麻辣妹 (已結業)

這天和朋友突然想吃辣，在旺角找到這間麻辣妹，決定一試。 我們到達的時候已經是九點半了，所以人不多，直接入座。我們叫了一份涼皮，一份口水雞，還有麻辣燙，裏面有豬紅，海帶，木耳等等～ 口水雞的性價比不是很高，雖然味道到達標準，但份量比較少，2人分也不是很夠。但涼皮就很有水準，夠麻，而且涼皮很滑，一吸就滑進口裏。而且食材也新鮮，豬紅口感剛剛好沒有散，木耳也爽口。而麻辣燙的湯底也很好吃，濃郁，香。不過叫了幾次服務員拿多一個碗，服務員都忘記了...總的來說，可以推薦再去～

中評。今次order左：中辣麻辣口水雞配白飯餐、凍檸茶餐廳闊落擺設唔少中國風味裝飾，格局休閒舒服，收工後walk in上樓無做預約，唔使等位👏🏻中辣麻辣口水雞-對我黎講辣度可以再辣d，因為涼菜辣度唔及熱菜令人辣至嘴角發麻，對$45呢個價位黎講食口水雞跟飯算相當抵食，有d不足系碎骨太多，以我曾經食過既口水雞黎講佢唔算話好好食，不過真心實惠迎合大眾宵費價位凍檸茶則一般，飲左兩啖就放棄，難以形容既怪味所以放棄

Being a spice thriller, I often try to seek out spice level that would challenge me and this restaurant definitely did. Their spiciness is as fiery as they claim to be .Moreover, their food was fresh and crunchy at a very low price. It was delicious and authentic and the spice just keeps luring you to eat more.Their decor is quite quirky with chairs of Marilyn Monroe and Betty Boop in the same room as the plastic styrofoam numbers on the wall.

同朋友睇完戲，大約下午1點左右，係旺角揾食，經過『麻辣妹』睇到餐牌好似幾吸引，入到去濃濃的大陸風情，但都算乾淨嘅⋯⋯一人叫一碗麵，再加兩個小吃一齊share～「黃金皮蛋」算係今餐最正常，味道唔錯，皮蛋下面有啲青瓜絲，感覺幾清新。「蒜泥白肉」偏咸，下面都有青瓜絲，不過浸住啲辣汁，所以成點都好咸⋯⋯而且，等左勁耐先出到菜，耐到麵同皮蛋都食清光，白肉先上到枱☹️「重慶小鍋米線配海帶」賣相一點也不討好😥湯底應該係用左豬骨濃湯所以好混濁，但豬骨味並不突出⋯⋯米線煮得太太太淋了，海帶、芽菜又係⋯⋯成碗野都係軟淋淋的一堆，毫無口感可言😔朋友點的「重慶小鍋薯粉配魚皮頭」都一般，魚皮頭太硬身，薯粉則太過淋⋯⋯

旺角真係有好多間米線舖鍾意米線嘅我又黎試新野啦🤪依間米線舖好新淨同好乾淨 環境方面值得一讚🤣我就叫咗重慶小鍋米線 配金菇同牛孖筋酸辣微辣向來唔食得辣嘅我 竟然都嫌唔夠辣😂下次睇黎要叫小辣先得個湯底幾香同幾足料 好似有成五六舊牛筋覺得佢個米線好似同平時食開嘅唔同 幼身啲除咗米線 都同同事share咗啲小食 口水雞幾好味 啲雞件幾滑雲耳都好惹味🤪 唔食蓮藕comment唔到😂個潮州魚蛋就普普通通啦 無乜特別幾彈牙嘅 但無乜味其實野食性價比幾高 惟一係配凍檸茶要加$8有小小貴😂 都會想再幫襯嘅haha

某日喺旺角行街，突然興起，想食麻辣野。二話不說就上網搵下食，就俾我搵到麻辣妹！開頭以為係潮流特區對面個間外賣店(一直食開)。點知原來佢地開左間分店喺女人街，環境又大，仲有得坐喺度食，好開心！平時食麻辣燙既舖頭通常都係立食/外賣店，好難先搵到間有得坐喺度慢慢嘆。重點係，好平！以為環境靚d，大d，有得坐，又有電視睇，價錢實貴好多。竟然出奇地好平，同外賣店比都係貴幾蚊咋！但選擇比起外賣店就多好多喇。麻辣燙配菜好多選擇揀，一定有款岩！小食都好多選擇，廿零30蚊，抵啦！黃金皮蛋辣味夠，仲食到有d尖椒既味道。又唔會蓋過個皮蛋味。識食一定要食埋底個d青瓜絲，吸晒d汁，正！呢個係中辣黎，個樣係有d紅，有d辣。食得辣既可以一試

由於有個朋友不停話想挑戰食辣，所以我就帶仂去旺角麻辣妹。入到去要自己劃紙落單，有好多唔同小食同米線，我地就嗌咗一碗米線重慶小鍋米線，揀咗麻辣小辣，湯底就真係唔太辣。朋友話下次要叫大辣。另外仲叫左涼拌小食，每一款都只係20蚊， 但份量就大大碟。每一款都辣度十足，夠曬惹味╴涼拌涼皮全部自家製，涼皮做得夠薄身，豬大腸都係值得一試架, 麻辣汁爽脆入味呀。

向來鐘意食辣既我，之前經過見到尼間專食麻辣既餐廳已經好想試，今晚終於有機會一試。魚腐豬骨濃湯米線($30)$8兩粒魚腐太少，普通豬骨湯米線。(個人口味: 3.4/5)口水雞($32)有雞背雞脾雞胸雞翼尖，正常既口水雞。(個人口味: 3.2+3.7/10)麻辣豬大腸($32)我覺得豬腸清潔得算幾乾淨，煮到好腍好入味，幾好食，但偏咸。不過"友人"覺得太腍，唔好食。(個人口味: 3.5+2.8/10)麻辣雞中翼($32)睇相以為有6隻雞翼咁抵食，問左待應，原來得5隻。雞翼幾大隻，可能煮得太熟，肉質唔係嫩滑個隻，口感麻麻。雞翼其實似滷水雞翼加麻辣汁，如果係煎炸雞翼應該會更惹味。(個人口味: 3.1+3.2/10)3個小食都叫左微辣，"友人"覺得微辣都唔辣。如果有機會再食，可以由小辣開始叫。可能對麻辣小食既期望太高，有少少失望，下次會再試下麻辣米線。離開餐廳之後，身上既衣服同袋都有好勁既麻辣味。留意到6點前有下午茶茶餐，趕得切會更抵食，如果茶餐係岩食。建議彩色有圖餐牌可以過膠，因為張紙都幾鄒同被畫花。

麻辣野真係會食唔停口，呢度本來位於葵廣既四川麻辣食店，而家開左o係旺角，今日經過女人街，見到有人派傳單，就同朋友去試下！呢條街的野食不嬲以平價見稱，缺點就係比較難搵，要捐窿捐罅先搵到好野食。下午茶時間去到唔算多人，老闆店員都好好人，不斷介紹野食比我地。我們其實得2個人，但好想試多d小食，見價錢唔太貴，最後真係叫左好多哈哈。雙拼木耳青瓜木耳爽口，青瓜都好新鮮，辣汁唔算好辣，呢個前菜凍冰冰，好開胃，唔太大碟，岩岩好夠2個食。口水雞性價比高，整得好精緻，雞肉好嫩口新鮮，見到佢既辣汁好足麻辣料，夠辣之餘又有麻味，兩者平衡。滷水大拼盤呢個就價錢稍貴，不過每一樣滷味都有d，有豬大腸豬耳豬肚雞腳雞翼，炆得唔會好腍，好有咬口，幾好！涼拌涼麵呢個係我私心推介之選，配料自己選擇，份量十足，面質唔會好腍，凍食得黎又好辣，好過癮！麻辣燙朋友唔太食得辣，而老闆又大推呢個麻辣燙，一開始以為個湯底會係深紅色的o個種辣，但原來用豬骨湯底加麻辣汁，清得黎又有少少辣，適合所有人食，加上呢度好特別的薯仔粉，一黎到仲以為黎錯烏冬，因為實在太似。薯仔粉比烏冬更粗，食落口冇烏冬咁彈牙，好有趙頭，好特別！

近來發現旺角有間專門食辣野嘅小店 喜歡食辣嘅你不妨約埋三五知己來挑戰一下❤️🌶。🌶重慶小鍋 $25食四川野又點少得麻辣燙❤️呢到有大量配菜選擇 (價錢分別+$6、+$8、+$9）我哋分別點了肥牛丶牛孖筋丶午餐肉丶蓮藕片丶牛柏葉丶魚腐丶山根丶金菇🤤仲點了紅薯粉 (+$2) 索曬麻辣精華💞特別推介牛孖筋🐮煮得好淋又索味😍👍🏻溫馨提示：唔係好食得辣嘅朋友可以試下🔸微辣/小辣🔸因為我地當時不知那來的自信叫左中辣😹都真係幾辣🥵要飲幾樽汽水先搞得掂🥴但又辣得幾過癮🤭❤️。🌶小食篇🌶 以下小食全部中辣 (辣度可選)不得不讚小食真係好有驚喜😍♦️黃金皮蛋 $28係流心嘅皮蛋啊🥰蛋香味濃再配埋辣椒醬 成個配搭好夾 私心推介。♦️紅油韭菜餃 $38雖然好簡單但超正derrrrr💓佢做到一口份量 而且辣醬嘅配搭變得更加惹味 必點啊。♦️蒜泥白肉 $32同出面嘅蒜泥白肉唔同比較着重辣椒醬嘅部份😀白肉亦都唔會超肥 所以唔洗怕全部肥肉 而且每件切到細細塊 係一口接一口的節奏啊🌝。♦️潮州魚蛋 $15魚蛋夠彈牙👍🏻特別嘅係上面輔滿辣椒粉✨上落有驚喜😻。♦️雞中翼 $32這個相比其他就會比較遜色💔普通滷水雞翼 而且唔辣。📍麻辣妹 (

旺角女人街上已不知從何時兩旁的時装店静静被踢走取其便是各門各派的美食小店,今次特意走訪便是選中這間專做麻辣食品四川店。。。其實店來絕對是平實沒有裝修風格，最為特色可算是每一張櫈子、菜式上多以麻辣/ 川辣等為主~小食方面我跟朋友要上一個涼拌黃金皮蛋，這一碟色澤較淺的皮蛋味道與坊間深色皮蛋味道略淺、口感亦没有那麼濃重，重點當然係秘製醬汁若然沒有這麼濃重的醬汁整份皮蛋必然失色三分口水雞醬汁同出一物，如果你是一個不嚐辣之人其實在店裏找尋的食物真是普通得沒有再普通、所以話中國人對做醬汁(到家)程度絕對遠勝西方人至少再辣這方面~由於要留力往下一站所以兩個大人只是叫上（一碗麵食）分享,熱拌米線我們選擇了豬耳/豬紅、不過今次選角我們就算錯了主角,（豬紅）完全不入味好睇而不好吃、其實店家用心一點將食物放在滷汁上滷一會出來效果就大大不同，(經一事長一智)下次搵主角都應該搵一啲濃味較為要好~就以上所試其實整體出品都算不俗,路過上址麻辣癮發作可以一試。

睇完戲黎搵下食先，病病地口淡淡，想食辣野刺激下，同朋友黎左女人街入面一間叫麻辣妹的米線店，中間全部係檔口，其實真係唔易搵，好彩朋友黎過識路啫。店內都幾大，仲有二樓添。食辣野喎，梗係要飲汽水啦，咁橫掂都係加錢，咁就要特飲先，咸檸七（+$12）同凍檸樂（+$10）。朋友碗肥牛牛孖筋重慶小鍋米線（$43）肥牛同牛孖筋都係細細碎碎咁，可能咁先吸湯掛？都幾好味。米線軟硬適中又吸湯，湯底要左中辣又真係幾辣，我就頂唔順啦，朋友話啱啱好！自己要左熱拌豬耳木耳米線（$41），大兜亂嘅賣相，即叫即拌㗎。米線幾爽口，但要微辣都好辣呀，哈哈，係咪無湯會辣過湯米線㗎？我覺得呢碗微辣同朋友碗中辣不相伯仲，勉勉強強食得落，好彩有杯凍飲啫。過口引又點左小食，蒜泥白肉（$32），勁多蒜正呀，又辣又香好味。紅油韮菜餃（$38），聽到後面枱話韮菜餃好食我地又叫番碟先，隻隻飽滿爆餡，又真係正喎。飽到爆，一人90蚊左右，不用加一的。

黎到旺角，有五花八門既餐廳，基本上你想食咩都得！今日同老公去睇裝修d野又黎到呢個好多人既旺角，都唔諗食咩啦，見野岩就食啦！今次食呢間新開既小店，之前行過好多都唔多覺。我揀左食豬骨濃湯，因為唔係好食得辣，湯內本身已經有啲配料，芽菜、酸菜等，配上紅薯粉，餸我就揀左豬腩片、魚皮餃、魚腐、芝士腸同響鈴，每款都係加$8，$9咋！碗粉一黎呈奶白色，好大碗，湯有啲似平時拉麵feel，飲兩啖個湯，幾濃。紅薯粉都幾重而且好滑，佢呢度啲豬腩片好薄，肥肉唔算好多，但係好爽，又唔油。跟住介紹下d小食，忍唔住叫左三款，每樣都唔係好大碟，所以絕對食得落！三款小食都有青瓜絲襯底，如果覺得辣不妨連埋青瓜絲一齊食，減輕個辣。蒜泥白肉唔錯，每片肉細細片又切得薄。口水雞d雞唔會太硬、冰冰凍凍咁。我最想介紹既就係「黃金皮蛋」，超好味，皮蛋晶瑩剔透，食起黎軟林林，而且好襯𠴱種麻辣味，三款小食中最正就係呢款啦！小店好多學生哥畫幫襯，可能因為價錢夠親民，要多d幫襯啦！

做個麻辣妹😏🌶中意食涼皮、麻辣燙 一定要bookmark呢到價錢平 選擇多 分量大架 如果想食多幾款一定要約朋友一齊食呀☺️✨ 涼拌手工涼皮 $26嗌左少辣 如果平時食開少辣不妨挑戰下中辣呀！粉皮都幾滑 有青瓜絲同芽菜做配菜 口感不錯✨ 麻辣燙配料: 牛孖筋 魚皮餃 豬紅 魚腐 響令麻辣燙係豬骨湯底加辣 好香豬骨味 唔會好肥膩最愛牛孖筋 炆得好淋 膠感又重響令索哂湯底 正🥰✨ 豬大腸拼雞翼尖 $39豬大腸又係好淋！唔會過肥 入唒味🤤✨ 青瓜拼木耳 $28都係平時嘅做法 不算驚艷 幾爽口嘅！✨ 口水雞 $32口水雞胸嘅位置都好滑 口水汁好惹味呀☺️✨ 蒜泥白肉 $32白肉切得比較厚身 勁多蒜泥✨ 紅油韮菜餃 $38好喜歡呢款全部都係韮菜無肉嘅水餃 韮菜獨得嘅香味好正✨ 麻辣潮州魚蛋 $15魚蛋有魚味又超彈口！好快就KO唒啦🍽 麻辣妹🔎 旺角通菜街27號地下

👤係大陸做左幾年野，對麻辣已經習慣左👀 但返到香港就點都搵唔返係大陸食既果種”麻辣”🔥 見到個個都話呢間既麻辣🌶好得👍🏻 就去試下.Menu 既選擇都多..點左個”重慶小鍋”配紅薯粉，要左”中辣”(見個個都話超辣，所以唔敢一點就大辣🙈)，食落辣度好夠👏🏻 紅薯粉又Q彈 ,係好正既👅.再點左”紅油韮菜餃” 🥟 “口水雞”🐔個雞肉好嫩滑， “蒜泥白肉” 好爽口，3道菜食落都好夠辣，味道唔錯👏🏻