麻辣派對 (瑞生酒店) (已結業)

今年生日姊妹帶我到麻辣派對🥳，位於尖沙咀加連威老道29A號瑞生酒店1樓。 入到店內環境好有氣氛🎉， 店員們的服務非常親切有禮， 餐廳主打川菜🥢， 我們就點了十三香小龍蝦、酸菜魚、霸王辣子田雞和蝦、鮮椒生腸、 涼拌魚皮卷、毛肚、黑醋拌秋葵、孜然蒙古羊肉、藤椒花雕白貝、 水果茶和白酒。 每款菜式都幾好， 有不同的辣度可以點， 個人最喜歡鮮椒生腸😋， 非常爽口又開胃，做得幾出色。涼拌魚皮卷亦是一個好選擇， 會越食越開胃， 用嚟送酒亦不錯。 另外酸菜魚的魚塊好嫩滑， 值得一試。 飲品方面水果茶非常有份量，西瓜超甜🤤。 整個用餐體驗很開心， 下次一定會再嚟。 🏷️溫馨提示～ 整個用餐體驗均屬個人分享意見， 只作參考😊。

很久很久沒吃麻辣派對了，今日經過尖沙咀突然想起它，手刀到店內吃晚飯！必然要喝的蜜語水果茶及冰雪鮮檸Ｃ飲～蜜語水果茶內很多新解水果，可以吃水果解辣～咕嚕肉咕嚕肉是麻辣派對的隱藏好菜式，每次來我也一定會叫上一碟！醬汁酸甜，加上炸得香脆的肉件，即使放涼了仍保持脆身！川北涼粉滿滿的芫茜與花生，拌上醒胃紅油，咕嚕咕嚕把涼粉都吃光了～口水雞滿滿鮮艷醬汁，色彩亮麗引發食慾，雞肉嫩滑好吃！蕃茄味黑魚黑魚很大一窩，魚肉無骨，啖啖肉，入口滑溜，蕃茄湯香濃，酸酸甜甜的很適合一家大小!

麻辣派對 - 尖沙咀好耐冇食過麻辣 Weekend又黎麻辣派對過一過辣癮歌樂山辣子雞 （+$28有機菜花） 雞肉切粒炸香 再用大量辣椒拌炒 超香口惹味 我哋想有啲菜食下 所以加咗椰菜花 古法咕嚕肉 外皮香脆而且脆漿薄身唔油膩 肉質爽彈 甜酸度適中 兩個餸都超下飯 食飽仲有綠豆沙送 唔會太甜 仲有好多渣 啱曬我口味#相機食先 #手機食先 #foodie #food #foodpic #foodphoto #yum #yummy #delicious #tasty #hkfood #香港美食 #美食 #食辣愛好者 #麻辣派對 #尖沙咀 #chillyday

每次在尖沙咀加連威老道,都見到大大紅色招牌“麻辣派對”今次試下酸菜魚（好大份量）用江團魚大件超滑吾腥，最重要是無魚骨下面還有好入味的 Q 彈薯粉酸菜小麻辣湯調配恰當口水雞（醬汁好味雞嫩滑）

一向好喜歡食辣，今次再次來《麻辣派對》，滿足自己食辣嘅欲望🙏🏻。餐廳裝修好有格調，燈光偏暗，配上西色裝修，油畫掛牆，正合「派對」氣氛。主打四川麻辣菜，餐牌五花八門👍🏻 有水煮魚，烤魚，香鍋，小炒，海鮮等😍 另外可以揀輔菜放入鍋內 更滿足🤍 另外所有餸菜都可以揀辣度👍🏻 重慶銅盤烤桂魚 麻辣味型 $338~ 辣度方面，揀咗BB辣，有好多辣椒，比想像中辣，而且辣味比麻味更重。好大條魚，魚肉好滑，有芽菜，蜂巢豆腐，金菇，荽茜，蒟蒻等，好足料👍🏻。另外加咗水晶粉 $38~水晶粉偏幼，正常份量，好索湯汁👍🏻 不過要小心，如果煮得太耐，水晶粉好容易發漲，亦都要小心黏底👍🏻。另外加咗蒙古羊肉 $68🥹 ~蒙古羊肉本身偏碎，但份量好多😍 羊肉味好重，麻辣味絕對唔會蓋過羊肉味，反而可以將羊肉味昇華，推介!! 另外，餐廳更每人送一份桂花糕冰粉，一解辣氣，食埋甜品更滿足!

✨冇訂座，直接walk in，所以冇得打折😂餐廳座位算比較寬鬆，整體氣氛舒服，但音樂算比較大聲🥲✨第一次來店消費，唔知道原來碟頭分量都幾大，「酸菜黑團魚+蓮藕+萵筍」💰264，「巴蜀毛血旺」💰198，「乾煸四季豆」💰78。✨價格比較內地肯定貴，不過酸菜魚味道幾好！但係加料的蓮藕，切成塊狀，不是片狀，導致口感差別好大，完全冇爽脆嘅感覺😓✨毛血旺的確好大一盤，不過午餐肉的比例有d多。而且用的血旺係豬紅，食起身唔夠鴨血滑，而且整體調味偏淡，唔夠鹽味😓✨乾煸四季豆，味道，濕度都值得90分，好有鑊氣👍✨三人用餐，要加一，總價格💰594，味道可以，但係價格偏貴🫣

衣間中式餐廳菜款式多，環境走華麗路線，好特別好舒適，對於想品嚐正宗川味的人來講，呢家餐廳係一個唔錯嘅選擇！酸菜魚(江團魚) $198 BB辣川味酸菜魚以鮮嫩多汁嘅江團魚為主，湯底酸辣平衡度不錯，辣味恰到好處，再加埋酸辣可口嘅醃菜，增添額外酸味，完美搭配魚嘅淡雅風味。配上脆脆芽菜有清新嘅口感，仲有魔芋同Q彈嘅薯粉，不能錯過滕椒花雕白貝 $58 BB辣小小麻辣！白貝肉質鮮甜，滋味鮮美，花雕酒增添特殊香氣，藤椒嘅微辣就係亮點。滋味豐富，風味獨特。冰物語水果茶 $38非常清爽美味。西瓜兩大塊帶嚟豐富果香，火龍果，檸檬同橙子嘅酸甜味非常協調。整杯水果茶口感爽口，甜度啱啱好，健康又美味。冰雪鮮檸C飲 $38含豐富嘅檸檬同青檸，口感酸爽清新。加入奇亞籽，增添咗飲品口感。整杯飲品甜度啱啱好！

今晚同事帶我來川菜，不會吃辣的我一開始有點抗拒，吃完覺得可以接受，因為辣的程度可以根據個人的口味而調節，而我適合吃BB辣，以後可以繼續挑戰川菜。麻辣牛展肉：展肉質鮮嫩，口感很棒，而且辣度適中，吃起來刺激但不失風味。配上芫茜做點綴，整道菜色調和，味道十分讓人滿足。七味雞脆骨：份量十足，裹上炸粉炸到金黃色，口感雙重脆口，入口鮮嫩多汁，帶有微微辣味，讓人食指大動。酸辣土豆絲：口感柔軟，酸辣的調味讓整道菜充滿了層次感。此外，這道菜也不油膩，讓人吃得非常開胃，很容易成為大家的口味之一。川北涼粉：表面上看起來很辣，其實一點也辣，涼粉口感軟綿，搭配的醬汁香氣四溢，味道清新可口，非常適合夏日食用，讓人感到舒爽涼快。東蜜語水果茶：裡面有火龍果，西瓜，檸檬等，只有果糖的口感。一遍吃辣的，一遍喝水果茶，真是很爽。最後還送了甜品，不错。

店名: 麻辣派對地址: 尖沙咀加連威老道29A號瑞生酒店1樓尖沙咀站B1出口，行4分鐘環境: 3.5/5價錢:4.5/5味道: 4/5鮮椒味江團$198之前食過酸菜味江團，今次就試下鮮椒味叫左中辣，上枱就見到好多椒同啲籽，反布食落唔算就好辣，麻味比較多相比之下酸菜味好食啲，辣得黎帶酸味，層次比較多🫢🙈清炒萵荀$78萵荀長切，食落爽口，口味比較清，可以中和翻魚嘅濃味兩樣夾埋一齊送飯一流👍🏻🤩戀味毛肚$68食落爽口，但略嫌油太多，令成碟食落得個油字，無咩辣味，有啲扣分☹️最後跟人頭送左杯甜串，唔知咩黎但幾好食，清新唔太甜#stitchfoodie尖沙咀

今日和朋友經過尖沙咀，突然想食辣的東西，就想起這間麻辣派對。入到店內就被裝修吸引了，一反傳統中餐館的裝修，充滿少女及古典氣息，十分特別。這次我們點了歌樂山辣子雞香鍋，還加了$10 的肥腸，再加了蓮藕，乾豆腐。當食物來到的時候，我們被它的份量驚嚇了，十分大盤，大過我的手，而且充滿了辣椒，看起來10分辣！ 不過吃的時候一點都不辣，而且很香口！而且加$10 的豬腸比雞還要多！十分化算！配上乾豆腐及蓮藕十分美味！ 愛我們還點了一盤清炒萵筍，清清淡淡而且吹口配上香鍋可以作中和作用！最後他們還送上甜品桂花啫喱，作為結尾十分完美

好耐之前食過 印象麻麻 今晚朋友話想試下尖沙咀分店 同之前食 都有幾大分別 裝修有特色就唔講喇 D野食好味左 上菜速度又快 落單傾兩句就有得食 份量又大 個香鍋揀左BB辣 對於鐘意食辣 但係食親都會屙既我 夠架喇

今年農曆年人少少， 為了炒熱氣氛，我就訂了吃四川菜， 這家餐館佈置華麗， 紅紅火火的， 最重要是背景音樂是熱鬧的賀年歌， 唱旺新年。今次四個人就可以多點些， 我們點了江團酸菜魚， 麻辣雞煲，泡椒蟶子皇，麻辣無骨鳳爪，清炒萵荀，燒椒小皮蛋，戀味毛肚加埋會贈送的甜品， 剛好八樣菜。上次我來是吃烤桂魚的， 魚肉比較滑溜香口， 這次點的酸菜魚是用了江團， 魚肉都算不錯， 但酸菜味道不夠突出， 所以整體味道單薄了點。麻辣雞煲非常好吃， 雞肉滑嫩， 味道夠濃， 我們要了中辣，是真的辣， 很惹味。麻辣鳳爪是必點項目， 不過味道會跟麻辣雞鍋相似， 下次會選擇其他口味。泡椒蟶子皇， 蟶子新鮮是必須的呢， 但重點是泡椒的味道辣得來很有層次感。下次要再試泡椒的其他菜式。燒椒小皮蛋很特別， 份量很多， 平時燒椒皮蛋就吃得多， 小皮蛋還是第一次吃， 一口一蛋吃得超爽呢。他們其實還有午市套餐的， 不過因為是新年， 我們就選擇吃得豐富點啦！

✨麻辣雞鍋 半隻既分量都好多。叫左中辣，麻辣味好香。加左雞脆骨同茄子，特別推薦前者，浸左落汁仍然香脆。✨酸菜魚加水晶粉、毛血旺、魷魚。用上試黑魚，比較彈牙，少量細骨，唔腥。如果想食較嫩滑建議可試桂花或江團。中辣湯底，加上大量酸菜，仲有芝麻香味，惹味非常！魷魚爽口，水晶粉既彈牙又充滿酸辣香味，一流。✨麻辣無骨鳳爪鳳爪大大隻，個汁有少少似口水汁。✨涼拌黑木耳爽口入味，微辣。

從不吃辣的我高估了自己早幾日同朋友食生日飯，朋友問我食唔食得辣，輕微的辣近來都很喜歡，特別香而不辣的湯麵更加喜歡。朋友邀請我一齊食辣。店內環境非常靚，每台都一大班人一齊食一大窩嘅辣粉。天氣涼涼地，食少少辣出身汗係幾過癮。我地2個女孩叫咗一窩酸菜魚，一個辣炒菜。酸菜魚魚非常滑溜，無骨，都好吸味，非常好食。湯底濃郁，咸酸齊備但有點偏油膩，唔敢飲太多。有大量嘅辣椒豆，辣椒粒，辣椒皮增加風味。都有好多極辣嘅綠色嘅辣椒，個樣似咸菜。窩內有少量魔芋，水晶粉，非常好食。但整餐飯，酸菜魚非常濃味，酸菜很咸。我每口都不時食到辣椒，辣豆。仲誤以為綠色辣椒係咸菜，一口咬咗落去，辣汁經過了喉嚨，開始覺得喉嚨痛，已經即時飲大量水，但喉嚨還是持續了幾天的在痛。炒菜椰菜炒得非常香口，有極少的辣很開胃，非常可口。如果係下次食依個菜依個魚，我會考慮用熱水洗洗先食。因為真係非常油膩，比起屋企嘅住家飯，有少少油膩到我身體未適應。菜的油水比較多，食落口都有點膩。椒片極多，推埋一邊的微辣紅辣片可以裝到一個茶碗。餐具到濕紙巾都好精緻。總結，明知自己食唔到辣，下次都係唔好咁輕率去挑戰自己。有需要就叫碗熱水沖一沖啲油份及辣味。炒菜鑊

不時經過尖沙咀加連威老道都見到麻辣派對的大廣告牌，今午一於來食個午餐試試。餐廳在二樓，装潢特別有氣氛。特色小菜套餐選擇多，包主菜，白飯及飲品，價錢實惠。酸菜冮團魚套餐 $78當店員送上酸菜魚時眼前一亮，一大盆，當中配菜有酸菜，芽菜等，而江團魚份量也不少，绝無欺場，魚肉脆滑魚味濃，送飯非常美味。蜜語水果茶  加$10飯後嘆番杯水果茶，好配合。埋單唔洗一百便可嘆一頓滋味川菜套餐，外賣仲有折扣，物超所值😋👍