嚐薯仔粉，感覺新穎，薯仔粉像烏冬白滑，卻比烏冬更具咬口，我們低頭不語享受著。朋友配料全挑她最愛吃的，肥牛，炸鰻魚球，娃娃菜和蟹子丸。我比朋友多吃三個配料，豬耳，魚皮餃，魚腐，白蘿蔔，肥牛，炸鯪魚球及豆卜，剛才在巴士呆坐兩小時實在太餓。豆卜最適合用來吸飽酸辣湯汁，沒浪費一點一滴的湯精華，十分入味。豬耳脆彈的咬感，配上酸辣湯一同品味，小小的刺激感太棒了。白蘿蔔清甜無渣滓，肥牛肉質鮮嫩，油脂恰到好處，沒有可怕的油膩，朋友讚不絕

見到網上好多正評同FB IG宣傳，於是星期六中午決定嚟試下。門口有個屏風，所以我要入到間舖先見到——入面係一個人都冇嘅。叫咗個米線同杯檸茶，點知個米線等咗二十分鐘都未到⋯⋯明明一個客都冇都可以搞咁耐，我真係唔明呢間嘢繁忙時間可以點生存。米線味道係OK嘅，辣勁都唔錯。但係唔算特別出色。份量實在爭咁D，以四十幾蚊碗嚟講真係唔太抵。呢個份量似葵廣廿零三十蚊掃街嗰D。埋單$51，食得唔太飽，仲要先餓多你一陣，值唔值大家決定。我就寧願食第二間喇。

重慶酸辣米線，這間位於旺角女人街 中心區，相信大家酸辣米線都食得很多款，而這一間是重慶湯底，湯底極度濃郁， 配料有好多選擇我就叫了，肥牛，海帶，午餐肉，魚腐，麵筋。 肥牛質素非常之一般，午餐肉就正常同出面一樣，海帶嘅份量非常多仲好新鮮， 魚腐都係一般貨色，但是麵筋配合湯底就非常好吃，米線的煙韌度做得相當恰當 ，配上香濃的湯底重慶酸辣的口味，尚算不過不失，但比起出面的大品牌米線集團公司，就好似訊息咗少少，總括嚟講冇乜特別。

一直都好鍾意食辣野既我地，今日一於去搵d辣野黎食！黎到旺角行女人街，見到有間叫麻辣妺嘅餐廳，麻辣妺一聽個名就知係召喚緊我地，一於入去試下先！入到去都唔算太多人，冷氣都幾夠！餐牌上面有唔同既麻辣小食，仲有麻辣燙，我地就叫左小食同埋麻辣燙黎試試，睇下正唔正宗先麻辣燙既配料可以自己揀，想食咩就揀咩，我地嗌左小辣，麻同辣都夠水準，佢既米線係我鍾意既滑滑地口感，唔錯唔錯～涼拌木耳都幾爽口，加埋d青瓜絲，夠晒清新又可以解解辣呢個麻辣魚蛋好好食，魚蛋夠爽，麻辣粉又夠刺激！亦係咁多小菜之中最辣嘅～口水雞我覺得咸咗小小，辣味依然係有既，但唔太入味，鍾情口水雞的話都一試無妨滷水大腸就爭左少少，因為滷水味太重，甚至蓋過左d辣味，但大腸洗得幾乾淨，冇臭味蒜泥白肉都推薦，蒜蓉夠多，一舊白肉加青瓜一齊食，好幸福啊！新店黎講我覺得都唔錯架啦，落左單之後都好快有得食，亦冇漏單情況。同埋d小菜真係幾抵食，我地幾個人咁樣嗌都係百零蚊多d，好似去左大陸掃街咁，抵食又唔貴，鐘意食辣既朋友可以bookmark定。

放工之後唸唔到食咩好行過見到新開麻辣野 性價比幾高咁而且幾受歡迎咁 就決定去試下涼皮粉大大碗好抵食 而且皮夠簿一層層食落夠滑夠爽口 內裏仲有青瓜絲而且醬汁配方獨特唔會太辣青瓜配蓮藕夠爽脆食落感覺清新口水雞蒜泥 份量唔算多但勝在醬汁夠惹味 令人食唔停口麻辣雞中翼叫左中辣上枱熱辣辣 有滷水汁腌過夠入味 啖啖肉夠惹味配飯一流 唔食得太辣可以叫小辣紅油韮菜餃皮夠薄餡料多啖啖都韮菜同豬肉一口一粒重慶小鍋配紅薯粉薯粉大碗夠抵食仲可自行選擇大中小辣湯底食左咁多野人均都係$100多D 正呀

本人比較喜歡食辣，見到裝修唔錯入去試一試。今晚我同太太兩個人叫咗兩碗米線，兩個小食和兩杯凍飲：豬大腸，冬瓜片小窩米線（酸辣）雞中翼，蘿蔔小窩米線（麻辣）麻辣青瓜麻辣牛柏葉凍檸水和凍檸茶埋單$148湯底好味，同譚仔南記有分別，幾有特色！但配料就一般，豬大腸好難咬開，烹調時間唔夠。冬瓜片和蘿蔔片亦都一樣，都是比較硬，烹調時間唔夠。而雞中翼就一般，都熟嘅。想讚一讚兩個小食，麻辣青瓜好爽好新鮮！牛柏葉上枱時仲熱，唔係幾入味，但個麻辣汁好好味！食得多譚仔同南記嘅朋友，可以試一試呢間，湯底係幾好！

經過女人街傳來陣陣麻辣香味好吸引，行前睇原來係麻辣妹！！未想到晚餐，就即時決定食呢間。內裡除了古色古香的裝飾，還有現化摩登的椅子。麵食有多種配料選擇除了重慶味道，還有豬骨湯底，不食辣的朋友也適合。點鹹檸七，鹹檸檬解渴清熱，加七喜一流。朋友點了重慶小鍋（水晶粉、麻辣中辣）湯底有豬骨味中帶麻辣香水晶粉幼身彎曲，好彈牙吸湯有爽口的金菇、入味的豬肚而我是重慶小鍋米線，小酸辣湯底也是豬骨味中帶酸辣不錯有嫩滑的滷水雞翼、白豆腐，質感較硬身有點似豆乾。還有點了小食雙併 $39是入味的滷水雞翼尖及爽口牛柏葉帶點辣香幾過癮。

上星期和老婆去旺角諗住食碗好好食嘅麻辣米線，但意想不到的是去了這間店無論食物質素服務態度都10分差，出錯左兩次都算仲要等30分鐘先來一碗麵老細我嚟到旺角梗係想上快㗎啦

今日同一個聲稱自己鍾意食辣 但實際上又唔係幾食得辣嘅朋友去食四川小食🤣 餐廳賣中菜 但裝修都幾新潮同西式🤣 感覺舒服企理嘅就咁睇張點餐紙我哋誤會咗 以為係粉麵形式 諗住叫個粉皮幾個餸 再加啲小食兩份分結果 我 哋 又 錯 喇🤯粉皮同麻辣燙係兩樣嘢 兩樣各自都幾飽肚 啲小食又個個都有相當嘅分量🤧 最後我哋要call多個朋友嚟 三個女仔先搞得掂😂驚朋友食唔到 粉皮同麻辣燙叫咗小辣 小食叫咗微辣 朋友食完話中辣佢都應該ok 我都覺得係 下次嚟應該要叫辣好多🙊 而埋單只係$212 都幾抵😯涼拌粉皮超大碗 調味酸酸辣辣 好開胃麻辣燙個湯唔係真係好辣 墨演同牛演都似手打 好多餸好滿足😛雙拼麻辣雞翼豬耳 正常發揮 辣得過癮紅油韮菜餃 正🤤 皮薄饀靚嘅餃子沾上小小辣嘅辣油 我最鍾意呢個蒜泥白肉都係因為微辣嘅關係 辣味就唔係好出 但蒜味好香 肉唔鞋 幾爽 都正😛 同場加映飲品-鹹檸七🤣