麻辣妹 (已結業)

麻辣控一定會喜歡，只是份量較小，如果男仔食起碼三碗麵才足夠。必食麻辣燙：真係好麻香，叫左肥牛/生菜/魚球/牛筋（牛筯非常林，讚👍）薯仔粉叫左熱拌麻辣同酸辣湯兩款口味（有一款後加沒影）好特別口感像烏冬，但係彈力一點，不錯第一次食口水雞：個雞有點鞋，可能整太耐，辣椒片過多，食到會到喉嚨位不停咳，唔太辣，味道一般。不過另外值得讚，每位店員姐姐都有禮貌，當要加單會主動幫我地改番飲品價錢，因為好多都唔會甘做，覺得已經分開入就無。食到流哂汗，麻辣得過癮。。但男仔食整體會覺得份量小，女仔就可以試多幾款。

我女友是四川菜的粉絲，我本人也從一個十小辣都怕的男生，被訓練成一個無辣不歡的spicy man ，今天放工後在旺角逛，本來是打算去瓊華中心地庫的貼紙相館，留下最後的倩影，可惜，跟我有同樣想法的人原來頗多，眼看龍尾長到已不再視線內，唯有作罷。打開OpenRice，找家在附近的親民餐館，看到有間四川菜名叫麻辣妹的餐廳，當然毫不猶豫便決定試試它，過過口癮，滿足一下我們的麻辣胃。餐廳裝潢並没有很大特色，但卻給人寬敞舒適的感覺，有點像覃仔三哥那種，卻更寬闊些。我們點了兩碗重慶小鍋紅薯粉，分別加上自己喜歡的配菜；還追加了豬耳牛柏葉雙拼、青瓜木耳雙拼、及紅油韮菜餃；當然還有吃麻辣必備的咸檸七。食物没有等很久便上枱了，我們都迫不急待先嚐嚐這碗小鍋薯粉的湯，熱騰騰的湯入口没有一般麻辣湯的死辣，先是微微的酸味流進口中，香辣味隨之湧進口腔，伴隨著辛辣的還有一絲絲的麻，口感豐富。唯一美中不足是紅薯粉烹調得太過了，不夠彈牙。豬耳牛柏葉、青瓜木耳也是誠意之作，這個價錢，性價比相當高。至於紅油韮菜餃，也是足料好味，倘若紅油醬多些就更好。整體我是十分滿意的，無論份量、價錢、食物質素，是會放入我的再光顧餐廳列表。

我都幾鍾意食麻辣野，見到街口擺住個麻辣妹既易拉架，價錢唔太貴，於是就行去睇下門口放住左屏風，應該係想比返d私隱度客人，唔使比路過既人望住自己食野👍🏻👍🏻好搞笑既坐椅😂😂😏😏其實最吸引我黎呢度既原因係呢個黃金皮蛋，因為好少地方食到，少少流心既蛋黃再加埋上面既秘制涼拌汁，好香好好味叫左個手工涼皮，涼皮好滑，同出面食既口感好唔同，同埋佢唔會勁碎，醬汁都做得唔錯小食都可以揀雙併，岩哂想試多幾款口味既我，麻辣雞翼併豬腸，雞翼同豬腸都係滷水，然後再因應自己可以食既辣度黎落單，我地叫左微辣，估唔到滷水再加麻辣又幾夾，而且份量都幾多涼伴蓮藕併木耳，呢個醬汁味道都幾好，又係會令人想繼續食落去叫左2碗麻辣燙，一碗辣，一碗唔辣湯底做得唔錯，餸菜吸收哂湯既味道，都幾好食總括食物質素幾好，價錢唔貴，性價比高，服務又好，店員都好Nice，會主動向我地介紹餐版上既食品！

I was attracted here because of the name.When you go inside, there is a cute contrast of chairs, one side is Marilyn Monroe and the other side was this cute doll thing which made it feel modern and not a Sichuan place.The menu had lots to choose from and it was quite affordable.Had the Spicy chicken which was rather bony and garlicky.The Spicy platter was very spicy with chicken feet, chicken wings and intestines.The balls were just the usual balls topped with Sichuan spices.The star of the show

真係好耐都冇試過隨便入間餐廳fail到咁一坐低就叫人執野 叫左一陣先有人黎 執完個碗就走左 諗住正常都會再返黎抺枱啦 點知佢一去不返 張枱仲有勁多食物殘渣，油漬同汽水罐 但叫極都無人理 應完都唔過黎落單又係 叫極都無人黎 可以望到有人落單專登唔過黎 明明個場都唔滿都可以咁 最後係一個遲我地好多入黎坐係走廊既客人幫手叫個阿姐過黎收期間見到一張又一張枱取消單或者直接起身走原本等都唔係一個問題 但張枱係一直keep住咁污糟 等都等得唔舒服落完單 野食黎左一睇 點解個麵會無餸就咁黎個麵.... 同人講完 但渌幾條芝士腸都可以等15分鐘都唔黎 又要再追結果忍唔住係友人等緊芝士腸既期間 就打左我既第一篇食評

好辣嘅人仔一定要試下麻辣妹。呢度小食種類十分多，而且價錢適中，又有唔同辣度任君選擇。🌶🌶🤤🤤-大推蒜泥白肉夠多蒜蓉舖滿哂每片肉，蒜味超級濃郁，而肉係半肥瘦，入口即融，加上小小辣味配合，十分好食！-另外黃金皮蛋都好深刻蛋白係透明好少見，唔係平時食開個個皮蛋品種，依個皮蛋入口彈牙，個蛋黃都做到糖心嘅效果，真係第一次食溏心效果既皮蛋！！（雞蛋就食得多）而糖心皮多加上紅油十分惹味！-口水雞都係精選之一😍😍雞肉嫩滑，味道都唔錯。-呢度仲有好多自選嘅米線，有重慶小鍋，麻辣燙等等。不過我哋就想試留肚多啲特食小吃，所以就點咗個涼拌手工涼皮。涼皮夠薄，個醬汁都配合得好好，有點似麻醬，再加上少少辣。而且入面仲有青瓜絲，食落更有口感，有清新嘅感覺。食完咁多辣嘢食返個涼拌可以中和返啲濃味，而且大大碗夠晒飽肚。-總結今晚好過癮，食得好滋味

行過通菜街兩旁既餐廳，見到呢間新裝修、好寬敞舒適既麻辣妹，就忍唔住入去食啦～首先....揀左三款小食！蒜泥白肉 - 精選半肥瘦豬腩肉片，加以好特別既蒜辣蓉，不錯黃金皮旦 - 係流心黃金皮旦黎！好滑！豬大腸拼雞翼尖 - 滷水汁製過既豬大腸見雞翼尖 再 拌以麻辣醬...兩重味道層次！我仲點了一碗麻辣燙 - 韮菜餃、響鈴卷、牛孖筋、午餐肉、枝竹呢間餐廳用豬骨湯底，加以秘製麻辣醬汁做成湯底，搞到我不覺不覺飲左成半碗湯！值得一提牛孖筋好林好好味～

2人行經過旺角就試下呢間麻辣妹啦店舖裝修都幾特色好中國風豬腩肉、魚腐豬骨濃湯米線～份量就真係好少啦～睇落都食唔飽～豬骨濃湯味道還可以～魚腐有2舊應該都係買返嚟加熱嘅～同其他鋪冇咩分別～豬腩肉麻麻哋又細舊又冇咩味牛孖根重慶小窩薯仔粉～三舊牛孖根一開二變咗六小舊～味道都可以算幾淋～但份量真係少得可憐～本來揀咗重慶小窩微辣～但真係偏辣食唔到～轉返做豬骨湯底～薯仔粉幾特別好滑好彈口加$6有杯熱奶茶都幾抵飲嘅

係旺角行街見到麻辣妹嘅廣告，就去試下，一入到去都見到好多人，不過食粉麵都幾快，等咗幾分鐘就有位👍叫咗個牛筋丸，好食，辣辣地，個牛丸打到起筋，口感唔錯😋蒜泥白肉，蒜泥加肉，一定好夾，佢個肉係偏瘦，唔會覺得太漏雙拼小食，牛栢葉拼豬耳，爽脆好食紅油韮菜餃，我食落覺得係自家制，因為佢裏面韮菜好多，個皮都唔似出面啲工廠貨咁厚實😋😋最後叫咗個兩餸嘅涼拌撈麵佢每種食物都可以選辣度，份量唔係好多，仲可以雙拼，少人都可以食到好多款野😁👍

有時心癮起，就會無啦啦想食辣，唔知有冇同好呢？就算一個人吃也好，帶來一點味覺的刺激！今日經開旺角，search 係有咩麻辣野好食，就食呢間啦！之前已經食過佢分店，個陣只可以take away，依家開多左間，可以堂食，即刻幫襯！食物種類都很多元化，由麵食到小食，見到menu就好似樣樣都想食咁！呢到嘅裝修都很有特色！口水雞 $32呢到嘅口水雞真心出色！因為未咬落去，望一望就知店主有落到功夫，因為皮同肉之間係有一層啫喱架，如果識食，雞肉帶啫喱，先會夠滑，同埋更上乘！咬落果然冇失望，肉質好滑，面頭又有蒜粒，做得夠麻又夠辣，食落好過癮，仲要好入味，真係真心推介！ 牛柏葉加豬肚 $39牛柏葉和豬肚都好夠爽嫩，佢嘅牛柏葉和豬肚唔會切到好薄，所以更加爽，而且配埋辣汁就更加惹味，原切牛柏葉和豬肚可以掛起啲汁！涼拌手工涼皮 $26涼皮嘅卡路里都比較低，所以為左平衡一下，食多啲其他野，而且天氣唔係好凍，食涼皮就最岩！我就揀了涼拌手工涼皮加勁多配菜！呢到嘅涼皮好大塊，唔似得我之前食過一間太碎，所以咬落冇哂口感，夠大塊亦都冇咁易煮到好軟腍，所以好味到！但略有小小不夠麻辣，下次食可以叫中辣，再

今日喺旺角附近做野，做到餓餓地就喺附近食lunch，行到女人街見到有街招寫住有間新開嘅四川麻辣菜，咁唔啱我又好想食辣野，所以入去試吓啦餐廳地方好大，位置都唔少，同埋裝修都幾特別，有d少女風，估唔到係食四川野呢度主要係食小鍋米線，都有唔少麻辣小食，單拼雙拼任你揀，選擇都幾多👍🏼至於米線，如果唔食得辣可以叫豬骨濃湯，而重慶小鍋就有分麻辣同酸辣，仲可以再揀微辣或者小辣，中辣，大辣同勁辣添我就揀左小辣試下先。配菜方面都唔少，我就食左肥牛，豬大腸同埋豆卜(共$49)係咪好邪惡呢等左一陣米線就到啦！好大碗，湯底好香小辣都可以接受，會比譚仔三小辣再辣d啦，下次或者會挑戰中辣。肥牛唔錯，幾入味，又滑嫩豬腸算乾淨，唔會有奇怪味 ，值得推介分量都非常足，以一個女仔黎講係食唔曬另外，我仲叫左一碟麻辣豬耳($32)，自從返左大陸工作一段時間就鍾意左食麻辣豬耳，所以一定要試下結果都無令我失望，雖然唔算好辣，但係豬耳好爽口，又入味，食唔曬米線既我竟然清左呢碟豬耳下次一定再叫過！總括黎講，性價比都幾高，下次會再黎食👍🏼👍🏼👍🏼

麻辣妹在旺角女人街裏面中心位置 的重慶 川辣米線館， 店內裝修各具特色，特別係櫈仔用上瑪莉蓮夢露，剛剛做出一個與中國風的大對比但望落去又唔錯。好先講頭枱，麻辣韭菜餃香而不太辣的韭菜餃在口中，滲出鮮嫩的韭菜和肉汁味非常之精美，口水雞 同樣地帶出香濃辣而鮮嫩的雞味，麻辣豬耳爽脆帶有少許軟骨的豬耳朵，加上麻辣的配方令爽脆的味道更加濃郁。重慶酸辣紅薯粉配上牛孖筋，肥牛，豬紅，蘿蔔，豬大腸及娃娃菜，整碗 酸辣紅薯粉，就像我們港色的車仔麵一樣，但配上特色的重慶酸辣湯的味道，所有配料都變成了酸辣可口的伴菜了。非常出色的麻辣及重慶酸辣湯湯底， 喜歡麻辣的朋友及喜歡酸辣湯底的朋友，必定要來這間特色的小店裏try try。

店如其名，火辣辣，主打麻辣川菜小食。裡面空間寬敞，不會人撞人，精緻的椅子亦讓人坐得舒適。儘管是冬天，但冷氣仍然充足，確保嗜辣的客人不會吃到汗流浹背，影響食客的興致。川菜少不了麻辣粉皮，原本打算叫麻辣米線，不過平日較多機會吃到，而且涼拌粉皮看似更加吸引，那不如試試。麵食選擇多，涼拌手工涼皮、熱食拌麵、湯麵也有。而且配料選擇非常多，基本的都有，每款價錢都不貴，真是苦了一眾有選擇困難症的人。另外，所有食物都能夠選擇辣度，小辣到大辣都有。涼拌手工涼皮：涼皮薄而且滑溜，涼皮比麵更加入味，更加吸盡醬汁精華，不過吃到後期有點咸，尤其是墊底的。配料方面揀選了腐皮、魚腐、麵筋、玉子豆腐，另外本身亦有青瓜絲，混合醬汁及麻辣，很過癮。紅油韭菜餃：每粒的皮薄薄的，入面材料份量的韭菜跟豬肉的比例大約是60及40%，所以韭菜味足，很出味。入口有大蒜加紅油的椒香，一口一粒，味道容易令人上癮。涼拌蓮藕、海帶、木耳：原本打算叫雙拼的，不過份量會少一點，那不如每樣叫一碟吧。蓮藕片薄切，十分爽口。海帶、木耳都入味，有口感。大蒜末、蔥花及辣油是少不了的調味，十分滋味。

今日喺旺角行街，經過好多野食嘅女人街就行過黎搵食。見到呢間麻辣妹幾闊落，裝修特別，就入黎試下~因為想叫麻辣小食，所以麵叫左個唔辣嘅湯底豬骨濃湯配紅薯粉，加左3個餸豬紅，雞翼，牛筋。蒜泥白肉，麻辣雞翼，涼木耳，涼拌手工涼皮。個紅薯粉賣相唔錯喎，奶白色嘅豬骨濃湯都幾香幾吸引。紅薯粉好有咬口，非常彈牙，偏厚身，紅薯粉控會中意~雞翼有2隻，大大隻，幾入味。豬紅好滑，食落唔會覺得鞋鞋地咁。牛筋有咬口，滿滿骨膠原就喺入面~小食方面都幾出色。蒜泥白肉賣相好靚。一片片薄薄嘅白肉配上惹味生蒜醬汁，一啖一件幾過癮。涼拌木耳值得一讚，我地叫左少辣，佢嘅麻辣汁味道唔錯，辣道剛剛好，木耳夠爽脆。麻辣雞翼得幾入味，比木耳冇咁辣，多一份豉油香味。粉皮份量比想像多，配搭小食一流~

今日同朋友行旺角，行到攰攰地就去左通菜街揾食。一睇個名就知係食辣野啦！但估唔到嘅係入面嘅裝橫都好辣，啲櫈上印有大大個瑪麗蓮夢露，so hot !重慶小鍋叫左一個酸辣嘅重慶水晶粉小鍋，可能係叫左微辣嘅關係，整體唔算好辣，可接受，酸菜好開胃。另外叫左個牛筋做餸，冇牛腥味，牛筋燉到偏軟黏。麻辣豬耳麻辣豬耳，豬耳咬落去索索聲，口感爽脆，伴菜嘅青瓜仲吸咗唔少味。潮州牛筋丸呢個係潮州朋友仔指明話要點，食完仲好開心，雖然就冇話有家鄉嘅味道咁誇張，但牛筋丸彈牙確實彈牙，可以一試。黃金皮蛋黃澄澄嘅皮蛋賣相比普通嘅黑綠色皮蛋吸引得多，蛋白部份晶瑩剔透，蛋黃就係流心蛋黃，質感帶少少黏性，用辣椒油同香草做調味，微辣。鹹檸七原粒鹹柑桔，夠解辣。